Category: Sport

Në St. Gallen të Zvicrës këtë të shtunë dhe të diel po mbahet turneu tradicional në futboll , “Lika Cup”, i organizuar nga klubi shqiptar KF Dardania SG.

Turneu ka nisur sot ku janë luajtur tashmë plot 66 ndeshje, ndërsa do të vazhdojë edhe në ditën e nesërme, e që padyshim ky është një organizim mjaft i madh dhe atraktiv për futbollin.

Në këtë turne po marrin pjesë mbi 60 skuadra nga e gjithë Evropa, ndërsa turneu në fjalë është mbajtur që nga viti 2015, por që kjo është hera e parë që rikthehet pas periudhës së pandemisë.

29E38A1A-6EA4-4CA6-8406-39A4CCE67155

Pronari i Milani, Gerry Cardinale pritet të jetë i pranishëm për ndeshjen e radhës së Milanit në Serie A kundër Romas në “San Siro”, së bashku me këshilltarin dhe ish-sulmuesin e klubit, Zlatan Ibrahimovic.

Kjo do të jetë hera e parë që Cardinale dhe Ibrahimovic do ta shikojnë Milanin së bashku, që prej se suedezi morri rolin e këshilltarit të klubit në fund të vitit 2023, raporton KosovaPress.

Që nga ajo kohë, Ibrahimovic ka shikuar Milanin duke luajtur, ku ishte i pranishëm në barazimin 2:2 kundër Salernitanas më 22 dhjetor, por Cardinale nuk ka mundur të shkojë në stadium së fundmi.

Cardinale përshkruhet si njeri i ngjarjeve të mëdha. Këtë sezon, ai ka shikuar Milanin të fitojë 4:1 kundër Torinos, si dhe ishte i pranishëm në fitoren 2:1 kundër Paris Saint-Germain në fazën e grupeve të Ligës së Kampionëve.

Cardinale gjithashtu ishte i pranishëm edhe në humbjen 3:1 kundër Borussia Dortmundit në fund të muajit nëntor.

Udhëtimi i Cardinales drejt Milanit për ndeshjen me Roman thuhet se është rezervuar që moti, sipas “La Gazzetta dello Sport”.

Ka përfunduar ndeshja tejet interesante mes Chelseat dhe Fulhamit, ku vendasit kanë regjistruar fitoren e tretë me radhë në Premier Ligë, për herë të parë pas 15 muajve.

Pas plot 90’ minutave lojë të zhvilluara në stadiumin “Stamford Bridge”, Chelsea e ka mposhtur Fulhamin me rezultat minimal 1:0, raporton KosovaPress.

Golin e vetëm të ndeshjes e shënoi Cole Palmer, i cili në minutën e 45+4’ shënon nga penalltia për t’i siguruar Chelseat fitoren.

Me pikët e reja, Chelsea ngjitet në pozitën e tetë në tabelë në kuotën e 31 pikëve, krahas Fulhamit që renditet në vendin e 13 me 24 pikë të arkëtuara.

Rezultati final i ndeshjes, 1:0 në favor të Chelseat.

Java e 17-të në Superligën e Kosovës do të hapet sot me dy ndeshje që pritet të jenë tejet interesante.

Derbi i parë do të zhvillohet nga ora 17:00, me Sigal Prishtinën që në Pallatin e Rinisë dhe të Sporteve e pret Golden Eagle Yllin.

Të dy skuadrat kanë bilanc të njëjtë deri tash, duke regjistruar nga dhjetë fitore e gjashtë humbje.Bilanc të njëjtë kanë edhe në përballjet direkte këtë sezon në kampionat.

Prishtina dhe Ylli kanë nga një fitore në dy përballjet paraprake mes tyre.Ylli renditet i treti në tabelë me 26 pikë, aq sa ka edhe Prishtina si e katërta.

Derbi tjetër i ditës së sotme dhe i kësaj xhiroje do të zhvillohet në palestrën sportive “Karagaçi” nga ora 19:00, mes kampiones në fuqi, Pejës, dhe nënkampiones nga sezoni i fundit, Trepçës.

Mitrovicasit po kalojnë formë më të mirë këtë sezon dhe janë liderë në tabelë me 30 pikë, me një bilanc prej 14 fitoreve dhe dy humbjeve.

Pejanët janë të dytit me 28 pikë, me bilanc prej 12 fitoreve dhe katër humbjeve.Bilanci është i njëjtë sa i përket përballjeve direkte në dy ndeshjet e kaluara të këtij sezoni në Superligë.

Peja e kishte fituar derbin si vendase, ashtu siç kishte bërë edhe Trepça në “Minatori”.

Përcaktuesi i arbitrave Gianluca Rocchi ka paralajmëruar klubet e Serisë A që zyrtarët e ndeshjes nuk do të pranojnë më kritika të njëpasnjëshme, por gjithashtu ka pranuar se ka pasur disa gabime që mund të shmangeshin në disa prej ndeshjeve të fundit në kampionat dhe kupë.

Rocchi mbajti një konferencë shtypi të premten pasi presioni ndaj gjyqtarëve të Serie A dhe VAR po rritet me protesta të përsëritura nga klubet dhe lojtarët.

“Ne bëmë gabime të shmangshme gjatë dy raundeve të fundit dhe unë u zemërova”, pranoi Rocchi, një ish-arbitër i Serisë A, përcjellë KosovaPress.

“Që tani e tutje, megjithatë, ne nuk do të pranojmë më gjithçka. Ne jemi njerëz të respektuar, djemtë janë njerëz të respektuar. Larg duart prej tyre. Nëse unë jam problemi, mund të largohem menjëherë.”, ka shtuar ai.

Ai ka shtuar më tutje se veprimet e gjyqtarëve shpjegohen javë pas jave, por gabimet janë diçka që mund të ndodhin ën një ndeshje.

“Ne shpjegojmë gabimet tona çdo javë, sepse duam t’u bëjmë të ditur njerëzve se si punojmë. Të dish se pas një gabimi, mund të ketë diçka sipërfaqësore ose një vlerësim të pasaktë, por asgjë më shumë.”

“Kërkoj respekt për rolet tona; ne nuk fshihemi kur gabojmë, por nuk do të pranojmë më dhunën dhe agresionin.”, theksoi ai.

Në fund, Rochi ka thënë se ka dallime të shumta nga ndeshja në ndeshje, sepse në disa prej tyre presioni është shumë më i madh.

“Dy raundet e fundit ishin më sfiduese sepse kishte më shumë faulle. Ndeshjet e Ligën e Kampionëve janë më të lehta sepse skuadrat luajnë futboll dhe arbitri nuk i bie shumë bilbilit. Juventus-Inter ishte e lehtë sepse ata luanin futboll dhe nuk kishte tension apo shumë faulle”, përfundoi Rocchi.

Klubi i futbollit ‘Ballkani’ ka bërë të ditur se ka arritur marrëveshje me Prishtinën për shitjen e futbollistit Marco Olivier tek skuadra e kryeqytetit.

“Ju njoftojmë që Marco Olivier nuk do të jetë më pjesë skuadrës tonë. Futbollisti do ta vazhdojë karrierën te Fc Prishtina“, thuhet në njoftimin e lëshuar nga kampioni i Kosovës.

Klubi nga Suhareka ka falënderuar lojtarin për kontributin e dhënë deri më tani në skuadër.

Bayerni i Mynihut do të ketë sot një sfidë mjaftë të vështirë në kuadër të xhiros së 17 në Bundesligë.

Gjiganti bavarez do të ballafaqohet me Hoffenheimin, skuadër kjo mjaftë e papërshtatshme në futbollin gjerman, përcjellë KosovaPress.

Skuadrës së trajneri Thomas Tuchel i duhen tri pikët e plota për ta mbajtur hapin me liderin e tabelës, Bayer Leverkusen, skuadër në të cilën luan Granit Xhaka dhe që ende nuk di për humbje në këtë edicion.

Ndeshja zhvillohet në stadiumin “Allianz Arena” me fillim nga ora 20:30 dhe këto janë formacionet e mundshme:

Bayern Mynih: Neuer, Laimer, de Ligt, Upamecano, Davies, Kimmich, Goretzka, Müller, Musiala, Sané, Kane.

Hoffeinheim: Baumann; Kabak, Brooks, Vogt; Stach; Kaderabek, Bulter, Promer, Skov; Bebou, Kramaric.

Kanë mbetur më pak se 200 ditë. Është vetëm çështje kohe para se të mbarojë gjithçka. Tensioni po rritet, ndërkohë që fokusi po ngushtohet në një gjë dhe vetëm një gjë, pra tek Lojërat Olimpike Paris 2024.

Aktualisht, shumica xhudistëve po përgatiten në OTC Mittersill në Austri, duke përfshirë finalisten evropiane të vitit 2022 dhe medaljen e bronzit evropian 2023, xhudisten kosovare, Laura Fazliu.

Fazliu ka dhënë rrëfimin për karrierën e saj për faqen zyrtare të Federatës Evropiane të Xhudos, ku tregon hapat e saj drejt majave në sportin e xhudos, derisa pranon se ëndrra e saj është që të arrije rezultate dhe medalje si ato të Majlinda Kelmendit.

Laura, e cila mban edhe pseudonimin e saj Laki, e ka nisur xhudon 10 vite më parë, pasi kushëriri i saj e nxiste gjatë gjithë kohës se duhet të merrej me xhudo. Nga tre vëllezërit e motrat brenda familjes së saj, ajo është e vetmja që praktikon xhudo në çdo nivel. Laura u lind dhe u rrit në Mitrovicë dhe në moshën 15-vjeçare iu bashkua ekipit të ëndrrave “Ippon” në Pejë.

“Si fëmijë, unë isha një luftëtare dhe Toni trajneri im e pa talentin tim”, thotw fillimisht Laura.

Pavarësisht gjithçkaje që shohim është lavdi e vazhdueshme, rruga e re nuk ishte e gjitha me lule.

“Kur e lashë familjen dhe shkova në Pejë për t’u stërvitur, në fillim ishte shumë e vështirë për mua dhe disa muaj më pas doja të kthehesha në shtëpi sepse më mungonin prindërit. Për fat të mirë, trajneri im dhe shokët e mi më ndihmuan të vazhdoj. Kam punuar shumë dhe rezultati erdhi vetë më pas për shkak të punës serioze të trajnerit tim me mua.”, theksoi tutje Fazliu.

Për Laurën, kujtimi më i frytshëm deri më sot është Kampionatin Evropian në Sofje 2022 ku ajo fitoi çmimin e saj të parë evropian në formën e një medalje argjendi. Sipas momenteve kryesore të vitit 2023, ajo zgjedh Masters,

“Sepse fitova kundër dy xhudisteve japoneze.”, thotw ajo.

“Ajo udhëhiqet nga shembuj të jashtëzakonshëm. Në fakt, ajo ka fatin të udhëhiqet nga idhulli i saj, Majlinda Kelmendi, në baza ditore.

“Shpresoj që një ditë të arrij rezultatet e saj.”, thekson xhudistja nga Mitrovica.

Tokio 2020 ishte vrapimi i parë i Laurës në një provë olimpike. Ajo vetë e pranon se është e zhgënjyer, por po ashtu i ka bërë një premtim vetes, që ishte se në Paris, ajo do të jetë atje.

“Ëndrra për medaljen olimpike është e vazhdueshme dhe dua ta bëj për prindërit e mi, ata janë arsyeja që e lashë shtëpinë time kur isha shumë e vogël dhe iu përkushtova xhudos. Unë jam duke punuar shumë, dhe shpresoj për më të mirën, kam trajnerin më të mirë në botë, kështu që besoj tek ai dhe puna jonë. Xhudo është jeta ime, nuk është vetëm një sport. Është gjithçka. Xhudo më ka bërë kjo që jam sot, për shkak të xhudos kam një karakter të fortë, besoj në veten time dhe jam gati për gjithçka në jetë. Parisin, përpiqem të mos e mendoj shumë, sepse më jep stres. Përpiqem të fokusohem në stërvitje dhe përmirësimin e xhudos dhe të jem në formën më të mirë për Olimpiadën.”, thotw nw fund Fazliu.