Trajneri i Liverpoolit, Jurgen Klopp ka folur për lëndimin e Mohamed Salah, ku sipas gjitha gjasave duket më serioz se sa që pritej.
Salah u lëndua mbrëmë me Egjiptin në ndeshjen kundër Ganës, e vlefshme kjo për Kupën e Kombeve të Afrikës, raporton KosovaPress.
“Kam biseduar me Mo mbrëmë. Ai e ndjeu. Ne të gjithë e dimë se sa rrallë Mo largohet nga loja, kështu që sigurisht ka diçka. Varet se çfarë do tregojnë testet mjekësore”, tha Klopp.
Gazeta spanjolle, AS i ka kushtuar një artikull special gjatë së enjtes, yllit të Kombëtares së Kosovës dhe Lille, Edon Zhegrovës.
Në 26 ndeshje të luajtura në të gjitha garat, Zhegrova ka kontribuar me 7 gola dhe 7 asistime, por përveç tyre prishtinasi ka edhe një aftësi tjetër që e bën të përfolët shumë.
Bëhet fjalë për driblimin të cilin ylli i Kosovës e ka dhunti dhe ka përfunduar gjithmonë në vendet e larta në listën e dribluesve më të mirë në futbollin evropian.
Dhe, pikërisht për driblimet e tij, gazeta spanjolle AS ka bërë një artikull ku i ka dhënë jehonë duke e cilësuar si një sensacion dhe driblues zbavitës.
“Kështu luan dribluesi më zbavitës në ligat e mëdha. Edon Zhegrova është sulmuesi anësor i djathtë kosovar, i cili luan për Lille në Ligue 1 dhe është një nga sensacionet në Francë”.
“Aftësia e tij në driblim po lë figura rrëqethëse”, thuhet në përshkrimin e videos nga gazeta AS.
Ndryshe, Zhegrova ka qenë njëri nga emrat më të përfolur javëve të fundit pas një forme fantastike me klubin francez, Lille, por edhe në gjithë sezonin vjeshtor.
Gjakova njihet si vatër e talenteve dhe nga qytet kanë dalë gjithmonë lojtarë të mëdhenj.Dhe, një karrierë të suksesshme pritet ta ketë edhe Art Morina.
Futbollisti i rritur tek klubi i futbollit Gjakova e kaloi një periudhë të shkurtër në Ramiz Sadik, ku bëri paraqitje të shkëlqyeshme.
E si rezultat i kësaj forme, 16 vjeçari sot u bë me ekip të ri.
Në fakt, kapiteni i Kombëtares U-17 të Kosovës ka nënshkruar kontratë trevjeçare me kampionin e Kosovës, Ballkani.
Qendërmbrojtësi gjakovar synon t’i shfaq vlerat e tij tek ekipi Portokalli, ndërsa ai shihet si e ardhme e futbollit kosovar.
Ka ndërruar jetë papritmas ish-volejbollistja kosovare, Vlora Hyseni. Kështu ka bëtë të ditur Federata e Volejbollit të Kosovës në një komunikatë zyrtare.
“Me dhimbje e morëm lajmin e hidhur për kalimin në amshim të ish-volejbollistes Vlora Hyseni. Vlora, që kontribuoi drejtpërdrejt në sportin kryeqytetas duke qenë pjesë e klubit Mabetex e më vonë edhe Kolegji AAB, do të kujtohet përherë për pozitivitetin dhe profesionalizmin.”, thuhet në njoftimin e FVK-së, përcjellë KosovaPress.
Humbja e Vlorës, lë boshllëk në komunitetin e gjerë të volejbollit.
Klubi turk, Adana Demirspor ka njoftuar zyrtarisht se sulmuesi i Përfaqësueses së Kosovës, Arbër Zeneli është larguar nga skuadra e tyre.
Zeneli u transferua në verë te Adana Demirspor në tentim për të rigjetur formën pas një sezoni katastrofik në Ligue 1 me Reims, ku pati edhe disa lëndime të renda.
Megjithatë, pa i mbushur mirë gjashtë muaj, sulmuesi anësor i Kosovës është larguar nga klubi turk.
Është vet klubi që ka njoftuar se 28-vjeçari ka shkëputur njëanshem kontratën dhe tani është lojtar i lirë.
“Arbër Zeneli ka shkëputur në mënyrë të njëanshme kontratën me Adana Demirspor”, thuhet në njoftimin e klubit turk.
Gjatë sezonit vjeshtor te Adana Demirspor, Zeneli luajti 13 ndeshje në të gjitha garat, ku pati vetëm një asistim.
Barcelona sigurisht që është në modalitetin e menaxhimit të krizave pasi u mposht rehat nga rivalët e mëdhenj të Real Madridit, pas disa muajsh paraqitjesh të turpshme.
Përpara ndeshjes së tyre ndaj Unionistas de Salamanca në Kupën e Mbretit, presidenti Joan Laporta është përpjekur të ndalojë problemin moral në Can Barca.
Sipas Relevo, një ditë pasi Xavi zhvilloi një bisedë të gjatë me lojtarët dhe stafin e tij përpara se të stërvitej në kthimin e tyre në punë, Laporta zbriti në zhveshtore në Ciutat Esportiva.
Laporta u bëri thirrje lojtarëve për unitet dhe përkushtim mes problemeve të tyre dhe u shoqërua nga zëvendës-presidenti Rafael Yuste dhe drejtori sportiv Deco gjithashtu.
Menaxheri nën presion Xavi Hernandez ishte gjithashtu i pranishëm në takimin e drejtuesve me ekipin.
Lajmi i fundit nga kryeqyteti katalanas është se Deco po kërkon alternativa të mundshme për Xavin për sezonin e ardhshëm, por mesazhi është se ai do të qëndrojë në klub deri në fund të sezonit.
Karim Benzema ka paditur ministrin e Brendshëm të Francës për shpifje pasi ai akuzoi ish-sulmuesin e Real Madridit për lidhje me një organizatë terroriste.
Gerald Darmanin pretendoi se Benzema ishte i lidhur me Vëllazërinë Myslimane në vazhdën e kritikave të futbollistit francez për ‘bombardimet e padrejta’ në Gaza në tetor.
Si kundërpërgjigje, 36-vjeçari ka ngritur padi kundër Darmanin, i cili është fajtor për ‘shfrytëzim politik’, sipas avokatit të Benzemas, Hugues Vigier, pwrcjellw KosovaPress.
Në ankesën e tij, Benzema mohoi çfarwdo lidhje me organizatën ose këdo që pretendon se është anëtar i saj.
Chelsea është në kërkim të një sulmuesi të ri dhe londinezët duan menjëherë të përforcohen në repartin ofensivë.
Gjiganti anglez e kishte Victor Osimhen në listën e dëshirave, por sulmuesi nigerian vështirë se do të largohet nga Napoli para afatit kalimtar të verës, për faktin se është i grumbulluar ne Përfaqësuesen e Nigerisë në Kupën e Afrikës.
Kësisoj londinezët kanë ndërruar objektiv dhe tani kanë bërë një ofertë zyrtare për sulmuesin suedez Viktor Gyokeres që aktivizohet me Sporting Lisbonën.
Ka qenë gazeta e madhe portugeze ‘Record’ që ka njoftuar se Chelsea ka ofruar 80 milionë euro për lojtarin, plus pesë milionë euro të tjera bonuse.
Megjithatë Sporting ka refuzuar këtë ofertë, pasi nuk duan të largojnë yllin e tyre pa u paguar klauzola prej 100 milionë euro.
25-vjeçari suedez është duke kaluar nëpër një formë të shkëlqyer në vitin e tij të parë te Sporting Lisbona, pasi në 24 ndeshje zyrtare ka realizuar 20 gola dhe ka asistuar në 10 të tjerë.
Sporting e bleu në verën e vitit 2023 suedezin nga Championshipi anglez ku shpenzoi 20 milionë euro për transferimin e tij nga Coventry City.
Karim Benzema dëshiron që të largohet nga Arabia Saudite vetëm gjashtë muaj pasi nënshkroi për Al-Ittihad, por Manchester United nuk janë të interesuar për të nënshkruar me ish-yllin e Real Madridit.
Manchester United e ka përjashtuar mundësinë e nënshkrimit të francezit, ani pse ata po vuajnë nga një krizë e golave.
Mësohet se drejtuesit e United nuk kanë bërë ndonjë kontakt me përfaqësuesit e Benzemas, kryesisht për shkak të moshës së tij dhe pagës astronomike prej 86 milionë eurosh në sezon që përfiton në Arabi.
Sulmuesi francez nuk ka arritur të adaptohet aspak me jetën në Lindjen e Mesme dhe tani së fundmi ai nuk ishte paraqitur në kampin parasezonal nën urdhrat e Marcelo Gallardos.
Ekipi udhëtoi në Dubai pa Benzeman, ndërsa Gallardo i bëri me dije pesë herë fituesit të Ligës së Kampionëve, se ai nuk do të bashkohej me ekipin.
Benzema, i cili ka shënuar 12 gola në 20 paraqitje për Al-Ittihadin, tani e ardhmja e tij është në dyshim dhe ai po kërkon që të rikthehet në Europë.
United duan të nënshkruajnë me një sulmues në formë huazimi, duke marrë parasysh se janë një ndër ekipet me më së paku gola të shënuar këtë sezon në Premier League
Në fakt, janë rregullat e ‘Fair-play financiar’ që ia mundësojnë klubit anglez që të bëjë vetëm transferime të përkohshme dhe të lira.
Skuadra e madhe gjermane Hertha Berlin është në zi për humbjen e Kay Bernstein.
Sot ata kanë marr lajmin e tmerrshëm se presidenti Kay Bernstein vdiq papritur në moshën 43-vjeçare.
I gjithë klubi, komitetet dhe punonjësit e tij janë të habitur dhe thellësisht të tronditur, përcjellë KP.
Të gjithë në klub janë duke u bashkuar me familjen e Bernstain në këto momente të vështira.