Category: Sport

Një vit pas daljes në pension si lojtar, Gerard Pique do të bëjë së shpejti debutimin e tij si trajner në një projekt të ri që do ta ketë atë si udhërrëfyes teknik.

Ish-mbrojtësi i Barcelonës, i cili vari këpucët e tij në janar të vitit 2023, e bëri të ditur vetë duke postuar një mesazh në llogarinë e tij X, duke specifikuar se do të bëhej trajner.

“Një vit i ri ka filluar dhe pas vlerësimit të kujdesshëm kam vendosur të kthehem në futbolli. Më mungon shumë. Kësaj radhe nuk do të jetë si lojtar. Do të jetë si trajner. Më shumë detaje do t’ju jap në fund të javës”, ka shkruar spanjolli, i cili së shpejti do të festojë 37 vjetorin.

Kompeticioni i Kupës së Italisë sjellë sot dy ballafaqime tejet interesante në fazën çerekfinale të saj.

Me fillim nga ora 18:00 në stadiumin “Olimpico” do të zhvillohet derbi romak ndërmjet Lazios dhe Romës. Të dy këto skuadra e synojnë këtë trofe dhe duan fitore sonte për të kaluar në gjysmëfinale, transmeton KosovaPress.

Ballafaqimi tjetër, po aq interesant zhvillohet në “San Siro” nga ora 21:00 ndërmjet Milanos dhe Atalantës.

Të dy këto skuadra janë duke kaluar nëpër një formë të mirë të rezultateve në xhirot ë fundit në kampionat, andaj pritet një sfidë tejet e fortë ndërmjet tyre.

Kombëtarja e Kosovës në hendboll është plotësisht e gatshme për ndeshjen e parë me Britaninë e Madhe.

Kosova dhe Britania e Madhe përballen sot prej orës 20:30 në Pallatin e Rinisë dhe Sportit në Prishtinë. Është kjo ndeshja e parë e raundit promovues të kualifikimeve për Euro 2026. Ndeshja e dytë është të shtunën në Derby të Anglisë.

“Dardanët” synojnë që në ndeshjen e parë ta bëjë hapin e madh drejt kualifikimeve të rregullta.

Të përzgjedhurit e selektorit Bujar Qerimi janë grumbulluar javën e kaluar, kur edhe i luajtën dy miqësore me Emiratet e Bashkuara Arabe.

Kombëtarja ka vazhduar më pas punën në Prishtinë, ndërsa atmosfera është shumë e mirë.

Kosova konsiderohet si skuadër favorite ndaj Britanisë së Madhe, ndërsa këtë duhet ta dëshmojë në fushën e lojës.

Trent Alexander-Arnold do të jetë jashtë fushave për disa javë për shkak të një lëndimi në gjurin e tij, ka thënë asistent-trajneri i Liverpoolit, Pepijn Lijnders.

Zëvendës-kapiteni i Liverpoolit pësoi një lëndim gjatë fitores 2:0 në vikend kundër Arsenalit në “Emirates” në FA Cup, raporton KosovaPress.

“Trent e ka stërzgjatur gjurin e tij gjatë ndeshjes së fundit dhe kjo nuk është lajm i mirë. Ai ka një të çarë të vogël në ligamentin e tij të gjurit dhe atij do t’i duhet kohë për tu rikuperuar. Ai kreu testet mjekësore dhe do të mungojë për disa javë, kështu që të shohim se çdo të bëhet”, tha Ljinders.

Edon Zhegrova mund të largohet nga Franca gjatë verës që vjen.
Ylli kosovar po kalon nëpër një formë fantastike dhe kjo ka bërë që t’iu bie në sy klubeve të njohura evropiane.

“Sky Sport Germany” raporton se interesim për sulmuesin e krahut kanë shfaqur klubet gjermane, angleze dhe ato spanjolle.

Sipas gazetarit sportiv gjerman Florian Plettenberg, disa klube gjermane janë duke e vëzhguar me kujdes “Messin e Kosovës”, i cili do ta preferonte transferimin në njërin prej Top 5 klubeve të Bundesligës.

Por, duket se një propozim konkret për 24-vjeçarin vjen nga La Liga.

Sipas “NotGip”, ish-futbollistin e Baselit e do Real Sociedadi.

Klubi spanjoll e sheh përfaqësuesin kosovar si zëvendësues potencial të Cho.

Mbetet të shihet nëse futbollisti do të jetë i interesuar të transferohet në Sociedad dhe nëse ky i fundit do ta bëjë ofertën e duhur për Zhegrovën.

Gjithnjë sipas gazetarit Plettenberg, Lille e vlerëson lojtarin kosovar 17-20 milionë euro, përcjell “Gazeta Express”.

Zhegrova ka kontratë me klubin nga Ligue 1 deri në vitin 2026, por nuk përjashtohet mundësia që ai të largohet nga Franca gjatë verës që vjen.

Në 25 ndeshje të zhvilluara në të gjitha garat, Edoni i ka realizuar 6 gola dhe i ka bërë 7 asistime në këtë edicion.

Dy skitarë do ta përfaqësojnë ekipin olimpik të Kosovës në Lojërat Olimpike Dimërore për të Rinj.

Lojërat Olimpike Dimërore për të Rinj do të zhvillohen nga data 19 janar deri më 1 shkurt në qytetin Gangwon të Koresë së Jugut, raporton KosovaPress.

Lirika Deva dhe Klos Vokshi do të përfaqësojnë Kosovën në disiplinat e skijimit alpin, sllallom dhe sllallom të madh e që të dy janë kualifikuar me normë olimpike.

Me ekipin do të udhëtojnë edhe trajnerët Kushtrim Deva dhe Ernest Sefaj. Shef i misionit është Bujar Turjaka.

Në LOD për të Rinj Gangwon 2024 marrin pjesë 1900 sportistë të moshës 15-18 vjeç. Kosova është njëra prej 79 vendeve pjesëmarrëse. Gangwon 2024 është edicioni i katërt i Lojërave Olimpike Dimërore për të Rinj, ndërsa për ekipin tonë është pjesëmarrja e dytë pas debutimit në Lozanë 2020.

Ekipi olimpik i Kosovës do të përfaqësohet me dy skitarë në Lojërat Olimpike Dimërore për të Rinj, që prej 19 janar deri më 1 shkurt 2024 mbahen në qytetin Gangwon të Koresë së Jugut.

Skitarët janë Lirika Deva dhe Klos Vokshi, të cilët do të garojnë në disiplinat e skijimit alpin, sllallom dhe sllallom të madh.

Të dy janë kualifikuar me normë olimpike.Me ekipin do të udhëtojnë edhe trajnerët Kushtrim Deva dhe Ernest Sefaj.

Shef i misionit është Bujar Turjaka.Në LOD për të Rinj Gangwon 2024 marrin pjesë 1900 sportistë të moshës 15-18 vjeç. Kosova është njëra prej 79 vendeve pjesëmarrëse.

Gangwon 2024 është edicioni i katërt i Lojërave Olimpike Dimërore për të Rinj, ndërsa për ekipin tonë është pjesëmarrja e dytë pas debutimit në Lozanë 2020.

Franz Beckenbauer ka vdekur në moshën 78-vjeçare dhe këtë lajm të hidhur e ka bërë të ditur familja e tij.

Legjenda e futbollit gjerman ka vuajtur për një kohë të gjatë nga një sëmundje e pashërueshme, dhe ishte ajo që e mori nga kjo botë legjendën e këtij sporti.

Fituesi i Kupës së Botës vdiq ditën e dielë, teksa tashmë kanë vërshuar edhe homazhet nga bota e futbollit, duke shprehur ngushëllimet.

Beckenbauer, i mbiquajtur “Der Kaiser”, konsiderohet si një nga lojtarët më të mëdhenj të futbollit. Beckenbauer ka luajtur në total 621 ndeshje, ku ka shënuar 74 gola dhe ka asistuar 75 herë. Legjenda gjermane nuk është ndëshkuar asnjëherë me kartonin e kuq.

Ndërsa me kombëtaren e Gjermandisë, ai ka luajtur 103 ndeshje, ku ka shënuar 14 gola dhe ka asistuar 10 herë./abcnews.al