Category: Sport

Trajneri gjerman, Jurgen Klopp ka konfirmuar largimin nga Liverpooli në fund të sezonit 2024/25.

Klopp ka fituar çdo trofe të mundshëm me klubin nga Anfield në tetë vitet e tij si trajner.

Megjithatë, çdo “të mire” i vjen një fund dhe fundi i Klopp si trajner i Liverpoolit është afruar tashmë.

Është vet trajneri gjerman, i cili ka konfirmuar largimin nga Reds në një intervistë për faqen zyrtare të Liverpoolit.

“Unë do të largohem nga klubi në fund të sezonit”, ka thënë fillimisht Klopp.

A message to Liverpool supporters from Jürgen Klopp. pic.twitter.com/l7rtmxgOzt

— Liverpool FC (@LFC) January 26, 2024

Federata e Sportit Shkollor të Kosovës, në bashkëpunim me Ministrinë e Kulturës, Rinisë dhe Sportit dhe me Ministrinë e Arsimit, Shkencës, Teknologjisë dhe Inovacionit, do të lansojë Programin Nacional “Sport në Shkolla”.

Lansimi i Programit do të bëhet nga ora 09:00 në ShFMU “Xheladin Rekaliu”, Podujevë.

Programi “Sporti në Shkolla” është një iniciativë shtetërore që sjell së bashku edukimin, sportin dhe shëndetin për të ndërtuar një brez të ri, aktiv dhe të shëndetshëm në Republikën e Kosovës.

“Sporti në Shkolla”, është hartuar nga Ministria e Kulturës, Rinisë dhe Sportit në bashkëpunim me Ministrinë e Arsimit, Shkencës Teknologjisë dhe Inovacionit dhe Federatën e Sportit Shkollor të Kosovës dhe synon të investojë në shëndetin dhe edukimin e të rinjve përmes sporteve të ndryshme në arsimin parauniversitar.

Nxënësit e shkollave publike do të kenë mundësi të jenë pjesëmarrës në aktivitete të rregullta sportive në 34 shkollat e 23 komunave.

Pjesë e këtij Projekti janë Federata e Sportit Shkollor të Kosovës, Federata e Basketbollit e Kosovës (FBK) dhe Federata e Shahut të Kosovës.

Një skandal ka ndodhur në ndeshjen mes Union Berlinit dhe Bayernit. Trajneri i Unionit, Nenad Bjelica, ka goditur me shuplakë Leroy Sanén, derisa topi ishte jashtë vijave të fushës.

Kur Union Berlin humbi 1-0 ndaj FC Bayern Munich, trajneri i Unionit Nenad Bjelica shkaktoi një skandal. Ai sulmoi yllin e Bayernit Leroy Sané dhe e goditi dy herë, përcjellë KosovaPress.

Ylli i bavarezëve më pastaj ka folur për incidentin e ndodhur duke thënë se qëllimi i tij i vetëm ishte ta rikthente topin në lojë.

“Unë në fakt thjesht doja ta ktheja topin shpejt për të nisur sulmin e radhës dhe më pas gjërat u bënë pak të egra dhe ai më kapi në fytyrë,” shpjegoi ai.

“Me sa di unë, ai ishte paksa i nervozuar pas skenës në zonën tonë të penalltisë. Sido që të jetë, gjëja kryesore është që ne morëm tre pikët e rëndësishme”.

Bjelica ndërkohë i kërkoi falje skuadrës së tij, por jo yllit të Bayernit. “Ai erdhi drejt meje për të më provokuar.”, ka thënë ai.

Nenad Bjelica vs Leroy Sané pic.twitter.com/xYgkrcTDaO

— Sir ALTINAY (@AItinay) January 24, 2024

Manchester City ka nënshkruar me mesfushorin e Argjentinës U-17, Claudio Echeverri nga River Plate.

City do të paguajë rreth 12.5 milionë funte për Echeverrin, i cili ka nënshkruar një kontratë katërvjeçare e gjysmë që zgjat deri në vitin 2028.

18-vjeçari, i cili ka bërë gjashtë paraqitje në ekipin e parë për River Plate, do të qëndrojë me klubin argjentinas gjatë gjithë vitit 2024, përcjellë KosovaPress.

City ra dakord për një marrëveshje të ngjashme me Riverin për sulmuesin argjentinas Julian Alvarez në janar 2022.

Echeverri ishte kapiteni i Argjentinës në Kupën e Botës U17 në nëntor dhe shënoi një hat-trick teksa mposhti Brazilin 3-0 në çerekfinale.

Ai e përfundoi turneun me pesë gola, ndërsa Argjentina doli e katërta pasi humbi në play-off për vendin e tretë.

Shefi i Futbollit i UEFA-s, Zvonimir Boban, ka thënë se do të largohet nga organi drejtues i futbollit evropian në shenjë proteste kundër lëvizjes së presidentit të saj Aleksandar Ceferin për të mbështetur ndryshimet në statut që do t’i lejojnë atij të zgjasë mandatin e tij në detyrë.

Boban, një ish -mesfushor i Milanit dhe kapiten i Kroacisë, njoftoi vendimin e tij në një letër të hapur të publikuar nga faqja kroate Telesport.

“Më vjen keq dhe jam i trishtuar, por po largohem nga UEFA”, shkruan Boban në letër.

Boban shtoi se arsyeja e largimit të tij ishte mbështetja e Ceferin për një propozim për të ndryshuar rregullat e UEFA-s në Kongresin e saj të ardhshëm më 8 Shkurt në Paris, që do t’i lejonte atij të kandidojë për rizgjedhje kur të përfundojë mandati i tij aktual katërvjeçar në 2027.

Rregullat aktuale të UEFA-s e pengojnë presidentin dhe anëtarët e Komitetit Ekzekutiv të kandidojnë për poste më shumë se tre herë ose të qëndrojnë në postet e tyre për më shumë se 12 vjet, përcjellë KosovaPress.

Paradoksalisht, ishte Ceferin ai që propozoi dhe nisi paketën e reformave në 2017 që supozohej të mbronte UEFA-n dhe futbollin europian”, tha Boban.

“Largimi i tij nga këto vlera dhe ndryshimet në reformat kryesore janë të vështira për t’u kuptuar, veçanërisht në këtë kohë delikate futbolli. Nëse do të pranoja një vendim kaq të vështirë dhe të gabuar dhe do të ktheja kokën, do të shkoja kundër parimeve dhe vlerave të përgjithshme në të cilat besoj thellësisht. Unë nuk po luaj heroin dhe e di shumë mirë se shumë janë të të njëjtit mendim – ndoshta naiv, por sigurisht korrekt.”, tha në fund ai.

Ceferin u rizgjodh president i UEFA-s pa kundërshtim në Kongresin e zakonshëm të trupit drejtues në Lisbonë në prill të vitit të kaluar.

Skitarja Lirika Deva ka pasur një tjetër paraqitje të mirë në Lojërat Olimpike Dimërore për të Rinj Gangëon 2024

Ajo zuri vendin e 27-të nga 79 garuese në disiplinën e sllallomit. Deva la pas vetes 51 garuese, ku 34 dolën nga shtegu. Lirika mori edhe 118.95 pikë të FIS-it.

Është ky rezultati më i mirë ndonjëherë për Kosovën në Lojërat Olimpike Dimërore për të rinj.

Lirika pati kohën 1 minutë e 50.54 sekonda nga të dyja lëshimet. Në lëshimin e dytë ishte më e shpejtë për rreth dy sekonda.

Deva garoi edhe të martën në sllallom të madh, ku u rendit e 31-ta.

Në konkurrencën e meshkujve, është dashur të paraqitet edhe Klos Vokshi, por shkaku i lëndimit të pësuar në garën e djeshme në sllallom të madh, e kishte të pamundur garimin në sllallomin e sotëm.

Me garën e sotme mbyllet edhe përfaqësimi i sportistëve tanë në LOD që po mbahen në Gangëon të Koresë së Jugut.

Në mesjavë, të martën dhe të mërkurën do të zhvillohet xhiroja e parë në Ligën Unike Femrat për edicionin e ri.

Qysh në javën e parë do të kemi ndeshje interesante, ku liga hapet me sfidën me kampionit dhe ish-kampionit. Partizani është mikpritës i Prishtinës, ku të dyja skuadrat synojnë fitoren. Skuadra tiranase është kampione aktuale, derisa ajo prishtinase e kishte fituar titullin e parë.

Takim po ashtu interesant shihet mes Bashkimit dhe Flamurtarit, dy skuadra me ambicie të mëdha në këtë edicion.

Të mërkurën zhvillohet sfida e fundit, ku do të ndeshen Tirana me Penzën.

Edhe në këtë edicion do të marrin pjesë gjashtë skuadra, tri më të mirat e Kosovës dhe Shqipërisë, të renditura për edicionin e kaluar në ligat e tyre vendore.

Gjithsej do të zhvillohen dhjetë xhiro, ku secila do të përballet me secilën, si vendas dhe si mysafir. Më pas do të zhvillohet Final 4, me katër skuadrat më të mira në renditje. Final 4 do të zhvillohet më 2/3 prill në Kosovë, ku do të përcaktohet kampioni i kësaj lige.