Category: Sport

Franco Foda është përzgjedhësi i ri i Kombëtares së Kosovës.

Trajneri gjerman është prezantuar sot nga Federata e Futbollit e Kosovës (FFK), shkruan Gazeta Express.

Foda bëhet trajneri i pestë që do të drejtojë “Dardanët”, pas Albert Bunjakit, Bernard Challandes, Alain Giresse dhe Primoz Gliha.

57-vjeçari gjithashtu bëhet trajneri i parë gjerman që do të jetë në krye të Kombëtares tonë.

Foda ka nënshkruar kontratë 2-vjeçare. Ai do të ketë stafin e tij, i cili do të zbulohet më vonë.

“Nuk ndjej presion, së bashku do t’ia dalim. Është e rëndësishme që të njoh lojtarët sa më shpejt. Kam shikuar disa ndeshje. Do përgatitemi për miqësoret e marsit dhe pastaj do të gjejmë një kundërshtar sa më të përshtatshëm”, tha ai në konferencën për media.

Foda pastaj tregoi se si erdhi deri te vendimi për të pranuar ofertën e Kosovës.

Ai gjithashtu tha se do të zhvendoset për të jetuar në kryeqytetin e Kosovës.

“Së pari kontakti ishte online, pastaj kam ardhë në Kosovë për të parë kushtet. Ishte e lehtë të zgjedhja. Skuadra është shumë atraktive. Mund të kemi shumë sukses bashkë. Njoh disa lojtarë, si Rrahmani, Muriqi, Rashica, Paqarada. Jam shumë pozitiv me çfarë kam parë, stadiumin, hotelin, qendrën stërvitore, më kanë lënë shumë optimist. Kam parë disa lojë të Kosovës, kam vërejtur se luan me disa variante. Ka kohë për t’u përgatitur maksimalisht. Së pari duhet krijuar kontaktin me lojtarët. Do të jetojë në Prishtinë sepse ka lojtarë nga Superliga e Kosovës. Kryesisht do të jem këtu. Dellova i Ballkanit dhe Krasniqit i Llapit janë ndër ta. Do të shikoj lojtarët edhe jashtë, por kryesisht do të jem në Kosovë. Pasi që do të jetojë në Kosovë, do të shoh lojtarët më shpesh. Kushdo që përformon mirë, do të ketë vend te Kosova. Bashkë me ekipin tim do të përcjellim çdo javë lojë të ndryshme. Do të bëhet përzgjedhja e lojtarëve nga ta”, shtoi Foda.

Franco Foda tregoi gjithashtu pse vendosi të pauzonte nga shtatori i vitit 2022, kur u shkarkua nga Zurichi.

“Vendosa të pauzoja sepse isha për 15 vjet si trajner në ekipe të ndryshme. Gjatë pushimit pata më shumë kohë për familjen.

Edhe pse kishte oferta muajve të fundit, kur mora kontaktin nga Kosova mu dok projekti interesant. Pashë që ka shumë talente në Kosovë. Ishte shumë e lehtë të pranoja”, deklaroi përzgjedhësi i ri i Kosovës.

Me rastin e prezantimit të trajnerit të ri të Kombëtares së Kosovës, presidenti i Federatës së Futbollit të Kosovës, Agim Ademi u pyet se çka do të ndodhë nëse dështon edhe zgjedhja e Franco Fodës.

Franco Foda edhe zyrtarisht morri sot drejtimin e Kombëtares së Kosovës.

Tekniku gjerman zëvendëson Primozh Glihën në stolin e “Dardanëve”.

Gjatë konferencës së sotme, presidenti i FFK-së u pyet se çka do të ndodhë nëse dështon edhe zgjedhja e Franco Fodës, dhe a do të ketë dorëheqje nga posti i tij në FFK, ndërsa përgjigja e Ademit ishte e prerë.

“Dorëheqje nuk jap kurrë, veç duhet nëse shkarkohem. Mos prisni”, tha Ademi.

Kombëtarja e Kosovës edhe zyrtarisht është bërë me trajner të ri.

Në krye të Dardanëve është përzgjedhur Franco Foda, trajner austriak i cili ka arritur marrëveshje me drejtuesit e Federatës së Futbollit të Kosovës.

57-vjeçari në karrierën e ka drejtuar skuadra si Baseli, Stutgarti, Arminia Bielefeld, e të tjera.

Ai vjen në këtë pozitë për ta pasuar sllovenin Primoz Gliha.

Laura Fazliu është kualifikuar në çerekfinale në Grand Slamin e xhudos në Baku të Azerbajxhanit.

Në kategorinë deri në 63 kilogramë, xhudistja kosovare ka arritur në çerekfinale në Grand Slam Baku, ajo mposhti me Ippon, hudhi Wazaari dhe zuri në mbajtje për 10 sekonda garuesen gjermane, Agatha Schmidt.

Në çerekfinale Fazliu ndeshet me garuesen nga Austria, Lubjana Piovesana.

Kanë përfunduar të tri ndeshjet e sotme të Superligës së Kosovës, ku kemi rezultate tejet interesante.

Pas plot 90’ minutave lojë të zhvilluara në stadiumin e qytetit në Suharekë, Ballkain ka barazuar 2:2 me Feronikelin ’74.

Pa fitues ka përfunduar edhe ndeshja që u zhvillua në Gjilan, mes Gjilanit dhe Prishtinës, rezultati final i së cilës është i barabartë 1:1.

Ndërkaq, skuadra e Dritës i është rikthyer fitores në Superligë, pasi që e mposhti sot Lirinë me rezultat minimal 1:0.

Rezultatet finale i gjeni më poshtë.

Ballkani 2:2 Feronikeli ‘74

Gjilani 1:1 Prishtina

Liria 0:1 Drita

Federata e Notit të Kosovës ka bërë të ditur se ka dal triumfuese në Gjykatën e Arbitrazhit Sportiv në Lozanë ku kjo federatë ishte paditur nga notari Adel Sabovic.

Notari në fjalë kishte kërkuar që të jetë i përfshirë në listën e notarëve që do ta përfaqësonin Kosovën në Kampionatin Botëror në Doha të Katarit.

Me këët rast, avokati i Federatës së Notit, Fis Murati ka thënë se rastin e fituan pasi paraqitën fakte që mohonin pretendtimet e notarit.

“Atleti Adel Sabovic e ka paditur në fund të vitit 2023 Federatën e Notit të Kosovës në Gjykatën e Arbitrazhit Sportiv në Lozanë, ku i njëjti kërkonte që të bëhej pjesë e garës në Doha në Katar edhe përkundër asaj që nuk i kishte ndjekur procedurat dhe nuk i kishte plotësuar kushtet e përcaktuara nga Federata e Notit me rregullore të brendshme si dhe nga Federata Ndërkombëtare e Notit me aktet e saj të brendshme. I njëjti pretendtonte se ishte diskriminuar nga ana e Federatës së Notit, mirëpo gjatë procesit gjyqësor ne e kemi argumentuar se nuk ka pasur diskriminim dhe se Federata e Notit i trajton të gjithë sportistët në mënyrë të barabartë”, tha Murati.

Ai shtoi se në procesin gjyqësor, pala paditëse provoi që ta mohonte ekzistencën e Gjykatës së Arbitrazhit Sportiv në Kosovë.

“Duhet të potencojmë që gjatë këtij procesi gjyqësor nga avokatët e palës kundërshtare është tentuar që të mohohet ekzistenca e Gjykatës së Arbitrazhit Sportiv në Kosovë e cila operon pranë KOK-ut, mirëpo ne nuk e kemi lejuar një gjë të tillë, për shkak se në bazë të argumenteve të cila i kemi ofruar dhe në bazë të provave që i kemi deponuar kemi arritur që ta bindim gjykatën se Gjykata e Arbitrazhit Sportiv në Kosovë është funksionale dhe e njëjta funksionon në bazë të ligjit sport, në bazë të statutit të KOK-ut dhe në bazë të rregullores së saj të brendshme”, tha më tutje Murati.

Ndërsa kryetari i Federatës së Notit, Agron Zeqiri, tha se ky ishte një skenar për të cili kjo federatë nuk ishte fare në dijeni, por që u njoftuan nga Gjykata e Arbitrazhit Sportiv në Lozanë.

“Sipas nesh këtu, pretendimeve që i kemi në Federatën e Notit të Kosovës është një skenar i cili ka filluar në vitin 2022 nga persona që ne tani i kemi identifikuar. Fillimisht nuk kemi pasur njohuri për këtë skenar që ka ndodhur, të gjitha informatat, të gjitha provat, të gjitha dokumentat ne na i ka dorëzuar CAS-i në Lozanë, sepse për ne do të kishte mbetur sekret, por për një gjykim fer, Gjykata Ndërkombëtare i trajton të dy palët të barabarta në aspekt të informatave të nevojshme në gjykim”, ka thene Zeqiri.

Diogo Jota e ka fituar çmimin e lojtarit më të mirë të muajit në Premier Ligë, për të parën herë në karrierën e tij.

Ylli i Liverpoolit e fiton çmimin në fjalë pas kontributit me tri gola e dy asistime në vetëm tri paraqitje, duke e udhëhequr Liverpoolin drejt tri fitoreve në po aq ndeshje, raporton KosovaPress.

Pasi që u rikuperua nga lëndimi në fund të muajit dhjetor, Jota u inkuadrua nga banka rezervë për të asistuar në fitoren 4:2 kundër Newcastle, para se të shënonte dy gola dhe të asistonte një në fitoren 4:0 kundër Bournemouthit.

Më pas, ai shënoi edhe në fitoren 4:1 kundër Chelseat, kështu duke regjistruar përfshirjen në pesë gola gjatë muajit, më shumë se cilido lojtar në Premier Ligë, duke e ndihmuar Liverpoolin ta merr kreun e tabelës para Manchester Cityt e Arsenalit.

Jota fitoi çmimin në fjalë duke e mposhtur në garë Elijah Adebayo, Kevin De Bruynen, Gabriel Magalhaes, Richarlison dhe shokun e skuadrës, Connor Bradley.

Edhe pse e siguroi finalen e Grand Slam Baku të Azerbajxhanit, xhudistja jonë, Nora Gjakova nuk do të mund të garojë në finale, dhe lajmin e ka konfirmuar trajneri i saj, Driton Kuka.

Kuka shkroi në “Facebook” që Gjakova pësoi një lëndim në muskulin e saj gjatë gjysmëfinales, lëndim ky që e penalizon nga medalja e artë.

“Nora zgjati një muskul pas 2 minuta luftë dhe me shumë mund e ruajti epërsinë. Por, ja doli të hyjë në finale, ku për fat të keq s’do garoj me sugjerimin e mjekut dhe timin”, shkroi Kuka.