Në emisionin ‘A PLAY’ këtë javë ka qenë i ftuar tifozi i klubit të Barcelonës, Granit Neziri.

Në televizionin ATV, Neziri i cili është pjesë e grupit \Penya Kosovar Del Futbol Club Barcelona ‘ ka bërë të ditur që ata janë në bisedime me drejtuesit e Barcelonës për t`i sjell në Prishtinë legjendat e këtij klubi.

‘Unë jam anëtar i ‘Penya Kosovar Del Futbol Club Barcelona’ pasi jam këtu po dua të zbulojë se jemi duke punuar që këtë vit të organizojmë një ndeshje në Prishtinë mes legjendave të futbollit kosovar dhe atyre te Barcelonës në Prishtinë’ tha Neziri.

Për më shumë ndiqeni intervistën ku Neziri ishte përblallë Durim Kastratit, tifoz i Real Madridit.

 

Xhiro e 22-të e Albi Mall Superligës së Kosovës në futboll nis sot me dy ndeshje në program.

Ballkani do të jetë nikoqir i skuadrës së SC Gjilanit.

Lideri do të kërkojë t’i rikthehet fitoreve pas humbjes në mesjavë të pësuar nga Drita.

‘Portokallinjtë’ vazhdojnë të qëndrojnë lider në tabelë me 44 pikë, por përcjellësi i dytë, Llapi tani iu është afruar në vetëm një pikë, me 43 të mbledhura, e përcjellur nga Drita me 40 pikë.

Gjilani ndërkohë vjen pas një humbje minimale nga Dukagjini, me skuadrën gjilanase që tashmë ndodhet në një ecuri prej gjashtë ndeshjeve pa fitore (4 barazime, 2 humbje), me të fundit të arritur më 2 dhjetor 4-0 në udhëtim ndaj Lirisë. Skuadra gjilanase ndodhet në pozitën e 8-të me 21 pikë të mbledhura.

Dueli tjetër që do të zhvillohet sot është ai mes Malishevës dhe Feronikelit.

Malisheva ndodhet në superformë aktualisht në Superligën e Kosovës, ku ka fituar 5 nga 6 ndeshjet e fundit, në përjashtim të humbjes 2-1 ndaj Dukagjinit. Pas kësaj forme të mirë, ata ndodhen në pozitën e 4-të me 35 pikë të mbledhura.

Feronikeli ndërkohë ka fituar dy duelet e fundit, ndaj Fushë Kosovës dhe Dukagjinit, dhe pozicionohet në vendin e 7-të me 23 pikë.

Të dyja duelet fillojnë nga ora 13:00.

Kapiteni i Kombëtares së Kosovës, Amir Rahmani sot po feston 30-vjetorin e lindjes.

Një urim të veçantë ia ka kushtuar Federata e Futbollit të Kosovës me anë të një postimi në rrjetin social “Facebook”.

“Urime ditëlindja e 30 kapiten! Shpresojmë që ky vit të sjellë suksese të mëdha për ju dhe për Kombëtaren e Kosovës. Suksese dhe lumturi në rrugëtimin tuaj”, thuhet në urimin e FFK-së.

Ndryshe, Rrahmani këtë sezon ka zhvilluar gjithsej 19 paraqitje në Serie A duke shënuar një gol, dhe aktualisht skuadra e tij ndodhet në pozitën e nëntë në renditjen tabelare, me 36 pikë të mbledhura pas 24 xhirosh në Kampionat.

Skuadra kosovare, FC Kek-u edhe zyrtarisht është licencuar nga Federata e Futbollit të Kosovës (FFK), dhe tani ka të drejtë përfitimi nga Ligji i Sponsorizimit.

KEK-u nga sot është zyrtarisht i regjistruar dhe licencuar për garat në ligën e meshkujve në FFK për sezonin 2023/23, kështu duke i plotësuar kushtet dhe kriteret e kërkuara nga Komisioni për Licencim i FFK-së.

Këtë të diele do të zhvillohet finalja e Carabao Cup, ku Chelsea dhe Liverpooli do të luftojnë për këtë trofe.

Chelsea do të synojë triumfin dhe këndelljen nga sezoni dhe kriza aktuale e skuadrës, ndërsa Liverpooli do të kërkojë trofeun e parë të këtij sezoni, sezon ky i cili do të jetë i fundit me trajnerin Jurgen Klopp, raporton KosovaPress.

Para finales, trajneri i Chelseat, Mauricio Pochettino e cilëson Liverpoolin favorit për ta fituar trofeun e Carabao Cup.

“Nëse më pyesni mua, favoriti është Liverpooli. Është tejet e qartë. Ata e kanë eksperiencën për të luftuar në këtë lloj të ndeshjeve. Klopp është shumë i mençur për të thënë që është një ndeshje 50-50, por unë mendoj se Liverpooli është favoriti” tha Pochettino.

Shqipëria do të luajë një ndeshje miqësore në muajin qershor ndaj Lihtenshtejn. Federata Shqiptare e Futbollit ka arritur akordin me Federatën e Lihtenshtejnit që ky takim të zhvillohet më datë 3 qershor 2024 në Austri. Orari dhe stadiumi do të përcaktohen në ditët në vijim.

Sfidat miqësore janë në kuadër të përgatitjeve për Europianin “Gjermani 2024”. FSHF fillimisht ka zyrtarizuar dy ndeshje miqësore që do të luhen në muajin mars ndaj Kilit (22 mars, stadiumi “Enio Tardini”) dhe Suedisë (25mars, stadiumi “Friends Arena”).

Në ditët në vazhdim FSHF do të njoftoj edhe për biletat e ndeshjeve miqësore, duke nisur me dy sfidat e muajit marsit ndaj Kilit dhe Suedisë .

Përveç Lihtenshtejnit, FSHF po punon për të zyrtarizuar edhe një miqësore tjetër për muajin qershor. Sa i përket takimit me Lihtenshtejn, kjo do të jetë hera e katërt që dy përfaqësueset do të përballen në një ndeshje futbolli.

Në të kaluarën Shqipëria i ka fituar të treja sfidat ndaj Lihtenshtejn me rezultatin e njëjtë 2-0. Një ndeshje ka qenë miqësore dhe dy të tjera të vlefshme për eliminatoret e Kampionatit Botëror.

Shqipëria do ta nisë rrugëtimin e saj në Kampionatin Europiani “Gjermani 2024” më 15 qershor ndaj Italisë. Sfida do të luhet në orën 21:00, në stadiumin “BVB Stadion Dortmund”. Katër ditë më pas, më datë 19 qershor kuqezinjtë do të luajnë ndeshjen e dytë të Europianit kundër Kroacisë duke nisur nga ora 15:00, në stadiumin “Volksparkstadion Hamburg”.

Ndeshjen e fundit në Grupin B, Shqipëria do ta luajë ndaj Spanjës më datë 24 qershor në stadiumin “Dusseldorf Arena” në orën 21:00.

Shorti i raundit të 1/16-të të Ligës së Evropës 2023/24 do të zhvillohet sot në Shtëpinë e Futbollit Evropian në Nyon, Zvicër, duke nisur nga ora 12:00.

Raundi i 16-të i UEFA përmban tetë fituesit e fazës së grupeve dhe fituesit e tetë të raundit eliminues në play-off. Skuadrat që dalin nga ndeshjet e teta kalojnë në çerekfinalet e Europa League.

Në short marrin pjesë 16 skuadra. Tetë fituesit e fazës së grupeve nga faza e grupeve të Ligës së Evropës janë vendosur dhe do të përballen me fituesit e raundit eliminues në play-off, përcjellë KosovaPress.

Ndeshjet zhvillohen me sistem vajtje-ardhje. Fituesit e tetë ndeshjeve do të kalojnë në çerekfinale, me shortin për atë raund dhe gjysmëfinalet e planifikuara për në 15 mars.

Këto janë ekipet pjesëmarrëse në short:

Atalanta (Ita)

Brighton (ANG)

Leverkusen (GER)

Liverpool (ANG)

Rangers (SCO)

Slavia Praha (CZE)

Villarreal (ESP)

Ëest Ham (ANG)

AC Milan (ITA)

Benfica (POR)

Freiburg (GER)

Marseille (FRA)

Qarabağ (AZE)

Roma (ITA)

Sparta Praha (CZE)

Sporting CP (POR)

Me dy ndeshjet e zhvilluara sot është kompletuar edhe xhiro e 21-të në Superligën e Kosovës në futboll.

Skuadra e Llapit ka regjistruar një tjetër fitore duke e mposhtur Fushë Kosovën me rezultat 3-0. Për skuadrën e Tahir Batatinës golat i shënuar Namani, Hyseni dhe Blakqori, ndërsa skuadra vendase luajti për 25 minuta me një lojtarë më pak ën fuashë.

Me këtë fitore, Llapi ngjitet në kuotën e 43 pikëve, vetëm një më pak se Ballkani që është lider i tabelës, raporton KosovaPress.

Ndeshja tjetër, ajo ndërmjet Dukagjinit dhe Lirisë përfundoi me fitoren e vendasve me rezultat 2-1. Skuadra nga Klina kaloi në epërsi në minutën e 14 me golin e Zylfiut, por prizrenasit barazuan në minutën e 70’ me golin e Spahiut, por fitoren skuadrës Dallkut ia siguroi Morina me golin e tij në minutën e 90-të.

Dukagjini ka 30 pikë në vendin e gjashtë, kurse Liria është e fundit në tabelë me 9 pikë.

Bardh Krasniqi është emëruar në postin e drejtorit të Drejtorisë së Sportit në Komunën e Prishtinës.

Kështu ka bërë të ditur Kryetari i Komunës së Prishtinës, Përparim Rama.

Rama përmes një postimi në Facebook ka thënë se Krasniqi vjen në këtë pozitë si profesionist për ta çuar edhe më përpara fushën e sportit.

Postimi i plotë i Ramës në Facebook: