Category: Sport

Përfaqësuesja e Kosovës në basketboll e ka nisur fazën parakualifikuese për në Kampionatin Botëror të basketbollit 2027 me një fitore dhe një humbje.

Bilanci i Kosovës për ndeshjet e shkurtit ishte një fitore e një humbje. Dardanët mundën Irlandën 83:76 dhe pësuan nga Azerbajxhani 88:77.

Edhe Azerbajxhani ka një fitore e një humbje, kurse lidere është Zvicra me dy fitore (ndaj Azerbajxhanit dhe Irlandës), kurse e fundit është Irlanda me dy humbje.

Ndeshjet e ardhshme për Kosovën do të jenë në udhëtim, kundër Zvicrës e Irlandës në muajin nëntor, derisa kampanjën për Rrethin e Parë Parakualifikues Evropian për Kupën e Botës 2027 e mbyll në muajin shkurt të vitit të ardhshëm ndaj Azerbajxhanit dhe Zvicrës.

Mesfushori suedez Kristoffer Olsson është vendosur në një ventilator në spital pasi humbi vetëdijen në shtëpi. Raportohet se ish-lojtari i Arsenalit, 28 vjeç, po vuan nga ajo që duket të jetë një sëmundje akute e lidhur me trurin.

Klubi danez Midtjylland njoftoi se ai u dërgua në Spitalin Universitar Aarhus më 20 shkurt.

“Të gjithë në FC Midtjylland sigurisht që janë thellësisht të prekur nga sëmundja e papritur e Kristoffer”, tha klubi në një deklaratë të martën.

“Kristoffer Olsson po vuan nga ajo që duket të jetë një sëmundje akute e lidhur me trurin, e cila nuk është as për shkak të ndonjë dëmi të vetëshkaktuar dhe as për shkak të faktorëve të jashtëm”.

Olsson erdhi përmes akademisë së të rinjve të Arsenalit dhe bëri një paraqitje për Topçinjtë përpara se të bashkohej me Midtjylland në mes të sezonit 2014-15 të Premier Ligës, përcjellë KosovaPress.

Olsson, i cili ka bërë 47 paraqitje për Suedinë, ka luajtur në skuadrën suedeze AIK, Krasnodar në Rusi dhe Anderlecht në Belgjikë mes dy sezoneve me Midtjylland.

Olsson ka munguar në dy ndeshjet më të fundit të Midtjylland në Superligën daneze dhe për herë të fundit është paraqitur për klubin kundër Fredrikstad në Kupën e Atlantikut më 9 shkurt.

Federata Shqiptare e Futbollit njofton të gjithë tifozët e Kombëtares se kanë dalë sot në shitje biletat e ndeshjes miqësore Suedi – Shqipëri, që do të luhet më 25 mars në stadiumin “Friends Arena“ të Stokholmit në Suedi.

Tifozët shqiptarë do të kenë në dispozicion 1500 bileta në sektorët 118 dhe 119. Çmimi i biletës për këtë ndeshje miqësore do të jetë 100 krona suedeze.

Dalin në shitje biletat e miqësores Suedi – Shqipëri – FSHF

Analisti i përhershëm i emisionit ‘EKIPI A’ në ATV, Kastriot Rexha duke e analizuar ndeshjen Malisheva – Feronikeli 74, të cilën Malisheva e fitoi 2:1 me golat e futbollistit Drilon Hazrollaj ka deklaruar që 20 vjeçari po e bën dallimin te skuadra e trajnerit Qendrim Kida.

Megjithatë, Rexha ka thënë se nuk beson në shifrat te cilat po përmenden në media që Malishevës i ka ardhur oferta 1.7 milionë euro për 20 sulmuesin.

‘Hazrollaj është duke e marrë përsipër në një moshë kaq te re barrën e skuadrës pasi po është vendimtar me golat e tij. Mendoj që është lojtari më i vlefshëm i kampionatit tonë. Ka cilësi shumë të mira indivudale, ka teknikë  mirë po ashtu e nuhat golin. Nëse Malisheva del në Evropë unë mendoj që këtij lojtari do t`i rritet vlera. Unë kam lexuar lajme se Malishevës i ka ardhur një ofertë mbi 1 milionë, por unë mendoj që nuk janë të vërteta aspak. Me qenë një milionë këta nuk e fusin në lojë thonë hajdeni merreni’ tha Rexhaj.

Kujtojmë që vet trajneri Qendrim Kida në një nga emisionet sporitive në Kosovë kishte deklaruar që për lojtarin ka ardhur oferta 1.7 milionë.

Mbetet për tu parë në merkaton e verës se ku do të transferohet sulmuesi.

Driton Latifi i ftuar në emisionin e sportit ‘EKIPI A’ në ATV, i ka komentuar reagimet të cilat i bën trajneri i Llapit, Tahir Batatina.

Sipas gazetarit Driton Latifi, Tahir Batatina e ka pasion futbollin.

‘Unë mendoj që Tahiri është pasionant i futbollit, nuk mjafton me qenë veç profesionist, unë i shoh reagimet e tij ndoshta për dikë janë të tepruar, por unë e shoh si pasion’ tha Latifi.

Emisionin live ‘EKIPI A’ mund të ndiqeni më poshtë.

Analisit i përhershëm i emisionit ‘EKIPI A’ Alban Lumi ka treguar se kush ishte pengesa e vetme e Ilir Dajës te skuadra e Ballkanit.

Lumi ka treguar që ish ndihmësi i Dajës, Artim Polozhani,ishte ai me të cilin Daja kishte krisur raportet.

‘Është koha ta themi publikisht, Ilir Daja kishte një pengesë ajo pengesë ishte Artim Pollozhani dhe gjatë përgaditjeve trajneri Daja vendosi për pjesën e dytë të kampionatit ta largojë nga ekipi i trajnerëve Pollozhanin dhe Arim Pollozhani ka vazhduar të mbetet pjesë e Ballkanit deri sot’ tha Lumi.

Kur jemi te Ballkani, Kujtojmë që sot drejtuesit e këtij klubi ia vazhduan kontratën deri në verën e vitit 2026, trajnerit Ilir Daja.

Emisionin e plotë ‘EKIPI A’ mund ta shikoni më poshtë.

Vendim i Komisionit të Garave për ndeshjen Ferizaj – Ulpiana

Komisioni i Garave i Federatës së Futbollit të Kosovës ka vendosur lidhur me regjistrimin e ndeshjeve të javës së 16-të të Raiffeisen Ligës së Parë – Grupi–B, si dhe të ankesës së ushtruar nga: KF Ferizaj, lidhur me parregullsinë e paraqitur në këtë ndeshje nga: KF “Ulpiana”, të lojtarit i cili ka qenë i shënuar në protokol dhe është aktivizuar në ndeshje, Komisioni i Garave si Organ i autorizuar dhe kompetent, konform nenit 71 të Regullores së Garave, me datë: 26.02.2024 mori këtë:

Me këtë rast, është pranuar ankesa e Klubit të Futbollit – Ferizaj dhe ndeshja e javës së 16-të e Raiffeisen Ligës së Parë – Grupi-B, në mes KF “Ferizaj“ dhe KF “Ulpiana” e përfunduar me rezultat 2:3 në fushë për KF “Ulpiana”, regjistrohet me rezultat zyrtar 3:0 në favor të KF “Ferizaj”.

Në këtë vendim thuhet se KF “Ulpiana“ ka aktivizuar në lojë lojtarin me nr. 15 . ENES HAJRULLAHU, me nr. të regjistrit: I.D. 014222M07- i cili ka qenë i shënuar- regjistruar në protokolin zyrtar dhe është aktivizuar në ndeshje.

Ndaj KF “Ulpiana” dhe lojtarit të sipërpërmendur, konform nenit 77, paragrafi 3 të Rregullorës së Garave inicohet procedura disiplinore.

Në moshë të re ka ndërruar jetë ish-hendbollisti i dalluar i Vëllaznimit të Gjakovës, Argjend Dreshaj. I ndjeri është përballur me një sëmundje të rëndë për disa vjet.

Kështu ka bërë të ditur përmes njënjoftimi Federata e Hendbollit të Kosovës.

Dreshaj ishte i lindur në vitin 1989, ndërsa ishte pjesë e të gjitha grupmoshave të reja të Vëllaznimit të Gjakovës. Ka luajtur me sukses për periudhë të gjatë edhe për ekipin senior, ndërsa është shquar për urtësinë dhe respektin ndaj të tjerëve. Në vitet e fundit i ndjeri Dreshaj ka jetuar jashtë vendit.

Lamine Yamal është vetëm 16 vjeç, por ka shpërthyer në skenën e futbollit me aq forcë sa që këtë të hënë marka ADIDAS njoftoi një marrëveshje me anësorin. Diçka që ata e kishin bërë me Leo Messin, imazh i firmës sportive që nga viti 2006. Në fakt, lojtari i Barçës luajti të mërkurën e kaluar në Napoli me të njëjtat këpucë që përdor argjentinasi.

Nënshkrimi i Lamine Yamal me ADIDAS nënkupton se nga sot lojtari i ri do të bëhet imazhi i markës, e cila parashikon një fushatë të fortë në qytetin e Barcelonës me protagonist futbollistin e Barçës, përcjellë KosovaPress.

Lojtari i ri është bërë një pjesë kyçe për Xavin pasi bëri debutimin e tij sezonin e kaluar. Në fakt, këtë të shtunë ai pushoi kundër Getafes, por pati tetë ndeshje si titullar në njëmbëdhjetëshen startuese. Ai madje shënoi dy gola kundër Granadës.

“Jam krenar që i bashkohem ADIDAS-it , pasi ata kanë qenë gjithmonë marka e më të mirëve. Duke u rritur, idhullova Leo Messin, i cili ka qenë me ADIDAS që kur fillova të shikoj futboll. Pres shumë vitet në vazhdim,” tha lojtari me rastin e arritjes së marrëveshjes.