Category: Sport

Punimet për zgjerimin e stadiumit të Shtimes kanë filluar sot, projekt ky i cili po synohet të përfundohet brenda këtij viti.

Ky projekt, i cili përfshin ndërtimin e zhveshtoreve të reja, tribunave të reja dhe të gjithë infrastrukturës përcjellëse, do të financohet nga Ministria e Kulturës, Rinisë dhe Sportit (MKRS).

Zëvendës-ministrja e MKRS-së, Daulina Osmani së bashku me kryetarin e Shtimes, Qemajl Aliu vizituan sot stadiumin e kësaj komune, me rastin e fillimit të punimeve për zgjerimin dhe renovimin e tij.

Zëvendësministrja Osmani për KosovaPress, tha se qëllimi i kësaj vizite ishte për të parë punën e operatorit ekonomik deri tani, si dhe për sigurimin e mbështetjes nga të dyja nivelet institucionale, respektivisht MKRS-së dhe Komunës së Lipjanit.

“Sot po fillojnë punimet e zgjerimit dhe renovimit të stadiumit të qytetit të Shtimes, projekt ky i përbashkët me Komunën e Shtimes, i financuar nga ministria në vlerë prej 2.4 milionë euro, ku parashihet, siç edhe po shihet fusha aktualisht ka përjetuar një rinovim në aspekt të barit, mirëpo parashihet zgjerimi me zhveshtoret, me pjesët përcjellëse, me tribunat për tifozët, andaj edhe kemi ardhur me e pa punën e operatorit ekonomik, me i uruar punë të mbarë, edhe për t’u siguruar për mbështetje nga të dyja nivelet, për zhvillimin e këtij projekti në afatet e parapara edhe në kuadër të kontratës që është nënshkruar para pak javësh”, tha Osmani.

Ndërkaq, kryetari i Shtimes, Qemajl Aliu tha për KosovaPress, se fillimi i punimeve për renovimin dhe zgjerimin e stadiumit është një ngjarje shumë e rëndësishme, investim ky që kjo komunë nuk e ka përjetuar asnjëherë.

Kryetari Aliu tha se nga e hëna do të fillohet puna e punimeve me një dinamikë të shpejtuar, pasi që po synohet që ky projekt të finalizohet brenda këtij viti.

“Është një ngjarje shumë e rëndësishme për Komunën e Shtimes, për sportdashësit në Komunën e Shtimes, por jo vetëm. Po bëhet një investim që Komuna e Shtimes nuk e ka përjetuar asnjëherë, falë mbështetjes nga Ministria e Kulturës, Rinisë dhe Sportit sot jemi këtu bashkë me zëvendës-ministren për të parë koordinimin që do të bëhet mes klubit futbollistik Vjosa, komunës dhe operatorit për të filluar punët pa humbur kohë. Ju e dini që ky projekt tashmë është finalizuar në aspektin e përzgjedhjes së operatorit dhe me sa e kuptuam nga e hëna do të fillojë një punë me një dinamikë të shpejtuar, me synimin që brenda një viti ky projekt të jetë i realizuar dhe të jetë në shërbim të sportdashësve dhe kryesisht të futbollistëve të Komunës së Shtimes, futbollistë që po na bëjnë krenarë me rezultatet që kanë arritur. Jemi kampionë vjeshtor si klub futbollistik Vjosa në Ligën e Parë me pretendimin për të shkuar drejt Superligës. Realisht kushtet iu kanë munguar si klub, por sukseset nuk iu kanë munguar, kështu që unë personalisht bashkë me zëvendësministren dhe me krejt ekipin e komunës por edhe të ministrisë jemi të kënaqur që këtyre sukseseve të klubit po iu shkojmë mbrapa edhe me një infrastrukturë moderne e munguar, por gjithsesi e merituar plotësisht”, tha Aliu.

Para dy javësh, stadiumi i qytetit në Shtime u bë me bar sintetik, projekt ky i cili u bashkë-financua nga Komuna e Shtimes dhe Federata e Futbollit të Kosovës (FFK), dhe që e kap vlerën e 250 mijë eurove. Ndeshjet në këtë stadium i zhvillon skuadra e Vjosës, e cila u shpall kampione vjeshtore në Ligën e Parë të Kosovës, dhe është kandidate serioze për t’u inkuadruar në futbollin elitar, respektivisht në Superligën e Kosovës.

12 Kombëtare sonte zhvillojnë ndeshjet e play-offit, për t’i siguruar dy vendet e fundit në Euro 2024 që mbahet në Gjermani gjatë këtij viti.

Ndeshje tejet interesante do të shohim në “gjysmëfinalet” e play-offit dhe vëmendja më e madhe pritet të jetë në ndeshjen mes Bosnjës dhe Ukrainës.

Takim interesant pritet të jetë edhe ajo mes Uellsit dhe Finlandës, kurse Polonia luan ndaj Estonisë.

Kujtojmë që shtetet që kalojnë këtë raund, luajnë “finalet” për t’i zënë vendet e fundit në Euro 2024.

Të gjitha ndeshjet janë këto:

Kërkimi i Liverpoolit për pasardhësin e Jurgen Klopp do të përshpejtohet pas konfirmimit të emërimit të Richard Hughes si drejtor sportiv.

Hughes është ardhja e parë kyçe që kur Michael Edwards u emërua nga Fenway Sports Group si shef i futbollit. Çështja e parë e ngutshme e Hughes është vlerësimi i kandidatëve kryesorë për t’u bërë trajneri i ardhshëm i Liverpoolit, raporton KP.

Shumë nga emrat në listën e ngushtë të Liverpoolit janë të mirë-dokumentuar. Mes tyre Xabi Alonso i Bayer Leverkusen, Roberto de Zerbi i Brighton dhe Ruben Amorim i Sporting Lisbonas.

Edhe pse Hughes dhe Edwards nuk fillojnë zyrtarisht në postet e tyre të reja deri në qershor, Liverpool tashmë ka filluar kontrolle të gjera për objektivat e tyre kryesore. Hughes, i cili do të krijojë një marrëdhënie të përditshme me trajnerin e ardhshëm, do t’i besohet të gjejë kandidatin e preferuar.

Klubi e dinte se një drejtor sportiv do të ishte në pozitë përpara se të mund të konsideronin një qasje formale ndaj trajnerëve më të pëlqyer.

Emërimi i Hughes në “Anfield” u bë një sekret i hapur pasi Bournemouth njoftoi se ai do të largohej nga bregdeti jugor në fund të këtij sezoni pas një periudhe 10-vjeçare si pjesë e operacioneve të tyre të futbollit, dhe loja me hamendje se ku ishte drejtuar ai nuk zgjati, jo shumë kohë pasi që Edwards u konfirmua si suprem i futbollit të FSG-së.

Ylli i Kombëtares së Kosovës, Albion Rrahmani foli sot gjatë stërvitjes së radhës së “Dardanëve” para ndeshjeve të këtij muaji.

Rrahmani është pjesë e grumbullimit të trajnerit Franco Foda për dy ndeshjet e këtij muaji kundër Armenisë dhe Hungarisë, raporton KosovaPress.

Rrahmani tha se është i lumtur që është rikthyer në Kombëtare pas lëndimit të rëndë që e pati, ndërsa shtoi se është i gatshëm ta jap 100% nga vetja për të ndihmuar “Dardanët”.

“Jam shumë i lumtur që përsëri jam pjesë e Kombëtares, siç dihet pas një lëndimi të rëndë që e kam pasur. Jam kthyer në formën time më të mirë të mundshme dhe jam i gatshëm që ta jap 100% për kombëtaren tonë. Janë ndeshje shumë të rëndësishme edhe pse miqësore por do të na shërbejnë që ta njohim më shumë trajnerin, taktikat e tij dhe gjithë bashkëlojtarët njëri-tjetrin me taktikat e reja, dhe shpresoj që do të dalim me rezultat pozitiv se do të jetë shtysë e madhe për neve që në shtator të jemi sa më të gatshëm”, tha Rrahmani.

Kosova përballet me Armeninë më 22 mars, ndërsa më 26 mars do të luajë kundër Hungarisë.

Kombëtarja e Italisë kishte një vizitor të veçantë gjatë kohës së inspektimit të “Chase Stadium”, ku kampioni i tenisit, Jannik Sinner iu bashkua skuadrës së Luciano Spallettit.

“Azzurrët” udhëtuan drejt Miamit mbrëmë para dy ndeshjeve miqësore të këtij muaji për tu përgatitur për Kampionatit Evropian Euro 2024, raporton KosovaPress.

Italia do të përballet me Venezuelën në “Fort Lauderdale’s Chase Stadium”, dhe më pas me Ekuadorin në “Red Bull Arena” në New Jersey.

Ndërkohë që skuadra po e inspektonte fushën në stadiumin i cili zakonisht përdoret nga Inter Miami i Lionel Messit, ata morën një vizitë befasuese nga kampioni i tenisit, Sinner.

Sinner ishte në Miami për turneun Masters 1000 dhe dëshironte që të përshëndet kombëtaren italiane, kështu që kjo e fundit ndërpreu stërvitjen për ta përshëndetur kampionin e tenisit me duartrokitje dhe për t’i bërë disa foto.

Pjesë e fotove ishte edhe fituesi i Kupës së Botës 2006 me Italinë, Gigi Buffon, i cili po punon tani si pjesë e stafit të Spallettit.

Sinner u bë italiani i parë që e fiton një titull të Grand Slam pas më shumë se 30 vitesh, kur ai e fitoi Australian Open 2024.

Përmes një komunikate në faqen zyrtare, Liverpooli e ka konfirmuar emërimin e Richard Hughes si drejtor të ri sportiv të klubit, pozitë kjo që ai do ta merr në fund të këtij sezoni.

Hughes do t’i bashkohet Liverpooli pas largimit si drejtor teknik te Bournemouthi, ku ai shijoi një dekadë plot sukses në detyrat e funksionimit të klubit, raporton KosovaPress.

“Hughes do t’ia filloj punës zyrtarisht më 1 qershor të sezonit 2024/25 në Qendrën Stërvitore AXA, pasi që u emërua nga Michael Edwards, i cili së fundmi u rikthye në klub nga Fenway Sports Group tani si shef i futbollit. Edwards dhe Hughes kanë punuar së bashku gjatë karrierës si futbollist të Hughes bnë Portsmouth”, shkruante Liverpooli në komunikatën zyrtare.

Hughes, një ish-futbollist i Kombëtares së Skocisë, bëri më shumë se 300 paraqitje në karrierën e tij, kryesisht si mesfushor i Portsmouth dhe Bournemouthit.

Klubi italian, Juventusi thuhet se do ta përcjell nga afër mbrojtësin e kombëtares së Shqipërisë, Mario Mitaj, i cili pëlqehet shumë si profil.

Drejtori sportiv i Juventusit, Cristiano Guintoli po synon të jetë gati në momentin e transferimeve me ide të qarta dhe fleksibilitet, pavarësisht se cilat do të jenë zgjedhjet në drejtimin teknik për sezonin e ardhshëm.

Jo se ky qëndrim është dytësor për fushatën e blerjeve dhe transferimeve, megjithatë vëzhgimet që po bën drejtori sportiv shkojnë përtej një lidhjeje të saktë tekniko-taktike: po kërkohen profile të ndryshme, si në eksperiencë, por edhe në perspektivë.

Sipas gazetës me bazë në Torino, Tuttosport, drejtuesit e Juventusit do të vëzhgojnë nga afër rritjen e një futbollisti interesant dhe për të ardhmen.

Bëhet fjalët për mbrojtësin kuqezi, Mario Mitaj, të cilit Juventusi do t’i hedhë një sy të premten, pasi nuk do të ketë nevojë të shkojë larg: Shqipëria luan në Ennio Tardini në Parma në miqësoren ndërkombëtare kundër Kilit.

Mbrojtësi i lindur në vitin 2003 ka rënë në sy që nga debutimi i tij me trajnerin Edy Reja më 31 mars 2021 në Serravalle të San Marino, kur Mario ishte vetëm 17 vjeç, 7 muaj e 25 ditë.

Guintoli dhe Juventusi e shohin Mitajn si një profil të ngjashëm dhe me një potencial të dukshëm sikurse Khvicha Kvaratskhelia apo Kim min-jae.

Klubi italian gjithashtu beson se Mitaj do të përshtatej lehtë në Itali, pasi ka shumë bashkëkombës aty si Berat Gjimshiti, Kristajn Asllani, Ylber Ramadani, Elseid Hysaj, Etrit Berisha dhe Marash Kumbulla. Edhe agjenti i tij, Silvio Pagliari, është gjithashtu italian.

Në nivel klubesh, Mitaj mbron ngjyrat e Lokomotiv Moskës, e pesta në ligë dhe klubi nga kryeqyteti rus i kishte paguar 3 milionë në verën e vitit 2022 për ta marrë nga Aek Athens.

Kombëtarja e Kosovës në grupmoshat U19 do të fillojë sot rrugëtimin në kualifikimet e Kampionatit Evropian Euro 2024.

“Dardanët” e rinj do ta nisin sot aventurën në kualifikimet e Euro 2024 U19, ku do të përballen me Kombëtaren e Austrisë, raporton KosovaPress.

Ndeshja zhvillohet me fillim nga ora 16:00 në stadiumin “Gornja Radgona”.

Përballja e fundit mes Kosovës U19 dhe Austrisë U19 daton në muajin tetor të vitit 2018, ku asokohe ndeshja përfundoi pa fitues dhe pa gola, 0:0.

Në këto kualifikime të Euro 2024 U19, “Dardanët” e rinj janë pozicionuar në Grupin 1 së bashku me Austrinë, Slloveninë dhe Spanjën.

16:00 Kosova U19 – Austria U19 (Stadiumi Gornja Radgona)

Kombëtarja e Kosovës do ta zhvillojë sot seancën e fundit stërvitore në Kosovë para ndeshjes miqësore me Armeninë.

“Dardanët” janë grumbulluar të hënën pasdite nën drejtimin e selektorit të ri, Franco Foda, ndërsa ushtruan edhe dje.

E Federata e Futbollit të Kosovës njofton se Verdhekaltrit do të ushtrojnë nesër paradite nga ora 10:45 në Kampin Nacional në Hajvali.

Ndërsa, në orët e pasdites, Vedat Muriqi me shokë do të udhëtojnë drejt Yerevanit, ku edhe do të ushtrojë para ndeshjes me armenët.

Kosova do të luajë me Armeninë në udhëtim më 22 mars, ndërsa pas katër ditësh, respektivisht më datën 26 të këtij muaji, “Dardanët” do të përballen me Hungarinë në Budapest.

Kjo do të jetë një mundësi e mirë për trajnerin e ri të Kosovës që t’i provojë lojtarët dhe t’ua shfaq atyre idenë dhe filozofinë e tij.

Drejtori Sportivi i skuadrës së Fiorentinës, Joe Barone, ka ndërruar jetë.

Barone vdiq në moshën 57-vjeçare.

Lajmin për vdekjen e drejtorit sportiv, e ka bërë të ditur vetë klubi italian me anë të një postimi në faqen zyrtare.

“Me dhimbje të thellë dhe trishtim të jashtëzakonshëm, Fiorentina sot humbet pankinën, një figurë që shënoi historinë e fundit të klubit dhe nuk do të harrohet kurrë. Drejtori i Përgjithshëm Giuseppe Barone, pas sëmundjes së ndodhur të dielën, ka ndërruar jetë sot në spitalin “San Raffaele” të Milanos.”

Kujtojmë që Barone u dërgua në spital të dielën, duke sjellë dhe shtyrjen e ndeshjes së kampionatit, të cilën Fiorentina e kishte planifikuar ta luante përballë Atalantës. Ai u sëmur në hotelin ku qëndronte ekipi, pak minuta para se sfida të startonte.

Barone luajti një rol mjaft të rëndësishëm në klubin vjollcë, pasi ishte krahu i djathtë i presidentit të Fiorentinës, Commisso, që kur miliarederi me origjionë italiane e bleu klubin në vitin 2019.