Category: Sport

Florian Marku do të rikthehet sonte në ring. Kundërshtari i tij do të jetë Chris Kongo dhe pritet të jetë tejet interesant ky meç.

Kjo, pasi që duke marrë parasysh se boksierët patën një konfrontim të ashpër në një konferencë shtypi në gusht të vitit të kaluar.

Boksieri shqiptar në boksin profesionist ka 13 fitore – prej tyre tetë me “nokaut” – dhe një barazim.

Ndërsa, Chris Kongo ka 14 fitore e dy humbje në boksin profesionist.

Ky meç pritet që të fillojë rreth orës 21:30, teksa do të zhvillohet në “O2 Arena” në Londër.

Meçi i takon kategorisë së peshave të lehta dhe do të zgjasë 10 raunde.

Forma e mirë e yllit kosovar, Edon Zhegrova, nuk po kalon pa u vërejtur.

Madje, së fundmi, gazeta El Fichajes, po raporton se Real Madridi ka kthyer sytë kah anësori i Lille.

Në artikullin e publikuar, gazeta e njohur spanjolle thekson se Zhegrova mund të jetë befasia e Real Madridit për merkaton e verës.

Veç Mbappe apo Alphonso Davies, skuadra më e trofeshme në futboll ka vëmendje edhe për lojtarin e Kosovës.

Edon Zhegrova po kalon absolutisht në një formë fenomenale në Lille.

Ai së fundmi shënoi dy herë në derbin ndaj Lens.

Këtë sezon në Ligue 1, Zhegrova ka shënuar 5 herë dhe ka asistuar 5 herë.

Pas pushimit dyjavor për shkak të ndeshjeve të përfaqësueseve, Superliga e Kosovës në futboll do të vazhdojë të shtunën me dy takime derbi.

Vëmendja do të jetë në Lipjan, ku do të përballet Ballkani me Prishtinën që nuk është duke kaluar në momente të mira.

Suharekasit janë në vendin e parë me 52 pikë të grumbulluara me një më shumë se Llapi dhe dy më shumë se Drita dhe do të synojnë fitoren ndaj prishtinasve për të mbajtur primatin.

Teksa Prishtina renditet në pozitën e pestë me 38 sosh.

Një tjetër takim interesant do të jetë edhe ai në mes Malishevës dhe Dritës.

Dy skuadrat janë në formë të mirë dhe do tentojnë fitoren për të qëndruar me një hap me pretendentët për titull.

Dy ndeshjet e ditës së sotme do të luhen duke filluar nga ora 13:00.

Florian Marku do të rikthehet në ring të dielën e 31 marsit. Kundërshtari i tij do të jetë Chris Kongo dhe pritet të jetë tejet interesant ky meç.

Kjo, pasi që duke marrë parasysh se boksierët patën një konfrontim të ashpër në një konferencë shtypi në gusht të vitit të kaluar.

Boksieri shqiptar në boksin profesionist ka 13 fitore – prej tyre tetë me “nokaut” – dhe një barazim.

Ndërsa, Chris Kongo ka 14 fitore e dy humbje në boksin profesionist.

Ky meç është planifikuar të zhvillohet rreth orës 21:00.

Theo Hernandez është cilësuar shpeshherë nga drejtuesit e klubit se është lojtari më i rëndësishëm i ekipit dhe padyshim që është i pashitshëm për ta.

Paraqitjet e anësorit francez gjithmonë kanë qenë të jashtëzakonshme në fushë, duke ndihmuar Milanin disa herë edhe të fitojë me golat e tij.

Bayern Munich duket i etur për të fituar shërbimet e Theo Hernandez, por Milan nuk dëshiron ta humbasë atë.

Sipas raportimit të “Corriere dello Sport”, kuqezinjtë po konsiderojnë t’i ofrojnë anësorit një zgjatje të kontratës për tre vite të tjera.

Milan po planifikon që të rrisë pagën e tij aktuale e cila është 4.5 milionë euru dhe gjithashtu ta plotësojë me bonuse nënshkrimi dhe objektivash personale në fushë.

Kombëtarja e Kosovës dhe përzgjedhësi i ri, Franco Foda, do të kenë një test të vërtetë sonte, kur do të takohen me Hungarinë në një ndeshje miqësore.

Kjo ndeshje do të zhvillohet në “Puskas Arena” të Budapestit, me fillim prej orës 19:00.

Kosova hyn në këtë ndeshje pas fitores minimale në miqësoren ndaj Armenisë. Me rezultat të njëjtë, por si vendase, fitoi edhe Hungaria ndaj Turqisë.

Përveç Leart Paçaradës, i cili është në dyshim shkaku i një lëndimi, Foda do të ketë në dispozicion të gjithë lojtarët tjerë.

Lajm i mirë padyshim se është riaftësimi i kapitenit, Amir Rrahmani, i cili mungoi ndaj Armenisë.

Trajneri gjerman i Kosovës në konferencën për media dje theksoi se Kosova nuk do ta ketë aspak të lehtë ndaj një kundërshtari të fortë si Hungaria, por shtoi se ka besim te grupi.

“Nuk do të jetë e lehtë, pasi luajmë kundër një ekipi shumë të fortë. Ne zhvilluam ndeshje të mirë ndaj Armenisë. Kemi ekip që ka aftësi teknike, por përballja ndaj Hungarisë do të jetë e vështirë, që udhëhiqet nga një trajner që ka treguar paraqitje të mira siç është Marco Rossi. Sidoqoftë, ne mbesim skuadër e fortë dhe kemi besim te grupi ynë. Ndeshja me Hungarinë ishte aranzhuar para se unë të bëhesha trajner i Kosovës. Por, ne duhet të përballemi ndaj kundërshtarëve të tillë, pasi është niveli ku ne synojmë të arrijmë dhe të luajmë në të ardhmen. Ne do të luajmë me besim përballë Hungarisë”, ishte shprehur Foda të hënën.

Në konferencën para gazetarëve në Budapest ishte paraqitur edhe Amir Rrahmani, i cili vuri në pah rëndësinë që Kosova të testojë veten me kundërshtarë si Hungaria.

“Ndeshja ka rëndësi sepse është në kuadër të përgatitjeve për ndeshjet e Ligës së Kombeve në shtator. Duhet të shohim se çka kërkon trajneri dhe të ndjekim planin e idetë e tij. Na duhet kjo ndeshje, pasi luajmë kundër një kundërshtari shumë të fortë me lojtarë që luajnë në klube të forta evropiane. Shpresoj të paraqesim në fushë atë që kërkon trajneri. Trajneri ka kërkuar nga ne që të fitojmë topin sa më afër golit të kundërshtarit në mënyrë që të kemi sa më shumë të shënimit”, deklaroi Rrahmani.

Vlen të theksohet se interesimi për ta ndjekur këtë ndeshje është shumë i madh dhe kjo dëshmohet më së miri me faktin se të gjitha biletat janë shitur.

“Puskas Arena” ka kapacitet prej 67 mijë e 215 ulëseve.

Në një intervistë ekskluzive për emisionin ‘A PLAY’ në ATV, përzgjedhësi i Kombëtares së Kosovës U19, Adil Maliqi, është shprehur se ka oferta nga Seria A dhe Portugalia.

Maliqi, i cili po menaxhon me sukses kombëtaren e Kosovës U19, ka bërë të ditur se shumë klube kanë kontaktuar me të.

“Kanë ardhur disa oferta dhe do të shohim se çfarë do të ndodhë pas përfundimit të këtij cikli, kam oferta nga Portugalia, pra nga Liga e dytë e Portugalisë dhe kam oferta nga Seria A në Itali”, tha Maliqi.

Kujtojmë se kombëtarja që drejtohet nga Maliqi është ende në garë për kualifikimin në Kampionatin Evropian për U19.

Aktualisht Kosova është e dyta në grup me tre pikë, një më pak se liderja Spanja.

Intervistën e Adil Maliqit mund ta shikoni në linkun e më poshtëm.

Kombëtarja U19 e Kosovës ka pësuar humbje në kuadër të turneut kualifikues për Kampionatin Evropian 2024.

Pas fitores ndaj Austrisë U19, të përzgjedhurit e Adil Maliqit sonte pësuan ndaj Spanjës U19.

Ndeshja e zhvilluar në stadiumin “TSC Trate Gornja Radgona” të Sllovenisë përfundoi me rezultatin 2:1.

Spanjollët krijuan epërsi të dyfishtë me golat e Daniel Munoz (34′) dhe Pol Fortuny (50′).

“Dardanët” ia dolën të ngushtonin rezultatin përmes anëtarit të Stuttgartit, Eliot Bujupi, i cili shënoi një gol mjaft të bukur nga gjuajtja e lirë në minutën e 77-të.

Kosova U19 mbetet në kuotën e tri pikëve dhe renditet e dyta në Grupin 1, me vetëm një pikë më pak se Spanja U19.