Category: Sport

Kupa e Kosovës do t’i rikthehet nesër aksionit, ku do të zhvillohen ndeshjet e para të gjysmëfinales së këtij sezoni.

Ndeshje interesante do të zhvillohet në stadiumin “Sami Kelmendi” në Lipjan, ku Prishtina do të përballet me Dritën, raporton KP.

Ndërkaq, gjithashtu vëmendja do të jetë edhe te derbi i qytetit mes Suharekës dhe Ballkanit. Ky i fundit para ndeshjes së nesërme ka reaguar në “Facebook”, duke treguar se çka do ta karakterizojë këtë finale.

“Ky duel sigurisht që do të karakterizohet me betejë të fortë futbollistike në fushë, kurse në tribunë do të jetë festë e vërtetë për qytetin tonë”, shkroi Ballkani në “Facebook”.

Federata e Xhudos e Kosovës ka bërë të ditur se muaji prill po i dedikohet komponentës së “Diplomacisë publike”, e cila është në kuadër të programit shtetëror “Kosova, shtet i xhudos”.

Sukseset e pandalshme të sportit të xhudos, duke përfshirë këtu organizimin e fundit të Kampionatit të Hapur Evropian të xhudos në Kosovë, kanë bërë që të përmirësohet imazhi pozitiv i vendit tonë, gjë kjo që është shndërruar në një shtyllë jetike të përpjekjeve të diplomacisë publike, raporton KosovaPress.

Muaji prill për Federatën e Xhudos ka filluar me pritjen e ekipit të xhudistëve nga Panamaja, ndërkaq përgjatë këtij muaji në Kosovë do të zbarkojnë edhe 100 xhudistë nga 15 shtete të ndryshme, duke forcuar më tej rolin e xhudos si një mjet i fuqishëm për nxitjen e mirëkuptimit dhe bashkëpunimit ndërkombëtar.

Një Raphael Varane “i shkatërruar” ka folur për tronditjet në kokë në futboll, me yllin e Manchester United që e ka këshilluar të birin e tij që mos ta godasë topin me kokë.

Varane, i cili ka pësuar tronditje në kokë në ndeshjet me Kombëtaren e Francës dhe Real Madridin, theksoi mungesën e të kuptuarit rreth lëndimeve të kokës në futboll, raporton KosovaPress.

Ai tregoi incidente specifike, të tilla si gjatë ndeshjes së Francës në Kupën e Botës 2014 kundër Nigerisë, ku luajti gjatë gjithë ndeshjes pavarësisht se pësoi një tronditje. Varane zbuloi se si ai luajti në modalitetin “autopilot” pas incidentit, duke theksuar rreziqet e mosnjohjes dhe trajtimit të menjëhershëm të lëndimeve në kokë.

Në një intervistë me “L’Equipe”, Varane tha:

“Unë e mbarova ndeshjen por unë isha në modalitetin ‘autopilot’. Nëse dikush do më fliste asokohe, nuk e di nëse do të isha i aftë të ktheja përgjigjen”.

Sidoqoftë, ai nuk guxoi të mungoj në çerekfinalen e Kupës së Botës kundër Gjermanisë, të cilën Franca e humbi 1:0.

“Nuk isha në gjendje normale kështu që po më monitoronin. Kisha humbur peshë sepse isha i dehidratuar, nuk isha në formën më të mirë por luajta sepse ishte një çerekfinale e Kupës së Botës”, tha Varane.

Varane ka pasur probleme të tilla edhe te United, klub ky i cili ua ka ndaluar lojtarëve ta godasin topin më shumë se 10 herë me kokë në stërvitje, gjë kjo e cila nuk mund të kontrollohet më pas në një ndeshje zyrtare. Kjo e ka shtyrë Varanen që ta paralajmërojë të birin e tij shtatë vjeçar që mos ta godasë topin me kokë.

“Djali im shtatë vjeçar luan futboll, dhe unë e kam këshilluar që të mos e godasë topin me kokë. Edhe nëse nuk shkakton traumë të menjëhershme, e dimë që në aspektin afatgjatë, tronditjet e shpeshta do të kenë efekte negative. Nuk e di nëse do të jetojë 100 vite, por e di se e kam shkatërruar trupin tim. Si futbollistë që luan në nivelin më të lartë, ne jemi të mësuar me dhimbje, jemi më shumë si ushtarë, djem të fortë, simbol i forcës fizike, por këto simptoma janë gati të padukshme”, tha Varane.

Objektivi i Liverpoolit, Roberto De Zerbi është bërë kandidati kryesor për t’u bërë trajner i Bayern Munichut pasi të dy klubet u shpërfillën nga Xabi Alonso.

Pas lajmeve të mëdha të javës së kaluar se Xabi Alonso synon të qëndrojë besnik ndaj klubit aktual Bayer Leverkusen, “The Times” raporton se vëmendja në Mynih tani është kthyer te De Zerbi. Italiani thuhet se admirohet nga drejtori i ri i Bayern, Max Eberl i cili ëshë vënë në lëvizje për të vlerësuar interesin dhe disponueshmërinë e tij.

Liverpool po synonte gjithashtu Alonson si zëvendësues për Jurgen Klopp, por gjithashtu i ka kushtuar vëmendje De Zerbit. De Zerbi ka përfitimin e shtuar që tashmë flet anglisht por jo gjermanisht dhe është dëshmuar në Premier League pasi ka bërë një punë të mirë me Brightonin, përcjellë KosovaPress.

De Zerbi e la të ardhmen e tij mjaft të hapur kur foli përpara humbjes 2-1 të Brighton ndaj Liverpoolit të dielën: “Unë dua të flas me klubin tim. Unë kam një kontratë, por problemi nuk është kontrata, problemi është të gjesh të njëjtin plan, objektiv dhe vizion për të ardhmen”, tha ai.

Mike Tyson do të jetë 58 vjeçar kur të përballet me Jake Paul më 20 korrik në Teksas, por ai tha se fansat mesi po presin për të parë ish-kampionin e peshave të rënda në ring përsëri.

Përplasja mes një prej luftëtarëve më të frikshëm në histori dhe boksierit të shndërruar në YouTuber, Paul, do të mbahet në stadiumin AT&T me 80,000 vende në Arlington dhe do të transmetohet drejtpërdrejt në Netflix .

“Unë jam 58 vjeç dhe çfarë? Po marr miliarda shikime vetëm duke folur me dikë për të luftuar,” tha Tyson për Reuters, përcjellë KosovaPress.

“Të gjithë, edhe shumica e sportistëve, janë xhelozë, kjo është e vërtetë. Unë them në pokën tuaj më të mirë të karrierës nuk mund t’i mblidhnji një milion njerëz. Unë do ta mbushë atë arenë me 80 mijë vende”, shtoi ai.

‘Iron Mike’, i cili ka një rekord 50-6 me 44 nokaute, tha se Paul e njeh interesin e qëndrueshëm të publikut për të.

“Pse mendoni se ai dëshiron të luftojë me mua dhe jo me dikë tjetër?” tha Tyson për Paul, i cili ka një rekord 9-1 me gjashtë nokaute.

Lufta është e para për Tyson që kur u përball me Roy Jones Jr në një ndeshje ekspozuese në nëntor 2020.

Sportistët më të mirë në botë do të marrin pjesë në Kupën Botërore të Gjimnastikës Ritmike 2024 në Sofje, tha në një konferencë shtypi Federata Bullgare e Gjimnastikës Ritmike (BRGF). Gara do të mbahet në Arena Sofje nga data 12 deri më 14 prill.

Boryana Kaleyn, Stiliyana Nikolova dhe një ansambël femrash do të përfaqësojnë Bullgarinë, duke përfshirë Magdalina Minevska, Sofia Ivanova, Kamelia Petrova, Rachel Stojanov dhe Margarita Vasileva. Në Sofje do të garojnë gjithsej 55 sportistë individualë nga 42 vende dhe 13 ansamble.

Presidenti i Federatës Ndërkombëtare të Gjimnastikës Morinari Watanabe do të jetë i ftuar special në Kupën e Botës.

Nënkryetarja e BRGF-së, Nevjana Vlladinova shprehu entuziazëm për mbledhjen e elitës botërore të sportit në Sofje edhe për një vit. Ajo vuri në dukje se ky vit është një vit olimpik kështu që gara do të jetë shumë e fortë. Vetëm kampionia e botës Darja Varfolomeev (Gjermani) dhe e Kinës nuk do të marrin pjesë në konkurs, shtoi ajo.

Më herët gjatë ditës, selia e BRGF nënshkroi një marrëveshje partneriteti me UNICEF dhe fondet nga biletat e ditës nga konkursi i së premtes do të dhurohen për bamirësi.

Nga data 4 deri më 7 prill në sallën e Sofjes do të zhvillohet turneu ndërkombëtar i gjimnastikës ritmike. Në të do të marrin pjesë përfaqësues të 36 vendeve, duke përfshirë 90 vajza nga 45 ekipe dhe 85 gra. Për herë të parë do të ketë edhe konkurs për ansamble. /BTA/

Fillimi i punëve për ndërtimin e stadiumit nacional të Kosovës pritej të bëheshin qysh në vitin 2019, por ky projekt deri sot ende nuk e ka gëzuar një përfundim. Tani, me marrjen e kandidaturës për organizimin e Lojërave Mesdhetare Prishtina 2030, ndër planet e institucioneve vendore është edhe fillimi i ndërtimit të stadiumit nacional.

Ministri i Ministrisë së Kulturës, Rinisë dhe Sportit (MKRS), Hajrulla Çeku para disa muajve kishte shpalosur planin për ndërtimin dhe rinovimin e 27 stadiumeve në Kosovë, ku pjesë e tyre ishte edhe stadiumi nacional, plan ky që pritet të jetësohet gjatë pesë viteve të ardhshme.

Edhe pse komisioni për vlerësimin e ndërtimit të stadiumeve është formuar, ende nuk dihet asgjë sa i përket ndërtimit të stadiumit nacional, as vendi dhe as koha se kur do të fillojnë ndërtimet.

Në një intervistë për KosovaPress, zëvendësministrja e MKRS-së, Daulina Osmani bëri të ditur se po synohet që projekti i stadiumit nacional të prezantohet brenda këtij viti. Po ashtu, Osmani tregoi se po punohet me intensitet të lartë në masterplanin dhe në hartimin e kornizës ligjore për Lojërat Mesdhetare Prishtina 2030.

“Projekti i Stadiumit Nacional synohet të prezantohet përbrenda këtij viti, po e quajmë nacional sepse ashtu e kemi etiketuar ndër vite. Po punohet në hartimin e kornizës ligjore për Lojërat Mesdhetare me intensitet shumë të lartë si dhe me masterplanin e Lojërave Mesdhetare, dokument ky i cili do të na kthejë mbrapa të gjitha përgjigjet, qoftë për llojin e investimit, qoftë për koston, mirëpo mbi të gjitha edhe për lokacionet e duhura të investimeve që do t’i shërbejnë Lojërave Mesdhetare në vitin 2030, mirëpo edhe gjithë komunitetit sportiv mandej e tutje”, tha Osmani.

Një garë sikur asnjëherë më parë po zhvillohet sivjet për titullin e kampionit në Superligën e Kosovës.

Pavarësisht se muaj më parë Ballkani dukej si triumfues i padiskutueshëm, gjërat kanë ndryshuar.

Pas fitores ndaj Lirisë, Llapi kryeson tabelën e Superligës me 54 pikë, një më shumë se Ballkani që ka 53. Kurse, skuadra e Dritës gjendet në vendin e tretë me 51 pikë.

Edhe pse dy herë fitues i kupës, trajnerit të Llapit, Tahir Batatinës, i mungon titulli i Superligës. Ky vit, duket se mund të jetë në duart e tij.

Kjo pasi Llapi në ndeshjet e fundit të Superligës, i pret në Podujevë edhe Dritën edhe Ballkanin. Një mundësi kjo që të distancohet edhe më shumë në krye të tabelës.

Megjithatë, mbetet të shihet nëse Batatina me skuadrën e tij do ta shkruajnë historinë, apo Ballkani do ta vazhdojë dominimin. Aty po përfshihet edhe Drita, megjithatë e cila me barazimin ndaj Malishevës, nuk arriti ta shfrytëzojë gabimin e Ballkanit.

Edon Zhegrova është duke bërë paraqitje fantastike me fanellën e skuadrës së Lille në kampionatin francez.

Forma fantastike tij ka vazhduar edhe në ndeshjen e fundit që Lille e luajti nda Lens dhe Zhegrova ishte figura kryesore.

Ylli kosovar realizoi dy gola në fitoren e ekipit të tij me rezultatin 2:1, në kuadër të xhiros së 27-të.

Paraqitja e tij nuk ka shkuar pa u vlerësuar, ai ka hyrë në formacionin e javës nga SofaScore.

25-vjeçari mori notën 8,2 në këtë sfidë, derisa është përfshirë në 11-shen më të mirë të javës, raporton Express.

Përveç reprezentuesit kosovar në formacionin e javës në Ligue 1 janë edhe Giggi Donnarumma, Gulbert, Oumu e Toure në defensivë.

Sierro, Savanier, Vitinha dhe Andrey Golovin në mesfushë si dhe dyshja Dallinga dhe Balogun në repartin ofensivë.

Në 26-të paraqitjet e këtij edicioni në Ligue 1, Zhegrova ka shënuar pesë gola e ka bërë po aq asistime. E në të gjitha garat, Edoni ka realizuar 11 gola.

Pas 27-të xhirove, Lille gjendet i katërti në tabelë me 46 pikë të grumbulluara.

Ndeshja kryesore e Premier League zhvillohet sot nga ora 17:30 në stadiumin Etihad.

Kampioni në fuqi, Manchester City përballet me Arsenalin për derbin e madh e të shumëpritur.

Manchester City do të shpresojë që të ketë Kevin De Bruyne të gatshëm dhe të gatshëm për ndeshjen kolosale të titullit të Premier League sot me Arsenalin.

Topçinjtë kryesojnë tabelën e Premier League në diferencën e golave ​​përpara një dite vendimtare në garën për titull.