Category: Sport

Kampionati francez, Ligue 1 e ka konfirmuar se Edon Zhegrova e ka fituar çmimin e lojtarit më të mirë muajit mars.

Ylli i Kombëtares së Kosovës vazhdimisht po tregon paraqitje fantastike në kampionatin francez me skuadrën e Lille, raporton KosovaPress.

Gjatë muajit mars, Zhegrova ka shënuar dy gola, që të dy kundër skuadrës së Lens, ndërsa po mahnit edhe me driblimet e tij.

Ligue 1 ka publikuar në “Twitter” një video me mbishkrimin që tregon se Zhegrova ka fituar çmimin e lojtarit më të mirë të muajit mars.

Un mois de mars de très haut niveau 🔥

Edon Zhegrova est le Lauréat Trophée UNFP du joueur du mois de mars ! 😍@easportsfcfr #TrophéesUNFP #FC24 #POTM pic.twitter.com/DVOaEb4Bx4

— Ligue 1 Uber Eats (@Ligue1UberEats) April 17, 2024

Ian Maatsen shënoi për Borussia Dortmundin teksa ata marshuan në gjysmëfinale të Ligës së Kampionëve, dhe i bëri të qarta ndjenjat e tij pas largimit nga Chelsea.

Holandezi është vetëm në huazim te klubi i Bundesligas dhe pritet të kthehet në “Stamford Bridge” në fund të sezonit. Megjithatë, ai po shkëlqen me Dortmundin dhe do të luajë në katërshen e fundit të Ligës së Kampionëve pasi gjermanët e mposhtën Atletico Madridin, raporton KosovaPress.

Maatsen ka qenë në rezervat e Chelseat për vite, por është huazuar në mënyrë serike, duke kaluar kohë në ligën e futbollit me disa klube. 22-vjeçari tani po luan në skenën më të madhe të Evropës dhe, nëse Dortmundi do ta eliminonte PSG, ai mund të luajë në finalen në “Wembley”.

Ai tha për “CBS”: “Është një ndjenjë kaq e mahnitshme, e dini? Unë e kam ëndërruar këtë që kur isha fëmijë, veçanërisht duke shënuar golin tim të parë në Ligën e Kampionëve. Jam shumë i lumtur që as nuk mund ta përshkruaj”.

Anësori i gjithanshëm sugjeroi gjithashtu se arsyet e mungesës së kohës së tij për lojë në Chelsea mbeten të paqarta për të.

“Kam pasur gjithmonë besimin të luaj për Chelsean, por fatkeqësisht për disa arsye nuk funksionoi. Por, tani jam këtu, jam shumë mirënjohës për këtë mundësi. Kam ardhur këtu për të përjetuar në nivelin më të lartë dhe për të luajtur lojën time dhe sot mendoj se kam treguar një paraqitje shumë të mirë.”

Maatsenit iu dhanë mundësi të kufizuara për të bërë përshtypje te Chelsea në gjysmën e parë të sezonit përpara se të vendoste të largohej në janar. Ai filloi vetëm një herë në ligë me shumicën e minutave të tij të ardhura nga stoli.

Mesfushori i Real Madridit, Jude Bellingham ka folur për formën që ai po e kalon aktualisht, ku ka marrë kritika për shkak se kanë munguar golat nga ai së fundmi.

Bellingham e nisi furishëm karrierën e tij te Reali, ku deri tani në 34 paraqitje në të gjitha garat ka regjistruar 20 gola dhe 10 asistime, raporton KosovaPress.

Në gjashtë ndeshjet e fundit, Bellingham ka vetëm dy gola dhe si pasojë e kësaj nuk kanë munguar kritikat drejt tij, gjë për të cilën yllit anglez nuk i intereson.

“Nuk më intereson për kritikat, unë duhet të reagoj në fushë. Unë nuk e prisja të shënoja kaq shumë gola, dhe sigurisht që tani dua të shënojë shumë më shumë. Do ta tregoj reagimin tim në fushë”, tha Bellingham.

Gian Piero Gasperini thuhet se është bërë objektivi kryesor i Napolit për verën, kështu që çfarë do të duhej kampioni italian të bëjë për të rënë dakord për një marrëveshje me trajnerin e Atalantas?

Napoli ka qenë prej kohësh në kërkim të një trajneri të ri afatgjatë, pasi ka vendosur të pres deri në fund të sezonit për të nisur një projekt të ri pas vendimit të tyre fillestar për të shkarkuar Rudi Garcia. Pasardhësit e tij Walter Mazzarri dhe Francesco Calzona nënshkruan të dy marrëveshje afatshkurtra, duke i bërë të qarta qëllimet, raporton KosovaPress.

Presidenti i Napolit, Aurelio De Laurentiis tashmë ka hartuar një listë me kandidatë, duke përfshirë Vincenzo Italiano dhe Stefano Pioli, por i preferuari i tij në muajt e fundit duket të jetë Antonio Conte, i cili është i hapur për lëvizje, por vjen me kushte të qarta.

“TMW” ka detajuar se si Gasperini është i interesuar për projektin në Napoli, duke i pëlqyer ideja për të luftuar për trofe me një klub më të madh se Atalanta, të cilin ai ka të ngjarë ta çojë sa më larg që të jetë e mundur duke marrë parasysh kufizimet e tyre. Bisedimet e para me De Laurentiis ishin pozitive dhe priten më shumë kontakte.

Trajneri italian është i kontraktuar me skuadrën e Bergamos deri në qershor të vitit 2025 dhe fiton rreth 3 milionë euro neto në sezon, një pagë që ai do ta priste edhe në kryeqytetin e Campanias, bashkëngjitur një kontratë dy ose trevjeçare.

Napoli gjithashtu do të duhet të gjejë një mënyrë për të bindur familjen Percassi që ta lënë Gasperinin të largohet nga Atalanta në verë, diçka që mund të jetë e vështirë duke marrë parasysh punën e tij historike në klub.

Sonte me fillim nga ora 21:00 stadiumi “Allianz Arena” do të jetë nikoqir i ndeshjes së kthimit të çerekfinales së Ligës së Kampionëve mes Bayern Munichut dhe Arsenalit.

Në ndeshjen e parë që u zhvillua në “Emirates” të Londrës, Arsenali barazoi 2:2 me Bayernin, raporton KosovaPress.

Barazimi i ndeshjes së kaluar nënkupton që të dy skuadrat do të “luftojnë” sot me të gjitha forcat për ta siguruar një vend në gjysmëfinale.

Statistikë interesante është që Bayerni ka fituar pesë nga gjashtë ndeshjet evropiane që ka shkuar deri në penallti, me përjashtimin e vetëm në “Allianz Arena” kundër Chelseat në finalen e Ligës së Kampionëve të sezonit 2011/12.

Sa i përket ndeshjes së sotme, te Bayerni do të mungojnë Boey, Buchmann, Coman, Davies, Gnabry, Marusic dhe Sarr, kurse te Arsenalin nuk do të paraqitet vetëm Jurrien Timber.

Formacionet e mundshme i gjeni më poshtë.

Bayern Munich (4-2-3-1): Neuer; Kimmich, Dier, De Ligt, Guerreiro; Laimer, Goretzka; Muller, Musiala, Sane; Kane

Arsenal (4-3-3): Raya; White, Saliba, Gabriel, Tomiyasu; Odegaard, Jorginho, Rice; Saka, Havertz, Martinelli

Legjenda e Juventusit dhe ish-fituesi i Kupës së Botës me Italinë, Alessandro Del Piero e ka zbuluar se ekziston një aspekt i profesionalizmit të Kylian Mbappe që ai nuk e kupton fare.

Del Piero ishte në detyrën e prezantuesit për “Sky Sport”, duke përfshirë takimin e mbrëmshëm mes Barcelonës dhe Paris Saint-Germain, raporton KosovaPress.

Para fillimit, kapiteni i kombëtares së PSG-së dhe Francës ishte një temë e nxehtë debati. Kishte sugjerime se Mbappe nuk ishte në maksimumin e tij të zakonshëm gjatë ndeshjes së parë në Paris javën e kaluar, e cila rezultoi në një humbje 3:2 në shtëpi.

Del Piero tha se Mbappe do të kishte ndier “presion relativ”, megjithatë, ka një aspekt jashtë fushës që Del Piero përpiqet ta kuptojë, dhe kjo ka të bëjë me mënyrën se si Mbappe sillet në negociatat e kontratës.

“Mënyra që kanë shkuar rinovimet në vitet e mëparshme, me lamtumirë të rreme, e në fund e nënshkruante kontratën. Nëse dëshironi të qëndroni në Paris, qëndroni në Paris. Unë nuk e kuptoj vërtet këtë lloj sjelljeje. Nga ana tjetër, vitin e ardhshëm ai do të fitojë, kështu që nëse nuk shkon sipas planit këtë vit, ai do të ketë një shans të madh me Real Madridin”, tha Mbappe.

Juventusi nuk po ëndërron vetëm për Albert Gudmundsson, pasi ka hartuar një strategji për të mposhtur Interin dhe Tottenhamin për yllin e Genoas në verë.

Sulmuesi 26-vjeçar islandez duket i destinuar të largohet nga Genoa këtë verë pas një sezoni mbresëlënës nën drejtimin e Alberto Gilardino, duke shënuar 15 gola dhe duke dhënë katër asistime në 32 paraqitje gjithsej, duke tërhequr vëmendjen e klubeve në të gjithë Evropën, raporton KosovaPress.

Tre klubet që në dukje janë më të interesuarit për Gudmundsson janë Juventus, Inter dhe Tottenham.

“Tuttosport” ka detajuar se si Juventusi ka diskutuar tashmë mundësitë e një marrëveshjeje për Gudmundsson me agjentët e tij, duke i lejuar ata të hartojnë një strategji për një marrëveshje me Genoan, të cilët po presin gjithashtu oferta nga Interi dhe Tottenham.

“Zonja e Vjetër” dëshiron të përfshijë mesfushorin argjentinas Enzo Barrenechea si pjesë e një marrëveshje shkëmbimi me Genoan, të cilët tashmë e kanë veçuar 22-vjeçarin si një opsion interesant.

Sonte me fillim nga ora 21:00 stadiumi “Etihad” do të jetë nikoqir i ndeshjes së kthimit mes Manchester Cityt dhe Real Madridit, e vlefshme kjo për fazën çerekfinale të Ligës së Kampionëve.

Ndeshja e kaluar që u zhvillua në “Santiago Bernabeu” prodhoi spektakël dhe plot gjashtë gola, ku Reali barazoi 3:3 me Cityn, raporton KosovaPress.

Fakt interesant është që vetëm një nga 13 pjesët e fundit të aksionit mes këtyre dy skuadrave nuk pa asnjë gol të shënuar.

Sa i përket ndeshjes së sotme, City ka të gjithë lojtarët e gatshëm ndërsa te Reali mungojnë Alaba, Courtois dhe Tchouameni.

Formacionet e mundshme i gjeni më poshtë.

Manchester City (4-3-3): Ederson; Walker, Dias, Stones, Gvardiol; Silva, Rodri, De Bruyne; Foden, Haaland, Doku

Real Madrid (4-3-1-2): Lunin; Carvajal, Nacho, Rudiger, Mendy; Valverde, Camavinga, Kroos; Bellingham; Rodrygo, Vinicius Jr

Pas dy ndeshjeve të mbrëmshme ku Paris Saint-Germain eliminoi Barcelonën dhe Borussia Dortmundi e eliminoi Atletico Madridin, sot do të mësohen edhe dy gjysmëfinalistët e fundit të kësaj gare.

Me fillim nga ora 21:00 stadiumi “Allianz Arena” do të jetë nikoqir i ndeshjes së kthimit mes Bayern Munichut dhe Arsenalit, raporton KosovaPress.

Ndeshja e parë në “Emirates” të Londrës u mbyll me rezultat të barabartë 2:2, andaj sot pritet të jetë një ndeshje e zjarrtë me të dy skuadrat që e dëshirojnë një vend në gjysmëfinale.

Ndërkaq, ndeshja kryesore do të zhvillohet në stadiumin “Etihad”, ku kampioni aktual evropian, Manchester City e pret në shtëpi Real Madridin.

Ndeshja e kaluar në “Santiago Bernabeu” u mbyll me shifrat 3:3, rezultat ky që lë gjithçka të hapur sa i përket skuadrës që eliminohet sot.

Ndeshjet e sotme:

21:00 Manchester City – Real Madrid

21:00 Bayern Munich – Arsenal

Barcelona do të jetë pa Andreas Christensen dhe Sergi Roberton për takimin e tyre në Ligën e Kampionëve me Paris Saint-Germain që zhvillohet sot. Kampionët e La Ligës kanë një avantazh të vogël pas një fitoreje me rezultat 3-2 në kryeqytetin francez javën e kaluar, por mirëpresin PSG- në pa dy prej lojtarëve më të rëndësishëm.

Për PSG-në, lajmi kryesor është se Achraf Hakimi tani është kthyer nga pezullimi që e përjashtoi atë në ndeshjen e parë. Si rezultat, Marquinhos mund të kthehet përsëri në qendër të mbrojtjes, transmeton kp.

Ndeshja nis nga ora 21:00 dhe këto janë formacionet e mundshme:

Barcelona: Ter Stegen; Kounde, Araujo, Cubarsi, Cancelo; Pedri, Gundogan, De Jong; Yamal, Lewandowski, Raphinha

PSG: Donnarumma; Hakimi, Marquinhos, Beraldo, Hernandez; Zaire-Emery, Ruiz, Vitinha; Dembele, Ramos, Mbappe