Category: Sport

Julian Nagelsmann ka nënshkruar një kontratë të re me Kombëtaren e Gjermanisë, lajm ky që nënkupton që ai nuk do të rikthehet te Bayern Munichu.

Nagelsmann së fundmi thuhej se mund të rikthehej te Bayerni, pasi që Tuchel të largohet në fund të sezonit, por kjo gjë nuk do të ndodhë, raporton KP.

Tani, Nagelsmann foli pas rinovimit të kontratës me Gjermaninë.

“Ky është një vendim nga zemra. Është krenari që e kam mundësinë të jem trajner i kombëtares dhe të punojë me lojtarët më të mirë të shtetit. Me paraqitje plot sukses dhe pasion ne kemi shansin që të inspirojmë të gjithë shtetin, gjithashtu edhe dy fitoret kundër Francës dhe Holandës në muajin mars më prekën mua. Ne duam të luajmë ndeshjet si vendas në Evropian së bashku, më pas jam duke shikuar përpara drejt një sfide në Kupën e Botës së bashku me stafin tim të trajnerëve”, tha Nagelsmann.

Ultrasit e Milanit u përballën me lojtarët e tyre pas humbjes 2-1 kundër Romës në “Stadio Olimpico”, e cila përcaktoi eliminimin e tyre nga çerekfinalet e Ligës së Evropës.

Kuqezinjtë pësuan humbjen e dytë radhazi kundër rivalëve të tyre në Serie A, Roma dhe u eliminuan nga çerekfinalet e Ligës së Evropës me rezultatin e përgjithshëm 3-1.

Lojtarët e Milanit u larguan pas fishkëllimës së fundit dhe u përballën me tifozë të zemëruar, të cilët, sipas “Rai Sport”, i fajësuan ata për humbjen e ndeshjes më të rëndësishme të sezonit, përcjellë KosovaPress.

Milani ka një tjetër ndeshje kyçe javën e ardhshme: ata do të takohen me Interin në Serinë A. Ata duhet të shmangin humbjen për të parandaluar rivalët e tyre të qytetit të fitojnë matematikisht titullin e kampionit.

Maria Herranz, një atlete e re e ekipit kombëtar të Spanjës në gjimnastikë, vdiq në moshën 17-vjeçare. Vdekja e gjimnastes së re u shkaktua nga meningjiti (sëmundja e trurit). Atletja u transportua me urgjencë në spitalin universitar të Guadalajara të mërkurën më 16 prill dhe vdekja e saj u konfirmua njëzet e katër orë më vonë.

Banore në Cabanillas del Campo (Guadalajara), Maria praktikoi gjimnastikë ritmike në klubin lokal Ruditramp. Pas përfundimit të studimeve në gjimnazin San Blas de Cabanillas dhe frekuentimit të Liceut Artistik “Elena de la Cruz” në kryeqytetin e provincës, 17-vjeçarja me ëndrrën për të shkuar në Olimpiadë, ishte bërë pjesë e botës së gjimnastikës, përcjellë KosovaPress.

Lajmi për vdekjen e atletes tronditi të gjithë. Këshilli i qytetit të Cabanillas del Campo shpalli dy ditë zie duke pezulluar aktivitetet e ndryshme socio-kulturore, duke shprehur ngushëllimet publike me një postim të publikuar në mediat sociale:

“Këshilli i qytetit të Cabanillas del Campo dëshiron të shprehë dhimbjen dhe pikëllimin më të thellë për këtë rrethanë tragjike dhe u dërgon ngushëllimet më të thella të gjithë familjes dhe miqve të Marías, veçanërisht prindërve të saj, Raquel dhe Alfonso, vëllait të saj të vogël, dhe gjyshërve, xhaxhallarëve dhe kushërinjve të tyre”, thuhet në reagim.

.

Viktor Kovac është emëruar kryetrajner i Kombëtares A të Kosovës për femra. Vendimi është marr nga Bordi i Federatës së Basketbollit ditën e enjte.

Viktor Kovac është trajner nga Kroacia dhe me përvojë të madhe në kampionatin kroat, ndërsa ka qenë edhe përzgjedhës i Kombëtares së Kroacisë (F), kurse së fundi ai e ka udhëhequr KBF Bashkimin në stolisjen me titullin e kampionit për edicionin 2022/23 dhe 2023/24 në Superliga Femrat, si dhe triumfin në Kupë dhe Superkupë në dy edicionet e fundit.

“Bazuar në kompetencat e Bordit të Federatës së Basketbollit të Kosovës që dalin nga Statuti i FBK-së, si dhe duke u bazuar në Nenin 31 të rregullores së Përfaqësueseve të Kosovës, Bordi i FBK-së ka marrë vendim që të emërojë trajnerin Viktor Kovac në cilësinë e përzgjedhësit të Përfaqësueses A Femrat të Kosovës”, thuhet në njoftimin e FBK-së, përcjellë KosovaPress.

Viktor Kovac do të udhëheq Përfaqësuesen A Femrat të Kosovës në FIBA Kampionatin Evropian për Shtete të Vogla, që do të organizohet në Prishtinë prej 25 deri më 30 qershor 2024.

Futbolli palestinez citon shembullin e skuadrave ruse që u ndaluan nga garat ndërkombëtare nga FIFA dhe UEFA gjatë pushtimit ushtarak të Ukrainës që filloi në shkurt 2022.

Thirrjet për veprim kundër Izraelit në futbollin ndërkombëtar për shkak të konfliktit me Hamasin do të shtohen nga zyrtarët palestinezë në kongresin vjetor të FIFA-s muajin e ardhshëm.

Propozimi i Federatës së Futbollit të Palestinës për 211 federatat anëtare në Tajlandë kërkon “sanksione të duhura, me efekt të menjëhershëm, kundër ekipeve izraelite”, sipas dokumenteve të FIFA-s të publikuara vonë të mërkurën, një muaj përpara takimit të 17 majit.

Mocioni vë në dukje “shkeljet e ligjit ndërkombëtar të kryera nga okupimi izraelit në Palestinë, veçanërisht në Gaza” dhe citon angazhimet statutore të FIFA-s për të drejtat e njeriut dhe kundër diskriminimit.

“E gjithë infrastruktura e futbollit në Gaza është shkatërruar ose dëmtuar rëndë, duke përfshirë stadiumin historik të Al-Yarmuk”, shkroi Federata Palestine, duke pretenduar mbështetjen për mocionin e kongresit nga federatat e Algjerisë, Irakut, Jordanisë, Sirisë dhe Jemenit.

Thirrja e fundit për të ndëshkuar futbollin izraelit nuk do të mbështetet nga FIFA dhe nuk ka gjasa të bëjë përparim, sepse Izraeli mund të presë mbështetje globale, duke përfshirë edhe organin evropian të futbollit me 55 anëtarë, UEFA, të cilit iu bashkua 30 vjet më parë. Një marrëveshje bashkëpunimi gjithashtu u nënshkrua javën e kaluar midis zyrtarëve izraelitë dhe organizmit të futbollit të Amerikës së Jugut CONMEBOL.

Futbolli palestinez citon shembullin e skuadrave ruse që u ndaluan nga garat ndërkombëtare nga FIFA dhe UEFA gjatë pushtimit ushtarak të Ukrainës që filloi në shkurt 2022.

Përjashtimi i Rusisë u mbështet nga FIFA sepse disa anëtarë të UEFA-s refuzuan të luanin lojëra kundër kundërshtarëve rusë. Ato përfshinin të tre ekipet kombëtare të meshkujve – Poloninë, Suedinë dhe Republikën Çeke – të cilët ishin në grupin kualifikues të play-off-it në mars 2022 për Kupën e Botës për meshkuj të atij viti. Rusia nuk luajti dhe Polonia kaloi në turneun në Katar.

Zyrtarët rusë vazhdojnë të marrin pjesë në takimet ndërkombëtare të futbollit, përfshirë komitetin ekzekutiv të UEFA-s dhe duhet të kenë një delegacion me FIFA-n në Bangkok muajin e ardhshëm.

Ekipet kombëtare dhe klube izraelite kanë vazhduar të luajnë në garat e UEFA-s që nga sulmet e 7 tetorit nga Hamasi, megjithëse ndeshjet në shtëpi u luajtën në Hungari dhe Qipro për arsye sigurie.

Mediat italiane raportojnë se Mario Pasalic është favorit për të startuar ndaj Teun Koopmeiners për Atalantën kundër Liverpoolit, por Gian Piero Gasperini ka një dyshim më shumë në sulm.

Atalanta pret Liverpoolin në ndeshjen e dytë çerekfinale të Europa League në stadiumin Geëiss në Bergamo sonte, aty ku zbret në fushë me epërsinë e tre golave nga ndeshja e parë e zhvilluar një javë më parë.

Duket se nuk ka dyshime për Gasperinin sa i përket fazës mbrojtjësë dhe mesfushës me Sead Kolasinac dhe Davide Zappacosta të rikthyer në formacionin startues, përcjellë KosovaPress.

Megjithatë, mund të ketë ndryshime befasuese në sulm, me mediat sportive italiane që pretendojnë se Koopmeiners ka të ngjarë të qëndrojë në stol dhe të zëvendësohet nga kroati Pasalic, shënuesi i një prej tre golave të Atalantës në “Anfield, përcjellë KosovaPress.

Këto janë formacionet e mundshme:

Atalanta (3-4-2-1): Musso; Djimsiti, Hien, Kolasinac; Zappacosta, De Roon, Ederson, Ruggeri; Pasaliç; Scamacca, Miranchuk .

Liverpool (4-3-3): Alisson; Alexander-Arnold, Konate, Van Dijk, Robertson; Elliott, Mac Allister, Jones; Salah, Diego Jota, Luis Diaz.

Daniele De Rossi do të vazhdojë të jetë trajner Romës edhe pas këtij sezoni. Ky është vendimi që ka marr klubi romak së fundit, vendim i cili është dhënë përmes një njoftimi në faqen zyrtare të klubit.

“Pas takimit të djeshëm pasdite me Daniele De Rossin, ne jemi të kënaqur të njoftojmë se ai do të vazhdojë si trajner i AS Roma pas këtij sezoni dhe për të ardhmen e parashikueshme. Në mandatin e tij të shkurtër si kryetrajner, ndikimi pozitiv që lidershipi i tij ka sjellë në të gjithë klubin ka treguar historinë e vet”, thuhet në njoftimin e klubit.

“Daniele udhëheq me respekt dhe kurajo, ndërsa forca dhe besimi i tij i rrënjosur në klub janë vërtet në përputhje me vlerat, qytetin dhe tifozët e pashembullt të Romës. Ne do të vazhdojmë të punojmë së bashku sa më shumë që të jetë e mundur për të ofruar një të ardhme që tifozët e AS Roma e meritojnë”, thuhet më tutje në deklaratë.

De Rossi e mori drejtimin e klubit pas largimit të Jose Mourinhos, dhe që atëherë ka udhëhequr këtë skuadër drejt rezultateve pozitive në Serie-A dhe Ligën e Evropës. Në këtë të fundit Roma është në fazën çerekfinale, aty ku so do të përballet me Milanin në ndeshjen e dytë, derisa të parën e ka fituar me rezultat 1-0.

Në tabelën e Serie-A, Roma është e pesta me 55 pikë.

Jude Bellingham zbuloi salcën sekrete të Real Madridit për të mposhtur Manchester Cityn pasi “Los Blancos” kaluan ën gjysmëfinale pas ekzekutimit të penalltive në “Etihad”.

Pavarësisht se Manchester City dominoi me posedimin e topit dhe kontrollin e lojës në ndeshjen e dytë, Real Madridi tregoi elasticitetin e tij për t’iu përmbajtur ndaj sulmeve të skuadrës angleze dhë në fund bën një tjetër hap të madh në këtë kompeticion.

Ndërsa fliste për çelësin e suksesit të Real Madridit, Bellingham tha për “TNT Sports” se të mposhtësh kampionin në fuqi është një arritje shumë e madhe, përcjellë KosovaPress.

“Është lehtësim. Ti ke dhënë aq shumë në lojë, unë kam luajtur më parë kundër Cityt kur je afër dhe mendon se do të marrësh diçka dhe më pas ata e rrëmbejnë atë. Unë isha i vdekur në këmbë në fund të lojës, kështu që është një shpërblim i madh. Është shumë e vështirë të mbash fokusin, ata të lëvizin dhe të vendosin në pozicione ku nuk dëshiron të jesh. Ju duhet ta shihni fanellën e Realit si një përgjegjësi, jo një presion. Duhet të jeni të gatshëm të jeni nën vëzhgim dhe në qendër të vëmendjes. Nëse jeni këtu do të thotë që mund ta përballoni atë, kështu që besoni në proces. Është e pabesueshme t’i eliminosh kampionët në fuqi. Sot ka të bëjë me mentalitetin, vrapimin e lojtarëve”, tha Bellingham.

Sezoni debutues i Bellinghamit në Spanjë mund të kulmojë me një arritje të jashtëzakonshme, me klubin që gjithashtu konkurron për titullin në La Liga. Duke reflektuar mbi vendimin e tij për t’u bashkuar me Real Madridin, Bellingham lavdëroi menaxherin Carlo Ancelotti për rolin e tij në integrimin e ekipit në një njësi kohezive dhe në të njëjtën kohë duke u dhënë lojtarëve lirinë e tyre shumë të nevojshme.

“Nuk mund ta ëndërroja kurrë, jo vetëm golat, por ndjenjën e të luajturit për klubin çdo ditë, distinktivi në gjoksin tënd çdo ditë është i mahnitshëm dhe shpresoj se do të ketë më shumë netë si kjo”, tha ai.

“Ne kishim disa role të ndryshme sonte në skuadër, por duhet të bëni rregullime dhe sakrifica në lojën tuaj. Forca jonë më e madhe është se Ancelotti gjen një mënyrë për t’i lënë djemtë të luajnë lirshëm. Ekipet e tjera janë të strukturuara me modelet e tyre të lojës, por ne jemi ndryshe. E kapa atë duke u menduar para ndeshjes dhe ai tha duhet të shkosh dhe të më emocionosh. Kjo është qetësia që ai sjell”, shtoi anglezi.

Duke parë përpara ndeshjen e ardhshme gjysmëfinale kundër Bayern Munich, Bellingham shprehu besimin në aftësinë e Real Madridit për të ruajtur formulën e tyre të fitores.

“Ne nuk kemi asgjë për t’u shqetësuar me Bayernin, por ne i respektojmë ata dhe do t’i qasemi njësoj si sot”.

Megjithatë, para se të luajnë me Bayernin, Madridi ka një përplasje në El Clasico me Barcelonën për t’u përballur në fundjavë në La Liga.

Pep Guardiola ka thënë se ai nuk ka asgjë për t’u penduar pasi Manchester City u eliminua nga Liga e Kampionëve duke u mposhtu nga Real Madridi pas ekzekutimit të penalltive.

City dominoi lojën, duke barazuar me Kevin De Bruyne në minutën e 76 -të , por nuk mundi ta fitonte në kohën normale dhe në shtesë, duke bërë kështu që penalltitët të kishin rolin vendimtar.

Reali kalon në një përballje gjysmëfinale me Bayern Munich, me Cityn e mbetur në përpjekje për të siguruar dy dituj, në Premier League dhe FA Cup., transmeton KosovaPress.

“Unë do të kisha preferuar të fitoja, sigurisht, por urime për Real Madridin , ata u mbrojtën shumë mirë me një solidaritet të tillë. Ne bëmë absolutisht gjithçka – nuk jam penduar. Luajtëm jashtëzakonisht mirë në të gjitha repartet, por fatkeqësisht nuk mundëm të fitonim”, tha Guardiola pas ndeshjes.

“Më duhet t’u them faleminderit këtyre lojtarëve nga thellësia e zemrës sime për mënyrën se si ata luajtën. Por futbolli ka të bëjë me fitoren dhe ne nuk bëmë mjaftueshëm, por ishim të jashtëzakonshëm. Ndonjëherë mund të fitosh me penallti dhe ndonjëherë nuk mundesh. Por në lojë ne nuk i konvertuam rastet që kishim, edhe pse u mbrojtëm me të vërtetë. Të gjithë performuan në një nivel të lartë. Ne thamë se duhet të jemi në maksimumin tonë”, theksoi Guardiola.

“Tani duhet të shohim përpara se çfarë do të vijë në sezon. Nuk kemi shumë kohë për të pushuar. Është një pjesë e ngarkuar e sezonit. Tani është koha për të qenë të fortë, veçanërisht në kokë. Jemi ende në dy gara të rëndësishme”, shtoi ai.

Carlo Ancelotti zbulon se e ka uruar Pep Guardiolën dhe i ka uruar fat në pjesën e fundit të sezonit pasi Real Madridi e eliminoi Manchester Cityn nga çerekfinalet e Ligës së Kampionëve. Ancelotti foli për “Amazon Prime Video Italia” të mërkurën mbrëma pas kualifikimit për në gjysmëfinale të Ligës së Kampionëve.

“Ky është një rezultat i madh i marrë me sakrifica të mëdha. Ne u mbrojtëm mirë dhe kjo ishte e vetmja mënyrë për të fituar këtu”, tha trajneri italian.

Real Madridi fitoi me penallti pas një barazimi të përgjithshëm 4-4, dhe Ancelotti e pa gjuajtjen e penalltive nga fusha, shumë larg nga rezervat e Madridit dhe anëtarët e stafit të tij.

“Sinqerisht, nuk e di. nuk e mbaj mend. Shpresoja që ne të shënonim dhe ata jo. Unë preferoj të izolohem në këto situata”, u përgjigj Ancelotti, përcjellë KosovaPress.

Ish- trajneri i Milanit kishte ndarë një moment me Pep Guardiolën në fushë pas ndeshjes dhe zbuloi se çfarë i tha atij.

“E përgëzova dhe i urova fat për pjesën tjetër të sezonit. Ata fituan sezonin e kaluar, dhe këtë herë ishte radha jonë. Ishte një arritje e madhe të fitosh sot dhe jam shumë i lumtur. Është interesante sepse është gjysmëfinale dhe është veçanërisht e mirë sepse mundëm Manchester Cityn”, përfundoi Ancelotti.

Fitorja e Real Madridit ndaj Manchester Cityt do të thotë se Ancelotti është bërë trajneri i parë që eliminon Pep Guardiolën nga Liga e Kampionëve në tre sezone të ndryshme.

Trajneri italian mbetet i vetmi trajner që ka fituar katër herë kompeticionin elitar të klubeve evropiane.