Category: Sport

Pas spektaklit që ofroi për dy ditë me radhë Liga e Kampionëve, sot është radha e Ligës së Evropës, aty ku sot do të mësohen çiftet gjysmëfinale të kësaj gare.

Vëmendja kryesore do të jetë në derbin e dy skuadrave italiane, Romës dhe Milanit, aty ku gjithçka ka mbetur e hapur pas ndeshjes së parë të cilën Roma e fitoi në “San Siro” me rezultat minimal 1-0, transmeton KosovaPress.

Stadiumi “Olimpico” do të jetë arenë e një ndeshje të zjarrtë duke ditur se të dy këto skuadra e shohin këtë kompeticion si mundësi të mirë për shpëtuar sezonion katual.

Ndeshje interesante do të jetë edhe ajo që zhvillohet në Bergamo të Italisë ndërmjet Atalantës dhe Liverpoolit. Skuadra e Jurgen Klopp u shokuar në ndeshjen e parë para tifozëve të vet duke u mposhtur nga italianët me rezultat 3-0. “Te kuqtë” duhet të bëjnë një paraqitje të ëndrrave për ta përmbysur rezultatin dhe për të kaluar tutje.

Në dy ndeshjet tjera ballafaqohen Marsej-Benfika dhe West Ham United-Bayer Leverkusen.

Të gjitha ndeshjet nisin nga ora 21:00.

Siç bëhet e ditur nga gazetari i njohur gjerman, Florian Plettenberg, Liverpooli dhe Arsenali kanë shprehur interesim në mbrojtësin e Eintracht Frankfurtit, William Pacho.

Po ashtu, Eintracht Frankfurti është i vetëdijshëm për interesimin nga dy gjigantët anglezë, raporton KosovaPress.

22 vjeçari do të lejohet të largohet nga Eintracht gjatë verës vetëm nëse paguhet shuma mes 50-60 milionë eurosh. Çmimi është vendosur.

Pacho ka kontratë me Eintracht Frankfurtin deri në qershor të vitit 2028, dhe konsiderohet njëri nga lojtarët kyç të skuadrës gjermane.

Legjendaa braziliane e futbollit, Romario është rikthyer nga pensionimi në moshën 58-vjeçare për të luajtur për skuadrën braziliane America Football Club në Rio de Zhaneiro.

Romario ka konfirmuar se do të rikthehet në futbollin profesionist më shumë se 15 vjet pasi i vari këpucët në vitin 2009. Romario pati një karrierë të suksesshme si lojtar, duke fituar Kupën e Botës në vitin 1994 dhe duke luajtur për skuadrën holandeze PSV dhe gjigantët e La Ligës Barcelona mes klubeve të tjera.

Ai tani është regjistruar si lojtar për Klubin e Futbollit Amerikan, ku ai shërben si president dhe gjithashtu ku djali i tij, Romarinho, luan futboll. Ai e ka bërë të qartë se të luajë me djalin e tij dhe për ekipin e tij të preferuar është motivimi i tij kryesor. Legjenda braziliane do të fitojë një pagë minimale në klub, por do ta kthejë atë në Amerikë si donacion, raporton “Marca”, përcjellë KP.

“Unë nuk do të garoj në kampionat, por do të luaj disa ndeshje për ekipin e zemrës dhe do të bëj realitet një ëndërr tjetër, duke luajtur përkrah djalit tim. Si mendoni?”, ka shkruar Romario në Instagram.

Klubi Amerikan i Futbollit aktualisht luan në divizionin e dytë të Campeonato Carioca të Brazilit dhe po përgatitet për fillimin e një sezoni të ri që fillon më 18 maj. Mbetet për t’u parë se kur do të debutojë Romario për klubin e tij të ri.

Agjenti i mesfushorit të Arsenalit dhe Italisë, Jorginho, Joao Santos, ka thënë se drejtori i Juventusit, Cristiano Giuntoli ‘mund ta telefonojë’ nëse ka nevojë për të, dhe gjithashtu ka dhënë një përditësim mbi bisedimet e përfolura mes klientit të tij dhe Fiorentinës .

Jorginhos i skadon kontrata në Londrën Veriore në fund të sezonit 2023-24, megjithatë ekziston një opsion për ta vazhduar edhe për një vit tjetër, përcjellë KosovaPress.

Si një 52-herë përfaqësues i Italisë, nuk është çudi që ka pasur lidhje me një rikthim të mundshëm në Serie A para përfundimit të karrierës së tij si lojtar.

Joao Santos, i cili dha një intervistë për TV Play të martën, pranoi se ende nuk ka pasur bisedime zyrtare me asnjë ekip në Itali, por ai dha detaje mbi thashethemet me Juventusin dhe Fiorentinën.

Joao Santos pranoi se do të befasohej nëse Juventusi do të merrte Jorginhon për shkak të listës aktuale të mesfushorëve.

“Për mendimin tim, ata nuk kanë nevojë për një lojtar si Jorginho. Nëse Giuntoli ka nevojë ndonjëherë për një mesfushor si Jorginho, ai gjithmonë mund të më kontaktojë mua.”, tha ai.

Agjenti u pyet edhe për Fiorentinën, ku ai u përgjigj: “Së pari duhet të kuptojmë nëse ata po mendojnë vërtet për Jorginhon. Është një projekt ambicioz, një klub që dëshiron të synojë Ligën e Kampionëve, për ne nuk do të kishte probleme. Megjithatë, për momentin, Fiorentina nuk ka kontaktuar me ne”, theksoi në fund ai.

Skuadra gjermane, Borussia Dortmund mbrëmë siguroi gjyëmfinalen e madhe të Ligës së Kampionëve pasi eliminoi Atletico Madrid.

Siç raportohet, klubi nga “Iduna Park” me këtë kualifikim ka gjeneruar shumën prej 100 milionë euro, shkruan Indeksonline

Këto shifra klubi gjerman i fitoi pa u përfshi biletat e tifozëve, vetëm nga shtëpia më e madhe e futbollit në Europë, UEFA.

Kujtojmë që në fazën gjysmëfinale, Dortmund do të luaj ndaj Paris Saint-Germain, që mbrëmë eliminoi Barcelonën.

🟡⚫️ Borussia Dortmund will earn more than €100m from the UCL alone this season, reports @berger_pj. 💰

This does not include ticket revenue either. pic.twitter.com/FuPl2ckJud

— EuroFoot (@eurofootcom) April 17, 2024

Sonte me fillim nga ora 21:00 do të zhvillohet ndeshja e kthimit e fazës së çerekfinales së Ligës së Kampionëve mes Manchester Cityt dhe Real Madridit.

Ndeshja e sotme do të zhvillohet në stadiumin “Etihad”, ndërsa e kaluara që u luajt në “Santiago Bernabeu” përfundoi me rezultat të barabartë 3:3, raporton KosovaPress.

Të dy skuadrat do të luftojnë sonte me gjithçka që kanë për ta prekur gjysmëfinalen e kësaj gare, por çfarë rekordi të rezultateve ka Reali si mysafir në “Etihad”?

Reali është përballuar pesë herë me Cityn si mysafir në Ligën e Kampionëve, ku asnjëherë nuk e ka shijuar fitoren në tokën angleze kundër kampionit aktual evropian.

Reali ka dy barazimi dhe tri humbje në “Etihad”, ndërsa ka arritur ta gjejë golin pesë herë, ndërsa ka pranuar plot 11 gola.

Është prezantuar sot projekti i kampusit të Akademisë së Futbollit të Manchester Cityt në Shqipëri, si dhe u bë ekspozimi i trofeve të Manchester Cityt “Treble Trophy Tour” në Qendrën për Hapje dhe Dialog (COD) në Kryeministri.

Një ngjarje kjo e organizuar nga “Dyrrah City Football Academy” në bashkëpunim me Manchester Cityn si dhe me mbështetjen e Federatës Shqiptare të Futbollit (FSHF), në të cilën u mundësua sjellja e trofeve të fituar sezonin e kaluar nga klubi anglez si Premier Ligën, Ligën e Kampionëve, FA Cup, Super Kupën UEFA dhe Kupën e Botës për klub, raporton KosovaPress.

Prezent në këtë ngjarje ishte edhe presidenti i FSHF-së, Armand Duka i cili tha se suksesi i Manchester Cityt është dëshmi e një pune shumëvjeçare. Kreu i qeverisë shqiptare të futbollit falënderoi të gjithë bashkëpunëtorët që do të bëjnë të mundur realizimin e projektit të kampusit të Akademisë së Futbollit të Manchester City-t në Durrës dhe shtoi se zhvillimi i futbollit të fëmijëve është një prioritet i FSHF-së.

“Manchester City në Tiranë ka sjellë pesë kupa dhe është një lajm i bukur. Kupat unë i shoh si dëshmi të një projekti, të një pune shumëvjeçare të një prej klubeve më të mëdha në botë. Në prag të finales së Champions League vitin e kaluar në Stamboll, CEO i Manchester City tha se në futboll rëndom thuhet që duhet të kesh talent, fat dhe duhet të punosh. Rasti i Manchester City-t është punë, punë dhe vetëm punë”, tha Duka.

“FSHF e ka në prioritetet e saj mbështetjen e futbollit të fëmijëve dhe bën gjithçka për ta bërë atë sa më atraktiv, më të suksesshëm dhe e mbështet atë me bazë materiale, invenstime dhe me gjithçka mundet, mbase më mirë se çdo Federatë tjetër në Europë. Jam i bindur që futbolli ka nevojë për projekte dhe strategji të përbashkëta ku të përfshihemi të gjithë si në këtë rast, ku të përfshihet edhe bota e biznesit, për ta bërë këtë lojë të dashur për të gjithë akoma edhe më të suksesshëm. Ne kemi vërtetë shumë detyrime për fëmijët tanë dhe një nga ato është edhe sporti. Ne i dimë benefitet që ka sporti: shëndetësore, edukative por edhe ekonomike. Futbolli sot e ka jetike ligjin e sponsorizimit, në fakt tashmë të premtuar nga Kryeministri dhe unë jam i sigurt që ky ligj nuk do të jetë një kosto për buxhetin e shtetit, por është një investim që ka rikthim të sigurt në një afat pesë vjeçar”, tha më tej Duka.

Edon Zhegrova nuk do të jetë në dispozicion të skuadrës së tij, Lille për ndeshjen kthyese kundër Aston Villës në Ligën e Konferencës. Lajmin e ka konfirmuar trajneri i Lille, Paulo Fonseca në konferencë për media para kësaj ndeshje.

Për sfidën me Aston Villën mungojnë Rafael Fernandes, Nacho Miramon, Andrej Ilic, Sam Umtiti dhe Edon Zhegrova. Të tjerët janë gati për ndeshjen. Për Edonin, pres që ai të jetë gati për ndeshjen e radhës në kampionat. Adam Ounas kthehet në grup”, ka thënë Fonseca, përcjellë KP.

Lillë ka pësuar disfatë me rezultat 2-1 në ndeshjen e patë të zhvilluar në Angli, ndërsa i nevojitet përmbysja e këtij rezultati në ndeshjen e së enjtës për të vazhduar në raundit tjetër të kësaj gare.

Protagonisti me dy gola për PSG-në kundër Barcelonës në Ligën e Kmapionëve, Kylian Mbappe, ka folur për të ardhmen e tij në fund të ndeshjes . Qendërsulmuesi parizien i pyetur nëse kalimi në raundin tjetër mund të jetë vendimtar në ndryshimin e vendimit të tij, dha një përgjigje të prerë duke thënë: “Jo, jo, jo ”.

Kujtojmë se numri 10 i PSG-së ka një kontratë që skadon me skuadrën e trajnerit Luis Enrique në fund të sezonit, vit që mund t’i japë klubit të presidentit Al-Khelaifi tripletën: “Jam krenar që vesh fanellën e PSG-së sepse jam parisien. Ëndërroj të fitoj Ligën e Kampionëve me këtë skuadër, do të përpiqemi të shkojmë në Ëembley”, shtoi ai, përcjellë KosovaPress.

Trajneri i PSG-së, Luis Enrique duke folur për të ardhmen e Mbappe-s në fund të ndeshjes, tha se ai është lider i skuadrës së tij.

“Ai ishte lideri ynë në fushë. Ne presim që Kylian të flasë për të ardhmen e tij. Kur Mbappé dhe PSG të flasin në publik, do të shohim. Është si një proces. Derisa Mbappé të shkojë të flasë, unë do të qëndroj këtu, do të pres dhe do të hesht”, theksoi ai.

Boksieri Deontay Wilder thotë se është 90% i sigurt se një ballafaqim me Anthony Joshuan do të ndodhë në të ardhmen. Boksieri i kategorisë së rëndë përballet me Zhilei Zhang më 1 qershor, gjashtë muaj pas humbjes së tij shokuese nga Joseph Parker.

Humbja ndaj Parkerit prishi një luftë të planifikuar kundër Joshuas, por Wilder thotë se përballja e shumëpritur mund të ndodhë.

“Njerëzit gjithmonë do të duan ta shohin atë luftë pa marrë parasysh çfarë”, tha Ëilder për BBC Sport, përcjellë KosovaPress.

Joshua dhe Wilder luftuan në të njëjtën natë dhjetorin e kaluar, me synimin për t’u takuar në prill 2024, por britaniku u detyrua të ballafaqohet me ish-kampionin e UFC-së, Francis Ngannou, pas humbjes së Wilder.

Wilder, 38 vjeç, thotë se humbja ishte pjesërisht për shkak të 14 muajve të pasivitetit të tij që çoi në luftën me Parker, por tha se një fitore e madhe do të ringjallë interesin.

“E kam thënë gjithmonë, do të jetë turp nëse unë dhe Joshua nuk përballemi asnjëherë”, tha Wilder.