UEFA ka deleguar Visar Kastratin si gjyqtar kryesor që të ndajë drejtësinë në ndeshjen e kualifikimeve për Europianin U21, Luksemburgu-Irlanda Veriore.
Në ndeshjen e cila do të zhvillohet në stadiumin “Emile Mayrisch” në Esch-Sur Alzette, gjyqtarin Kastratio do ta asistojnë Fatlum Berisha dhe Bujar Selimaj, ndërsa gjyqtari i katërt do të jetë Vigan Ibërdemaj.
Kjo ndeshje do të zhvillohet të martën më 15 tetor me fillim në orën 20:30.
Trajneri i Kosovës, Franco Foda do të flas sot në një konferencë për media para ndeshjes së radhës në Ligën e Kombeve kundër Qipros që zhvillohet të martën.
“Dardanët” e presin Qipron në “Fadil Vokrri” menjëherë pas triumfit të rëndësishëm kundër Lituanisë në udhëtim dhe kërkojnë tri pikë të reja për të vazhduar kështu luftën për kreun e grupit bashkë më Rumaninë, raporton KosovaPress.
Konferenca do të zhvillohet nga ora 16:15, pas së cilës do të zhvillohet edhe stërvitja e “Dardanëve”.
Kombëtarja Shqiptare të futboll vazhdon rrugëtimin e saj në Ligën e Kombeve dhe sot do të përballet me Gjeorgjinë, rival nga i cili është mposhtur dhe kërkon hakmarrje.
Kuqezinjtë udhëtojnë në “Mikheil Meskhi Stadium” në Tbilisi, atje ku objektivi i vetëm është fitorja pas dy humbjeve radhazi, raporton KosovaPress.
Gjeorgjia është liderë e grupit me gjashtë pikë, aq sa ka edhe Çekia në vendin e dytë. E treta është Shqipëria me tri pikë, aq sa ka edhe Ukraina në vendin e fundit.
Ndeshja Gjeorgji-Shqipëri zhvillohet nga ora 18:00.
Trajneri i Zvicrës, Murat Yakin ka folur pas humbjes ndaj Serbisë 2:0 në Ligën e Kombeve.
Yakin u shpreh i pakënaqur, teksa tha se Serbia u tregua më e zgjuar se ata.
Tutje, ai foli edhe për paraqitjen e Granit Xhakës.
“Granit ishte i pranishëm si gjithmonë. Ai e drejtoi lojën. Nuk ishte vetëm ai. Luajtëm mirë për 40 minuta. Bëmë një ose dy gabime të pafalshme në mbrojtje, duke lejuar goditje standarde. Ata po prisnin për këtë. Ishte më e zgjuar nga ana e tyre”, tha Yakin.
Dita e diel për adhuruesit e basketbollit do të jetë e mbushur me plot emocione.
Dy ndeshje tejet interesante do të jenë në programin e “ProCredit” Superligës.
Në Suharekë, në palestrën “13 qershori” do të zhvillohet derbi i Anadrinisë mes Golden Eagle Yllit dhe Bashkimit.
Ndeshja nis nga ora 17:00.
Kurse, lojë tjetër mjaft interesante pritet të jetë ajo mes Proton Cable Prizrenit dhe kampionit në fuqi Trepçës.
Përballja zhvillohet nga ora 19:00.
Liga e Kombeve sot e vazhdon programin e ndeshjeve.
Të dielen, meraklinjtë e futbollit do të kenë një mori zgjedhjesh se cilën ndeshje ta ndjekin.
Sot janë paraparë të zhvillohen tetë lojë goxha interesante, ku vlen të theksohet përballja në mes të Austrisë dhe Norvegjisë.
Ndeshjet zhvillohen në tri termine, 15:00, 18:00, 20:45.
Përballjet që do të luhen sot:
Kazakistani – Sllovenia, 15:00;
Finlanda – Anglia, 18:00;
Armenia – Maqedonia e Veriut. 18:00;
Lichtestein – Gjilbraltari, 18:00;
Malta – Moldavia, 18:00;
Greqia – Irlanda, 20:45;
Austria – Sllovenia, 20:45;
Ishujt Faroe – Letonia, 20:45.
Ndryshe ditën e djeshme, Kosova u përball me Lituaninë.
“Dardanët” si mysafirë triumfuan me rezultat 1:2, me golat e Edon Zhegrovës dhe Ermal Krasniqit.
Të martën, skuadra e Franco Fodas do ta pres Qipron në “Fadil Vokrri”.
Kombëtarja e Kosovës ka arritur një fitore tejet të rëndësishme ndaj Lituanisë sot në Kaunas, në kuadër të Ligës së Kombeve.
‘Dardanët’ kanë shënuar një fitore në udhëtim me rezultat 2-1, për t’i rritur gjasat për një kalim të grupit nga vendi i dytë, shkruan Sinjali Sporti.
Sfida u zhbllokua nga sulmuesi në formë i Lilles, Edon Zhegrova, i cili realizoi në ‘stilin’ e tij, duke shënuar në minutën e 20-të.
Rezultati u dyfishua nga Kosova kur i sapoinkuadruari, Ermal Krasniqi pas një depërtimi fantastik në zonën e portierit, arriti të realizojë një gol të bukur në minutën e 65-të.
E rezultati u ngushta nga vendasit pas një dalje jo të duhur nga portieri Amir Saipi, duke shënuar Golubickas në minutën e 84-të. Megjithatë, ky gol nuk
Me këtë fitore, Kosova tani renditet e dyta me pikë të barabarta me Rumaninë që ndodhet në pozitën e parë në grupin 2 të Ligës C, teksa kjo është fitorja e dytë e Kosovës, pas asaj ndaj Qipros në udhëtim 4-0.
Ndeshjen e ardhshme, Dardanët e zhvillojnë në “Fadil Vokrri”, ku e presin Qipron tre ditë më vonë.
Kombëtarja e Kosovës do të jetë mysafire e Lituanisë, me ndeshjen që nis nga ora 15:00.
Selektori Franco Foda ka vendosur për 11 lojtarët që do ta nisin ndeshjen nga fillimi.
Në formacionin e Kosovës ka disa risi, duke nisur nga porta.
Amir Saipi e nis ndeshjen debutuese në vend të Aro Muroc, derisa Dellova po ashtu e nis nga fillimi.
Albion Rrahmani i prin sulmit të Kosovës.
“Shaipi: Rrudhani, Rrahmani, Dellova, Vojvoda: Berisha, Rexhbeçaj: Rashica, Muslija, Zhegrova: Rrahmani”, ekipi startues.
Kombëtarja e Kosovës në futboll sot e ka ditën e saj.
Me fillim nga ora 15:00, “Dardanët” do të përballen me Lituaninë në Kaunas, me takimin që luhet në kuadër të xhiros së tretë në Ligën e Kombeve.
Kombëtarja dardane ka udhëtuar me fuqinë e plotë, përveç Leart Paqaradës që është lënduar, e është kthyer mbrapshtë tek ekipi i tij.
Kjo do të jetë hera e dytë që këto dy kombëtare përballen me njëra-tjetrën.
Kosova fitonte herën e parë 4-0, me ndeshjen që i takonte miqësoreve.
Për momentin në këtë edicion të Ligës së Kombeve, Kosova zë pozitën e dytë në grupin C2 me tri pikë. Lituania është e fundit me 0 pikë.
2.1 milionë euro do të investohen për ndërtimin e një stadiumi të futbollit në fshatin Hogosht të Kamenicës.
Kontrata për këtë projekt është nënshkruar të premten, raporton Paparaci.
Tenderin e ka fituar konsorciumi ekonomik nga Gjilani, i kryesuar nga kompania private “K.N.T.SH. Teuta”, bazuar në njoftimin e Ministrisë së Kulturës, Rinisë dhe Sporteve në platformën e-prokurimi.
Një projekt se si do të duket stadiumi është publikuar më herët gjatë vitit. Sipas projektit, ai është dizajnuar të ketë një tribunë kryesore, të vetme.
Në Hogosht të Kamenicës e ka bazën Klubi i Futbollit ‘Kika’.
