Category: Sport

Katërshja e arbitrave shqiptarë, Juxhin Xhaja, Arbër Zalla, Rejdi Avdo dhe Albert Doda, janë përzgjedhur për të gjykuar ndeshjen mes Vitória SC dhe Fiorentinas në UEFA Conference League.

Sfida do të zhvillohet në Estádio D. Afonso Henriques, Guimaraes, Portugali, të enjten më 19 dhjetor, në orën 21:00.

Juxhin Xhaja është arbitri kryesor. Arbër Zalla dhe Rejdi Avdo do të jenë asistentë të Xhajës, ndërsa Albert Doda është arbitri i katërt. Në Var do të jetë gjermani Robert Schröder, ndërsa si AVAR është caktuar sërish një arbitër shqiptar, Kreshnik Barjamaj.

Kjo përzgjedhje vjen pas një sezoni intensiv për ekipin e arbitrave shqiptarë, të cilët kanë gjykuar më parë edhe tre ndeshjet në fazën e grupeve të UEFA Europa League: Hoffenheim – FCSB, AZ Alkmaar – Elfsborg dhe Elfsborg – Sporting Braga.

Mykhailo Mudryk është diskualifikuar përkohësisht nga futbolli.

Ylli i Chelseat ka rezultuar pozitiv për përdorim droge/stimuluesi gjatë një testi antidoping të bërë nga Federata Angleze e Futbollit.

Futbollisti ofanziv me këtë rast rrezikon të suspendohet për katër vjet nëse edhe në testin e dytë do të rezultojë pozitiv, njofton “Daily Mail”.

Futbollisti ka insistuar se nuk ka përdorur asgjë, duke u ndier i pastër.

Priten zhvillime të re në ditët në vazhdim.

Federata e Futbollit të Kosovës ka ndarë çmimin “Ylli i Javës”. Ky çmim, për javën e 17-të në Albi Mall Superligë, i është ndarë futbollistit të SC Gjilanit, Armend Thaqi.

Thaqi ishte heroi i “Skifterave”, me golin e vetëm në ndeshje, duke mposhtur rivalin e qytetit, FC Dritën, me rezultat 1:0 dhe duke arkëtuar 3 pikë të rëndësishme për skuadrën e tij.

Pasi mori këtë çmim, Thaqi u shpreh i lumtur që u vlerësua si më i miri i javës.

“Po, tradicionalisht dihet që është derbi, një nga më të mëdhenjtë në rajonin tonë. Është një ndeshje që çdo futbollist do të donte ta luante, pasi është ajo që të bën të ndihesh futbollist. Fitimi i tij sjell shumë benefite, përfshirë rikthimin e besimit në skuadër. Edhe pse ishim në një moment të vështirë në tabelë dhe bëmë disa gabime, fitorja na solli tri pikë të rëndësishme që na kthyen qetësinë dhe atmosferën pozitive. Kur fiton derbin, jo vetëm që mposht rivalin në tabelë, por gjithashtu fiton rivalitetin e qytetit, që është një motiv i jashtëzakonshëm për ndeshjen e ardhshme. Kjo fitore na jep besim për ndeshjet që na presin edhe për sezonin pranveror. Klubi ka bërë investime të mëdha dhe ne jemi të motivuar të arrijmë një vend në garat evropiane, që do të ishte një objektiv shumë i merituar. Për mua, ky çmim individual është shumë i rëndësishëm, por nuk është vetëm meritë e imja. Ky është një çmim që ia dedikoj trajnerit Ardian Nuhiu dhe të gjithë futbollistëve, pasi ky sukses është rezultat i angazhimit të gjithsecilit”, tha ai për faqen zyrtare të FFK-së.

Agjenti i Paulo Dybalas, Carlos Novel, ka takuar drejtorët e Galatasaray për të diskutuar një transferim në janar dhe sipas burimeve italiane, “Giallorossët” janë gati të shesin argjentinasin muajin e ardhshëm.

Dybala mund të largohet nga Roma në afatin kalimtar të janarit dhe agjenti i tij, Carlos Novel, u takua me drejtorët e Galatasaray të hënën. Novel u pa në tribuna për të parë fitoren 4-3 të Galas ndaj Trabzonspor mbrëmë së bashku me një ndërmjetës, George Gardi.

Kontrata e Dybala në “Stadio Olimpico” skadon në qershor 2025, dhe sipas “Gazzetta”, Roma është gati të lëshojë “La Joya” falas muajin e ardhshëm. Gjithashtu mësohet se Dybala nuk është i sigurt për lëvizjen te Galatasaray në mes të sezonit, përcjellë KosovaPress.

Dybala do të zgjasë automatikisht kontratën e tij prej 7 milionë euro në vit për një sezon më shumë nëse ai kryen shtatë paraqitje të tjera këtë sezon, duke luajtur të paktën 45 minuta në çdo ndeshje.

Roma nuk ka hapur bisedimet për një marrëveshje të re, duke sugjeruar se argjentinasi nuk është pjesë e planeve të tyre afatgjata.

Manchester City ka konfirmuar se një tifoz ka vdekur gjatë disfatës 2-1 të së dielës nga rivalët lokal Manchester United në “Etihad”. Derbi që i dha tri pikë të plota “Djajve të kuq” u la në hije nga vdekdja tragjike e një tifozi të Man Cityt.

Në një deklaratë nga llogaria e kampionëve të Premier League në mediat sociale thuhet: “Manchester City është në dijeni të lajmit tragjik se një nga tifozët tanë ndërroi jetë pas një incidenti në ndeshjen e djeshme. Mendimet e të gjithëve në klub janë me familjen dhe miqtë e tyre në këtë kohë tepër të vështirë.”

Homazhet filluan të vërshojnë më pas në mediat sociale, me fansa të panumërt që dërguan ngushëllimet e tyre.

Ish-sulmuesi i Brazilit dhe Interit, Adriano, i quajtur ‘Perandori’ në kulmin e karrierës së tij, i dha lamtumirën futbollit të dielën në një ndeshje lamtumirëse në shtëpinë e Flamengos, klubi ku filloi karriera e tij dikur dukej premtuese.

42-vjeçari ishte menduar të bëhej një nga më të mëdhenjtë e futbollit, por përfundimisht iu nënshtrua presioneve të famës sportive dhe problemeve me alkoolin.

Ndeshja e luajtur në stadiumin “Maracana” në Rio de Zhaneiro, përfundoi me fitoren 4-3 të ‘Flamengo Legends’ ndaj ‘Miqve të Italisë’, përcjellë KosovaPress.

Rasti i lejoi Adrianon të thoshte zyrtarisht lamtumirë, tetë vjet pas ndeshjes së tij të fundit zyrtare, dhe shfaqi disa emra të mëdhenj të Brazilit, duke përfshirë sulmuesin Romario dhe portierin Julio Cesar.

Një Adriano i mbuhsur me emocione u përqafua nga të gjithë lojtarët kur në ekran shfaqej një mesazh i krijuar nga inteligjenca artificiale nga babai i tij i ndjerë.

Fituesi i Kupës së Amerikës në vitin 2004 dhe i Kupës së Konfederatave vitin 2005, në moshën 22-vjeçare, Adriano gradualisht shembi karrierën e tij.

Por pasi ishte titullar në Kupën e Botës 2006 në Gjermani, ai gradualisht humbi vendin e tij në ekipin kombëtar dhe në futbollin e klubeve, i rrënuar nga problemet me peshën dhe alkoolin.

Ai fitoi katër tituj të Serie A me Interin dhe dy herë trofeun e Kupës së Italisë. Ai gjithashtu luajti për klubet italiane Roma, Parma dhe Fiorentina gjatë karrierës së tij e cila përfundoi në vitin 2016 pas një periudhe të shkurtër me Miami United.

Avec l’aide de l’intelligence artificielle, la voix du père d’Adriano a été recréée pour laisser un message à l’Imperatore.

Adriano fond en larmes. 🥹❤️pic.twitter.com/M95eTYWZXN

— Inter FR (@InterMilanFRA) December 16, 2024

Tifozët izraelitë të futbollit u rrahën dhe u plagosën në përleshjet e dhunshme në Amsterdam gjatë natës së kaluar, të cilat qeveria holandeze i dënoi të premten si “sulme antisemite ndaj qytetarëve izraelitë”.

Policia holandeze tha se kishte nisur një hetim të madh për incidente të shumta të dhunshme pas ndeshjes së Ligës së Evropës të enjten në mbrëmje mes Maccabi Tel Aviv të Izraelit dhe skuadrës holandeze Ajax. Policia tha se deri më tani “pesë persona janë dërguar në spital dhe 62 persona janë arrestuar”.

Qindra tifozë të Maccabi “u zunë në pritë dhe u sulmuan në Amsterdam”, tha ambasada izraelite. Të paktën 10 qytetarë izraelitë u plagosën, sipas ministrisë së jashtme të Izraelit.

Videoja e mediave sociale e shpërndarë nga ambasada izraelite tregoi atë që ajo tha se ishte dhunë ndaj tifozëve të Maccabit. Një video tregon një burrë duke u goditur me shkelma ndërsa ai shtrihet në tokë, ndërsa një video tjetër tregon një burrë që goditet nga një burrë duke bërtitur “Palestine e lirë”.

Tensionet ishin rritur përpara ndeshjes të së enjtes mbrëma me video të shumta të mediave sociale që tregonin tifozët e Maccabit duke brohoritur sharje anti-arabe, duke lavdëruar sulmet ushtarake izraelite në Gaza dhe duke bërtiture sharë kundër arabëve”, raporton “CNN”

Policia e Amsterdamit tha se rriti praninë e tyre në qendër të qytetit të mërkurën mbrëma, duke përmendur “tensione” në disa zona, një ditë përpara ndeshjes.

Tifozët e Romës e mbështetën skuadrën gjatë një ndeshjes së Europa League kundër Union Saint-Gilloise, por i larguan lojtarët pas barazimit 1-1.

Roma e Ivan Juric është ende në krizë dhe lojtarët u detyruan të përballen sërish me zemërimin e tifozëve pas një tjetër barazimi zhgënjyes të Europa League të enjten.

Rreth 1,200 mbështetës të Romës udhëtuan për në Bruksel për ndeshjen evropiane të mesjavës. “Il Romanista” raporton se skuadrës nuk i ka munguar mbështetja gjatë 90 minutave.

Megjithatë, një tjetër rezultat zhgënjyes në fushë mërziti tifozët udhëtues, të cilët ‘fishkëllyen dhe ofenduan’ skuadrën kur lojtarët u futën nën sektorin e mysafirëve për t’i përshëndetur ata.

Tifozët i sugjeruan ekipit të largohej nga fusha, kështu që lojtarët u kthyen shpejt brenda tunelit.

Federata e Futbollit e Kosovës ka njoftuar se biletat për ndeshjen Kosovë – Lituani, në kuadër të Ligës së Kombeve, e cila zhvillohet më datë 18 nëntor 2024, në orën 20:45, në stadiumin “Fadil Vokrri”, kanë dalë në shitje.

Ato mund të blihen përmes platformës online në linkun e mëposhtëm:

https://eu.ebileta.al/biglietteria/listaEventiPub.do

Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.