Category: Sport

Është zhvilluar xhiro e radhës në NBA, ku ndeshja më interesante ishte ajo mes Los Angeles Lakers dhe San Antonio Spurs, ku kjo e fundit arriti të triumfojë me rezultat 126:102.

Wembanyama shkëlqeu në ndeshje pasi shënoi 23 pikë me tetë kërcime dhe pesë asistime, derisa, Castle dhe Vassell shënuan të njëjtin numër pikësh 23. Castle shtoi edhe katër kërcime ndërsa Vassell gjashtë kërcime dhe katër asistime.

Te Lakers, Davis ishte më i miri me 30 pikë, 13 kërcime dhe dy asistime, ndërsa James shtoi 18 pikë, tetë asistime dhe pesë kërcime.
Për skuadrëen nga Los Angeles kjo ishte humbja e tretë radhazi, derisa renditen në vendin e shtatë në tbaleën e Perëndimit, derisa Suprs zë vendin e 11.

Humbje ka pësuar edhe skuadra e Golden State Ëarriors ku u mundë me mjaftë vështërsi nga Toronto Raptors me rezulgtat 104-101.

Në këtë ndeshje me meritori për fitoren e Raptros ishte Scottie Barnes me 23 pikë e tetë kërcime, derisa Chris Boucher shtojë 18 pikë e shtatë kërcime.
Nga ana tjetër Stephen Curry shënoj 26 pikë, shtatë kërcime e po aq asistime mirëpo që nuk mjaftuan për fitore.

Raptors renditen në venin e 13 në Konferencën Lindore, derisa Ëarriors në vendin e 12 në Perëndim.

Houston Rocekts kanë realizuar fitorën e katërt radhazi, kësaj radhe pasi munden Mmephis Grizzlies me shifrat 120-118.

Jalen Green ishte I pandalshëm në këtë ndeshje ku arriti të shënoj 42 pikë, derisa u nidhmu edhe nga Amen Thompson me 19 pikë e 13 kërcime për në fitore.

Te skudara humbëse paraqitje të mira kishin Ja Morant me 29 pikë dhe Desmond Bane me 25 sosh.

Rocekts renditen në vendin e dytë në perëndim derisa Grizzlies ne vëndin e tretë.

Marco Asensio ka vendosur të largohet nga Paris Saint Germain gjatë afatit kalimtar të janarit.

Sulmuesi spanjoll ka qëndruar një vit e gjysmë te PSG dhe tani ka vendosur të largohet pasi dëshiron një klub ku mund të ketë më shumë minuta.

28-vjeçari ka zhvilluar vetëm 15 ndeshje duke shënuar dy gola e duke asistuar në katër të tjerë, por shumicën e ndeshjeve i ka duke u inkuadruar nga banka rezervë.

Gazetari i njohur sportiv Ekrem Konur ka njoftuar se në janar Asensio do të largohet nga PSG dhe klubet si Neëcastle United, Aston Villa, Juventus dhe Real Sociedad kanë shprehur interesim për të.

PSG nuk e ka ndërmend ta ndalojë largimin e spanjollit nga Parc de Princes, pasi ai nuk konsiderohet i rëndësishëm nga Luis Enrique.

Kampionët e Francës do ta lejojnë largimin e anësorit spanjoll për një shumë prej 25 milionë eurove.

Real Madridi u ‘poshtërua’ në finalen e Superkupës së Spanjës ndaj Barcelonës që u zhvillua në Arabi, duke mos arritur kështu që ta fitojnë trofeun e parë të këtij viti.

‘Los Blancos’ u mposhtën me rezultat të thellë 5-2 dhe nuk ishin në gjendje të kontrollojnë këtë ndeshje që nga minuta e parë.

Ndonëse në fakt ishin ata të parët që kaluan në avantazh përmes Kylian Mbappe, kjo nuk e zmbrapsi Barcelonën që menjëherë u rikthye në lojë për të bërë një përmbysje spektakolare.

Kjo humbje e cila ishte e dyta radhazi për Real Madridin në një ‘El Clasico’ bëri që të ketë thashetheme sa i përket të ardhmes së Carlo Ancelottit.

Tekniku italian u kritikua shumë për disa nga vendimet që mori, teksa pati shumë persona që mendonin se Raul Asencio duhet të kishte marrë mundësinë të luante si titullar.

Tani pas kësaj ndeshje mediat spanjolle kanë bërë me dije se Ancelotti e ka mbështetjen e bordit për ta rikthyer këtë situatë në favorin e tyre.

Sipas Diario AS, drejtuesit e gjigantit spanjoll nuk po e konsiderojnë mundësinë e shkarkimit të tij, ndonëse besimi i tyre tek ai është lëkundur.

65-vjeçari e ka mundësinë që të rikthehet tek rezultatet pozitive kur Real Madridi do të përballet të enjten ndaj Celta Vigos në Copa Del Rey./Telegrafi/

Mbrëmja e së dielës do të jetë një e paharrueshme për Real Madridin, pasi ata pësuan humbje me rezultat 5-2 ndaj rivalit të përbetuar Barcelonës në finalen e Superkupës së Spanjës.

‘Los Blancos’ nuk u duk skuadra më e mirë në fushë në asnjë çast gjatë kësaj ndeshje dhe ishin gjithmonë ata nën presion më të madh.

Përveç asaj periudhe të shkurtë me epërsinë që u krijua pas golit të Kylian Mbappe, përndryshe ata ishin në ndjekje të Barcelonës për pjesën më të madhe të ndeshjes.

Luka Modric ishte i vetmi lojtar i Real Madridit i cili u përball me gazetarët pas humbjes, ku ndau mendimin e tij për paraqitjen e ekipit.

“Është një humbje e vështirë. Ne duhet të jemi së bashku, të jemi një skuadër dhe të dalim nga kjo situatë, njësoj siç bëmë pas humbjes ndaj tyre në La Liga”.

“Unë shpresoj se do të reagojmë pas kësaj humbje të vështirë sepse ne nuk mendonim se do të humbasim në këtë mënyrë”, ka thënë Modric fillimisht.

Kroati më pas tregoi se sa e rëndësishme është për skuadrën që të rikuperohet nga kjo natë para ndeshjeve të vështira që do të vijnë, veçanërisht në mesjavë ne Copa Del Rey.

“Është mirë që ndeshja e Kupës po vjen shpejt dhe ne nuk kemi shumë kohë për t’u penduar. Nëse duhet të zgjedhim një finale për ta humbur, ne preferojmë ta humbim këtë”.

“Ne nuk kemi luajtur një ndeshej të mirë, Barcelona ka qenë më e mirë dhe ne duhet t’i urojmë ata. Ne duhet të vazhdojmë përpara sepse kishim një dinamikë të mirë në La Liga”, përfundoi ai./Telegrafi/

Futbollisti i kombëtares së Kosovës, Zymer Bytyqi i cili po aktivizohet te skuadra bullgare Cska Sofia ka dhënë një intervistë ekskluzive për emisionin ‘A PLAY’ në ATV, ku ka ndarë disa detaje interesante lidhur me karrierën e tij dhe përvojat si sportist.

Gjatë bisedës, Bytyqi ka shpjeguar se një nga arsyet kryesore që nuk luante te klubi i njohur grek, Olympiacos, ishte pikërisht përshkak të kombësisë shqiptare.

Ai theksoi se ky ishte një faktor i rëndësishëm që ndikoi në vendimin e tij për të mos luajtur në këtë ekip.

‘Kam qenë i befasuar për të keq me eksperiecën në Olympiacos dhe me sjelljen e klubit. Mosaktivizimi im nuk ka pasur lidhje me aspektin futbollistik, ka qenë 100% për shkak të kombësisë time. James Rodriguez një lojtar i kalibrit botëror ishte i befasuar se si unë nuk kisha hapësirë te Olympiacosi’ tha Bytyqi.

Intervistën mund të shikoni në linkun e më poshtëm.

Sot nga ora 20:00, bota e futbollit do të jetë me sytë nga finalja e Superkupës së Spanjës, ku dy rivalët e përjetshëm, Real Madrid dhe Barcelona, do të përballen në një tjetër “El Clasico”.

Sfida do të zhvillohet në Arabinë Saudite, duke sjellë një atmosferë të zjarrtë për këtë duel interesant.

Barcelona, e udhëhequr nga trajneri gjerman, Hansi Flick, kërkon të rikthejë lavdinë e dikurshme. Kjo ndeshje do të jetë një test i rëndësishëm për skuadrën katalanase, e cila ka treguar shenja përmirësimi këtë sezon. Për Flick, fitorja e Superkupës do të shënonte trofeun e parë si trajner i Barçës dhe një sinjal të qartë për rikthimin në garat madhore.

Nga ana tjetër, Real Madridi vjen në këtë finale si kampion në fuqi i Superkupës. Skuadra e Carlo Ancelottit, me lojtarë si Kylian Mbappe dhe Vinícius Júnior, synon të tregojë edhe një herë fuqinë e saj në skenën ndërkombëtare.

Ancelotti është i vetëdijshëm për presionin që sjell kjo përballje, por “Los Blancos” kanë treguar vazhdimisht aftësinë për të përballuar situatat e mëdha.

Rrugës për finale, Barcelona eliminoi Athletic Bilbaon në gjysmëfinale 2:0, kurse Real Madridi “rrëzoi” Mallorcan e Vedat Muriqit 3:0.

Skuadra e Lille do të luajë sonte ndaj Auxerre në Ligue 1, por pa prezencën e Edon Zhegrovës.

Ndeshja do të zhvillohet nga ora 21:05, ndërsa ylli i Kombëtares së Kosovës mungon për shkak të një lëndimi, i cili e ka mbajtur jashtë fushës së lojës.

Trajneri Bruno Genesio konfirmoi mungesën e Zhegrovës gjatë një konference të djeshme, duke theksuar se ai ka rifilluar stërvitjen, por i duhet më shumë kohë për t’u rikthyer plotësisht.

Vedat Muriqi është figura kryesore aktualisht te Mallorca brenda dhe jashtë fushës.

30-vjeçari që ka fituar edhe dashurinë e madhe nga tifozët e skuadrës së La Ligas së Spanjës, ka dhënë sinjale se dëshiron ta përfundojë këtë edicion në Spanjë.

Së fundmi është raportuar se Muriqi po kërkohet nga Fenerbahçe e drejtuar nga trajneri portugez, Jose Mourinho.

Mourinho synon zëvendësimin e sulmuesit Youssef En-Nesyri, i cili mund të transferohet tek Al-Nassr për 30 milionë euro.

Por, Muriqi dhe Fenerbahçe kanë konfirmuar për mediumin spanjoll “AS” të enjten, se nuk do të ketë negociata për sulmuesin shtatlartë të Kosovës, në afatin kalimtar të janarit.

“Në Turqi më njohin, më njohin edhe drejtorët e klubit dhe trajnerët se çfarë mund t’i sjellë ekipit. Për këtë unë them se ka diçka të çuditshme për transferimet në dimër e në verë, jo vetëm në Turqi por në përgjithësi. Mallorca është e afërt me secilën prej ofertave në lidhje me këtë çështje. Skuadra nuk dëshiron t’i dëgjojë ato, as të shkruara e as të dëgjuara. Kjo po ndodh edhe tani. Për këtë nuk e shoh të mundshme largimin deri në afatin kalimtar të verës. Jam i lumtur”, ka thënë Muriqi të enjten.

Muriqi ka kontribuuar me tri gola e dy asistime në 15 paraqitje me Mallorcan në edicionin aktual aktual.

Mallorca sonte nga ora 20:00 luan kundër Real Madridit në gjysmëfinale të Superkupës së Spanjës.

Ndeshja zhvillohet në stadiumin “King Abdullah Sports City” në Jeddah të Arabisë Saudite.

Fituesi i këtij ballafaqimi do të luajë në finale të Superkupës me Barcelonën, që të enjten fitoi ndaj Athletic Bilbaos, 2:0.

Barcelona thuhet se ka rënë dakord të dërgojë kapitenin e klubit Ronald Araujo në huazim te Juventus.

Mbrojtësi uruguaian do të udhëtojë në Torino javën e ardhshme për t’iu nënshtruar testeve mjekësore përpara se të përfundojë lëvizjen.

Sipas gazetës La Repubblica, Araujo ka dhënë miratimin e tij për transferimin në huazim dhe pritet të nënshkruajë dokumentet përkatëse pasi të përfundojnë ekzaminimet mjekësore.

Marrëveshja e huazimit vjen pas disa javësh spekulimesh, me Juventusin që pret një përgjigje nga Barcelona.

Vendimi i fundit nga Këshilli i Lartë Spanjoll i Sporteve (CSD), i cili i lejoi Barcelonës të shmangte një penallti në La Liga, luajti një rol kyç në finalizimin e marrëveshjes, sipas gazetës Sport.

Lëvizja vjen pasi Barcelona kërkon të zvogëlojë numrin e skuadrës së saj, ndërsa Araujo kërkon një sfidë të re në Itali me Juventusin. /Telegrafi/

Real Madridi dhe Barcelona kanë mësuar sot (e mërkurë) kundërshtarët e tyre për fazën e 1/8-tës në Copa del Rey apo Kupën e Mbretit.

Kupa e Mbretit ka parë tashmë disa tronditje këtë sezon, me Pontevedra të nivelit të katërt që eliminoi fillimisht Villarrealin dhe më pas finalistët e vitit të kaluar RCD Mallorca në raunde të njëpasnjëshme.

Ata tashmë kanë mësuar edhe kundërshtarin e ardhshëm në Copa del Rey, pasi janë shortuar të ndeshen me Getafen.

Ndeshjet më interesante padyshim se do të jenë ato në mes të skuadrave të La Ligas, ku sytë janë të gjigantët Real Madridi dhe Barcelona.

Real Madridi në këtë fazë do të ndeshet në shtëpi me Celta Vigon, teksa Barcelona do ta pres Real Betisin.

| ¡¡ESTOS SON LOS !!

️ Los duelos, a partido único, se disputarán los días 14, 15 y 16 de enero.

ℹ️ Tienes toda la información ampliada en https://t.co/tP49bAAmLX#LaCopaMola | #CopaDelReyMAPFRE pic.twitter.com/B61xG1Vwra

— RFEF (@rfef) January 8, 2025

Në ndeshjet tjera, Valencia është mysafire e Ourenses, Almeria pret Leganes, Atletico Madrid luan në udhëtim te Elche, Real Sociedadi është nikoqir i Rayo Vallecanos, teksa Athletic Bilbao e pret Osasunan.

Ndeshjet do të zhvillohen javën e ardhshme, në datat 14, 15 dhe 16 janar.

Ndërkohë, çerekfinalet do të fillojnë më 5 shkurt, me ndeshjet e para gjysmëfinale në javën e fundit të shkurtit dhe kthimet në javën e parë të prillit.

Finalja këtë vit në Copa del Rey do të jetë në La Cartuja më 26 prill.