Category: Sport

Sot zhvillohen çerekfinalet e Kupës së Kosovës në futboll dhe në program janë dy ndeshje mjaftë interesante. Që të dyja ndeshjet zhvillohen me fillim nga ora 13:00.

Malisheva luan kundër Llapit, Ndërkaq, Drenica përballet me Ferizajn.

Barcelona do të presë Atletico Madridin në ndeshjen e parë gjysmëfinale të Copa del Rey, sonte me fillim nga ora 21:30. Dy kandidatët për titull të La Ligës do të shpresojnë të ndikojnë në besimin e tjetrit përpara një ndeshjeje vendimtare, duke ndihmuar gjithashtu përpjekjen e tyre për të fituar një trofe kaq të rëndësishëm.

Të dyja skuadrat dërguan mesazhe domethënëse në çerekfinale. Barcelona shënoi pesë gola ndaj Valencias dhe Atletico bëri të njëjtën gjë me Getafen, përcjellë KosovaPress.

Te Narcelona në dyshimë të madh është paraqitja e Lamine Yamal pasi anësori postoi një foto të një dëmtimi në këmbë të marrë kundër Las Palmas. Ai nuk u stërvit të hënën.

Keto janë formacionet e mund;shme:

Barcelona (4-2-3-1): Szczesny; Kounde, Cubarsi, Martinez, Balde; De Jong, Pedri; Yamal, Olmo, Raphinha; Leëandoëski

Atletico Madrid (4-4-2): Musso; Molina, Gimenez, Le Normand, Galan; Simeone, De Paul, Barrios, Lino; Griezmann, Alvarez

Kosova u përfaqësua për herë të parë me flamurin e saj shtetëror në një garë zyrtare ndërkombëtare në Kampionatin Botëror të ekipeve të Pingpongut në Kinë nga 24 shkurti deri më 2 mars 2008.

Në këtë kampionat, Kosova u përfaqësua nga Besart Domaniku, Betim Sejdiu e Jeton Beqiri në garën e meshkujve dhe Besire Domaniku, Arjeta Terstena e Blera Abazi në atë të femrave.

Kryetari i Federatës së Pingpongut të Kosovës, Jeton Oruçi në një intervistë për KosovaPress thekson se 17 vite më parë u bë hapi i madh dhe u shënua historia e sportit kosovar.

“17 vite më parë ka qenë ditë historike për sportin e Kosovës mirëpo në veçanti ka qenë ditë historike për pingpongun e Kosovës. Më 17 shkurt është shpallur pavarësia e Kosovës ndërsa më 24 shkurt Federata e Pingpongut të Kosovës ë pranuar se federata e parë e Kosovës e pranuar në Federatën Ndërkombëtare të Pingpongut me të drejta të plota ishte marrë për detyrë të marrë pjesë në Kampionatin Botëror ekipor në Kinë…Ka qenë moment historik për faktin se ky flamur ishte ngritur në mesin e 155 flamujve të ndryshëm, i shtetit më të ri në botë në atë kohë dhe Kosova merrte pjesë për herë të parë në një shtet mosnjohës”, thitë fillimisht Oruçi.

Më tutje Oriçi tregon se përkundër se Kina nuk e njeh Kosovën si shtet, sportistët nuk ishin penguar pasi kishin marrë garanci nga Federata Ndërkombëtare e Pingpongut se një gjë e tillë nuk do të ndodhte.

“Nuk ka pasur telashe sa i përket pjesëmarrjes sepse garancat ishin marrë në atë kohë që sportistët tanë nuk do të pengohen. Sigurisht që shteteve mosnjohëse nuk iu ka ardhur mirë, ka qenë shumë sfiduese dhe federata jonë normal që në atë kohë nuk e ka pasur aspak të lehtë prezantimin dhe pjesëmarrjen në atë garë, në atë Kampionat Botëror por ia ka dal me sukses, ka arritur të shënojë disa fitore por jo të ketë ndonjë rezultat të madh…Mesazhi kryesor ka qenë që Kosova ka kapacitete, ka sportistë dhe është e denjë ta përfaqësojë veten në gara ndërkombëtare”, thekson tutje Oruçi.

Oruçi thotë se që nga kohë, Kosova po vazhdon të përfaqësohet denjësisht në arenën ndërkombëtare nga sporti i pingpongut.

“Kosova që nga atëherë përfaqësohet denjësisht në gara ndërkombëtare, botërore, evropiane dhe regjionale, vazhdimisht merr pjesë. Kemi sportistë të cilët janë të mirë dhe kanë arritur t’i zhvillojnë aftësitë e tyre profesionale në pingpong. Na duhet më tepër të punojmë me kuadro dhe grupmosha të reja, me trajnerët ekzistues dhe duhet të gjejmë potencialin edhe te trajnerët që do të vijnë me kohën. Synimi ynë si Bord Ekzekutiv i ri është që pa asnjë vonesë ta angazhojmë një trajner ndërkombëtar i cili do të punojë me trajnerët tanë ekzistues dhe me grupmoshat e reja dhe ta kemi një strategji të qartë për katër vitet e ardhshme se si do të arrijmë deri te medaljet e caktuara”, thotë tutje Oruçi.

Ndryshe, në muajin maj të këtij viti në Prishtinë do të organizohen dy kampionate ndërkombëtare të pingpongut siç janë WTT Youth Contender dhe WTT Feeder Serie duke dëshmuar kështu angazhimin dhe besimin që Federata e Pinpongut të Kosovës ka nga ana e Federatës Ndërkombëtare të Pingpongut.

Sirenat e alarmit duhet të fillojnë të bien për stafin e Kombëtares shqiptare të futbollit, pak javë para grumbullimit të kuqezinjve për ndeshjet eliminatore të Botërorit 2026 ndaj Anglisë dhe Andorrës, pasi Berat Gjimshiti ka lënë sot i dëmtuar fushën e lojës në ndeshjen e Atalantës në kampionat ndaj Empolit.

Ndërsa ai i cili duhet të jetë partneri i tij në prapavijën kuqezi, Ardian Ismajli, vazhdon të jetë jashtë për shkak të problemeve fizike dhe sot ndoqi ndeshjen si spektator, Gjimshiti ishte titullar në radhët e skuadrës bergamaske dhe regjistroi edhe asist për golin e rezultatit të përkohshëm 2-0.

Por në pjesën e dytë, pas më shumë se një ore lojë, ai sinjalizoi se kishte probleme në kaviljen e këmbës së majtë dhe nuk mund të vazhdonte, pasi kishte përkeqësuar një lëndim që e kishte pësuar në pjesën e parë të ndeshjes.

Kësisoj, Gasperini e largoi atë nga fusha, me mbrojtësin i cili doli duke çaluar dhe dukshëm i dëshpëruar për këtë situatë./TAR

Federata e Futbollit e Kosovës njoftoi të shtunën se shitja e biletave për ndeshjen e parë të play-off-it Kosovë – Islandë, në kuadër të Ligës së Kombeve, e cila zhvillohet më datë 20 mars 2025, në stadiumin “Fadil Vokrri”, ka nisur Ato mund t’i blini përmes platformës online në linkun e mëposhtëm:

https://eu.ebileta.al/biglietteria/listaEventiPub.do
Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.

Më turtje FFK ka bërë të ditur edhe procedurën e blerjes së biletave:

Fillimisht ju duhet të regjistroheni në platformë.

Mandej zgjidhni tribunën e stadiumit dhe më pas e selektoni ulësen e preferuar.

Pasi t’i zgjedhni biletat, vazhdoni me pagesën online.

Pasi të përfundon blerja online, ju duhet të pritni deri të gjenerohet bileta si dhe fatura juaj.

Biletën do ta pranoni gjithashtu në email (kontrolloni edhe folderin SPAM gjithashtu).

Bileta patjetër duhet të jetë e printuar në formatin A4, printimi duhet të jetë i kualitetit të lartë.

Biletat janë të personalizuara (Në stadium mund të hyjë vetëm një person me një biletë pa marrë parasysh moshën).

Neymar fshin dyshimet për rikthimin e tij futbollistik në Brazil dhe tregon se po përjeton një rini të dytë futbollistike me fanellën e Santosit.

Ish-sulmuesi i Barcelonës dhe Paris Saint Germain dha dy asistime dhe një gol nga këndi në fitoren 3-0 ndaj Internacional de Limeira që e dërgoi skuadrën e tij në çerekfinale të kampionatit shtetëror të São Paulos.

“Bëra një lëvizje të shkëlqyer dhe arrita të shënoj golin e parë direkt nga këndi në karrierën time”, tha me buzëqeshje ylli brazilian 33-vjeçar, përcjellë KosovaPress.

Tifozët kundërshtarë e fishkëllyen pak para goditjes nga këndi, në minutën e njëzet e shtatë të ndeshjes por sulmuesi u përgjigj duke e vendosur topin direkt në rrjetë për 2-0. Ai më pas dha dy asistime për shokun e tij të skuadrës Tiquinho Soares.

Goli i Neymar ishte i dyti i tij që nga rikthimi në Santos në fillim të shkurtit dhe i 140-ti për ish-klubin e tij, ku ai bëri debutimin e tij në virin 2009 para se t’i bashkohej Barçës. Fundjavën e kaluar, ai realizoi një penallti dhe bëri një asistim, por ende dukej larg nivelit të tij.

UGASUAGSDUASGDUAGSUDGA O NEYMAR METEU UM GOL OLÍMPICO! O ADM TÁ COMPLETAMENTE MALUCO! NÃO É POSSÍVEL! KKKKKKKKKKKKKK #Paulistão2025 pic.twitter.com/8S3vby2Npk

— TNT Sports BR (@TNTSportsBR) February 23, 2025

Kosova u përfaqësua për herë të parë me flamurin e saj shtetëror në një garë zyrtare ndërkombëtare në Kampionatin Botëror të ekipeve të Pingpongut në Kinë nga 24 shkurti deri më 2 mars 2008.

Në këtë kampionat, Kosova u përfaqësua nga Besart Domaniku, Betim Sejdiu e Jeton Beqiri në garën e meshkujve dhe Besire Domaniku, Arjeta Terstena e Blera Abazi në atë të femrave.

Para nisjes, ekipi kosovar u prit nga kryeministri i atëhershëm Hashim Thaçi, nga i cili mori flamurin shtetëror të Kosovës, i cili është renditur në mesin e flamujve të 150 shteteve pjesëmarrëse në Botërorin e Pingpongut në Kinë. /KP

Kosova edhe pse luftoi deri në fund, nuk ia arriti qëllimit që të triumfojë ndaj Zvicrës, duke pësuar me rezultat 73:81 (14:23, 16:23, 15:13, 28:22).

Pas një fillimi të barabartë, zviceranët u shkëputën në çerekun e parë në 12:23, derisa kjo pjesë përfundoi 14:23. Mysafirët për një nuancë ishin më të mirë në periudhën e dytë, 16:23, për të shkuar në pushim me shifrat 30:46.

Në lojën e dytë, u zhvillua lojë më e barabartë, ku Kosova ishte më e mirë në periodën e tretë, 15:13, derisa në dhjetë minutat e fundit, u mundua të bëjë përmbysjen, por nuk ia arriti qëllimit dhe pësoi 73:81.

Te Kosova, Dardan Berisha kishte 20 pikë, ndërsa Divine Myles 16. Kosova përfundoi garat me dy fitore e katër humbje, duke u renditur e treta dhe nuk arriti kualifikimin në fazën e ardhshme të parakualifikimeve për FIBA Kupën e Botës 2027.

Lidere ishte Zvicra me gjashtë fitore në gjashtë ndeshje, Irlanda e dyta me tri fitore e tri humbje dhe Azerbajxhani i fundit me një fitore e pesë humbje.

Mohamed Salah thotë se veteranët e Liverpool-it kanë nevojë për një tjetër titull në Premier League pasi morën një fitore 2-0 në Manchester Cityt për të rritur diferencën në 11 pikë në krye të tabelës.

Salah ishte në qendër të fitores për “Reds”, pasi shënoi golin e parë dhe më pas asistoi për Dominik Szoboszlai për të dyfishuar epërsinë e Liverpool-it para pjesës së parë.

Skuadrat e Arne Slot janë në një pozicion komandues për të siguruar titullin e 20-të ligës angleze, edhe pse Arsenali i vendit të dytë ka një lojë më pak. City , i cili ka fituar katër titujt e fundit të Premierligës, tani është 20 pikë prapa liderëve në vendin e katërt, përcjellë KosovaPress.

“Është e pabesueshme. Është një vend shumë i vështirë për të ardhur dhe për të luajtur këtu,” tha Salah pas fitores së parë të Liverpool në ligë në “Etihad” për një dekadë.

“Ata janë një skuadër e fortë dhe kanë një trajner të jashtëzakonshëm, jam i lumtur që në fund e fituam ndeshjen. Është e veçantë. Sidomos kur je në garën për titull, është e pabesueshme. Shpresojmë që të ruajmë qetësinë sepse ndonjëherë presioni vjen tek ne”.

Salah e çoi numrin e tij për një sezon të jashtëzakonshëm në 30 gola dhe 21 asistime dhe tha se po e shijon futbollin e tij më shumë se kurrë, pavarësisht spekulimeve për të ardhmen e tij.

Dhe Salah përsëriti besimin e tij se ata kanë nevojë për një medalje tjetër të Premier League për të ndriçuar trashëgiminë e tyre.

“Ndoshta njerëzit preferojnë sezonet e mia të para por unë preferoj tani sepse fitimi i ligës, ndihma e lojtarëve të rinj, është e veçantë”, shtoi ai.

“Ne kemi nevojë për një titull tjetër. Unë dhe djemtë e mëdhenj në ekip, ne kemi nevojë për një titull tjetër”, tha në fund ai.

Njëzet e një xhiro janë zhvilluar në Superligën e Kosovës në futboll dhe tashmë kanë filluar të qartësohen shumë gjëra sa i përket garës për titullin kampion por edhe për skuadrat që pretendojnë garat evropiane apo edhe qëndrimin në elitën e futbollit kosovar.

Ky edicion garues po dominohet nga Drita. Skuadra nga Gjilani vazhdon ta kryesorë renditjen tabelare dhe tashmë ka krijuar diferencë prej 10 pikësh me ndjekësin e parë dhe kampionin në fuqi, Ballkanin, raporton KosovaPress. “Intelektualët kanë 47 pikë në vendin e parë, ndërsa Ballkani është i dyti me 37 sosh.

Një vend që ndërgon në garat evropiane po kërkojnë ta sigurojnë tri skuadra, Malisheva, Prishtina dhe Gjilani. Momentalisht Malisheva është e treta me 37 pikë, pastaj Prishtina me 29 dhe Gjilani i pesti me 28 pikë.