Komisioni i Garave i FBK-së e ka ndëshkuar treshen e gjyqtarëve të ndeshjes KB Peja – KB Vëllaznimi, për shkak të gabimeve në ndarjen e drejtësisë
Elldin Uglari, gjyqtar kryesor i ndeshjes është ndëshkuar me tri ndeshje mos delegim në tempon e kampionatit.
Genc Vitaku, gjyqtar i parë i ndeshjes është ndëshkuar me tri ndeshje mos delegim në tempon e kampionatit.
Arian Kera, gjyqtar i dytë i ndeshjes është ndëshkuar me katër ndeshje mos delegim në tempon e kampionatit.
Albi Mall Superliga e Kosovës vazhdon sot me dy ndeshjet e fundit të xhiros së 23-të.
Do të jenë dy ndeshje shumë interesante, ku katër skuadra kërkojnë pikët për të pikët maksimale.
Gjilani në top formë takohet me Feronikelin ’74, ku synon një fitore të radhës për të vazhduar ngjitjen në tabelë.
Në anën tjetër mysafirët nga Drenasi synojnë që të vazhdojnë të shkaktojnë befasi.
Sfidë shumë interesante pritet të jetë edhe ajo mes Dukagjinit dhe Malishevës që zhvillohet në stadiumin ’18 qershori’ në Klinë.
Klinasit kërkojnë vetëm fitore për t’i ikur zonës së rënies, derisa mysafirët synojnë që me një fitore të dali në pozitën e dytë në tabelë.
Të dyja sfidat e ditës së sotme fillojnë nga ora 14:00.
Xhudistja nga Kosova, Laura Fazliu është kualifikuar në çerekfinale të Grand Prix Upper Austria që po mbahet në Linz të Austrisë, në kategorinë deri në 57 kilogramë.
Laura i ka filluar garat pa luftë në raundin e parë, teksa në raundin e tyrë mori fitore për të kaluar tutje.
Në këtë raund, xhudistja jonë mposhti me ‘ippon’ italianen Carlotta Avanzato në kohën shtesë.
Vlen të theksohet se Laura pësoi një dëmtim në fillim të luftës, ku u desh intervenimi mjekësor dhe vetëm pas disa minutash filloi përballja.
Në çerekfinale, 24-vjeçarja kosovare do të ndeshet me sllovenen Leila Mazouzi.
Xhudistja kosovare, Distria Krasniqi është kualifikuar në gjysmëfinale të Grand Prix Upper Austria që po mbahet në Linz të Austrisë.
Në këtë fazë ajo ishte shumë më e mirë se kundërshtarja serbe Nikolina Nisavic, njofton KosovaPress.
Distria e nisi në mënyrë të përkryer garën për medalje në Linz Grand Prix, duke fituar në raundin e dytë, pasi të parin e kaloi pa luftë. Në raundin e dytë, xhudistja pejane ishte më e mirë se kundërshtarja amerikane, Jenna Schurr, duke e mposhtur me ippon.
Tashmë, Krasniqi në gjysmëfinale do të përballet me hungarezen, Reka Pupp.
Ndryshe, Grand Prix në Linz do të ketë pjesëmarrës nga 6 kontinente, 52 shtete, 416 garues, nga të cilët 247 meshkuj dhe 169 femra, ndersa përveç Distrias dhe Laurines, Kosova përfaqësohet edhe nga Laura Fazliu (-63kg), e cila ndeshet nesër.
Trajneri i PSG-së Luis Enrique ka dhënë reagimin e tij për humbjen 1-0 kundër Liverpool-it në ndeshjen e parë të fazës 1/16-tës së Ligës së Kampionëve.
Trajneri i Paris Saint-Germain, Luis Enrique u ankua për humbjen ‘e padrejtë’ të skuadrës së tij ndaj Liverpoolit, transmeton KosovaPress.
“Reds” janë në pozitë komode para ndeshjes kthyese pasi fituan 1-0 në ndeshjen e parë në “Parc des Princes”. Skuadra e Arne Slot u dominua gjatë gjithë kohës nga një sulm i fuqishëm i PSG-së por ishte portieri Alisson Becker heroi i skuadrës angleze.
Por sulmet e fuqishme të skuadrës franceze u zhvleftësuan në tre minutat e mbetura kur zëvendësuesi i Liverpool, Harvey Elliott shënoi për të dhënë një triumf të shkëlqyeshëm skuadrës angleze.
Dy skuadrat do të takohen në ndeshjen e kthimit në “Anfield” të martën dhe ish-trajneri i Spanjës është zotuar se lojtarët e tij do të marrin pikat pozitive në atë përballje.
“Është shumë e padrejtë. Ishte një lojë shumë e kompletuar nga ne, ndoshta ndeshja jonë më e kompletuar në Champions League. Në pjesën e parë, golat e pritur ishin totalisht në favorin tonë. Ata goditën një herë dhe shënuan. Lojtari i tyre më i mirë ishte portieri Alisson. Është pak e çuditshme, por ndihem shumë krenar për ekipin tim, lojtarët dhe tifozët. Kishte një atmosferë të mrekullueshme, por futbolli ndonjëherë është i padrejtë. Duhet të shënosh. Do ta marrim në një mënyrë pozitive dhe do të mendojmë për ndeshjen e kthimit në Liverpool”, ka thënë Enrique pas ndeshjes, përcjellë KosovaPress.
“Nuk ka asgjë për të shpjeguar, ne ishim shumë më mirë se Liverpooli. Shumë më mirë! E përsëris, por lojtari i tyre më i mirë ishte portieri. Ne ishim vërtet më të mirë se Liverpooli por ata fituan. Nëse doni të shihni negativin, unë nuk e shoh atë. Jam shumë krenar për ekipin tim dhe lojtarët e mi. Ka mbetur një ndeshje e dytë në Liverpool, ne nuk do të dorëzohemi”, tha në fund ai.
Lautaro Martinez ka qenë edhe një herë protagonist tek Interi.
Sulmuesi argjentinas e shënoi njërin nga dy golat e mbrëmshëm të “Nerazzurri” në fitoren 2:0 në udhëtim ndaj Feyenoordit në Ligën e Kampionëve.
Përfaqësuesi argjentinas e komentoi fillimisht ndeshjen e zhvilluar në Holandë.
“Jam mjaft i kënaqur për këtë fitore sepse Interi e ka demonstruar edhe një herë se përmes grupit mund t’i kalojë vështirësitë. Një fitore e bukur në një ambient të vështirë dhe në një stadium mjaft të nxehtë”, deklaroi fillimisht Lautaro.
A është Championsi objektiv i vërtetë sezonal i Interit? “Nuk mund ta them këtë, mendojmë lojë pas loje. Sot e dhamë një shenjë të madhe. Janë disa muaj që luajmë çdo 2-3 ditë, por ne e mbrojmë gjithmonë fanellën tonë dhe do të japim gjithmonë gjithçka për këtë fanellë.
A do të dëshiroje të vazhdojë përjetë në Inter? “Natyrisht se po, këtu jam i lumtur. Çdo ditë zgjohem me dëshirën për të shkuar në fushën e blertë. Edhe familja ime është e lumtur këtu”, përfundoi Lautaro.
Rreth 5 vite më parë Igli Tare ishte drejtori sportiv i Lazios dhe ndër më të lakmuarit nga presidentët e klubeve të tjera të futbollit italian dhe ashtu si po përflitet dhe diskutohet sot, edhe në atë kohë drejtuesit amerikanë të Milanit, të tjerë nga këta aktualët filluan kontaktet me Igli Taren.
Në një intervistë të asaj kohe për Top Channel, Tare sigurisht nuk e fsheh entuziazmin dhe kënaqësinë për të qenë në krye të një klubi si Milani dhe pse në atë kohë ishte në krye të Lazios.
“Sigurisht që është diçka shumë e mirë deri në një moment të dytë, sepse janë gjëra që duhet të dish t’i menaxhosh mirë. Por unë jam në një ambient shumë familjar dhe një klub të madh. Sa i përket të nesërmes nuk mund ta parashikoj sepse unë vërtetë e quaj Lazios një klub shumë të madh, por duke qenë se jemi profesionist gjithçka mund të ndodhi”, tha asokohe Igli Tare-ish-drejtor i Lazio-s.
Por në qershor të vitit 2023 Tare largohet pas 18 vitesh nga klubi i Lazios dhe dy vitet e tij në pamje të parë pushim kanë shërbyer për të pritur momentin e duhur për të gjetur atë që i përshtatet më shumë.
Nëse në deklaratën e pak viteve më parë dukej ëndërr dhe disi larg, sot Igli Tare është shumë pranë postit të drejtorit sportive të Milanit, madje i kontaktuar nga Top Channel, Tare konfirmon vetëm se janë orët vendimtare dhe duhet durim, përcjellë KosovaPress.
Zyrtarizimi i kësja marrëveshje mund të bëhet në orët e ardhshme. /kp
Trajneri i Real Madridit, Carlo Ancelotti, ishte i kënaqur me qëndrueshmërinë e skuadrës së tij, pasi ata fituan 2-1 ndaj Atletico Madrid në “Bernabeu” në ndeshjen e parë të vështirë të raundit të 16-të të Ligës së Kampionëve të martën.
Brahim Diaz shënoi golin e fitores në pjesën e dytë pasi sulmuesi i Atletico-s, Julian Alvarez kishte barazuar rezultatin pas golit të hershëm të Rodrygo-s, raporton KosovaPress.
Vinicius Jr dhe Kylian Mbappe humbën raste të mira që mund t’i kishin dhënë Realit një diferencë më të madhe për ndeshjen e dytë, por Ancelotti nuk ishte në disponim për t’u ankuar për mundësitë e humbura.
“Këto janë ndeshje të barabarta. Është një raund i 16-të në Ligën e Kampionëve pasi mund të jetë një finale ose gjysmëfinale. Atletico është një skuadër e mirë dhe nuk mund të mendosh për përfundimin e ndeshjes në ndeshjen e parë ,” tha Ancelotti në një konferencë për shtyp, përcjellë KosovaPress.
“Ne kemi fituar një avantazh të vogël që na jep besim për ndeshjen e dytë, por kaq. Ishte një ndeshje e vështirë…si zakonisht. Është gjithmonë vështirë kundër Atleticos. Në pjesën e parë humbëm shumë topa, patëm gabime të panevojshme që për pak na kushtuan, ata barazuan me Julian Alvarez. Por në pjesën e dytë ishim më të mirë. Ne mundëm të përfitonim dhe ia dolëm”, theksoi Ancelotti.
Trajneri i Atletico Madridit, Diego Simeone, ishte i zhgënjyer që skuadra e tij nuk arriti të përfitonte nga kontrolli që kishte për periudha të gjata të lojës në humbjen 2-1 ndaj rivalëve Real Madrid në ndeshjen e parë të fazës 1/16 të Ligës së Kampionëve të martën, shkruan KosovaPress.
Por Simeone tha se ishte i lumtur me mënyrën se si ekipi i tij reagoi ndaj pësimit të një goli të hershëm, duke shtuar se ai ndjehej i sigurt se ata mund ta kthenin rezultatin në ndeshjen e dytë në stadiumin “Metropolitano” javën e ardhshme, siç bënë kundër Interit në të njëjtën fazë vitin e kaluar.
“Duhet të kishim përfituar më mirë kur kishim kontrollin e lojës ”, tha Simeone. “Është e vështirë të rrezikosh në mënyrë që me çdo kundërsulm të përfundoni duke humbur topin. Ne e kontrolluam shumë mirë atë situatë, por na mungonte diçka në metrat e fundit”, shtoi trajneri i “Los Colchonoeros”
Argjentinasi tha se ishte i bindur se atmosfera në terrenin e tyre në shtëpi do t’i jepte Atletico-s “një stimul” dhe se ekipi i tij shkon në ndeshjen e dytë me qëllimin për ta përmbysur rezultatin.
Pas ndeshjeve të së mërkurës ku nuk munguan derbit dhe përballjet me shumë gola, sonte zhvillohen katër sfida të tjera jashtëzakonisht interesante, shkruan KosovaPress.
Ndeshja e parë do të zhvillohet nga ora 18:45, me Interin që viziton Feynoordin dhe pret të marrë fitoren e parë para ndeshjes kthyese në Itali.
Ndërsa nga ora 21;00 zhvillohen tri ndeshje spektakolare më përballje të gjigantëve evropian. Në “Allianz Arena” zhvillohet përballja e madhe gjermane Bayern Mynih-Bayer Leverkusen, kurse Benfica e pret Barcelonën, raporton KosovaPress.
Vëmendja më e madhe pritet të jetë në Francë, aty ku në stadiumin “Parku i Princave” Paris-Saint-Germain ndeshet me gjigantin anglez, Liverpool.