Category: Sport

Pas tre sezoneve në radhët e Interit, aventura e mesfushorit shqiptar Kristjan Asllani pritet të përfundojë. Klubi zikaltër i ka bërë të ditur lojtarit se nuk bën më pjesë në planet e skuadrës për sezonin e ri.

Asllani është i vendosur të qëndrojë në Serie A, dhe në këtë drejtim, Bologna është ekipi që po tregon interes konkret për shërbimet e tij. Interi synon ta shesë për një shumë rreth 16 milionë euro dhe të ruajë një përqindje nga fitimi i mundshëm në një shitje të ardhshme.

Java në vijim pritet të jetë vendimtare për të ardhmen e 22-vjeçarit, ndërsa Bologna po përpiqet ta mbyllë sa më parë marrëveshjen, përpara startit të kampionatit.

Sulmuesi Romelu Lukaku ka pësuar një dëmtim të rëndë në kofshë gjatë miqësores ndaj Olympiacosit, çka mund ta mbajë jashtë fushave deri në nëntor.

Napoli ka konfirmuar lëndimin e belgut dhe është në pritje të skanimeve të mëtejshme.

Si pasojë, trajneri Antonio Conte mund të rikthehet në merkato për një sulmues qendre. Në listën e mundshme janë Zirkzee, Mateta, Dovbyk dhe Kristovic.

Granit Xhaka është emëruar kapiten i Sunderland përpara sezonit të ri 2025-26.

Mesfushori kosovar me pasaportë zvicerane, i njohur për lidershipin e tij në fushë, ka mbajtur më parë shiritin e kapitenit te Borussia Mönchengladbach, Arsenal, si dhe në disa raste gjatë karrierës së tij te Bayer Leverkusen.

Ai është gjithashtu kapiten i Kombëtares së Zvicrës që nga viti 2020.

Xhaka pasi mori shiritin e kapitenit u shpreh krenar për besimin që i ka dhënë klubi.

“Më bën jashtëzakonisht krenar që jam kapiten i këtij klubi dhe i kësaj skuadre. Shpresoj të tregoj lidershipin tim brenda dhe jashtë fushës, duke ndihmuar shokët e mi të skuadrës në qendrën stërvitore dhe në të gjithë klubin”.

“Të jem pjesë e historisë së Sunderlandit, së bashku me disa nga emrat që kanë mbajtur shiritin e kapitenit më parë, është një nder. Njerëzit që më njohin e dinë saktësisht se çfarë do të marrin, unë jam dikush që kërkon shumë. Jam fitues dhe dua të fitoj dhe pres të njëjtën gjë nga shokët e mi të skuadrës”, deklaroi Xhaka për faqen zyrtare të klubit.

Trajneri i Sunderland, Regis Le Bris tregoi arsyen pse vendosi që t’ia besoj shiritin e kapitenit Xhakës.

“Në Ligën Premier, do të jetë e rëndësishme të kesh qëndrueshmëri, pjekuri dhe përvojë. Granit sjell të gjitha këto cilësi. Sjellja e tij deri më tani ka qenë shumë mbresëlënëse dhe në fushë niveli i tij duket qartë”.

“Të tjerët përreth tij mund ta ndiejnë ndikimin e tij, dhe lidershipi i tij do të mbështesë ekipin ndërsa përshtatemi me një mjedis të ri dhe përballemi me sfida dhe mundësi të reja. Roli i Granit do të jetë gjithashtu pjesë e një ekipi të ri udhëheqës, i cili do të finalizohet pas përfundimit të afatit kalimtar të verës”, deklaroi Le Bris.

Klubi i futbollit Lech Poznan është gjobitur nga UEFA të enjten.

Klubi polak është dënuar për disa shkelje gjatë ndeshjes kualifikuese të Ligës së Kampionëve kundër Cërvena Zvezdës.

Ndër të tjera një gjobë e ka marrë edhe për banerin e madh me shkrimin “Kosova është Serbi”.

UEFA e ka gjobitur Lech Poznanin me 10 mijë euro për banerin “Kosova është Serbi të shfaqur gjatë ndeshjes së parë të tretë kualifikues të Championsit.

Federata e Futbollit e Kosovës ka vendosur të shtyjë ndeshjet e xhiros së parë të Dritës dhe Ballkanit.

Arsyeja është angazhimi i këtyre dy ekipeve në kualifikimet e Ligës së Evropës dhe Ligës së Konferencës.

Si pasojë, java e parë e Superligës do të nisë më 17 gusht 2025 me vetëm tri ndeshje në program.

Orari për këtë xhiro është: Dukagjini – Prishtina, Malisheva – Prishtina e Re dhe Drenica – Llapi.

Ndeshjet Gjilani – Ballkani dhe Ferizaji – Drita do të zhvillohen në data të tjera, të cilat do të përcaktohen më vonë.

Ky vendim është marrë tani e disa vite në mënyrë që ekipet të përqendrohen në garat ndërkombëtare, por që skuadrat tjera të Superligës nuk janë aspak të kënaqura.

Portieri i Bayern Munich, Sven Ulreich, ka bërë një postim prekës në rrjetet e tij sociale, duke treguar për vdekjen e djalit të tij të vogël.

Djali i portierit gjerman tash e sa kohë ishte përballur me një sëmundje të gjatë dhe të rëndë dhe javë më parë ka ndërruar jetë.

Në reagimin e tij, Ulreich ka falënderuar klubin e Bayernit për faktin se e respektuan privatësinë e tij, duke e mbajtur të fshehtë këtë rast me dëshirën e vet çiftit.

Reagimi i plotë i Ulreich në Instagram:

Në pikëllim të thellë duam të njoftojmë sot se djali ynë Len ka ndërruar jetë para disa javësh pas një sëmundjeje të gjatë dhe të rëndë.

Vendimi për ta bërë këtë publik tani është jashtëzakonisht i vështirë për ne, por për ne si familje është një hap i rëndësishëm për të sjellë qartësi në rrethin tonë dhe edhe për publikun.

Së bashku me vajzën tonë, po përpiqemi tani të gjejmë rrugën tonë përsëri drejt jetës, hap pas hapi.

Një falënderim i veçantë shkon për familjet tona, miqtë dhe Bayern Munchen për diskrecionin dhe mbështetjen e madhe gjatë muajve të kaluar, kjo do të thotë shumë për ne.

I lutemi publikut dhe përfaqësuesve të mediave për mirëkuptim dhe respekt për privatësinë tonë.

Ju lutemi të shmangni pyetjet dhe deklaratat e mëtejshme./Telegrafi/

Federata Shqiptare e Futbollit bën me dije se është njoftuar zyrtarisht nga FIFA për një vendim disiplinor në lidhje me ndeshjen Shqipëri-Serbi që u zhvillua më 7 qershor 2025 në stadiumin “Air Albania”.

Sipas vendimit të FIFA-s, FSHF dënohet me një gjobë prej 161,500 franga zvicerane dhe me detyrimin që ndeshja e radhës në shtëpi ndaj Letonisë të zhvillohet me të paktën 20% të kapacitetit të stadiumit të mbyllur për publikun.

“Ky penalizim vjen si pasojë e sjelljeve të përsëritura të papërshtatshme dhe diskriminuese të një pjese të tifozëve shqiptarë, përfshirë: këngë me përmbajtje diskriminuese, hedhje objektesh, ndezje fishekzjarrësh, përdorimin e gjesteve dhe mesazheve të papërshtatshme për një ngjarje sportive, si dhe ndërprerje gjatë ekzekutimit të himneve kombëtare”, njofton FSHF.

Federata e konsideron këtë vendim një penalizim serioz për gjithë komunitetin futbollistik, që dëmton jo vetëm institucionin, por mbi të gjitha Kombëtaren shqiptare.

Në reagimin e saj, FSHF u bën thirrje të gjithë tifozëve kuqezi të shmangin çdo veprim që mund të dëmtojë skuadrën, të respektojnë rregullat ndërkombëtare dhe të kontribuojnë për një atmosferë dinjitoze në mbështetje të Shqipërisë.

“Vetëm të bashkuar dhe të përgjegjshëm mund ta mbështesim Kombëtaren siç ajo e meriton,.”, thekson Federata në komunikatën e saj.

Klubi i basketbollit Golden Eagle Ylli ka hyrë në një fazë të re të zhvillimit, duke u pozicionuar si një organizatë me vizion profesional dhe qasje të strukturuar drejt sukseseve të qëndrueshme.

Pas dy sezoneve sfiduese të shoqëruara me disa sanksione nga FIBA, klubi ka arritur të rikthejë stabilitetin dhe tashmë po ndërton një ekip të fuqishëm për të ardhmen.

AsistiOnline.com ka mësuar se përpos investimeve të shumta dhe rikthimit të një klubi model, drejtuesit e klubit kanë rikthyer në strukturë drejtuese edhe njerëz që për vite me rradhë i kanë shërbyer klubit në forma të ndryshme vullnetare dhe profesionale dhe e njohin mirë punën drejt suksevee.

Sa i përket ekipit, në krye të këtij transformimi qëndron trajneri i ri, greku me përvojë të madhe Fotis Takianos, një emër i njohur për basketbollin kosovar, i cili do të udhëheqeë ekipin drejt një identiteti të ri garues.

Një nga prioritetet e stafit të ri drejtues ka qenë ruajtja e bërthamës vendore të ekipit. Klubi ka vazhduar kontratat me të gjithë lojtarët vendorë nga sezoni i kaluar, duke përfshirë (Lis Shoshin, Jan Palokajn, Gëzim Morinën, Artin Gashin dhe Arian Qallakun) dhe garantuar vazhdimësi e stabilitet në skuadër.

Në mesin e lajmeve më të rëndësishme që priten këtë javë është edhe transferimi i shumëpritur i Erjon Kastratit nga Trepça, një nga figurat më të dashura për tifozët suharekas, që pritet të sjellë përvojë dhe lidership në ekip.

Ky edicion është i veçantë për Golden Eagle Yllin, pasi shënohet 50-vjetori i themelimit të klubit, një moment jubilar që drejtuesit duan ta kurorëzojnë me sukses dhe përfaqësim dinjitoz në të gjitha garat.

Klubi është i vendosur të rikthehet në maje të basketbollit kosovar, me një qasje profesionale, një staf të përkushtuar dhe përkrahjen e pandalshme të tifozëve “Xhebrailat”.

Kombëtarja shqiptare do të zhvillojë dy ndeshjet e radhës në kuadër të kualifikueseve për Kupën e Botës 2026, ndaj Serbisë dhe Letonisë.

Trajneri Silvinjo ka bërë publike listën me 27 lojtarët e ftuar për këto dy përballje të rëndësishme.

Lista e plotë:

Portierë: Thomas Strakosha, Elhan Kastrati, Alen Sherri, Mario Dajsinani

Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Ardian Ismajli, Berat Gjimshiti, Arlind Ajeti, Adrian Bajrami

Mesfushorë: Ylber Ramadani, Juljan Shehu, Kristjan Asllani, Qazim Laçi, Adrion Pajaziti, Nedim Bajrami, Medon Berisha, Arbër Hoxha

Sulmues: Ernest Muçi, Jasir Asani, Armando Broja, Myrto Uzuni, Rey Manaj, Mirlind Daku

Shqipëria do të përballet me Serbinë më 7 qershor, në “Arenën Kombëtare”, duke nisur nga ora 20:45.

Ndërsa ndeshja ndaj Letonisë do të luhet më 10 qershor, në stadiumin “Skonto Stadions”, po në orën 20:45.

Arabia Saudite raportohet se do të heqë ndalimin e alkoolit në 600 vende këtë vit, ndërsa vendi shpreson të fitojë mbështetjen e turistëve dhe tifozëve të futbollit para Kupës së Botës 2034.

Kombi ultrakonservator do t’i japë fund ndalimit 73-vjeçar të shitjes dhe konsumit të alkoolit në vendet turistike deri në vitin 2026, transmeton KosovaPress.

Vizitorët do të lejohen të pinë verë, birrë dhe musht molle në vende të licencuara, siç janë hotelet me pesë yje dhe zhvillimet turistike, pretenduan mediat lokale, të cilat u raportuan gjerësisht ndërkombëtarisht.

Planet janë pjesë e Vizionit 2030 të Shtetit të Gjirit, një iniciativë për të tërhequr turistë dhe investime në përgatitje për organizimin e ngjarjeve të mëdha ndërkombëtare, duke përfshirë Expo 2030 dhe Kupën e Botës FIFA në vitin 2034.

Autoritetet thanë se qëllimi “është të mirëpresim botën pa humbur identitetin kulturor — duke e pozicionuar Arabinë Saudite si një lojtar progresiv, por të respektueshëm në hartën globale të turizmit”.

Sipas rregulloreve të reja për alkoolin, disa vende do të lejohen të shërbejnë birrë, verë dhe musht molle. Ato do të operohen nga një staf i trajnuar sipas kushteve të rrepta të licencimit.

Pijet dhe pijet alkoolike me përmbajtje alkooli mbi 20% do të mbeten të ndaluara.

Meqenëse politika e re u drejtohet turistëve dhe emigrantëve, alkooli në shtëpi, hapësira publike dhe pika shitjeje me pakicë do të vazhdojë të jetë i ndaluar me ligj.

Qeveria shtoi në një deklaratëse : “Shitjet do të ndodhin vetëm në mjedise të kontrolluara, me staf shërbimi të licencuar dhe rregulla të qarta operative për t’u siguruar që alkooli trajtohet me përgjegjësi dhe respekt.”

Vendet e lejuara do të përqendrohen në zhvillimet luksoze futuriste që po ndërtohen si pjesë e nxitjes së tyre turistike, të tilla si Neom dhe Projekti i Detit të Kuq.

Udhëheqësi i vendit, Princi i Kurorës Mohammad Bin Salman, shpreson se ndryshimet do t’i lejojnë Arabisë Saudite të konkurrojë me shtetet e tjera të Gjirit që tashmë e lejojnë alkoolin.

Emiratet e Bashkuara Arabe dhe Bahreini lejojnë konsumimin e alkoolit në zona të caktuara turistike.