ATV

Category: Sport

  • Sonte nisin sfidat e playoff-it të Champions League 2025/26 – të vlefshme për shtatë biletat e fundit në fazën e grupeve

    Sonte nisin sfidat e playoff-it të Champions League 2025/26 – të vlefshme për shtatë biletat e fundit në fazën e grupeve

    Mbrëmja e sotme shënon nisjen zyrtare të fazës së playoff-it në UEFA Champions League, ku 14 skuadra do të luftojnë në dy takime për të siguruar shtatë vendet e mbetura në turneun më prestigjioz të klubeve në Evropë.

    Fituesit e çifteve do t’i bashkohen 29 ekipeve tashmë të kualifikuara në fazën e grupeve, ndërsa shorti është planifikuar për 28 gusht në Monaco.

    Në program për mbrëmjen e sotme janë tre përballjet e para: Ferencváros – Qarabağ, Crvena Zvezda – Pafos dhe Rangers – Club Brugge.
    Takimet e kthimit do të luhen më 26 gusht. Edhe këtë sezon, Champions League do të zhvillohet sipas formulës së re “të ligës së vetme”, ku çdo skuadër luan tetë ndeshje nga 16 shtatori deri më 28 janar.

    Tetë ekipet e para kalojnë direkt në 1/8 e finales, ndërsa skuadrat nga vendi i 9-të deri në të 24-in do të kenë një raund shtesë playoff-i për të siguruar kalimin në fazën me eliminim direkt.

  • Valmir Veliu shpallet “Ylli i Javës” në Albi Mall Superligë

    Valmir Veliu shpallet “Ylli i Javës” në Albi Mall Superligë

    Federata e Futbollit të Kosovës, në bashkëpunim me sponsorin kryesor të Superligës, Albi Mall, ka ndarë çmimin “Ylli i Javës” për javën e parë të sezonit të ri. Fituesi i këtij çmimi prestigjioz është Valmir Veliu, futbollist i klubit FC Prishtina.

    Vendimi është marrë nga Komisioni i Veteranëve të Futbollit, i përbërë nga Enes Shosholli, Lulzim Berisha dhe Naim Kodraliu, të cilët vlerësuan paraqitjen vendimtare të Veliut në ndeshjen kundër FC Dukagjinit, ku Prishtina triumfoi me rezultat 2:3. Veliu kontribuoi me një gol dhe një asistim, duke ndikuar drejtpërdrejt në fitoren e skuadrës kryeqytetase në xhiron e parë.

    Pas marrjes së çmimit, Valmir Veliu u shpreh:

    “Të luash për Prishtinën është ëndërr e çdo lojtari. Jam ambientuar shumë mirë dhe shumicën e lojtarëve i kam njohur më herët.
    Të luash në Dukagjin është gjithmonë e vështirë, por ia dolëm të shënojmë fitore. Personalisht gëzohem që e kam ndihmuar ekipin me gol dhe me asistim.
    Ky çmim për mua është motiv të punoj dhe të ushtroj më tutje, si dhe të vazhdoj ta ndihmoj ekipin çdo javë.
    Prishtina, çdo vit, synim e ka titullin kampion ose daljen në Evropë.”

    Ky vlerësim shënon një fillim pozitiv për Veliun dhe një sinjal të qartë për ambiciet e FC Prishtinës në sezonin e ri.

  • Goditje për Brazilin: Vinicius jashtë për dy ndeshje

    Goditje për Brazilin: Vinicius jashtë për dy ndeshje

    Vinicius Jr. nuk do të jetë në dispozicion për dy ndeshjet e fundit të Brazilit në kualifikueset e Kupës së Botës 2026 për zonën e Amerikës së Jugut.

    Ai u ndëshkua me kartonin e tretë të verdhë në fitoren 1-0 ndaj Paraguait, gjë që e pezullon automatikisht për ndeshjen ndaj Kilit më 4 shtator.

    Për këtë arsye, stafi teknik ka vendosur të mos e grumbullojë as për sfidën ndaj Bolivisë më 9 shtator në El Alto, për t’i dhënë një periudhë pushimi pas një sezoni shumë të ngarkuar, ku ka zhvilluar mbi 60 ndeshje me klubin dhe kombëtaren.

    Ndërkohë, Rodrygo dhe Éder Militao janë rikthyer në listën paraprake të trajnerit Ancelotti, pasi kishin munguar në grumbullimin e fundit për shkak dëmtimesh./ATVLIVE.TV

  • Skandal në futbollin rus: Mirlind Daku sulmohet nga tifozët e Zenit, Federata nis menjëherë hetimin ndaj klubit të njohur

    Skandal në futbollin rus: Mirlind Daku sulmohet nga tifozët e Zenit, Federata nis menjëherë hetimin ndaj klubit të njohur

    Sulmuesi i Kombëtares shqiptare dhe i Rubin Kazanit, Mirlind Daku, është bërë objekt i thirrjeve fyese nga tifozët e Zenitit të St. Petersburgut gjatë ndeshjes së zhvilluar më 12 gusht, në raundin e dytë të fazës së grupeve të Kupës së Rusisë.

    Takimi, i fituar 3-0 nga Zeniti, u shoqërua me tensione në tribuna, ku një pjesë e tifozëve vendas ofenduan 27-vjeçarin shqiptar.

    “Komiteti i Kontrollit dhe Disiplinës i RFU-së do të shqyrtojë episodin me thirrje ofenduese nga tifozët e Zenitit të Shën Petersburgut, drejtuar sulmuesit të Rubin Kazanit, Mirlind Daku”, deklaroi kreu i komitetit, Artur Grigoryants, për agjencinë ruse RIA Novosti. Ai shtoi se mbledhja disiplinore do të zhvillohet më 20 gusht.

    Në atë përballje, Daku arriti të shënojë një gol, i cili u anulua pas ndërhyrjes së VAR-it.

    Ironikisht, gjatë kësaj vere sulmuesi ishte shumë pranë transferimit te Zeniti i St. Petersburgut, por në fund vendosi të qëndrojë te Rubini, që i rinovoi kontratën.

    Komiteti i RFU-së pritet të vendosë nëse Zeniti do të ndëshkohet për sjelljen e tifozëve të tij, ndërkohë që rasti ka marrë vëmendje në mediat ruse, duke rikthyer në fokus marrëdhënien mes klubit dhe lojtarit shqiptar.

  • Vinicius Junior pezullon rinovimin me Real Madridin, kërkon pagë më të lartë

    Vinicius Junior pezullon rinovimin me Real Madridin, kërkon pagë më të lartë

    Bisedimet për rinovimin e kontratës së Vinícius Júnior me Real Madridin janë bllokuar, pasi përfaqësuesit e lojtarit nuk janë të kënaqur me ofertën e klubit.

    Vinícius ka kontratë deri në qershor 2027 dhe fiton rreth 17 milionë euro në vit. Ai kërkon 20 milionë fikse + bonuse deri në 30 milionë, por Real Madridi ofroi vetëm 20 milionë pa bonuse.

    Për momentin, agjentët e tij kanë vendosur të presin dhe të shohin planet e trajnerit Xabi Alonso për sezonin 2025-26, përpara se të marrin një vendim.

    Ndërkohë, interesi nga klubet saudite është ftohur dhe nuk ka më kontakte me ta. Vinícius pati një sezon të paqëndrueshëm, me 11 gola në 30 ndeshje të LaLigës, dhe Madridi nuk fitoi asnjë trofe madhor./ATVLIVE.TV

  • Presidenti i Federatës së Futbollit të Kosovës, Agim Ademi, në betejë të ashpër me homologun zviceran për të bindur Leon Avdullahun të zgjedhë Kosovën

    Presidenti i Federatës së Futbollit të Kosovës, Agim Ademi, në betejë të ashpër me homologun zviceran për të bindur Leon Avdullahun të zgjedhë Kosovën

    Gazeta e njohur gjermane BILD raporton se Presidenti i Federatës së Futbollit të Kosovës, Agim Ademi, dhe Presidenti i Federatës së Futbollit të Zvicrës, Peter Knäbel, janë në një betejë të ashpër për të bindur futbollistin Leon Avdullahu.

    Ademi ka qenë shumë aktiv dhe ka ushtruar presion të vazhdueshëm me kohë, duke ndjekur me kujdes situatën dhe duke mbajtur kontakte të vazhdueshme me talentin kosovar. Ai është takuar personalisht me Leonin, duke treguar përkushtimin e tij për të bindur lojtarin të përfaqësojë Kosovën.

    Ndërkohë, edhe Presidenti i Federatës së Futbollit të Zvicrës, Peter Knäbel, së fundmi ka zhvilluar takim me Avdullahun, ku ka qenë i pranishëm edhe selektori i kombëtares A të Zvicrës, Murat Yakin.

    Tani vendimi i 21-vjeçarit mbetet vendimtar për të ardhmen e tij në futboll. /ATVLIVE.TV 

  • Goditja e Mourinhos: Fenerbahçe gati të marrë yllin e mesfushës nga Premier League

    Goditja e Mourinhos: Fenerbahçe gati të marrë yllin e mesfushës nga Premier League

    Sipas ESPN.nl, klubi turk Fenerbahce është pranë arritjes së një marrëveshjeje për huazimin e lojtarit Edson Álvarez nga West Ham United,me të drejtë blerjeje në fund të sezonit.

    Megjithatë, mbetet e paqartë nëse Fenerbahçe do të jetë në gjendje të paguajë shumën e plotë verën e ardhshme. Nga ana tjetër, për Ajax-in, lojtari konsiderohet shumë i kushtueshëm, madje edhe për një huazim pasi paga e tij mujore shkon në gjysmë milioni euro.

    Kur jemi te mesfushori meksikan çmimi i tij në treg aktualisht është 25 milionë euro.

  • Roma “rrëmben” Leon Bailey-n – refuzon Arabinë dhe Turqinë për t’u bashkuar me Gasperinin

    Roma “rrëmben” Leon Bailey-n – refuzon Arabinë dhe Turqinë për t’u bashkuar me Gasperinin

    AS Roma ka gjetur gjuhën e përbashkët me Aston Villën për transferimin e Leon Bailey, raportojnë mediat italiane.

    Sulmuesi 26-vjeçar pritet të transferohet në “Olimpico” në formë huazimi, me romanët që do të paguajnë 2-3 milionë euro tani dhe do të kenë të drejtë ta blejnë kartonin e tij për 22 milionë euro në fund të sezonit.

    Bailey – autor i 144 paraqitjeve me fanellën e Aston Villës – ka zgjedhur Romën si destinacionin ideal për të vijuar karrierën, duke refuzuar propozimet financiare më të mëdha nga klubet turke dhe ato të Ligës së Arabisë Saudite.

    Në orët në vijim, xhamajkani pritet t’i nënshtrohet vizitave të detajuara mjekësore, përpara se të prezantohet zyrtarisht si përforcimi i radhës i verdhekuqve.

    Drejtuesit e Romës janë futur fuqishëm në tregun e transferimeve, me synimin që t’i ofrojnë trajnerit Gian Piero Gasperini një ekip të formatuar sipas ideve të tij taktike.
    Sen

  • Manuel Locatelli mbetet i paprekshëm, Juventusi nuk e shet për 30 milionë euro

    Manuel Locatelli mbetet i paprekshëm, Juventusi nuk e shet për 30 milionë euro

    Juventusi refuzon ofertën prej 25 milionë eurosh për Manuel Locatellin nga Al Ahli

    Sipas raportimeve të La Gazzetta dello Sport, skuadra Italiane Juventus ka refuzuar një ofertë prej 25 milionë eurosh nga Al Ahli për kapitenin e tyre, Manuel Locatelli.

    Klubi italian ka kthyer mbrapsht propozimin e fituesve të AFC Champions League Elite 2024-25, të cilët e kishin identifikuar mesfushorin italian si një përforcim kyç për mesfushën.

    Megjithatë, trajneri i Juventusit, Igor Tudor, e konsideron Locatellin një pjesë të rëndësishme të projektit të tij dhe nuk ka plane ta shesë atë.

    Sipas të dhënave, klubet e Saudi Pro League i kanë ofruar Locatellit një pagë shumë të lartë dhe janë gati të rrisin ofertën deri në 30 milionë euro.

    Në anën tjetër, Juventusi shpreson që Denis Zakaria të largohet drejt Al Ahli, në vend të Locatellit.

    Në radar të Al Ahlit janë gjithashtu Youssouf Fofana nga Milani dhe Denis Zakaria nga Monako.

    Skuadra saudite raportohet se ka ofruar 45 milionë euro për ish-mesfushorin e Juventusit, i cili ende është i pavendosur për një transferim në Arabinë Saudite.

    Në rast se Zakaria ndryshon mendje dhe transferohet te Al Ahli, Juventusi do të përfitonte një përqindje nga shitja e tij e ardhshme.

  • Sancho larg Romës, Højlund synon largimin përfundimtar nga United

    Sancho larg Romës, Højlund synon largimin përfundimtar nga United

    Jadon Sancho nuk pritet të transferohet tek Roma, pavarësisht ofertës prej 20 milionë funte nga klubi italian. Sulmuesi i Manchester United ka vendosur të shikojë mundësi të tjera, ndërsa për të vijojnë të interesohen edhe klube si Borussia Dortmund.

    Ndërkohë, edhe Rasmus Højlund është në listën e lojtarëve që United është i gatshëm t’i largojë. Danezi pëlqehet nga Milan, por dëshiron një largim të përhershëm, jo huazim. United po ashtu këmbëngul që marrëveshja të përfshijë shitjen e plotë.

    Højlund nuk u përfshi fare në ndeshjen ndaj Arsenalit fundjavën që lamë pas, por trajneri Ruben Amorim deklaroi se lojtari ende mund të qëndrojë në klub dhe se duhet të luftojë për vendin e tij.