Category: Sport

Bordi i Federatës së Basketbollit të Kosovës (FBK) me datë 26 gusht 2025, duke u bazuar në Statutin e FBK-së dhe në kompetencat që i takojnë,

Vendosi:

Dren Zatriqi emërohet Kryetar i Komisionit për Nominimin e Personave Zyrtarë të Ndeshjeve për edicionin 2025/26.

Me këtë rast, Dren Zatriqi jep dorëheqje nga pozita e Kryetarit të Këshillit Mbikëqyrës të FBK-së.

Bordi i FBK-së ua vazhdon mandatin Irma Konjushës dhe Fidan Hamitit si anëtarë të Komisionit për Nominimin e Personave Zyrtarë të Ndeshjeve për edicionin 2025/26.

Bordi i FBK-së do të propozojë plotësimin e pozitës së Kryetarit të Këshillit Mbikëqyrës në Kuvendin e radhës të FBK-së, i cili do të mbahet në mars 2026.

Adoleshenti i Liverpoolit, Rio Ngumoha, bëri histori të hënën mbrëma, më 25 gusht, duke u bërë golashënuesi më i ri i të gjitha kohërave i klubit.

Vetëm 16 vjeç e 361 ditë, Ngumoha shënoi në minutën e 10-të të kohës shtesë për të siguruar një fitore dramatike 3-2 në Ligën Premier kundër Newcastle United.

Sulmuesi anësor theu rekordin e mëparshëm të Ben Woodburn prej 17 vitesh e 45 ditësh, të vendosur kundër Leeds United në nëntor 2016.

Ngumoha iu bashkua Liverpoolit shtatorin e kaluar dhe shpejt la gjurmë, duke u bërë lojtari i dytë më i ri që ka bërë paraqitje në historinë e klubit në fillim të këtij viti.

Ai gjithashtu vendosi rekordin për debutuesin më të ri të Liverpoolit në Kupën FA, pasi luajti si titullar kundër Accrington Stanley në Anfield. Duke debutuar në Ligën Premier nga stoli në St. James’ Park, Ngumoha e mbylli një ditë të paharrueshme duke shënuar golin e fitores në minutën e fundit.

Golashënuesit më të rinj të Liverpoolit:

1.Rio Ngumoha – 16 vjeç, 361 ditë

2.Ben Woodburn – 17 vjeç e 45 ditë

3.Kaide Gordon – 17 vjeç, 96 ditë

4.Michael Owen – 17 vjeç, 143 ditë

5.Jordan Rossiter – 17 vjeç, 183 ditë

Albian Hajdari ka bërë një hap të rëndësishëm në karrierën e tij duke u transferuar nga Lugano te Hoffenheim, në Bundesligë, një nga pesë ligat më të forta në Evropë.

Mbrojtësi 22-vjeçar ishte një prej lojtarëve kryesorë të Luganos dhe konsiderohet një prej shpresave të futbollit zviceran.

Edhe pse pritej që të shkonte në Ligën Premier, Hajdari vendosi të vazhdojë karrierën në Gjermani, ku do të bashkohet me dy futbollistë me origjinë shqiptare, Fisnik Asllanin dhe Leon Avdullahun, të cilët luajnë gjithashtu te Hoffenheimi.

Ky transferim erdhi si pasojë e një lëndimi serioz të Koki Machidas, që krijoi nevojën për një qendërmbrojtës të ri në skuadër.

Hajdari ka kaluar nëpër akademitë e Baselit dhe Juventusit, ndërsa që nga viti 2022 është pjesë e Luganos, ku u bë një prej lojtarëve kyç.

“Jam shumë i emocionuar për sfidën e re te Hoffenheimi dhe në Bundesligën gjermane, që është një nga ligat më të forta në Evropë. Bisedimet me klubin ishin shumë pozitive, dhe unë do të jap maksimumin tim për të ndihmuar skuadrën të arrijë objektivat,” tha Hajdari.

Në total, ai ka regjistruar 110 paraqitje për Luganon dhe nëntë për Baselin. Në Superligën zvicerane ka luajtur 91 ndeshje, ndërsa 11 të tjera në Ligën e Konferencës dhe Kupën zvicerane.

Ermal Krasniqi ka nisur një fazë të re në karrierën e tij, pasi është huazuar nga Sparta Praga te gjiganti polak Legia Varshava për sezonin 2025/26, me mundësi blerje të kartonit.

Sulmuesi i Kosovës, i cili ka fituar dy herë titullin kampion me Ballkanin dhe ka marrë pjesë në ndeshje evropiane kundër ekipeve të mëdha si Inter dhe Manchester City, është pritur ngrohtësisht në kryeqytetin polak.

26 vjeçari u prezantua zyrtarisht dhe do të bartë fanellën me numrin 77 te klubi më i madh në Poloni.

“Faleminderit për mirëseardhjen e ngrohtë. Ndihem shumë mirë dhe i emocionuar që jam pjesë e këtij klubi të madh,” tha Krasniqi.

“Do të jap maksimumin për të ndihmuar ekipin dhe shpresoj ta sjellim sërish titullin në Varshavë. Pozicioni im kryesor është sulmuesi në krahun e majtë, por mund të luaj edhe në të djathtë apo si sulmues qendre,” shtoi ai.

Krasniqi ka gjithashtu tetë paraqitje me Kombëtaren e Kosovës, ku ka shënuar dy gola dhe konsiderohet një përforcim kyç për Legia Varshavën në objektivat e sezonit të ri./ATVLIVE.TV

Kristjan Asllani është zyrtarisht pjesë e skuadrës së Torinos. Mesfushori i Kombëtares shqiptare ka kompletuar transferimin e tij nga Interi, ndërsa prezantimi i tij nga klubi granata ka tërhequr menjëherë vëmendjen e tifozëve dhe mediave.

Në një video kreative të publikuar në rrjetet sociale, Torino e ka prezantuar Asllanin në mënyrë të veçantë — përmes një loje bilardoje. Kjo nuk është një zgjedhje rastësore: në futbollin italian, termi “goditje bilardoje” përdoret për të përshkruar lojtarë me teknikë dhe saktësi të lartë, duke nënkuptuar se Asllani shihet si një mjeshtër në mesfushë.

Përveç mënyrës unike të prezantimit, është zbuluar edhe numri që lojtari do të mbajë në fanellë. Asllani ka zgjedhur numrin 32 – një numër që më parë nuk është përdorur nga asnjë lojtar tjetër në klubin torinez. Kujtojmë se te Interi ai mbante numrin 21, por me ndryshimin e skuadrës, vjen edhe një identitet i ri në fushë.

Në përfundim të videos prezantuese, Asllani shfaqet duke thënë shkurt: “Gati për të luajtur”, një mesazh i qartë për fillimin e një kapitulli të ri në karrierën e tij.

Transferimi te Torino pritet t’i ofrojë më shumë minuta loje në krahasim me eksperiencën e tij te Interi, ku aktivizimi i tij ishte i kufizuar. Një tjetër lajm pozitiv për të është fakti se do të ketë pranë një shok të vjetër të Kombëtares, mbrojtësin Ardian Ismajli, i cili gjithashtu është pjesë e skuadrës torineze. Kjo pritet ta ndihmojë në integrimin më të shpejtë dhe në ndërtimin e një raporti të fortë brenda ekipit.

Me këtë transferim, Asllani ka një mundësi të artë për të treguar potencialin e tij dhe për të hedhur hapa të rëndësishëm në karrierën e tij profesionale. /ATVLIVE.TV

Federata e Futbollit të Kosovës dhe sponsori i Superligës, Albi Mall, kanë ndarë çmimin “Ylli i Javës”. Ky çmim, për javën e dytë i është ndarë futbollistit të KF Dukagjinit, Mërgim Pefqeli.

Vlerësimi i më të mirit të javës është bërë nga Komisioni i Veteranëve të Futbollit, të cilët vendosën që çmimi “Ylli i Javës” për xhiron e dytë në këtë edicion kampional t’i takojë Mërgim Pefqelit, i cili shënoi një nga golat në ndeshjen kundër SC Gjilani të fituar nga vendasit me rezultat 2:0, ai ka qenë një nga lojtarët më të vlefshëm të ekipit të tij në arkëtimin e 3 pikëve nga klinasit.

Pasi mori këtë çmim, Pefqeli u shpreh i lumtur që u vlerësua si lojtari më i mirë i javës:

“Falënderoj stafin e klubit që u angazhuan gjatë gjithë javës me taktikat dhe përgatitjen e lojës për ta mundur Gjilanin. Gjithçka që kemi punuar gjatë javës ishte shumë efektive në ndeshje dhe kjo ka qenë pika kryesore në fitoren ndaj Gjilanit. Gjatë verës kemi pasur disa transfere, si Merisin i cili ka përfunduar gjithë fazën përgatitore me ne, së fundi na është bashkuar edhe Zulfija, por është komponuar shumë mirë me ekipin dhe ishte ai i cili shënoi gol në ndeshjen kundër Gjilanit. Besoj që këto transfere na bëjnë ekip shumë më të fortë, meqë na pret një kampionat i gjatë dhe i rëndë, duhet të kemi më shumë lojtarë dhe të jemi kompaktë. Falënderoj të gjithë bashkëlojtarët dhe stafin teknik që më ndihmuan të shënoj gol. Këtë gol, fitoren dhe çmimin “Ylli i Javës” ia dedikoj babit tim të ndjerë i cili kishte ditëlindjen” – tha ai për faqen zyrtare të FFK-së.

Mesfushori në karrierën e tij numëron 238 ndeshje, ku ka shënuar 39 gola dhe ka kontribuar në 16 të tjerë.

Florian Wirtz ka zbuluar pasionin dhe kompleksitetin e vendimit të tij të rëndësishëm pas transferimit rekord prej 116 milionë eurosh tek Liverpool, duke pranuar se kishte nevojë të reflektonte thellë para se të refuzonte ofertën joshëse të Bayern Munichut për t’u bashkuar me sfidën e Ligës Premier.

Ylli gjerman, i njohur për talentin e tij të jashtëzakonshëm dhe potencialin e madh, beson se largimi nga zona e tij e rehatisë në Bayer Leverkusen do të jetë kyç për zhvillimin e tij dhe arritjen e majave më të larta të futbollit botëror. Për Wirtzin, ky hap përpara është një sfidë që kërkon guxim, ambicie dhe vendosmëri.

Bayern Munich, klubi dominues i Bundesligës dhe një prej fuqive më të mëdha në futbollin evropian, ishte i bindur se do të përfitojë nga transferimi i reprezentuesit të tyre të ri, por u surprizua thellësisht kur Wirtz preferoi të zgjidhte “Anfield” në vend të Mynihut. Ky vendim ishte një lajm i madh për botën e futbollit, duke treguar dëshirën e lojtarit për një sfidë ndryshe dhe të re.

“Ashtu siç ndodhi pesë vjet më parë, kur në moshën 16-vjeçare u largova nga Kolni për të nisur aventurën time në Bayer Leverkusen, unë kërkoja vendin ku mund të zhvilloja më së miri aftësitë e mia dhe ku mund të arrija të bëhesha lojtari më i mirë. Prandaj zgjodha Liverpoolin dhe deri tani nuk kam patur asnjë pendim. Kam bërë një analizë të thellë dhe intensive të të dy klubeve dhe besoj se vendimi im ishte i drejtë, edhe pse aspak i lehtë.”

Ai shtoi: “E mora këtë vendim me 100 për qind bindje dhe ndihem shumë i lumtur për këtë zgjedhje. Ishte padyshim një hap i vështirë të largohesha nga mjedisi im i njohur në Gjermani dhe të nisesha drejt një vendi tjetër, me kultura, gjuhë dhe mënyrë loje të ndryshme. Por kjo është pikërisht ajo që kërkoja, një sfidë e re dhe më e madhe, që më lejon të përmirësohem dhe të rritem si futbollist.”

Wirtz e sheh Ligën Premier si një mundësi unike për të zhvilluar stilin e tij dhe për t’u përballur me kundërshtarë të nivelit më të lartë në botë. “Stili i lojës në Angli është më fizik, më i shpejtë dhe kërkon shumë energji, ndaj besoj se këto ndryshime do të më ndihmojnë të bëhem një lojtar më i plotë dhe më i fortë,” shpjegoi ai.

Ky transferim jo vetëm që thekson rëndësinë e Wirtz në skenën botërore të futbollit, por gjithashtu sinjalizon një periudhë të re për “The reds”, që po investojnë masivisht për të rikthyer sukseset në arenën ndërkombëtare. /ATVLIVE.TV

Nico Paz nuk do të transferohet tek klubi londinez Tottenham Hotspur.

Sipas raportimeve të mediave, klubi italian Como ka refuzuar ofertën e londinezëve prej 70 milionë euro,dhe argjentinasi do të mbetet tek Como edhe për një sezon tjetër me synimin për tu rikthyer tek Real Madrid vitin e ardhshëm.

Përndryshe Real Madrid e ka në dispozicion kartonin e Paz prej 10 milionë euro dhe me këtë synon të kompensojë klubin italian për të ruajtur kontrollin tek lojtari.

Në anën tjetër, vetë 20 vjeçari ka shprehur dëshirën që të rikthehet tek Reali dhe të jetë një ndër yjet e “Los Blancos’ në vitet e ardhshme.

Nico Paz sezonin e kaluar bëri 35 ndeshje për Comon, duke realizuar 6 gola e dhuroi 9 asistime. /ATVLIVE.TV

Lajme jo të mira për Kombëtaren e Kosovës përpara dy ndeshjeve kualikuese të botërorit 2026 kundër Suedisë dhe Zvicrës.

Mesfushori Vesel Dërmaku pësoi lëndim në ndeshjen e Altach kundër GAK 1902 dhe mungesa e tij pritet të jetë një hendikep i madh në repartin e mesfushës së “dardanëve”.

Përndryshe raportimet e fundit bëjnë të ditur se Demaku pritet të mungojë rreth 2 deri në 3 muaj,që do të thotë se nuk do të luaj as në ndeshjet e Kosovës në tetor dhe nëntor.

Vesel Demaku ka qenë pjesë e Kombëtares së Kosovë për dy ndeshjet e play-offit të Ligës së Kombeve kundër Islandës,ku pati paraqitje të mira në të dyja ndeshjet.