Category: Sport

Ish-futbollisti i Prishtinës Gentrit Salihu karrierën do ta vazhdojë në elitën e futbollit kroat tek skuadra e njohur Lokomotiva Zagreb.

Salihu është transferuar si lojtar i ri tek ekipi kroat,dhe ky transferim shihet si hap i rëndësishëm në karrierën e 22 vjeçarit.

Përndryshe Salihu u shpreh tejet i lumtur për transferimin e tij tek skuadra kroate,ku vlerësoi se ky është një hap në zhvillimin e tij si futbollist.

“Jam i lumtur që jam bërë pjesë e një klubi që njihet për punën e shkëlqyer me lojtarët e rinj. Lokomotiva është një mjedis ideal për zhvillimin tim të mëtejshëm dhe do të bëj çmos për të justifikuar besimin e stafit të trajnerëve dhe për të ndihmuar ekipin të arrijë qëllimet e tij”

Kujtojmë që Gentrit Salihu së fundmi ishte pjesë e FC Prishtinës,ku në 13 ndeshje këtë sezon shënoi vetëm 1 gol.

Barcelona ka emëruar kapitenin e ri të skuadrës pas largimit të Marc Andre Ter Stegen.

Qendërmbrojtësi urugajan Ronald Araujo pritet të jetë kapiteni i ri i katalunasve,teksa pjesë e ekipit të kapitenëve pritet të jenë Frenkie de Jong, Pedri dhe Raphinha.

Përndryshe në rast të ndonjë mungese të këtyre lojtarëve roli i kapitenëve pritet të kalojë tek Eric Garcia ose tek Ferran Torres,dhe trajneri Hansi Flick u ndal tek Garcia të cilën e vlerëson si një ndër lojtarët që mund të jetë lider i skuadrës.

Kujtojmë që Marc Andre Ter Stegen është larguar tek Girona në formë huazimi,kjo pasi humbi vendin e titullarit tek Barcelona kundrejt Joan Garcias.

Talenti brazilian Endrick po shkëlqen me fanellën e Olympique Lyon qëkur është huazuar nga Real Madrid.

Me hattrickun e shënuar kundër Metz në fitoren 5:2 Endrick regjistroi një rekord tek klubi francez,duke u bërë lojtari më i ri që shënon hattrick në kampionatin francez me 19 vjet e 188 ditë,si dhe theu rekordin e Bernard Lacombe që realizoi tre gola me 19 vjet e 196 ditë.

Përndryshe Endrick i është bashkuar futbollistëve që shënuan hattrick në moshë të re gjatë shekulliy 21,duke përfshirë emra si: Jérémy Ménez, Kylian Mbappé dhe Ousmane Dembélé.

Braziliani nëse vazhdon me formë fantastike me Lyonin ,atëherë gjasat për të luajtur me Brazilin në botërorin e vitit 2026 do të jenë më të mëdha.

Kujtojmë që Endrick është i huazuar tek Olympique Lyon nga Real Madrid deri në fund të sezonit.

Ylli i Kombëtares së Kosovës Milot Rashica mund të rikthehet në Bundesligën gjermane pas aventurës në Superligën e Turqisë.

Sipas gazetës turke Fanatik Hoffenheim është i interesuar të sigurojë shërbimet e Rashicës,dhe raportohet se reprezentuesi dardan mund të shkëmbehet me Adam Hlozek i cili mund të kalojë tek Besiktas.

Përndryshe Rashica në fillim të sezonit nuk pati periudhë të mirë të sezonit me Besiktasin,dhe për më tepër ishte përfolur për një largim nga skaudra e Sergen Yalcin.

Në anën tjetër në rast se Rashica transferohet tek Hoffenheim,atëherë mund t’i bashkohet treshes dardane Fisnik Asllani,Leon Avdullahu dhe Albian Hajdari.

Kujtojmë që Milot Rashica në 20 ndeshje të zhvilluara për Besiktasin këtë sezon ka shënuar vetëm 2 gola e bëri 3 asistime,teksa është pjesë e gjigantit turk që nga viti 2023 ku u transferua për 5 milionë euro.

Mesfushori spanjoll Marc Casado dëshiron të mbetet tek gjiganti katalunas Barcelona.

Shumë klube të njohura në Evropë janë të interesuara për shërbimet e Casados,duke përfshirë ketu rivalin Atletico Madrid si dhe gjiganti anglez Manchester United.

Përndryshe Mundo Deportivo bën të ditur se Casado nuk e ka në plan që të largohet nga Camp Nou,dhe se do të mundohet të jap kontributin e tij në fanellën e blaugaranasve.

“Veshja e kësaj fanelle do të jetë gjithmonë prioriteti im. Është një ëndërr që e kam pasur që fëmijë dhe shpresoj që të vazhdojë kështu për shumë vite. Do të shfrytëzoj çdo minutë që më jepet”

Kujtojmë që Marc Casado këtë sezon ka bërë 20 paraqitje për Barcelonën,duke dhuruar vetëm 1 asistim.

Kosova pritet të marrë pjesë në Lojërat Olimpike Dimërore “Milano Cortina 2026”,ku pritet të përfaqësohet nga dy skitarët Kiana Kryeziu dhe Drin Kokaj.

Në një konferencë të mbajtur për media të dy atletët janë shprehur optimist,dhe se do të mundohen që nga kjo olimpiadë të kthehen me rezultate tejet pozitive.

Përndryshe Kryeziu  ka folur edhe për përvojën që pati në olimpiadën e kaluar në Pekin,duke thënë se tani synon të arrij më shumë rezultate.

DEK Kiana Kryeziu…

Në anën tjetër Drin Kokaj i cili merrë pjesë për herë të parë në Olimpiadën dimërore thotë se është një emocion i papëprshkrueshëm që do të përfaqësoj Kosovë,dhe shton se do të jap më të mirën dhe të arrij rezultate tejet të kënaqshme.

DEK Drin Kokaj…

Kujtojmë që Lojërat Olimpike Dimërore “Milano Cortina 2026”pritet të nisin nga data 6 e deri më 22 shkurt.

Dy  futbollistët nga Kosova Xherdan Shaqiri dhe Amir Shaipi kanë shkëlqyer këtë javë në xhiron e 21-të të Superligës Zvicrane.

Shaqiri shënoi hattrick në derbi kundër Zurich në fitoren 4:3,si dhe poashtu kontribuoi me asistim tek goli i Philip Otelen.

Në anën tjetër portieri i Kombëtares së Kosovës Amir Shaipi bëri paraqitje fantastike në fitoren e Luganos 4:1 kundër Ëinterthur-it,ku bëri disa intervenime tejet të rëndësishme.

Përndryshe këto paraqitje të mira të dy futbollistëve kanë bërë që të përfshihen në formacionin e javës,ku Shaqiri nga faqja e njohur Sofascore mori notën 10 që është më e larta teksa Shaipi mori notën 8.7.

Kujtojmë që paraqitje të mirë patën edhe dy futbollistë të tjerë nga Kosova Kastriot Imeri dhe Donat Rrudhani,ku secili prej tyre shënuan nga një gol.

Janë zhvilluar ndeshje tejet interesante në ligën më të fortë të basketbollit në botë NBA.

Kampioni aktual Oklahoma City Thunbder nuk di për fitore në ndeshjet e fundit,ku kësaj u mundën në shtëpi nga Toronto Raptors me rezultat 103:101.

Immanuel Quickley me 23 pikë e 11 kërcime ishte më i miri për Raptors,si dhe RJ Barrett me 14 pikë e 6 kërcime,kurse në anën tjetër Brandon Ingram 13 pikë.

Tek Thunder Shai Gilgeuos Alexander me 24 pikë e 6 asistime si dhe Lugentz Dort me 19 pikë e 8 kërcime ishin më efikasët,por këto shifra ishin të pamjaftueshme për të shmanggur humbjen e kampionëve.

Në ndeshjen tjetër Golden State Ëarriors mposhti skuadrën e Minnesota Timberëolves me rezultat 111:85.

Stephen Curry me 26 pikë e 7 asistime ishte më i miri tek Ëarriors,teksa ka regjistruar një rekord ku u bë shënuesi i 20-të me dhe u barazua me Paul Pierce, me nga 26,397 pikë secili.

Ndërkohë tek Timberëolves më i miri ishte Anthony Edëards me 32 pikë,11 kërcime e 2 asistime.

Skuadra e Atletico Madridit ka shënuar fitore të rëndësishme kundër Mallorcas,duke e mposhtur me rezultat bindës 3:0.

Pjesa e parë u dominua nga vendasit të cilët kaluan në epërsi në minutën e 22-të përmes norvegjezit Alexander Sorloth në 1:0,dhe me epërsinë e madrilienëve përfunduan 45 minutat e parë.

Edhe në pjesën e dytë Atletico vazhdoi me lojë të mirë,dhe në minutën e 75-të David Lopez shënoi autogol për 2:0, kurse 3 minuta para fundit Thiago Amada shënoi për 3:0 që në fund doli të jetë rezultati përfundimtar.

Atletico Madrid gjendet në pozitën e tretë në La Liga me 44 pikë,teksa Mallorca mbetet në koutën e 21 pikëve.

Kujtojmë që për Mallorcan u paraqit edhe sulmuesi i Kombëtares së Kosovës Vedat Muriqi i cili luajti për 90 minuta.

Kampioni aktual Drita fitoi trofeun e Superkupës së Kosovës në futboll,ku në finalen e zhvilluar në Antalya të Turqisë mundi skuadrën e Prishtinës me rezultat 2:1.

Ndeshja nisi mirë për kryeqytetasit të cilët kaluan në epërsi përmes Leutrim Kryeziut në 1:0,kur po zhvillohej minuta e 8-të e takimit.

Gjilanasit u hodhën në sulm pas pësimit të golit,ku në minutën e 38-të Drita fitoi 11 metërsh të cilën në gol e konkretizoi Besnik Krasniqi në 1:1.

Në fund të pjesës së parë Drita mbeti me një lojtar më pak në fushë,kjo pasi Harun Karic u ndëshkua me karton të kuq.

Pjesa e dytë nisi më mirë për Dritën të cilët realizuan në minutën e 50-të,ku Kristal Abazaj shënoi për 2:1.

Deri në fund Prishtina u mundua të realizonte golin e barazimit për ta dërguar ndeshjen në vazhdime,por në fund ata që festuan ishin futbollistët e Dritës që në fund iu gëzuan triumfit në Superkupën e Kosovës.

Ky ishte triumfi i tretë në histori të Superkupës së Kosovës për Dritën në histori të klubit.