Category: SPORT

Kombëtarja e Kosovës U21 ka publikuar listën e futbollistëve për ndeshjet kualifikuese të kampionanit evropian që do të mbahet vitin e ardhshëm.

Përzgjedhësi Hekuran Kryeziu ka ftuar gjithsej 23 lojtarë për tre sfidat e fundshtator-it dhe fillimtetor-it,ku “Dardanët”do të takohen kundër San Marinos,Qipros dhe Finlandës.

Kosova U21 synon që nga këto ndeshje të marrë rezultate pozitive nga këto ndeshje të mbetura,kjo për faktin që skuadra e përzgjedhësit Hekuran Kryeziu ka humbur gjasat për kualifikim pasi ka 8 pikë në pozitën e 4-të në grupin A.

Kujtojmë që Kombëtarja e Kosovës U21 zhvillon ndeshjen ndaj San Marinos në udhëtim më 24 shtator,teksa më 30 shatotor e pret Qipron në Prishtinë kurse kampanjën kualifikuese e përmbyllë poashtu në Prishtinë më 6 tetor ndaj Finlandës.

Meriton Korenica do të jetë pjesë e Kosovës për katër ndeshjet e ardhshme në Ligën e Kombeve.

29-vjeçari ka zënë vendin e Donat Rrudhanit, i cili ka pësuar lëndim gjatë stërvitjes dhe nuk do të mund t’u bashkohet “Dardanëve”, ka njoftuar Federata e Futbollit e Kosovës.

Korenica ishte pjesë e listës së zgjeruar të përzgjedhësit Franco Foda. Ai aktualisht është pjesë e klubit rumun FCSB, të cilit iu bashkua nga CFR Cluj.

Në 12 paraqitje këtë sezon, në të gjitha garat me Clujin dhe FCSB-në, Korenica ka realizuar katër gola dhe ka kontribuar me një asistim.

Ndërkohë, Rrudhani aktivizohet te Sioni në Zvicër. Në 15 ndeshje këtë edicion, ai ka shënuar tri gola dhe ka dhuruar dy asistime.

Presidenti i Barcelonës, Joan Laporta, ka shpjeguar gjatë Asamblesë së Përgjithshme të Zakonshme të klubit arsyet përse Barcelona ka nevojë për një hua të re prej 300 milionë eurosh, me qëllim përshpejtimin e punimeve për rinovimin e “Spotify Camp Nou”.

Laporta deklaroi se vitin e ardhshëm klubi parashikon të arrijë në 1.195 miliardë euro të ardhura, ndërsa përfundimi i “Spotify Camp Nou” konsiderohet vendimtar për rritjen ekonomike të Barcelonës. Sipas tij, projekti do të sjellë një zhvillim të paprecedentë në historinë e klubit.

Presidenti i Barcelonës theksoi se stadiumi i ri synohet të shndërrohet në epiqendrën e klubit dhe në një burim të rëndësishëm të ardhurash.

Laporta shpjegoi se punimet nisën të përballeshin me vonesa dhe rritje të kostove që nga prilli i vitit 2023. Në kontratën fillestare ishin parashikuar rreth 800 ndërhyrje, por numri i tyre përfundoi në rreth 3,000 ndërmjet katit të parë dhe të dytë.

Sipas tij, konfliktet e armatosura në botë sollën gjithashtu rritje të kostove të materialeve, duke ndikuar në ecurinë e projektit.

Një tjetër faktor që ka rënduar financat e klubit janë kostot e krijuara nga pamundësia për t’u rikthyer në “Spotify Camp Nou”. Për këtë arsye, Barcelona është detyruar të zhvillojë ndeshjet në stadiumin olimpik “Lluís Companys”, në Montjuïc.

Laporta bëri të ditur se klubi po kërkon aktualisht miratimin për përditësimin e financimit të projektit Espai Barça me 300 milionë euro. Ai sqaroi se kjo shumë do të përdoret për përfundimin e stadiumit dhe për përshpejtimin e krijimit të të ardhurave.

Sipas presidentit të Barcelonës, financimi i ri nuk do të prekë llogaritë e klubit apo politikën sportive, pasi fondet do të jenë të dedikuara për përfundimin e “Spotify Camp Nou”.

Kombëtarja shqiptare ka bërë publike listën për ndeshjet e Ligës së Kombeve,ku kuqezinjët do të takohen dy herë kundër ndaj San Marinos si dhe kundër Bjellorusisë dhe Finlandës.

Përzgjedhësi Roland Maran ka ftuar gjithsej 29 futbollistë për këto 4 ndeshje,ku në mesin e tyre janë përfshirë emra të rinj si mesfushori Sabah Kerjota dhe mbrojtësi Samuele Sina.

Në anën tjetër në listë është rikthyer portieri Etrit Berisha,i cili është grumbulluar pas dy vitesh në kombëtaren shqiptare,teksa në anën tjetër figurojnë mungesa të lojtarëve të tjerë të njohur si: Nedim Bajrami, Jasir Asani dhe Armando Broja.

Kujtojmë që Shqipëria e nis së pari kundër Bjellorusisë më 26 shtator,kurse në anën tjetër do e presë në “Air Albania”San Marinon më 29 shtator,teksa tre ditë më vonë do të luaj në udhëtim kundër Finlandës dhe në fund më 6 tetor luan sërish kundër San Marinos në udhëtim.

Federata e Futbollit të Kosovës (FFK) ka konfirmuar pensionimin e dy futbollistëve, Valon Berishës dhe Fidan Alitit, nga Kombëtarja e Kosovës.

Pas shumë vitesh të kaluar me fanellën e “Dardanëve”, dy futbollistët kanë vendosur t’i japin fund aventurës së tyre me përfaqësuesen.

Valon Berisha, i cili në të kaluarën kishte përfaqësuar Norvegjinë, por më pas zgjodhi Kosovën, e ka cilësuar këtë vendim si një prej vendimeve që do ta bëjë krenar gjatë gjithë jetës.

“Dhjetë vite më parë mora një prej vendimeve që do të më bëjë krenar tërë jetën. Pavarësisht falënderimit që kam për Norvegjinë, shtetin që mua dhe familjes sime na dha mundësinë për një jetë më të mirë, e lashë dhe vendosa t’i bashkohem Kosovës, sepse ndjeva fuqishëm thirrjen e brendshme për ta përfaqësuar gjakun që më rrjedh në vena dhe për t’i bërë krenarë prindërit e mi”, ka shkruar Berisha.

Ai e ka përmbyllur aventurën me Kosovën pas 52 paraqitjeve, duke veçuar golin ndaj Finlandës si një moment që, sipas tij, do të mbetet përgjithmonë në historinë e futbollit kosovar.

“Pas shumë vitesh, 52 ndeshjesh dhe disa golash, njëri prej të cilëve, ai kundër Finlandës, do të mbetet përgjithmonë në historinë e futbollit të Kosovës, sot ka ardhur koha që periudha ime si futbollist aktiv me Kombëtaren të përfundojë”, ka shkruar ai.

Edhe Fidan Aliti ka njoftuar se po e mbyll kapitullin e tij me Kombëtaren e Kosovës, duke theksuar se përfaqësimi i vendit ka qenë një prej nderimeve më të mëdha të jetës së tij.

“Ta vesh fanellën e Kosovës ka qenë dhe do të mbetet një prej nderimeve më të mëdha të jetës sime. Sa herë që kam dalë në fushë me këtë fanellë, kam dhënë shpirtin e zemrën për të”, ka deklaruar Aliti.

Mbrojtësi ka shtuar se largohet nga Kosova si futbollist, por jo si tifoz i saj.

“Kosova është dhe do të jetë gjithmonë pjesë e imja. Është dhe do të jetë gjithmonë e para, sa herë që të ketë nevojë për mua”, ka shkruar Aliti.

Me pensionimin e Berishës dhe Alitit, Kosova i jep fund një tjetër kapitulli të rëndësishëm të gjeneratës që kontribuoi në vitet e para të përfaqësimit ndërkombëtar të “Dardanëve”.

Kombëtarja e Kosovës në futboll ka publikuar listën për ndeshjet e Ligës së Kombeve,të cilat pritet të zhvillohen në fund të muajit shtator dhe fillim tetorit.

Përzgjedhësi Franco Foda ka ftuar gjithsej 30 futbollistë për ndeshjet kundër Irlandës,Austrisë dhe Izraelit,teksa në anën tjetër ka publikuar edhe listën e zgjeruar prej 10 futbollistëve.

Në mesin e të futbollistëve të ftuar janë emra të rinj si Dion Kacurri,Erblin Osmani dhe Milot Avdyli,kurse tashmë pjesë e “Dardanëve”nuk janë emra si Amir Rrahmani dhe Florent Hadërgjonaj të cilët konfirmuan largimin nga kombëtarja e Kosovës.

Në listë nuk janë as lojtarët si: Fidan Aliti, Kreshnik Hajrizi, Elvis Rexhbeçaj dhe Florent Muslija,kurse në listën e Fodas janë përfshirë edhe yjet si Edon Zhegrova,Vedat Muriqi dhe Milot Rashica.

Kujtojmë që Kosova aventurën në Ligën e Kombeve e nis në Prishtinë kundër Irlandës më 24 shtator teksa tre ditë më vonë luan në udhëtim kundër Austrisë.

Dardanët më 1 tetor do të luajnë kundër Izraelit në Hungari,kurse sërish do të takohen kundër Austrisë më 4 tetor në stadiumin “Fadil Vokrri”në Prishtinë.

Përzgjedhësi i Anglisë, Thomas Tuchel, ka publikuar listën e futbollistëve të grumbulluar për ndeshjet e ardhshme në Ligën e Kombeve, ku nuk kanë munguar surprizat.

Në listën e teknikut gjerman spikasin rikthimet e Trent Alexander-Arnold dhe Dominic Calvert-Lewin, të cilët nuk ishin pjesë e skuadrës angleze në Kupën e Botës.

Tuchel ka vendosur gjithashtu t’u japë hapësirë disa prej futbollistëve të rinj. Në mesin e tyre janë Rio Ngumoha i Liverpoolit dhe Jarrad Branthwaite, të cilët përbëjnë një nga befasitë e kësaj liste.

Anglia do të ketë një program të ngjeshur, me Spanjën, Republikën Çeke dhe Kroacinë si kundërshtarë. Ndaj Republikës Çeke, anglezët do të përballen në dy raste.

Me rikthimet e disa emrave të njohur dhe përfshirjen e talenteve të rinj, Tuchel ka bërë të qartë se lista e Anglisë për këtë fazë përmban një kombinim mes përvojës dhe gjeneratës së re.

Përzgjedhësi i Irlandës, Heimir Hallgrímsson, ka folur me vetëbesim për formën e skuadrës së tij para përballjes me Kosovën, duke theksuar serinë prej shtatë ndeshjesh pa humbje.

Kosova do ta presë Irlandën më 24 shtator, në një përballje ku të dyja skuadrat do të kërkojnë rezultat pozitiv. Irlanda po kalon një periudhë të mirë, pasi humbjen e fundit e ka regjistruar më 11 tetor 2025, ndaj Portugalisë, me rezultat 1-0.

Hallgrímsson ka vlerësuar formën e ekipit të tij dhe ka bërë të ditur se synimi është që kjo seri pozitive të vazhdojë.

“Jemi në një seri pozitive dhe duam ta vazhdojmë atë. Jemi të pamposhtur në shtatë ndeshjet e fundit dhe mendoj se asnjë kombëtare nuk dëshiron të luajë kundër Irlandës për momentin”, deklaroi Hallgrímsson.

Ndërkohë, Irlanda ka publikuar edhe listën e futbollistëve të ftuar për ndeshjet e radhës. Në mesin e tyre është edhe Roko Vata, djali i ish-kapitenit të Shqipërisë, Rudi Vata.

Në anën tjetër, lista e Kombëtares së Kosovës pritet të bëhet publike të premten. Përzgjedhësi i “Dardanëve” pritet të ketë disa ndryshime në skuadër, pasi Amir Rrahmani dhe Florent Hadërgjonaj kanë vendosur t’i japin fund karrierës me përfaqësuesen.

Gjithashtu, në listën e Kosovës pritet të jetë për herë të parë edhe mesfushori Dion Kacuri.

Përballja Kosovë–Irlandë do të jetë një nga ndeshjet e rëndësishme për “Dardanët”, të cilët do të synojnë të ndalin serinë pozitive të irlandezëve.