Category: Showbiz

Tiktokeri i njohur Shantana, i cili u bë viral në TikTok dhe rrjete të tjera sociale në Kosovë dhe Shqipëri, kryesisht për shkak të videove “Live” dhe dinamikës së tij me një vajzë të njohur si “Malsorja”, ka publikuar një video që po qarkullon me shpejtësi në rrjetet sociale, ku tregon me detaje momentet kur zbuloi se ishte prekur nga paraliza e fytyrës (Bell’s palsy).

Në videon e tij, ai shpjegon se gjithçka nisi pas disa ditësh lodhjeje dhe dhimbjesh në pjesën e djathtë të fytyrës.

“Për pesë ditë po luaja PlayStation, më dhimbte pas veshit. Mendova se do më kalonte. Pastaj në banjo, kur po laja dhëmbët dhe desha të pështyja, më iku pështyma anash. U tremba. E pashë fytyrën dhe ishte shtrembër,” rrëfen ai.

Shantana tregon se një herë më parë, në vitin 2015, kishte kaluar të njëjtin problem, prandaj e kuptoi menjëherë se diçka nuk shkonte.

Ai thotë se bashkë me të vëllain shkuan urgjent në spital, por aty nisi “drama e vërtetë”.

“Në fillim infermieret më panë dhe dyshuan se ishte paralizë faciale. Por kur hyra te doktori, ai më tha se nuk kisha asgjë. E pashë në fytyrë, nuk më pëlqente. Nuk buzëqeshi asnjëherë. Më tha ‘kthehem për 10 minuta’, por u kthye pas 3–4 orësh.”

Sipas Shantanës, ndërkohë që fytyra i përkeqësohej nga minuta në minutë, mjeku vazhdonte të insistonte se ai “nuk kishte asgjë”.

“Isha nervoz. E hoqa vetë gjilpërën, dola jashtë. Dhe për shkak se bëra zë brenda, na mbajtën edhe dy orë e gjysmë për një letër,” tregon ai.

Në fund, sipas tij, as mjeku nuk e firmosi dokumentin, por asistenti. “Asistenti shkoi ta pyesë doktorin nëse mund ta lëshonin letrën. Ai i tha, nëse vdes, vdes tani,” pretendon tiktokeri në videon e tij.

VIDEO

Dua Lipa po bashkëpunon me Lojërat Olimpike Dimërore në Milano. NBC Sports ka publikuar një reklamë për Lojërat e Dimrit që do të mbahen në shkurt të vitit të ardhshëm.

Dua tregon aftësitë e saj në gjuhën italiane dhe ndërsa ecën në Galleria Vittorio Emanuele II që më pas transformohet në një botë magjie.

“Milano, një vend kaq i paparë. Dhe kur të nisin Lojërat Dimërore, do të jetë edhe më i paparë kur këto gra fantastike të ngjiten në skenën botërore”, thotë ajo.

Më pas në sfond dëgjohet kënga e saj, “Training Season.”

 

View this post on Instagram

 

A post shared by DUA LIPA (@dualipa)

Pamja zhvendoset te skiatorja Lindsey Vonn që Dua e quan “të patrembur”, te patinatorja e akullit, Alysa Liu për të cilën thotë se është “e hijshme” e kështu me radhë.

“Ato do të japin një spektakël të paparë”, thotë Dua.

Lojërat Olimpike Dimërore XXV do të nisin më 6 shkurt 2026. Dua po përmbyll turneun e saj “Radical Optimism” në Amerikën Latine.

Justin Bieber ndau disa imazhe të reja në Instagram, ku shfaqej me veshje të thjeshta sportive: një bluzë me zinxhir dhe pantallona të gjera gri, bashkuar me një kapelë të bardhë dhe një varëse ari.

Mes fotografive të shumta në të njëjtin stil, bie në sy një moment shumë i ëmbël me djalin e tij njëvjeçar, Jack Blues.

Justin shihet duke e mbajtur djalin në krahë dhe duke e puthur, ndërsa i vogli përshtatej me babain me një kostum gri, por me detajet e këndshme të kapuçit me veshë kafshësh. Si gjithmonë, fytyra e fëmijës nuk u zbulua, sipas preferencës së çiftit, shkruan DailyMail.

Kjo postim vjen pas udhëtimit të Bieber dhe Hailey-t drejt Palm Springs me Mercedesin e tyre elektrik prej 200 mijë dollarësh afërsisht (rreth 180 mijë euro).

Justin ishte veshur me një bluzë rozë, ndërsa Hailey me një xhaketë dhe një fashë flokësh.

Edhe pse këngëtari nuk publikoi asgjë në ditëlindjen e 29-të të Hailey-t, ajo ndau një video ku shfaqeshin duke ecur dorë për dore gjatë asaj që e quajti “java ime më e mirë”.

Çifti, i martuar prej gjashtë vitesh, u njoh në vitin 2009, nisi lidhjen në 2015 dhe u ribashkuan në 2018, pak muaj pas ndarjes së Justin nga Selena Gomez.

Në frontin profesional, Hailey së fundmi shiti kompaninë e saj Rhode për 1 miliard dollarë (rreth 900 milionë euro), duke mbetur drejtore kreative.

Ndërsa Justin ka nënshkruar një marrëveshje rekord prej 10 milionë dollarësh (afërsisht rreth 9 milionë euro) për të qenë kryeakt në Coachella 2025. /Telegrafi/

Një nga veturat më ikonike të koleksionit të aktorit të ndjerë Paul Walker po nxjitet me shpejtësi drejt rekordeve të reja në ankand. Ford GT i vitit 2005, që dikur i përkiste yllit të “Fast and Furious”, aktualisht po shitet nga Bring a Trailer, dhe oferta ka arritur tashmë shifrën marramendëse prej 550,000 dollarësh.

Ky model i rrallë, pjesë e koleksionit “Always Evolving” të Walker, mbetet i mbuluar me mister sa i përket historikut të tij të plotë, por karakteristikat teknike flasin vetë: motori i fuqishëm V8 5.4-litërsh, i kombinuar me një transmision manual me gjashtë shpejtësi, prodhon plot 550 kuaj fuqi, duke e bërë këtë GT një bishë të vërtetë të rrugëve.

Përveç performancës, ajo që tërheq vëmendje është pikërisht pamja e jashtme – e ruajtur në gjendje të shkëlqyer dhe aq unike sa e ndan nga çdo Ford GT tjetër i kohës.

Kanë kaluar pothuajse 12 vjet që nga humbja tragjike e Paul Walker, por interesimi për mjetet e tij nuk është shuar. Shumë prej tyre janë shfaqur në ankande përgjatë viteve, ashtu si edhe automjetet që ai ka drejtuar në universin e “Fast and Furious”.

Ky Ford GT po dëshmon se trashëgimia e Walker vazhdon të mbetet po aq e fuqishme – madje edhe në asfalt.

Big Mama, ishte në një lidhje të drejtpërdrejtë me emisionin “Ftesë në 5” me Bieta Sulon, ku me lot në sy kujtoi momentet me artistin e ndjerë, Shpat Kasapi. Big Mama u shpreh se me Shpatin njiheshin që prej vitit 1997, kanë qenë një gjeneratë. Gjithashtu ajo zbuloi edhe kërkesën e fundit të tij, ku gjatë një regjistrimi të një programi festiv i ka thënë që të këndojnë “Sajzeza” së bashku.

Big Mama: Të gjitha fotot i ka duke qeshur. Nuk ka patur në estradën tonë artist më të buzëqeshur se Shpati. Edhe kur ziheshe me të, ai të kthente përgjigje me buzëqeshje. Ne do të na mbeten kujtimet më të bukura. Unë i them familjes, bashkëshortes, nënës, tezes dhe gjithë familjarëve të Shpatit, Zoti u faltë durimin sa më shumë dhe ta kujtojmë në mënyrën më të bukur.

Bieta Sulo: Kur datojnë kontaktet, fillimet e një miqësie me Shpatin?

Big Mama: Jemi rritur bashkë, jemi prej një qyteti. Sot më janë kujtuar të gjitha gjërat që kemi kaluar, koncertet, rrugëtimet, të qeshurat, shakatë që kemi bërë. Por më ka ngelur në kokë paraqitja jonë në Festivalin e Fëmijëve në 1997, kemi qenë fëmijë, kemi qenë një gjeneratë, kemi patur dhe prindërit shokë.

Big Mama: 12 vjeç, fëmijë. Fëmijë me shumë dëshirë për të arritur suksese. Gjëja e fundit që më ka mbetur në kokë, para dy javësh që ishim në një regjistrim të një programi festiv, sikur e ndjente se do të jetë kjo e fundit e dokumentuar. Më tha a t’a këndojmë bashkë ‘Sajzeza’ meqenëse jemi të dy tetovarë. I thashë ‘do e këndojmë o Shpat’. Kush thonte se ai do të ishte kujtimi i fundit me Shpatin.

Bieta Sulo: Ke mundur të flasësh me nënën e Shpatit?

Big Mama: Nëna e Shpatit nuk ka mundësi të flasë, por kam folur me të afërt. Me vajzën e tezes kam folur. Nuk kam forcë të shkoj, por do të shkoj.

Pippo Baudo, një nga prezantuesit më të njohur të televizionit italian që ndërroi jetë në moshën 89 vjeç, ka lënë pas një testament me vlerë rreth 10 milionë euro por që ende nuk është pranuar nga asnjë trashëgimtar.

Testamenti i Pippo Baudo u bë publik më 9 shtator dhe parashikon një pasuri prej rreth 10 milionë euro, që do të ndahet midis fëmijëve të tij, Tiziana dhe Alessandro, dhe sekretares së tij, Dina Minna.

Tre muaj pas hapjes së testamentit, trashëgimtarët ende nuk e kanë zyrtarizuar pranimin e tyre. Dokumenti u hap në zyrën e noterit Renato Carraffa në Bracciano, pranë Romës, në prani të fëmijëve, avokatëve dhe Dina Minnas.

Vendimi shkaktoi polemika, veçanërisht nga ish-gruaja e Baudos, Katia Ricciarelli, e cila e quajti “të padrejtë” pjesën e sekretares.

Pasuria e Baudos, vlerësuar në rreth 10 milionë euro, përfshin katër apartamente në Romë, një zyrë në lagjen Prati, truall në Fiano Romano, pesë parcela në Sirakuzë dhe dhjetë truall në Noto, përfshirë dy vreshta dhe pemishte bajamesh. Ajo përfshin gjithashtu të ardhura nga 13 Festivalet e Sanremos, të drejtat e imazhit, honoraret si kompozitor dhe 20% të aksioneve në kompanitë e ndërtimit San Rocco srl dhe Torre Grifo srl.

Pavarësisht pasurisë, trashëgimtarët konsiderojnë se vlera prej 10 milionë eurosh është relativisht e ulët krahasuar me kontributin e tij të gjatë në televizion dhe muzikë.

Yllka Kuçi është një nga këngëtaret më të kërkuara nga publiku shqiptar.

Ajo është shumë aktive në dasma dhe ndeja të ndryshme, si dhe në rrjetet sociale.

Këngëtarja gjakovare shpesh publikon imazhe nga përditshmëria e saj, duke mbajtur ndjekësit të informuar për jetën e saj personale dhe profesionale.

Sot është një ditë e veçantë për Yllkën, e cila po feston ditëlindjen e saj të 43-të.

Lajmi i ndarjes nga jeta të këngëtarit të njohur shqiptar, Shpat Kasapit, ka prekur jo vetëm publikun vendas, por ka shkuar përtej kufijve, duke prekur edhe artistë me famë botërore. Mes tyre është edhe Bebe Rexha, e cila ka reaguar me një gjest të ndjeshëm në rrjetet sociale.

Këngëtarja shqiptaro-amerikane ka rishpërndarë në Instagram Story një video të Shpatit, ku ai shihet duke interpretuar këngë patriotike. Bashkë me videon, Bebe Rexha ka vendosur një emoji të një pëllumbi dhe flamurit shqiptar, një simbolikë që përfaqëson qartë ngushëllimin dhe respektin e saj për artistin e ndjerë.

Reagimi i saj ka prekur shumë ndjekës, pasi vjen nga një artiste që, edhe pse me karrierë ndërkombëtare dhe jetesë në ShBA, nuk harron rrënjët e saj. Si Bebe Rexha, ashtu edhe Shpat Kasapi, ndajnë të njëjtën origjinë – të dy janë shqiptarë nga Maqedonia e Veriut, gjë që e bën reagimin e saj edhe më personal.

Lajmi i trishtë për vdekjen e Shpatit duket se ka mbërritur shpejt në adresën e largët të Bebe Rexhës, e cila zgjodhi të shprehë dhimbjen dhe respektin e saj në mënyrë të thjeshtë, por shumë domethënëse.

Ky gjest i artistes me famë botërore tregon edhe një herë se komuniteti artistik shqiptar mbetet i bashkuar në gëzime e në dhimbje — pavarësisht distancave. /Telegrafi/

Presidenti i organizatës së Miss Universe, Raul Rocha, e gjeti veten në qendër të një skandali pasi Prokuroria Meksikane nisi procedurat mbi dyshimet se ai ishte i përfshirë në kontrabandën e drogës, armëve dhe karburantit midis Guatemalës dhe Meksikës.

Sipas gazetës Reforma, hetimi nisi vetëm pak ditë pasi u mbajt edicioni i këtij viti i konkursit të bukurisë Miss Universe, i shënuar nga një sërë polemikash, duke përfshirë konflikte brenda organizatës, tërheqjen e disa gjyqtarëve dhe akuza për parregullsi në gjykim.

Konkretisht, Rocha, një biznesmen meksikan dhe konsull nderi i Guatemalës në Meksikë, është identifikuar si kreu i dyshuar i një rrjeti kriminal që kontrabandon karburant me anije përgjatë lumit Usumacinta dhe më pas e transporton atë me kamion në shtetin e Queretaro-s.

Më 6 gusht, Zyra e Prokurorit të Posaçëm për Krimin e Organizuar, Jazmin Mayoral Marin, kërkoi një urdhër arresti për Roche për përfshirjen e tij të dyshuar në trafikun e drogës dhe armëve të zjarrit. Gjatë bastisjeve në vende të shumta, hetuesit gjetën dokumente që tregonin transaksionet financiare të Rocha-s me organizatën kriminale, duke përfshirë një pagesë prej 2.1 milionë peso, sipas FGR-së.

Urdhër-arresti, në të cilin Reforma kishte qasje, thotë se anëtarët e rrjetit të dyshuar të Rocha-s kanë “lidhje me politikanë dhe autoritete në të gjitha nivelet”, gjë që u mundëson atyre të shesin vazhdimisht karburant dhe narkotikë dhe të tregtojnë sasi të mëdha armësh lufte.

Burime federale pohojnë se Rocha iu drejtua zyrës së prokurorit në tetor, duke u përpjekur të arrinte një marrëveshje për të bashkëpunuar në këmbim të imunitetit.

As Rocha, as përfaqësuesit e organizatës Miss Universe, sipas revistës amerikane People, nuk iu përgjigjën kërkesave për koment.

Ky rast e tronditi më tej Miss Universe, e cila u përball me një sërë problemesh në javët e mëparshme. Ndër të tjera, disa konkurrente u larguan nga një aktivitet paraprak pasi një anëtar i organizatës kritikoi publikisht Miss Mexico Fatima Bosch. Jo shumë kohë më pas, muzikanti Omar Harfouch u tërhoq nga juria, duke pretenduar se organizata kishte formuar një “komision ad hoc” që kishte parapërzgjedhur finalistët, gjë që organizata e mohoi.

Në një intervistë të kohëve të fundit me mediat meksikane, Rocha pranoi se është “lodhur” nga të gjitha problemet dhe se po mendon të shesë ekskluzivitetin e Miss Universe, të cilin e mori përsipër në fillim të vitit 2024.

Këngëtarja e madhe shqiptare, Adelina Ismaili, ka shënuar të mërkurën një nga momentet më të veçanta të karrierës së saj, duke mbajtur një koncert recital për 40 vjetorin e karrierës artistike.

Ngjarja u zhvillua në mbrëmje dhe përmbante një repertor të pasur me hitet e saj më të njohura, duke sjellë emocion për fansat e saj që e kanë ndjekur ndër dekada.

Para nisjes së koncertit, Adelina u dekorua nga Presidentja e Kosovës me Medaljen Presidenciale të Meritave, një njohje për kontributin e saj të jashtëzakonshëm në art dhe kulturë. Ky moment i veçantë u prit me emocion nga publiku dhe ishte një përkujtim i merituar për ndikimin e saj në skenën muzikore shqiptare.

Pas ceremonisë, Adelina ndau me ndjekësit e saj në rrjetet sociale një fotografi të medaljes, duke i kushtuar këtë nder të madh nënës së saj të ndjerë, Monës, e cila ka qenë gjithashtu menaxhere e saj gjatë karrierës.

Në postimin e saj në Facebook, këngëtarja shkroi:”Këtë Medalje të Meritave për art dhe kulturë, ia kushtoj nënës sime – asaj që më lindi, rriti dhe formësoi si artiste. Më mungove shumë mam. Uroj të jesh krenare mes engjëjve. Nga thellësia e shpirtit falenderoj Presidenten time, Presidentën e zemrave tona për këtë nder jetësor”.