Category: SHOWBIZ

Këngëtarja me origjinë shqiptare Eleni Foureira ka folur hapur për herë të parë mbi frikën që ndiente në fillimet e karrierës për të zbuluar publikisht origjinën e saj, duke pranuar se kishte frikë se kjo mund t’i mbyllte dyert në industrinë e muzikës në Greqi.

Foureira tregoi se ishte rritur me bindjen se origjina e saj shqiptare mund ta pengonte të kishte të njëjtat mundësi si të tjerët. “Kur rritesh, kjo frikë të futet brenda. Mendoja se nëse thosha se jam nga Shqipëria, nuk do të më jepeshin mundësi të barabarta. Ky ishte realiteti që përjetoja”, u shpreh ajo.

Këngëtarja kujtoi edhe momentet e vështira që përjetonte familja e saj, duke treguar se nëna shpesh qante për komentet dhe paragjykimet që përballej vajza e saj. “Nëna ime më përqafonte dhe qante duke më thënë: “Vajza ime, çfarë të kanë bërë? Ti nuk ke bërë asgjë”, rrëfeu Foureira.

Ajo shtoi se mbështetja e njerëzve pranë saj e ndihmoi të vazhdonte rrugën në muzikë, derisa publiku e vlerësoi për talentin dhe jo për origjinën. Gjatë intervistës, artistja ndau edhe historinë e njohjes me partnerin e saj, ish-futbollistin Alberto Botía. Ajo tregoi se e pa për herë të parë rreth dhjetë vite më parë, kur ai, asokohe pjesë e Olympiacosit, kishte shkuar në lokalin ku ajo performonte pas një fitoreje të skuadrës.

Rap-artisti i njohur shqiptar, Don Xhoni, ka ngacmuar ndjekësit këto ditë me disa video të shkurtra në TikTok.

Ai solli video me Adelina Ismailin, Gani Gecin, Meriton Mjekiqin, Vedat Bajramin dhe Elijona Binakajn.

E në fund publikoi një video edhe me ish-deputetin e Aleancës, Daut Haradinajn.

E këto duket se kanë të bëjnë me projektin e ri të këngëtarit, që thuhet se do të jetë një album.

I njëjti siç shihet po zgjedh forma të veçanta e personazhe të njohur për të bërë diçka ndryshe nga të tjerët.

Se çfarë saktësisht do të sjellë për publikun mbetet për t’u parë ditëve në vazhdim.

Don Xhoni vazhdon të jetë një nga emrat më të pëlqyer në skenën muzikore shqiptare.

@bigdonxhoni

Gjenerali

♬ original sound – DON XHONI

Angelina Jolie ka zbuluar se nuk ka qenë në një lidhje romantike që nga ndarja me ish-bashkëshortin e saj, Brad Pitt, në vitin 2016.

Në një intervistë të fundit, fituesja e çmimit Oscar tha se gjatë dhjetë viteve të fundit ka zgjedhur t’i përkushtohet plotësisht gjashtë fëmijëve dhe familjes, duke e lënë jetën sentimentale jashtë vëmendjes.

Ajo theksoi se roli në filmin e saj të ri, “Couture”, i ka sjellë një reflektim të ri mbi dashurinë.

Sipas Jolie, personazhi që interpreton e ndihmoi të kuptojë se një nënë mund të jetë plotësisht e përkushtuar ndaj fëmijës së saj, por njëkohësisht të ketë nevojë edhe për dashuri dhe ta pranojë atë në jetën e saj.

Aktorja foli edhe për periudhën e vështirë pas divorcit, i cili u finalizua në fund të vitit 2024 pas një beteje të gjatë ligjore.

Ajo tregoi se iu rikthye aktrimit pasi kjo i mundësonte të kalonte më shumë kohë pranë familjes, teksa pranoi se për një periudhë ishte ndjerë e thyer emocionalisht.

Megjithatë, Jolie u shpreh se tani e ndjen veten më të fortë, duke shtuar se energjinë dhe shpirtin luftarak i ka rifituar falë fëmijëve të saj, të cilët e kanë mbështetur dhe inkurajuar gjatë gjithë kësaj kohe.

Një moment tejet nostalgjik dhe historik ka ndodhur për të gjithë adhuruesit e telenovelave latine.

Protagonistët e serialit kult “Kassandra”, Coraima Torres dhe Osvaldo Ríos, janë ritakuar zyrtarisht së bashku. Ky ribashkim i papritur ka thyer një heshtje të gjatë, pasi shënon herën e parë që dy aktorët ndajnë të njëjtën skenë publike në më shumë se 25 vite.

Telenovela e famshme nisi transmetimin e saj origjinal në vitet 1992-1993, duke u kthyer në një fenomen botëror që thyeu të gjitha rekordet e shikueshmërisë, përfshirë këtu edhe Shqipërinë, Kosovën dhe Ballkanin në vitet ’90. Ritakimi i tyre vjen ekzaktësisht 34 vite pas fillimit të xhirimeve të këtij projekti që u kthye në një legjendë të ekranit televiziv.

Takimi i tyre ka ndodhur të shtunën, në Dubai, Emiratet e Bashkuara Arabe. Shkak për këtë rikthim u bë ftesa e veçantë që dyshja mori për të marrë pjesë në edicionin e tretë të “Top Humanity Leaders Awards”, një ngjarje madhështore që bëri bashkë një nga dyshet më të dashura të ekranit.

Gjatë kësaj mbrëmjeje magjike, të dy yjet u nderuan me një vlerësim të veçantë në shenjë njohjeje për karrierat e tyre të jashtëzakonshme artistike dhe mesazhet e tyre humanitare. Fotot e tyre nga ky takim dëshmojnë se pavarësisht kohës që ka kaluar, kimia mes Osvaldo Ríos (Ignacio) dhe Coraima Torres (Kassandra) mbetet ende e palëkundur.

Xhuli Nura ka reaguar pas kritikave të shumta që ka marrë për zgjedhjen e saj për t’u bërë nënë e vetme përmes IVF-së.

Në një intervistë për “Kosova Live”, ajo foli për arsyet që e kanë çuar drejt këtij vendimi, duke theksuar se prioriteti kryesor për një fëmijë është të rritet në një ambient të mbushur me dashuri dhe përkujdesje.

“E vetmja gjë që i nevojitet fëmijës është një fëmijëri e lumtur edhe një nënë e lumtur që është e përmbushur, që i jep të gjitha gjërat që i nevojiten. Nuk po them që babai nuk është i rëndësishëm, është shumë i rëndësishëm, por nuk do të thotë që nuk vjen nesër një prind që do të jetë prind. Jo gjithmonë prindi biologjik është prindi ideal, adekuat për fëmijën e vet, kemi raste të ndryshme”, u shpreh ajo.

Nura shtoi se, sipas saj, në shumë raste është më mirë që një fëmijë të rritet larg një ambienti toksik sesa në një familje ku ka dhunë, tradhti apo trauma.

“Shpeshherë më mirë me qenë vetëm se me njerëz të gabuar që lënë trauma në familje, në shoqërinë tonë e në fëmijët e tyre”, tha ajo.

Duke iu përgjigjur edhe komenteve që e kanë cilësuar vendimin e saj si egoist, Xhuli theksoi se egoizmi nuk lidhet me dëshirën për t’i ofruar një fëmije dashuri dhe kushte të mira për t’u rritur.

“Sa i përket fjalës egoizmi, egoizmi është kur ti krijon një familje dhe e lë nëpër spitale, bërllok, jetimore. Nuk është kur një prind i jep çmos fëmijës së vet të rritet me të gjitha të mirat”, përfundoi tutje.

Vendimi i Xhulit për t’u bërë nënë e vetme me IVF ka nxitur reagime të shumta në publik, duke hapur diskutime mbi prindërimin, zgjedhjet personale dhe paragjykimet që vazhdojnë të shoqërojnë tema të tilla.

Kryetari i Bashkisë së Tiranës, Erion Veliaj, i cili ndodhet në paraburgim, është bërë baba për herë të dytë. Bëhet e ditur se bashkëshortja e tij Ajola Xoxa, ka sjell sot në jetë djalin e tyre të dytë.

Ndërkohë SPAK i ka dhënë leje Veliajt që të takojë fëmijën e porsalindur në maternitet, shkruajnë mediat në Tiranë.

Erion Veliaj ndodhet në paraburgim që prej shkurtit 2025. Kryebashkiaku i Tiranës është dërguar për gjykim nga SPAK me një sërë akuzash penale, duke përfshirë shpërdorim detyre, korrupsion pasiv në disa raste, pastrim parash dhe fshehje pasurie.

Dosja hetimore përfshin gjithashtu bashkëshorten e tij dhe një sërë biznesmenësh e subjektesh të tjera.

Kujtojmë që çifti janë edhe prindër të një djali tjetër, i cili ka ardhur në jetë në vitin 2018.

Veronica Soto është shndërruar në një nga emrat më të komentuar gjatë Kupës së Botës 2026, pasi fotografitë e saj nga tribunat janë bërë virale në rrjetet sociale.

Bukuroshja kolumbiane tërhoqi menjëherë vëmendjen e tifozëve dhe mediave me paraqitjen plot stil gjatë ndeshjeve të kombëtares së Kolumbisë.

Udhëtimi i saj drejt Botërorit erdhi krejt papritur.të Kupës së Botës 2026.

 

View this post on Instagram

 

A post shared by Veronica Esther Soto Roman (@veronicasoto23)

Pasi anuloi një pushim të planifikuar në Los Cabos dhe kaloi disa javë duke u rikuperuar në shtëpinë e saj në Medellin, ajo vendosi vetëm pak ditë para ndeshjes së Kolumbisë me Uzbekistanin të blinte biletat dhe të udhëtonte e vetme drejt Meksikës.

Në stadiumin Azteca, Veronica u shfaq me një veshje të punuar posaçërisht në ngjyrat e flamurit kolumbian, e cila tërhoqi menjëherë objektivat e fotografëve.

Pamjet e saj u transmetuan edhe gjatë sinjalit zyrtar të FIFA-s, ndërsa në rrjetet sociale shumë përdorues e cilësuan si një nga tifozet më tërheqëse të turneut.

Përtej famës së papritur, ka edhe një karrierë profesionale.

 

View this post on Instagram

 

A post shared by Veronica Esther Soto Roman (@veronicasoto23)

Ajo është inxhiniere ndërtimi, e specializuar në marketing, sipërmarrëse dhe krijuese përmbajtjesh në rrjetet sociale.

E lindur në Monteria, është rritur në Cienaga de Oro dhe aktualisht jeton në Medellin.

 

View this post on Instagram

 

A post shared by Veronica Esther Soto Roman (@veronicasoto23)

Popullariteti i saj është rritur me ritme të shpejta, ndërsa profili i saj në Instagram ka fituar qindra mijëra ndjekës brenda pak ditësh.

Ndërkohë, Veronica është përfshirë edhe në listat e mediave ndërkombëtare si një nga tifozet më të spikatura të Kupës së Botës 2026.

 

View this post on Instagram

 

A post shared by Veronica Esther Soto Roman (@veronicasoto23)

Ka lënë të hapur mundësinë që të vazhdojë të ndjekë nga afër ndeshjet e Kolumbisë, nëse kombëtarja e saj vazhdon rrugëtimin në turne.

Këngëtarja me famë botërore, Dua Lipa, ka inauguruar Bibliotekën Manifesto, një hapësirë kushtuar librave të ndaluar dhe të censuruar, e cila do të jetë pjesë e përhershme e librarisë historike Livraria Lello në Porto të Portugalisë.

Projekti u prezantua në kuadër të festivalit ndërkombëtar të librit BABELL – City of Books dhe, sipas artistes, është rezultat i një misioni shumëvjeçar për të promovuar leximin dhe lirinë e shprehjes.

“Kur themelova Klubin e Librit Service95, synimi im ishte të krijoja një shtëpi për shkrimtarët dhe lexuesit, kudo që ndodhen. Leximi na afron, por fatkeqësisht jo të gjithë e shohin kështu”, tha Dua Lipa.

Biblioteka përmban rreth 100 libra, të organizuar sipas katër temave kryesore: pushteti, kontrolli, zëri dhe kujtesa. Në raftet e saj gjenden vepra të njohura si “The Handmaid’s Tale” e Margaret Atwood, “Felon” i Reginald Dwayne Betts, si dhe libra të autorëve Salman Rushdie dhe Olga Tokarczuk.

Sipas këngëtares, Biblioteka Manifesto është një vend që u kushtohet autorëve, veprat e të cilëve janë censuruar ose ndaluar, si dhe lexuesve që besojnë se askush nuk duhet të vendosë se cilët libra lejohen të lexohen.

Përveç angazhimit në muzikë, Dua Lipa vazhdon të promovojë letërsinë përmes Klubit të Librit Service95, ndërsa është përzgjedhur edhe si kuratore e Festivalit të Letërsisë në Londër 2026, që do të zhvillohet në Qendrën Southbank.

Katy Perry është detyruar të anulojë koncertin e saj në festivalin Werchter Boutique në Belgjikë, vetëm pak orë para se të dilte në skenë, për shkak të kushteve të rrezikshme atmosferike.

Këngëtarja 41-vjeçare njoftoi fansat përmes Instagramit se autoritetet urdhëruan anulimin e aktivitetit për arsye sigurie, duke theksuar se nuk kishte asnjë mundësi tjetër.

“ Fatkeqësisht, performanca ime sonte nuk mund të zhvillohet për shkak të anulimit të urdhëruar nga qeveria për shkak të motit të keq. Nuk kisha zgjidhje tjetër”, shkroi ajo.

Perry zbuloi se ndodhej tashmë prapa skene duke u përgatitur për koncertin kur mori lajmin, shkruan DailyMail.

“Jam po aq e zhgënjyer sa edhe ju. Kjo situatë është jashtë kontrollit tim, por siguria e të gjithëve mbetet përparësia kryesore”, shtoi artistja.

Ajo u kërkoi fansave mirëkuptim dhe u uroi të ktheheshin të sigurt në shtëpi, duke shprehur keqardhjen që nuk mundi të rikthehej në skenën e festivalit, ku kishte performuar për herë të fundit në vitin 2009.

Dy artistët e njohur shqiptarë, Sidrit Bejleri dhe Albina Kelmendi kanë publikuar bashkëpunimin e tyre.

“Ju urova”, titullohet kënga, të cilën dyshja e sjellur edhe me videoklip.

Për tekstin e kësaj këngë është përkujdesur vet Sidrit Bejleri, në bashkëpunim me Enis Mullajn.