Category: SHOWBIZ

Federata Amerikane e Muzikantëve (FAM), organizata e cila përfaqëson muzikantët në industrinë e argëtimit, ka filluar bisedimet për kontratat me Alliance of Motion Picture and Television Producers, organizatën që përfaqëson rreth 350 kanale televizive amerikane dhe kompani të prodhimit të filmave.

Muzikantët kanë prezantuar kërkesa të ngjashme me aktorët dhe skenaristët në grevën e tyre më parë.

Ata synojnë të sigurohen nga përdorimi i inteligjencës artificiale (IA), të kenë sigurime shëndetësore më të mira, kushte të punës më të mira dhe një pagesë të drejtë për punën e tyre që transmetohet.

Vitin e kaluar, aktorët dhe skenaristët ishin të përfshirë në një grevë për të siguruar paga më të mira dhe për të luftuar kundër përdorimit të inteligjencës artificiale./atvlive.tv/

Një person është arrestuar pranë shtëpisë së këngëtares Taylor Swift.

Një fqinj lajmëroi policinë, që më pas u vërtetua se personi i njëjtë është parë disa herë duke qëndruar tek shtëpia e Swift.

Sipas fqinjëve, ai refuzon të largohet sa herë që qëndron me orë të tëra aty, madje sipas policisë së New York-ut, ai është munduar edhe ta hapte derën e shtëpisë së Swift.

Këngëtarja sic thuhet është duke bashkëpunuar me autoritetet për të siguruar se ky veprim nuk do të përsëritet .

Kjo nuk është hera e parë që Taylor Swift kishte përjetuar një stituatë të tillë.

Një nga rastet e ngjashme ishte ai i Mohammed Jaffar, në vitin 2017 i cili i kishte shkruar mesazhe të shumta asaj për një periudhë të gjatë, e që më pas u arrestua sepse u zbulua se ai kishte qëndruar disa muaj në shtëpinë e saj pa qenë ajo në dijeni./atvlive.tv/

I ftuar në rubrikën “Profil” në emisionin e mëngjesit ALARM në ATV, këtë të martë ishte i ftuar reperi i njohur Arian Agushi, i njohur për publikun si “Gold AG”.

Në bisedën e zhvilluar me gazetaren e ATV-së, Jeta Povataj, reperi me prejardhje nga Presheva rrëfeu historinë e tij me muzikën.

Talentin për muzikën, ai e cilëson se e ka dhuratë prej Zotit, ndërsa si i vogël thotë se kishte imituar këngëtarë të ndryshëm.

“Talentin e krejt këto mirësi që i kam, e kam cilësu edhe më herët se i kam dhuratë prej Zotit. Si i vogël kam imitu këngëtarë të ndryshëm të asaj kohe, kështu që kushdo që më njeh prej asaj kohe si Arian i vogël, e di që unë gjithmonë kam qenë ky që jam, sa i përket punës së muzikës, sa i përket punës së imitimeve, kam qenë pa marre, a kam qenë në klasë, a kam qenë në shëtitje, gjithmonë kam qenë që kam dalë, kam këndu e kamë bërë atmosferë me ato mundësitë që i kemi pasë atëherë. Kjo gradualisht është rritë, prej imitimeve të ndryshme deri sa ka ardhë një moment kur e kam bërë edhe këngën e parë dhe kam vazhdu si Gold AG”, rrëfen Ariani.

Bisedën e tij të plotë për ATV-në e gjeni në videon më poshtë:

Një burrë akuzohet për ngacmim dhe ndjekje pranë shtëpisë së Tayolr Swift

Një burrë është arrestuar dhe akuzuar për ngacmim dhe ndjekje pranë shtëpisë së Taylor Swift në Nju Jork.

David Crowe, 33 vjeç, nga Seattle, u arrestua të hënën pas ankesave për një “mashkull që vepron në mënyrë të çrregullt”.

Ai u akuzua për dy akuza secila për ngacmim dhe ndjekje, tha Departamenti i Policisë së Nju Jorkut, shkruan BBC, transmeton KosovaPress.

Incidenti vjen disa ditë pasi shtëpia e Swift-it dukej se ishte shënjestër e një tentative për depërtim.

Në atë kohë këngëtarja ishte larg shtëpisë duke mbështetur të dashurin e saj lojtar NFL, Travis Kelce, pasi ekipi i tij Kansas City Chiefs luante Buffalo Bills.

Policia nuk ka konfirmuar nëse i dyshuari i arrestimit të parë ishte i lidhur me rastin e ngacmimit dhe ndjekjes.

Swift është shqetësuar nga burrat që synojnë shtëpinë e saj në Nju Jork, dhe të tjera që ajo zotëron në Kaliforni dhe Rhode Island.

Në vitin 2022, një burrë u arrestua pasi drejtoi në gjendje të dehur një makinë në ndërtesën e fitueses të Grammy në Nju Jork dhe dyshohet se u përpoq të hynte brenda.

Një burrë, Roger Alvarado, hyri në shtëpinë e saj dhe u gjet nga policia duke fjetur në shtratin e saj. Ai u dënua me gjashtë muaj burg.

Nëna e këngëtares Doja Cat, paraqiti një kërkesë të përkohshme masë ndalimi ndaj djalit të saj 30-vjeçar, duke hedhur akuza të rënda.

Sipas saj, ai ka dhunuar fizikisht dhe verbalisht këngëtaren dhe tha se Doja Cat, ka nevojë për mbrojtje.

Madje ajo tha se vëllai i kishe thyer dhëmbët këngëtares dhe dhuna u përsërit edhe gjatë këtij fillimi të viti.

Mbrojtje iu dha vetëm nënës së këngëtares, por Doja Cat sipas gjykatësit duhej të paraqiste kërkesën e saj për urdhër ndalimi./atvlive.tv/

Dy fansa të Madonna-s kanë paditur atë me akuzën se ishte vonuar në skenë në koncertin e saj dhe ata kishin për të dalë në punë të nesërmen në mëngjes.

Në padi thuhet se koncerti duhej të fillonte në oren 20:30 por Madonna u ngjit në skenë pas orës 22:30.

Fansat kishin thënë se pastaj patën probleme me trafikun duke shtuar se nuk patën mundësi për t’i përfunduar obligimet familjare. Nuk është hera e parë që Madonna paditet nga fansat.

Këngëtarja në vitin 2019 dhe 2020 ishte paditur për të njejtën arsye nga fansa të ndryshëm./atvlive.tv/

Paul Walker, në vitin 2003 kishte refuzuar 10 milionë dollarë kur iu ofrua roli i një prej superheronjve më të famshëm në histori, Superman-in.

Menaxheri i Walker shpjegoi duke thënë se: “Mendoj se ishte një marrëveshje prej 10 milionë dollarësh dhe ai ishte i pari. Ai donte ta bënte, e dija se po mendonte ta bënte atë.

Por, e dija se ai nuk donte të bënte tre ose katër filma Superman dhe të ishte Superman për pjesën tjetër të jetës së tij.

Pasi kishte provuar kostumin e Superman-it , ai kishte thënë ‘’Nuk jam unë ky, dua të shkoj’’.

Walker i tha Chicago Sun-Times në atë kohë: “Po, mund të kisha bërë një miliardë dollarë. Ndoshta mund të kisha blerë ishullin tim,” dhe shtoi: “E dini çfarë? Nuk kam nevojë për të. Marka ime e preferuar e këpucëve të vrapimit kushton 23 dollarë. Unë rrallë paguaj më shumë se 40 dollarë për xhinset e mia. Kam veshur një bluzë dhe kjo më kushton 20 ose 10 dollarë. Nuk kam nevojë për një miliardë dollarë për të bërë diçka që nuk dua’’./atvlive.tv/