Category: Showbiz

Përmes një postimi në rrjetet sociale, Dafina Zeqiri, ka bërë të ditur se vazhdon të performojë edhe gjatë shtatzënisë, duke theksuar rëndësinë që muzika ka pasur gjithmonë në jetën e saj.

“Unë jam shtatzënë dhe vazhdoj të performoj në koncerte, sepse kjo është arsyeja përse e kam nisur këtë rrugëtim që në fillimet e mia. Që nga fëmijëria, performanca dhe muzika kanë qenë terapi për mua – më kanë ndihmuar të përballem me depresionin, të shprehem lirshëm dhe të përballoj sfidat e jetës, qofshin ato emocionale apo fizike. Edhe kur nuk jam ndier mirë, skena ka qenë vendi im i shërimit,” ka shkruar ajo.

Ajo gjithashtu ka përcjellë një mesazh fuqizues për gratë, duke thënë se çdo grua ka të drejtën të vazhdojë karrierën e saj gjatë shtatzënisë, për sa kohë që është e shëndetshme dhe ka një shtatzëni të sigurt.

“Të jesh shtatzënë nuk do të thotë se je e sëmurë apo se duhet të ndalosh jetën tënde,” ka shtuar këngëtarja, duke dhënë një mesazh motivues për të gjitha gratë që ndjekin ëndrrat e tyre.

Pavarësisht ndryshimeve në jetën e saj, Dafina vazhdon të jetë energjike dhe e pranishme për publikun e saj. Performancat e saj të fundit kanë pasur një emocion dhe ndjesi të veçantë, pasi ajo ka shfaqur me krenari barkun e saj të rrumbullakosur, duke reflektuar gëzimin dhe sigurinë e saj në këtë fazë të re të jetës./ NO FILT /

Einxhel Shkira dhe Arbër Gumnishta, i njohur ndryshe si DJ Dagz, janë një nga çiftet më të dashura dhe të ndjekura të showbiz-it shqiptar. Historia e tyre e dashurisë mori vëmendje të madhe gjatë pjesëmarrjes në edicionin e parë të “Big Brother VIP Albania”. Fillimisht, Einxhel ishte skeptike për një lidhje me Dagz, duke deklaruar se ai nuk ishte tipi i saj, por me kalimin e kohës, kimia mes tyre u bë e dukshme dhe lidhja e tyre u forcua dita-ditës.

Pas daljes nga shtëpia e “Big Brother VIP”, çifti vazhdoi lidhjen e tyre duke ndërtuar një marrëdhënie të fortë dhe të konsoliduar. Pasi fituan zemrat e publikut me natyrën e tyre të sinqertë dhe spontane, ata vijuan të jenë në qendër të vëmendjes për jetën e tyre personale dhe profesionale.

Një nga momentet më të bukura në jetën e tyre ishte kur ata u bënë prindër për herë të parë. Einxhel dhe Dagz mirëpritën në jetë djalin e tyre, të cilin e quajtën Trev. Ky moment shënoi një etapë të re dhe të rëndësishme në jetën e tyre, duke i përkushtuar energjitë dhe dashurinë familjes së tyre të re. Prindërimi e ka ndryshuar ndjeshëm jetën e tyre, duke i bërë më të përkushtuar dhe të angazhuar në rritjen dhe edukimin e djalit të tyre.

Përndryshe, Einxhel la Tiranën për Prishtinën, për të qenë sa më afër bashkëshortit të saj.

Lajmi i bukur për një shtatzëni të dytë erdhi si një surprizë e këndshme për ndjekësit e tyre, të cilët kanë qenë gjithnjë mbështetës dhe të interesuar për çdo hap të tyre. Çifti e konfirmoi se do të bëhen prindër për herë të dytë dhe këtë javë zbuluan gjininë e bebit, duke ndarë emocionet e tyre me publikun. Ashtu si herën e parë, edhe këtë herë ata presin një djalë, duke e pasuruar edhe më shumë gëzimin në familjen e tyre.

Einxhel vijon të jetë një figurë e njohur televizive, ndërsa Dagz, si një DJ i njohur, vazhdon të jetë i angazhuar në projekte të ndryshme muzikore. Audienca e tyre pret me padurim të shohin më shumë nga rrugëtimi i tyre familjar dhe profesional në të ardhmen./ NO FILT/

Pavarësisht interesimit të madh të publikut për dinamikën mes Eglit dhe Gjestit, duket se marrëdhënia e tyre po has në sfida të vazhdueshme, të cilat po reflektohen edhe në perceptimin e audiencës. Ndryshimi i sjelljes së Eglit pas rikthimit të saj në shtëpinë e Big Brother VIP ka ngjallur diskutime të shumta, si brenda ashtu edhe jashtë shtëpisë.

Egli Tako, e cila më parë kishte shfaqur një afrimitet me Gjestin, tashmë po e distancon veten nga ideja e një lidhjeje mes tyre. Gjesti gjatë kësaj jave u shpreh se nuk ka pasur ndonjë qëllim serioz, madje ka përdorur një gjuhë ironike për të shpjeguar situatën: “Me një prekje të vogël që ia kam bërë, kjo ka menduar që do bëjmë fëmijë – nuk është faji im.”

Për më tepër, ai ka vënë në dukje se qëndrimi i Eglit mund të jetë ndikuar nga komentet që ajo ka lexuar gjatë qëndrimit të saj jashtë shtëpisë, duke e bërë atë të reflektojë mbi mënyrën se si e ka trajtuar këtë raport. Gjesti i është drejtuar me fjalët: “Mbase ke parë komentet që thonin se je posesive, prandaj ke ndryshuar.” Kjo deklaratë ka ngritur edhe më shumë debate mes fansave të dyshes, me disa që e mbështesin Gjestin, ndërsa të tjerë e konsiderojnë të padrejtë mënyrën si ai po e trajton këtë situatë.

Sidoqoftë, sjellja e Eglit mund të jetë në një fazë reflektimi mbi raportin me Gjestin dhe mënyrën se si po e sheh publiku.

Egli Tako tashmë njihet edhe si trajnere fitnesi, por ajo gjithashtu ka diplomuar për kanto, regji teatri dhe aktrim. Përveç këtyre, Egli ka realizuar disa projekte muzikore./ NO FILT/

Sean “Diddy” Combs është rikthyer në qendër të vëmendjes për shkak të betejës së tij ligjore, e cila po bëhet gjithnjë e më intensive. Gjatë paraqitjes në gjykatë më 14 mars, u shfaq me një pamje të ndryshuar, flokë dhe mjekër të thinjur , duke reflektuar qartë stresin e situatës në të cilën ndodhet.

Diddy mohoi akuzat ndaj tij, të cilat përfshijnë krim të organizuar, trafikim seksual dhe punë të detyruar.

Në momentin e gjykimit, Diddy kishte pranë vetes njerëzit më të afërt nënën e tij, Janice Combs, dhe dy nga fëmijët e tij, Christian “King” Combs dhe Chance Combs.

Që nga shtatori, Combs vazhdon të mbahet në paraburgim në Brooklyn Metropolitan Correctional Center, pasi përpjekjet për lirimin me kusht janë refuzuar vazhdimisht. Me përzgjedhjen e jurisë të planifikuar për 5 maj dhe deklaratat hapëse që priten një javë më vonë, e ardhmja e tij mbetet e pasigurt.

Ndërkohë, polemikat rreth tij nuk kanë të ndalur. Kohët e fundit, një video e publikuar nga CNN ka shkaktuar debate të forta, pasi pretendohet se tregon Diddy-n duke sulmuar ish-partneren e tij, Cassie, në një hotel. Avokatët e tij kanë akuzuar rrjetin televiziv për modifikim të materialit, duke pretenduar se pamjet janë ndryshuar me softuer të thjeshtë dhe se versioni origjinal është zhdukur. CNN, nga ana tjetër, ka mohuar këto akuza, duke këmbëngulur se videoja është transmetuar e pandryshuar.

Teksa gjyqi afrohet, ky rast po shndërrohet në një përplasje të madhe mes famës, drejtësisë dhe ndikimit mediatik.

Kujtojmë se Combs kishte ofruar deri në 50 milionë dollarë për të pritur gjyqin nga shtëpia e tij në Star Island, por prokurorët këmbëngulën se ai përbënte një kërcënim për dëshmitarët dhe viktimat.

Combs është nën hetim për trafikim njerëzor që nga marsi 2024.

Në një aktakuzë federale të bërë publike më 17 shtator, Diddy u akuzua për komplot për zhvatje, trafikim seksual me forcë, mashtrim ose shtrëngim, si dhe transportim me qëllim shfrytëzimi për prostitucion. Ndërsa ai ka mohuar akuzat, nëse shpallet fajtor, rrezikon një dënim minimal prej 15 vitesh burg ose një dënim maksimal me burgim të përjetshëm./ NO FILT/

Pas fotos misterioze me një djalë të panjohur, Xheneta ka siguruar që kjo javë të jetë e saj, duke publikuar biseda telefonike me fituesin e Big Brother VIP Kosova, Drilon Rama. Gjatë qëndrimit të tyre në shtëpi, dyshja nuk patën marrëdhënie të mira, por audio-përgjimet e fundit tregojnë një tjetër histori.

Në incizimet e publikuara, Driloni dëgjohet duke kërkuar takim me Xhenetën në orët e vona të natës, duke shprehur hapur dëshirën për ta parë atë. Në një pjesë të audios, ai i drejtohet Xhenetës me fjalët:

“S’kam takuar askënd nga Big-u sepse s’dua të merrem me askënd më, përveç teje Xhenetë. A duhet ma ardh pa të pyet a? Qysh bre Xhenetë s’po del (në takim). Po du me t’pa live e jo veç me ta dëgju zërin. Me të kallzu drejt më ka marr malli veç për ty.”

Publikimi i këtyre bisedave ka shkaktuar reagime të shumta në rrjetet sociale, ndërsa Driloni ka reaguar duke deklaruar se gjithçka ishte tallje me Xhenetën.

Në Kosovë, incizimi i bisedave pa pëlqimin e personave të përfshirë konsiderohet shkelje e privatësisë dhe është i ndaluar me ligj. Sipas Kodit Penal të Republikës së Kosovës, regjistrimi i paautorizuar i komunikimeve private pa pëlqimin e personave të përfshirë përbën vepër penale dhe mund të rezultojë në ndjekje ligjore dhe sanksione për personin që kryen një veprim të tillë.

Prandaj, mbetet për t’u parë se si do të reagojë Driloni dhe nëse do të ndërmarrë hapa ligjorë ndaj Xhenetës, duke e paditur për shkelje të privatësisë. / NO FILT/

achel Zegler, ylli i filmit të ardhshëm Snow White, tha se gjatë procesit të përzgjedhjes për filmin e saj të parë të madh, West Side Story, ajo u desh të “dëshmonte identitetin e saj” si kolumbiano-amerikane përpara një grupi të drejtorëve me ngjyrë të bardhë.

Në një intervistë për Allure, Zegler foli për identitetin e saj kulturor dhe tha se emri i saj shpesh krijonte hutim.

“Kur isha në garë për rolin e Marías në West Side Story, më telefononin vazhdimisht për të pyetur nëse isha me të vërtetë latine. Mendova, A doni t’ju sjell abuelita-n (gjyshen) time? E sjell në studio nëse doni ta takoni”.

Zegler, e lindur në New Jersey, ka një nënë me prejardhje kolumbiane dhe një baba me rrënjë polake, shkruan The Guardian.

Filmi Snow White, një ripërpunim i animacionit klasik të vitit 1937, është bërë objekt debatesh mbi përfaqësimin dhe ndryshimet kulturore. Kritikët e kanë akuzuar si një rishikim “i vetëdijshëm për çështjet sociale” të një historie klasike, njësoj si në rastin e Halle Bailey në The Little Mermaid.

Zegler ka marrë kritika edhe për komentet e saj politike, duke mbështetur kauzën palestineze dhe kritikuar mbështetësit e Donald Trump, për të cilat më vonë kërkoi falje. Ajo gjithashtu ka vënë në pikëpyetje mesazhin e filmit origjinal të Disney, duke thënë se princi “e përndjek” Borë Bardhën.

Bordi Britanik i Klasifikimit të Filmit (BBFC) i ka dhënë filmit një vlerësim PG ( Parental Guidance – Udhëzim Prindëror ), me përshkrime skenash që disa i kanë cilësuar si tejet të ndjeshme, përfshirë një skenë ku “një grua helmohet qëllimisht” dhe një tjetër ku “një person kërcënon të fusë diçka në pjesën e pasme të dikujt gjatë një shkëmbimi komik”, transmeton KosovaPress.

Justin Bieber ka folur për urrejtjen që ka përjetuar si një këngëtar i ri.

Ylli i popit, 31 vjeç, përjetoi famë botërore në moshën 16-vjeçare pas publikimit të albumit të tij debutues, My Ëorld 2.0, në vitin 2010.

Që atëherë, ai ka folur hapur për përvojat negative që ka pasur që nga momenti që ishte në qendër të vëmendjes, duke përfshirë problemet me varësinë nga substancat narkotike dhe depresionin, të cilat, sipas tij, kanë ndikuar ndjeshëm në jetën dhe marrëdhëniet e tij.

Të dielën (16 mars), këngëtari i hitit Peaches ndau një Story në Instagram ku rrëfeu se ishte bërë të ndjehej sikur “nuk i lejohej” të shprehte urrejtje, gjë që e bëri të ndihej “sikur po mbytej, duke mos u ndier i sigurt për ta pranuar atë”.

“Mendoj se mund ta lëmë urrejtjen të largohet vetëm duke e pranuar fillimisht që ajo ekziston,” shkroi ai. “Si mund të mos ndiejmë urrejtje nga e gjithë dhimbja që kemi përjetuar?”

Gjatë fundjavës, Bieber dhe bashkëshortja e tij, Hailey, ndanë foto nga një vizitë në Disneyland me miqtë, duke përfshirë edhe muzikantin The Kid Laroi./ NO FILT/

Tom Cruise dhe Ana de Armas u panë për herë të dytë për këtë vit së bashku.

Ylli i “Top Gun” dhe aktorja e “Blonde” u fotografuan së bashku, teksa mbërritën me helikopter në London Heliport.

Të dy dukeshin në humor të mirë gjatë kësaj daljeje, me Cruise, 62 vjeç, i cili bisedonte me anëtarët e ekipitt, ndërsa de Armas, 36 vjeç, buzëqeshte pranë tij. Dyshja u pa gjithashtu në të njëjtin vend edhe një natë më parë.

Një burim i tha People se dyshja darkoi me agjentët e tyre për të diskutuar rreth bashkëpunimeve të ardhshme dhe se “nuk dukeshin të kishin asnjë lidhje romantike, thjesht miq.”

Cruise ishte më parë i lidhur me Elsina Khayrova në shkurt të vitit 2024./ NO FILT/

Testamenti i aktorit legjendar Gene Hackman është publikuar, por ende mbetet pasiguri rreth pasurisë së tij prej 80 milionë dollarësh.

Fituesi i dy çmimeve Oscar ia la gjithë pasurinë bashkëshortes së tij prej 30 vitesh, Betsy Arakawa. Por Arakawa, 65 vjeçe, u gjet e vdekur së bashku me bashkëshortin e saj në shtëpinë e tyre në New Mexico muajin e kaluar, raporton BBC.

Ekspertët ligjorë thanë se tani, meqenëse autoritetet thonë se Arakawa vdiq shtatë ditë para bashkëshortit të saj, fëmijët e Hackman-it mund ta trashëgojnë pasurinë e tij, pavarësisht se nuk janë përmendur në testament.

Tre fëmijët e tij nga martesa e tij e mëparshme me Faye Maltese – Christopher, 65 vjeç, Elizabeth, 62 vjeçe, dhe Leslie, 58 vjeçe – nuk kanë komentuar publikisht mbi këtë çështje.

Dokumentet ligjore të siguruara nga BBC tregojnë se Hackman, 95 vjeç, e kishte përmendur Arakawa si përfituesen e vetme të pasurisë së tij në vitin 1995, me përditësimin e fundit të bërë në vitin 2005.

Megjithatë, avokati nga Kalifornia, Tre Lovell, i tha BBC-së se pasuria mund të kalojë te fëmijët e tij sipas ligjeve të trashëgimisë.

“Pasuria do të shpërndahet sipas ligjeve të trashëgimisë pa testament, dhe fëmijët do të jenë ligjërisht në radhë për ta trashëguar”, tha ai.

“Ata gjithashtu do të duhet të provojnë që testamenti është i pavlefshëm, pasi Arakawa vdiq para Hackmanit”, shtoi ai.

Autoritetet thonë se Arakawa vdiq më 11 shkurt pasi u infektua me një virus të rrallë, disa ditë para se Hackman kishte vdekur nga shkaqe natyrore.

Çifti u gjet i vdekur në dhoma të ndryshme të shtëpisë së tyre 4 milionë dollarëshe në Santa Fe më 26 shkurt, pasi sigurimi i lagjes kreu një kontroll dhe i pa trupat e tyre nëpërmjet një dritareje.

Hackman ka folur më parë për marrëdhënien e tij me fëmijët.

“Si aktor, bëhesh shumë egoist”, i tha ai The New York Times në vitin 1989.

“Edhe pse kisha një familje, pranoja role që më ndanin nga ata për tre ose katër muaj. Tundimet e famës, paratë dhe njohja ishin shumë të mëdha për djaloshin e varfër brenda meje”.

Fëmijët e tij, edhe pse rrallë në vëmendjen e publikut, ndonjëherë e shoqëronin në tapetin e kuq.
Në një intervistë tjetër, Hackman foli për vështirësitë që fëmijët e tij kishin duke u rritur me një prind të famshëm.

Adrola Dushi dhe Capital T kanë publikuar foto nga i njëjti vend, duke lënë të kuptohet se po kalojnë pushimet së bashku. Madje, Capital T nuk ka ngurruar ta komentojë me humor një nga fotot e Adrolës, duke i shkruar: “Pse po kopjon?’’.

Kujtojmë se Capital T, i pyetur më herët për vajzën më të bukur shqiptare, nuk hezitoi të përgjigjej me një buzëqeshje: “Ashtu siç e thonë të gjithë, Adrola Dushi është vajza më e bukur shqiptare.”

Megjithatë, asnjëri prej tyre nuk ka konfirmuar ende zyrtarisht lidhjen e tyre tw dashurisw. Ndonëse që nga viti 2020 flitet për një histori dashurie mes tyre, të dy kanë zgjedhur të mbajnë privatësinë e tyre larg syrit të publikut.

Nga ana tjetër, Capital T është i përqendruar në projektet e tij muzikore dhe po përgatitet për koncertin madhështor Time Capsule, që do të mbahet më 16 gusht. Fansat e tij janë të emocionuar për këtë event, ndërsa mbetet për t’u parë nëse në këtë mbrëmje speciale do të jetë e pranishme edhe Adrola./ NO FILT/