Category: SHËNDETËSI

Të dyja janë gjendje kërcënuese për jetën, por sa më herët që i njohim shenjat e sulmit në zemër ose në tru, aq më shumë janë gjasat për të mbijetuar nga kjo përvojë e hidhur

Përderisa kanë një numër të ngjashmërive, sulmi në zemër ose në tru janë dy gjendje shëndetësore të ndryshme – dhe është jetike t’i dini dallimet.

Çka është sulmi në zemër?

Sulmi në zemër ndodhë kur muskujt e zemrës nuk janë të ushqyer me oksigjen në gjak. Mungesa e oksigjenit bënë që muskujt të dëmtohen.

Sulmi i zemrës gjithashtu mund t’i referohet infarktit miokardinal, trombozës koronare ose sindromës së akutit koronar.

Një tjetër shkak më pak i zakonshëm i sulmit të zemrës, ndodh kur një nga shumë trombozat koronare ndahet, transmeton Telegrafi.

Kur ndodhë sulmi në zemër?

Sulmi në zemër ndodhë kur muskujt e zemrës kanë mungesë të oksigjenit në gjak, më shpesh si rezultat i bllokimit të artereve.

Mungesa e oksigjenit shkakton dëmtime tek muskujt.

Shumica e sulmeve në zemër janë të nxitura nga sëmundjet koronare të zemrës.

Kjo ndodh kur arteret koronare – enët e gjakut të e furnizojnë zemrën me gjak të mbushur me oksigjen – ngushtohen nga një ndërtim gradual i yndyrës brenda këtyre mureve.

Cilat janë shenjat e sulmit në zemër?

Të jesh në gjendje t’i njohësh shenjat e një sulmi në zemër, mund ta shpëtojë jetën e njeriut.

Simptomat mund të ndryshojnë prej personit në person, por janë disa shenja të përbashkëta.

Ato përfshijnë:

– Dhembje të gjoksit, si p.sh.: shtrëngime, intensitet, dhembje ose ndjenja të djegieve në gjoks.
– Dhembje në krah, qafë, nofull.
– Djersitje
– Marramendje

Cili është dallimi mes sulmit të zemrës dhe arrestit kardiak?

Ndonëse dy fenomenet janë vdekjeprurëse, ato nuk janë e njëjta gjë. Sulmi në zemër ndodh nga një humbje e papritur e qarkullimit të gjakut në muskuj të zemrës, duke shkaktuar dëme.

Ndryshe nga kjo, arresti kardiak ndodh kur zemra e një personi ndalon së pompuari gjak.

Është shumë e mundshme që një sulm në zemër të nxitë arrest kardiak.

Çka është sulmi në tru?

Sulmi në tru ndodh kur furnizimi i gjakut në tru ndalohet.

Gjaku bart oksigjen deri në tru, dhe pa atë qelizat e trurit fillojnë të vdesin.

Kjo është arsyeja se përse shkaktohen dëmtime tjera në pjesët e trupit, për shembull probleme me të folur ose dobësimi i njërës anë të trupit.

Janë dy lloje të sulmit të tru – isemike dhe hemorragjike.

Në mënyrë të ngjashme me sulmin në zemër, ai në tru shkaktohet prej ngushtimit të venave të gjakut në tru.

Përderisa bëhemi më të vjetër arteriet bëhen më të ngushta, duke e rritur mundësinë e bllokimit të tyre.

Problemet e ndryshe shëndetësore, por edhe mënyra e jetesës siç është pirja e duhanit dhe të qenit mbipeshë, e rrisin rrezikun e sulmit në tru.

Rreth një nga 8 personat vdesin përbrenda 30 ditëve të vuajtjes nga sulmi në tru, sipas Stroke Association.

Për këto arsye është e rëndësishme që njerëzit t’i njohin shenjat sepse sa më shpejt trajtohet personi, aq më shumë janë gjasat për të mbijetuar.

Cilat janë shenjat e sulmit në tru?

Nëse dyshoni në vete ose në një person afër jush se është duke vuajtur nga sulmi në tru, është jetike të veproni shpejt.

Këto janë simptomat nga të cilat duhet të keni kujdes:

– Dobësi në fytyrë – a mundet një person të buzëqesh?
– Dobësim i krahëve – a mund që një person t’i ngreh duart dy krahët dhe t’i mbajë lart?
– Probleme me të folur – a mundet që një person të flas në rregull, dhe të kuptoni çka është duke thënë?

Koha për të telefonuar emergjencën

Nëse një person nuk mund të bëjë ndonjërën nga këtë teste, është e domosdoshme të thirrni ndihmën e shpejtë.

Simptoma të tjera të sulmit në tru përfshijnë:

– Dobësime të papritura ose mpirje të njërës pjesë të trupit
– Vështirësi në gjetjen e fjalëve
– Turbullime të papritura ose humbje të ekuilibrit
– Ngatërrime të menjëhershme ose marramendje

Cilët janë faktorët që shpien deri në rrezik?

Janë disa faktorë, siç janë mosha, gjenetika, historia familjare, raca dhe gjinia që janë të parapërcaktuara dhe janë jashtë kontrollit.

Sidoqoftë janë një numër i shprehive të jetesës që e rrisin rrezikun e vuajtjes nga sulmi në zemër ose në tru.

Ato përfshijnë:

– Pirja e duhanit
– Shtypja e lartë e gjakut
– Kolesteroli i lartë
– Mbipesha
– Diabeti
– Kequshqyerja
– Drogat dhe alkooli. /Telegrafi/

Vitamina D është thelbësore për shëndetin e megjithatë shumë njerëz nuk e kuptojnë rëndësinë e saj.

Ekspertët thonë se në një pikë të jetës, njerëzit përballen me rënien e niveleve të vitaminës D, ndonëse nuk e kuptojnë një gjë të tillë.

Nivelet e ulëta të vitaminës D manifestohen me një sërë simptomash siç janë: energjia e pakët, pagjumësia, problemet me imunitetin dhe luhatjet e humorit.

Fakte të rëndësishme për rolin e vitaminës D në organizëm

Burimi më i mirë i vitaminës D është dielli, andaj ekspozimi i pakët ndaj tij, ul ndjeshëm nivelet e vitaminës D në organizëm që pasohet me probleme të tjera me shëndetin.

Vitamina D ul rrezikun e kancerit të gjirit
Ekspertët thonë se të qëndruarit në diell për pak kohë çdo ditë ul rrezikun e kancerit të gjirit.

Ekspozimi në diell, stimulon prodhimin dhe sintetizimin e kësaj vitamine në lëkurë dhe një gjë e tillë përgjysmon rrezikun e kancerit të gjirit.

Ekspertët rekomandojnë qëndrimin në diell për 20-30 minuta në ditë.

Vitamina D ul rrezikun e sklerozës së shumëfishtë
Shqiptarët janë me fat sa i përket klimës së ngrohtë dhe ekspozimit në diell. Por një pjesë e konsiderueshme e vendeve të globit i gëzohet shumë pak ditëve me diell.

Në këto vende regjistrohen edhe shifrat më të larta të sklerozës së shumëfishtë.

Një gjë e tillë i ka shtyrë ekspertët të arrijnë në konkluzionin se ka një lidhje të fortë mes vitaminës D dhe shëndetit të trurit.

Mungesa e vitaminës D
Gjetjet e shumë studimeve mbi ndikimin e mungesës së vitaminës D në shëndet janë shqetësuese.

Disa prej tyre paralajmërojnë se nivelet e ulëta të vitaminës D kanë lidhje të fortë me vdekjen e parakohshme.

Madje mungesa e vitaminës D e dyfishon rrezikunh e vdekjes së parakohshme.

Vitamina D e mbron njeriun nga tensioni i lartë i gjakut, sëmundjet e zemrës, madje edhe nga ishemia.

Megjithatë, frika për kancerin e lëkurës po i mban njerëzit larg diellit, duke ulur në mënyrë të pashmangshme nivelet e kësaj vitamine.

Mungesa e vitaminës D tek fëmijët
Me përdorimin në rritje të kremërave kundër diellit, uljen e nivelit të vitaminës dhe rritja e shifrave të rasteve të fëmijëve me autizëm, ekspertët thonë se ka një lidhje mes vitaminës D dhe autizmit.

Studimet kanë treguar se fëmijët autikë kanë nivele më të ulëta të vitaminës D në krahasim me fëmijët jo autikë.

Klikoni këtu për të mësuar burimet më të mira ku mund të gjeni vitaminën D./AgroWeb.org

Ekspertët në Shtetet e Bashkuara rekomandojnë që gratë të kontrollohen një herë në dy vjet për kancerin e gjirit, duke filluar nga mosha 40 vjeçare. Rekomandimi u bë nga Grupi i Punës për Shërbimet Parandaluese, një grup ekspertësh të pavarur të fushës së mjekësisë nga mbarë Shtetet e Bashkuara që bën rekomandime për shërbimet klinike parandaluese.

Ky grup pune me ndikim në mjekësi thotë se ekzaminimi i hershëm synon të trajtojë dy probleme në rritje, shtimin e rasteve të kancerit të gjirit tek gratë nën moshën 40 vjeçare dhe shkallën e lartë të vdekshmërisë nga kanceri i gjirit tek gratë me ngjyrë.

Rekomandimi i mëparshëm ishte që mamografia të bëhej një herë në dy vjet për moshat nga 50 në 74 vjeç.Ndërsa përmirësohet trajtimi, shkalla e vdekjeve nga kanceri i gjirit ka pësuar rënie. Në Shtetet e Bashkuara rreth 240,000 raste diagnostikohen çdo vit dhe rreth 43,000 gra humbin jetën nga kanceri i gjirit.

Dr. John Wong me Universitetin Tufts është nënkryetar i grupit të punës që bëri rekomandimet. Ai thotë se kontrolli i hershëm është nxitur nga rritja e numrit të grave nën moshën 40 vjeç që preken nga kanceri i gjirit. Që nga viti 2015, numri i rasteve është rritur me 2% në vit. Mamogramet do të ndihmojnë në trajtimin e një tjetër çështje të rëndësishme. Shkalla e vdekjes nga kanceri është 40% më e lartë tek gratë me ngjyrë, të cilat preken nga forma më agresive të sëmundjes në moshë më të re.

“Gratë me ngjyrë preken më shpesh nga forma më agresive e kancerit në moshë më të re. Në bazë të modeleve shkencore specifike për to, rekomandojmë fillimin e mamografisë në moshën 40 vjeçare. Ky është hapi i parë i rëndësishëm, por jo i mjaftueshëm për të ulur rastet”, thotë zoti Wong.

Ai thekson rëndësinë e trajtimit të duhur dhe sa më shpejt të jetë e mundur për gratë me ngjyrë që diagnostikohen me kancer.

“Ekzistojnë studime të përshtatshme që sugjerojnë trajtime efikase për të ulur shkallën e vdekshmërisë. Presim dhe kërkime shtesë për të hedhur dritë lidhur me shkallën e lartë të vdekshmërisë dhe se si mund të trajtohet”, thotë zoti Wong.

Këshillat e reja nuk vlejnë për gratë që kanë patur kancer gjiri ose ato me rrezikshmëri të lartë për arsye gjenetike. Në këtë listë përfshihen edhe gratë që kanë patur terapi të theksuar rrezatimi në gjoks në moshë të re. Mamografia nuk funksionon aq mirë për gratë me inde të dendura të gjoksit, por megjithatë zoti Wong rekomandon kontrollin.

“Gratë me inde të dendura në gjoks kanë një rrezik më të lartë për zhvillimin e kancerit të gjirit dhe mamografia nuk funksionon aq mirë tek ky grup. Ndaj nevojiten kërkime shtesë për të kuptuar nëse duhen metoda të tjera ekzaminimi për të ndihmuar në uljen e rrezikut të lartë nga kanceri i gjirit dhe zbulimin e kancerit të gjirit në një fazë më të hershme, që mund të trajtohet”, thotë zoti Wong.

Ekspertët thonë se ekzistojnë pikëpyetje mbi përfitimet që mund të sjellë mamografia për gratë mbi 75 vjeç. Në raste të rralla studimet përfshijnë kategorinë e grave mbi moshën 75 vjeç. Ekipi i ekspertëve po bën thirrje për më shumë hulumtime.

Ushqimet shumë të përpunuara siç janë ushqimi i gatshëm, drithërat dhe kripërat, ngre rrezikun e një sulmi në zemër ose në tru, ndërsa shkencëtarët kërkojnë veprim të shëndetit publik.

Njerëzit, të cilët hanë ushqime ‘shumë të përpunuara’, përfshirë disa prej atyre të gatshme, drithëra me sheqer dhe pije të gazuara, kanë më shumë gjasa të vuajnë nga sëmundjet kardiovaskulare.

Konsumimi i më shumë se katër vakteve në ditë mund të rrisë rrezikun e vdekjes së hershme me pothuajse dy të tretat.

Ushqimet e përpunuara zakonisht shiten ‘të gatshme për t’u ngrënë’ dhe nuk mund të bëhen në një kuzhinë normale, pasi ato janë të mbushura me substanca industriale si prezervativ dhe ëmbëlsues.

Një studim francez zbuloi se çdo rritje prej 10 për qind në përqindjen e ushqimit ultra të përpunuar brenda dietës së një personi ngrit rrezikun e problemeve kardiovaskulare, si një atak në zemër ose në tru, me 12 për qind.

Hulumtimi i veçantë spanjoll tregon se njerëzit që hanë më shumë se katër vakte ditore me ushqime shumë të përpunuara kishin një shans 62 për qind më të lartë të vdekjes gjatë 10 vjetëve të ardhshme, në krahasim me ata që konsumojnë dy vakte në ditë.

Ekspertët besojnë se ushqimet shumë të përpunuara mund t’i bëjnë njerëzit më të uritur, duke rritur rrezikun e trashjes, e cila është e lidhur me problemet e zemrës dhe vdekjen e parakohshme.

Ushqimet e gatshme industriale kanë tendencë të jenë të larta në kripë dhe yndyrë të ngopur, por ka edhe prova në rritje, se disa nga kimikatet që përmbajnë mund të jenë të dëmshme për trupin dhe arteriet e ngurtësuara.

Gjetjet kanë nxitur thirrjet që qeveritë të marrin në konsideratë më shumë taksa për ushqimet e përpunuara për të ndihmuar njerëzit të përgjysmojnë marrjen e tyre.

Një ushqim i përpunuar ndryshon gjatë përgatitjes së tij. Kjo mund të jetë nëpërmjet ngrirjes, konservimit, pjekjes ose tharjes. Shembujt përfshijnë drithërat e mëngjesit, pasta, kripërat, ushqimet në mikrovalë, ëmbëlsirat, buka dhe perimet e konservuara.

Ushqimet e përpunuara nuk janë domosdo të rrezikshme nëse nuk shtohet sheqer, kripë ose yndyrë për t’i bërë ato më të shijshme ose për të zgjatur jetëgjatësinë e tyre.

Kjo mund të çojë te njerëzit që hanë më shumë se sa lejohet konsumi i sheqerit, kripës dhe yndyrës në ditë pasi nuk janë në dijeni të niveleve në ushqimet e përpunuara.

Njerëzit mund të zvogëlojnë marrjen e këtyre ushqimeve duke lexuar etiketat e ushqyerjes në produktet e përpunuara për të kontrolluar përmbajtjen e yndyrës, kripës dhe sheqerit.

Buzëqeshja jonë është më shumë se thjesht një pasqyrim i gëzimit dhe lumturisë; është një dritare për shëndetin dhe mirëqenien tonë të përgjithshme.

Shëndeti oral, duke përfshirë dhëmbët, mishrat dhe gjuhën, luan një rol të madh në mirëqenien tonë. Regjionet e kokës dhe qafës janë të lidhura në mënyrë komplekse, me zgavrën me gojë që përbën pjesën fillestare të traktit tretës dhe të frymëmarrjes.

Ruajtja e shëndetit të mirë oral jo vetëm që parandalon problemet dentare si kavitetet dhe sëmundjet e mishrave të dhëmbëve, por gjithashtu mund të kontribuojë në shëndetin e përgjithshëm fizik duke reduktuar rrezikun e sëmundjeve sistemike.

Kontrollet e rregullta dentare dhe zakonet e duhura të higjienës orale janë thelbësore për promovimin e mirëqenies në të gjithë trupin. Mënyrat e dëmshme të jetesës si pirja e duhanit dhe konsumimi ekstrem i alkoolit jo vetëm që dëmtojnë dhëmbët dhe mishrat e dhëmbëve, por edhe irritojnë indet delikate të kokës dhe qafës, duke rritur rrezikun e kancerit.

Shenjat dhe simptomat paralajmëruese

Shenjat e hershme të kancerit të kokës dhe qafës shpesh mund të imitojnë çrregullime të zakonshme.

-Gojë, plagë të pashpjegueshme, njolla të bardha ose të kuqe në mishrat e dhëmbëve ose në gjuhë, gjakderdhje të vazhdueshme, dhëmbë të liruar ose mpirje në gojë.

-Fyti, vështirësi në gëlltitje, dhimbje të vazhdueshme të fytit, ngjirurit e zërit ose një gungë në qafë.

– Dhimbje veshi të pashpjegueshme, ndryshime në kafshimin tuaj dhe gjak në pështymë

Marrja e kujdesit për shëndetin tuaj oral

Marrja e kujdesit për shëndetin tuaj oral është shumë e rëndësishme.

-Kufizoni përdorimin e duhanit: Pirja e duhanit, përtypja e duhanit dhe madje edhe tymi i dorës së dytë janë faktorët kryesorë të rrezikut.

-Konsumimi i moderuar i alkoolit: Marrja e tepërt e alkoolit mund të rrisë rrezikun e kancerit.

-Mbani një dietë të shëndetshme: Përfshini shumë fruta dhe perime në ushqimin tuaj, të cilat janë të pasura me vitamina dhe antioksidantë.

Zbulimi i hershëm shpëton jetë

Zbulimi i hershëm është çelësi i trajtimit efektiv. Kontrollet e rregullta dentare janë linja juaj e parë e mbrojtjes. Vetë-ekzaminimet janë gjithashtu fuqizuese. Njihuni me pamjen dhe ndjesinë e shëndetshme të gojës suaj dhe raportoni çdo ndryshim të vazhdueshëm tek dentisti juaj.

-Njihuni me faktorët kryesorë të rrezikut: Mosha, përdorimi i duhanit, konsumi ekstrem i alkoolit dhe infeksioni HPV janë disa nga faktorët kryesorë.

-Vetë-ekzaminime në shtëpi: Vetë-kontrolloni rregullisht gojën dhe qafën për gunga, plagë ose njolla. Shenjat e hershme janë shpesh pa dhimbje, kështu që vigjilenca është çelësi.

-Bëni kontrolle dentare rregullisht: Mos e nënvlerësoni fuqinë e vizitës suaj rutinë te dentisti.

-Ekzaminimi oportunist: Shumë mjekë mund të kryejnë një ekzaminim të shpejtë vizual gjatë vizitave të rregullta. Bisedoni me mjekun tuaj për përfshirjen e një ekzaminimi oral në rutinën tuaj mujore.

-Diagnostifikim i avancuar (nëse nevojitet ): Nëse shqyrtimi ngre shqetësime, mund të nevojiten hetime të mëtejshme. Biopsia ose testet imazherike mund të japin një diagnozë përfundimtare.

Mos harroni, parandalimi është gjithmonë më i mirë se kurimi. Ruajtja e higjienës së mirë orale duke larë dhëmbët dy herë në ditë, duke përdorur pe rregullisht dhe duke lënë duhanin redukton ndjeshëm rrezikun e kancerit të gojës, kokës dhe qafës.

Diabeti i tipit 2 është një sëmundje që nuk kursen askënd.

Statistikat botërore, të cilave u referohet AgroWeb.org tregojnë se një në dy vetë të grupmoshës nga 40 deri në 49 vjeç diagnostikohet me fazën e para-diabetit.

Në 70 për qind të rasteve, këta njerëz diagnostikohen më pas me diabet të tipit 2.

Shanset që një fëmijë që preket nga diabeti janë 1 në 7 nëse prindi diagnostikohet me këtë sëmundje përpara moshës 50 vjeçare.

90 për qind e njerëzve të diagnostikuar me diabet të tipit 2 janë mbipeshë ose obezë.

Niveli botëror i obezitetit është trefishuar që nga viti 1975.

Çelësi i parandalimit të diabetit dhe shëndetit të mirë
Ushqyerja e shëndetshme dhe aktiviteti fizik janë dy shtyllat kryesore të shëndetit të mirë dhe jetëgjatësisë.

Të dyja ndihmojnë jo vetëm në parandalimin e diabetit, por për shumë më tepër.

Heqja dorë nga një regjim ushqimor i keq është hapi më i rëndësishëm që një njeri mund të ndërmarrë.

Një regjim i tillë nënkupton heqjen e ushqimeve industriale të pasura me sheqer, miell dhe ushqime të tjera të dëmshme.

Regjimet e shëndetshme nuk janë të komplikuara dhe nuk kushtojnë shumë.

Hiqni dorë nga sheqeri
Ushqimet industriale të pasura me sheqer dhe karbohidrate të përpunuara rrisin nivelet e sheqerit në gjak dhe të insulinës.

Këtu përfshihen edhe lëngjet e frutave, patatet e skuqura, ushqimet e paketuara, salcat e gatshme, buka e bardhë, alkooli etj.

Fruta dhe perime
Përveç heqjes dorë nga ushqimet e shpejta, njeriu duhet të hajë më shumë perime si barishte, lakër, lulelakër, brokoli, speca, kërpudha e të tjerë.

Për më tepër, nuk duhet të anashkaloni arrorët, avokadot dhe peshqit e freskët.

Aktiviteti fizik
Sipas të dhënave të AgroWeb.org, një jetë pasive nxit rezistencën ndaj insulinës.

Ekspertët shpjegojnë se aktiviteti fizik luan një rol domethënës në parandalimin e diabetit ë tipit 2.

Aktiviteti fizik duhet të jetë i vazhdueshëm dhe pa ndërprerje që të ndihmojë për shëndetin.

Përshpejtimi i tretjes
Një nga mënyrat për të përshpejtuar metabolizmin është të konsumoni sasi jo të mëdha ushqimi në vakt.

Supat përshpejtojnë metabolizmin dhe djegin yndyrat.

Konsumi i tyre pengon shfrenimin me ushqyerjen, thonë ekspertët.

 

Psoriaza nuk është një sëmundje ngjitëse, kështu që ajo nuk përhapet nga personi në person.

Shpërthimet e psoriazës përhapen në trup për shkak të një përgjigjeje të brendshme imune.

Pasi sistemi juaj imunitar sulmon qelizat e shëndetshme të lëkurës. Ky sulm shfaqet si skuqje në pjesë të ndryshme të trupit tuaj.

Kjo është edhe arsyeja pse është e rëndësishme të identifikoni shkaktarët dhe të gjeni një trajtim që mund të ndihmojë në lehtësimin e simptomave tuaja.

Llojet e psoriazës
Psoriaza në formë petëzash-Këto mund të shfaqen në të gjithë trupin. Por më së shpeshti shfaqen në lëkurën e kokës, gjunjë dhe bërryla.

Psoriaza guttate-Ky sulm shfaqet si skuqje në pjesë të ndryshme të trupit tuaj. Ato përhapen përgjatë krahëve, këmbëve dhe gjoksit tuaj. Disa njerëz gjithashtu përjetojnë shpërthime në fytyrë dhe kokë.

Psoriaza inverte-Këto njolla të kuqe të cilat janë të dhimbshme, përhapen kryesisht tek të pasmet, sqetullat dhe ijet tuaja.

Psoriaza eritrodermike-Karakterizohet nga njolla të kuqe të ndritshme që duken si djegie dhe përhapen shpejt në të gjithë trupin. Ato mund të shkaktojnë dridhje të pakontrollueshme dhe ënjtje në kyçet e këmbës. Ky lloj është shumë i rrallë dhe mund të jetë edhe kërcënues për jetën.

A mund ta parandaloni përhapjen e psoriazës?
Ndoshta! Por ju patjetër që mund të ndërmerrni hapa për të lehtësuar simptomat.

Filloni duke e mbajtur zonën e prekur të pastër dhe pa grim e më pas të përdorni ilaçe qetësuese.

Por nëse ndjeni që jeni në prag të një shpërthimi është koha për të ushqyer lëkurën tuaj duke ngrënë shëndetshëm dhe të shmangni shkaktarët e mundshëm si djegia nga dielli, pickimet e insekteve dhe stresi.

Infeksionet dhe sëmundjet gjithashtu mund të jenë shkaktarë të psoriazës. Prandaj ndërmerrni hapa për të mbrojtur veten kurdo që të jetë e mundur.

Rezistojini dëshirës për të kruajtur zonat e prekura sepse mund ta përhapni më tepër.

Gjithashtu ky veprim mund të çojë në infeksione një shpërthim afatgjatë. Sa më shpejt të qetësoni shpërthimin, aq më e ulët është mundësia që ai të përhapet.

Ekspertët këshillojnë hidratimin e lëkurës sa më shumë që të jetë e mundur në rast se nuk i rezistoni dot kruarjes.

Çfarë e shkakton shpërthimin e psoriazës?
Shkenca ende nuk e di me saktësi se çfarë e shkakton psoriazën.

Duket se mund të jetë një kombinim i gjenetikës, mjedisit dhe sistemit imunitar që vepron kundër qelizave të lëkurës.

Më poshtë gjeni disa nga faktorët e zakonshëm:

Stresi
Moti i ftohtë
Dëmtimet e lëkurës si djegia nga dielli, kafshimet e insekteve, e deri tek tatuazhet.
Medikamente të caktuara
Infeksione të ndryshme
Alkooli
Duhani

Deri më sot nuk ka asnjë mënyrë për të kontrolluar plotësisht këtë sëmundje dhe përpjekja e tepërt për ta bërë këtë mund të jetë shumë stresuese./AgroWeb.org

Ju mund të përcaktoni kohën më të mirë për t’u zgjuar në mëngjes bazuar në stilin e jetës dhe shëndetin tuaj.

Në përgjithësi, zgjimi ndërmjet orës 6 të mëngjesit dhe 8 të mëngjesit konsiderohet ideal sepse përputhet me ciklet tona natyrore të gjumit-zgjimit.

Tetë orë gjumë çdo natë është vërtetuar universalisht si numri magjik, por ju gjithashtu do të dëshironi të merrni parasysh moshën dhe stilin tuaj të jetesës.

Shkencërisht, është vërejtur se koha ndërmjet orës 22:00 deri në mesnatë është koha më e mirë për të fjetur.

Sasia ideale e gjumit në fund të fundit është të zgjoheni në mëngjes duke u ndjerë i rifreskuar dhe i pushuar mirë sesa i turbullt.

Zgjimi zakonisht vonë ose mbajtja e një orari të parregullt të gjumit mund të ndikojë negativisht në shëndetin e përgjithshëm. Zgjimi vonë mund të çojë në çrregullime të humorit.

Shkencëtarët nga Instituti për shkencë mjekësore në Universitetin Jeju në Korenë Jugore kanë dëshmi që aminoacidet nga kjo perime lehtësojnë simptomat e migrenës dhe mbrojnë mëlçinë nga toksinat.

Nëse nuk dëshironi vuani nga migrena, mos pini për së tepërmi alkool. Në fakt, kjo është metoda e vetme e sigurt kundër të përzierave dhe dhimbjeve. Megjithatë, adhuruesit e alkoolit para daljes pinë qumësht dhe hanë bukë dhe pinë ujë para se të bien në gjumë. Shkencëtarët propozojnë edhe një metodë të re.

Në studimin e publikuar në “Journal of Food Science” hulumtuesit kanë analizuar komponentët e shpargut të ri dhe kanë vëzhguar efektin në organizmat e gjallë, qeliza dhe njerëz.

Udhëheqësi i hulumtimit Y. Kim thotë: “Helmimi i qelizave ka qenë dukshëm më i vogël pas konsumimit të shpargut”. Ata kanë konstatuar edhe që gjethet e imëta, të petëzuara të shpargut janë më të pasura me aminoacide dhe minerale, pra edhe më efikase në parandalimin e dhimbjes së kokës.

Hulumtimet e mëhershme kanë treguar që shpargu është i pasur me aminoacide, të cilat stimulojnë funksionin e enzimave, çka përsëri shpejton shpërbërjen apo tret jen e alkoolit në trup.

Shpargu shpesh përdoret në mjekësi alternative sepse konsiderohet që vepron kundër kancerit. Përdoret edhe te shërimi i kërpudhave, infeksioneve, por vepron edhe si diuretik.

Kjo perime është me pak kalori, ndërsa e pasur me vitamina, minerale dhe fibra. Vlera energjetike e 100 gramë shpargu është vetëm 35 kalori, sepse pjesën më të madhe e përben uji (93 për qind), derisa 1,7 për qind bie në proteina, 2.6 për qind në karbohidrate dhe 0,7 në yndyra.

Nga vitaminat dhe mineralet, më së shumti ka kalium dhe kalcium, magnez, hekur, fosfor; bakër, mangan, selen dhe zink, vitaminë B6, vitaminat A, C, K dhe E, tiaminë, riboflavinë, rutinë, niacinë.

Është interesante që aminoacidi asparagin, i cili gjendet në sasi të mëdha në shparg, emrin e ka marrë pikërisht nga shpargu.

Veza është një nga ushqimet më të shëndetshme për njeriun që ka pësuar një rikthim triumfues, pas pretendimeve për rolin e saj negativ në shëndet.

Vezët ofrojnë rreth 6 gramë proteinë të një cilësie të lartë. Sipas të dhënave kjo do të thotë se vezët ofrojnë të gjithë amino acidet që duhet të merrni nga ushqimet, madje po aq sa mishi.

Proteina konsiderohet si një nga ushqyesit më përmbushës për shëndetin e njeriut. Gjysma e sasisë së proteinës gjendet tek e verdha e vezës.

Vezët frenojnë urinë

Një mëngjes i pasur me vezë e mban nën fre urinë për më gjatë në krahasim me ushqimet e tjera me bazë drithi. Disa studime thonë se njerëzit që hanë vezë në mëngjes ndihen më të ngopur dhe hanë më pak në drekë.

Vezët mbrojnë shëndetin e syve

Vezët janë të pasura me luteinë, një pigment që është kryesisht i përqendruar edhe tek retina e syrit. Luteina i mbron sytë nga dëmtime të ndryshme si pasojë e plakjes por edhe nga dëmet e dritës blu që emetohet nga celularët, tabletët dhe laptopët.

Ky lloj ndriçimi besohet të jetë kontribuues në shfaqjen e kancerit, mbipeshës dhe sëmundjes së syve.

Vezët nuk bllokojnë enët e gjakut

Për vite me radhë, vezët kanë qenë në ‘bankën e të akuzuarve’ për ‘krime’ të paqëna ndaj shëndetit. Shakatë mënjanë, vezët besoheshin të rrisnin nivelin e kolesterolit dhe bashkë me të, rrezikun e sëmundjeve të zemrës. Tani, shkencëtarët besojnë se vezët nuk janë të rrezikshme për enët e gjakut dhe nuk i bllokojnë ato.

Vezët për masën muskulore

Njeriu nis të humbë masë muskulore që pas moshës 30 vjeçare. Masa muskulore nis të bjerë me 5 për qind për çdo dhjetë vjet. Humbja e saj e bën njeriun të ndihet i plogësht dhe rrit shanset e frakturave. Aktiviteti fizik, veçanërisht ai i fokusuar tek forca dhe qëndresa ju ndihmojnë të ruani masën muskulore. Vezët dhe proteina që ato ofrojnë ushqejnë muskujt pas stërvitjes dhe i mbrojnë ato.