Category: LIFESTYLE

Pyetja e njohur që i mundon të gjitha femrat, të cilat dëshirojnë të gatuajnë në kuzhinë.

Zgjidhja është shumë e thjeshtë dhe e keni krejtësisht pranë, në kuzhinën tuaj.

Qepa është një ndër artikujt më të lashtë të cilin njerëzit kanë filluar në mënyrë të organizuar ta kultivojnë dhe e cila përdoret në të gjitha gjellët në mënyra të ndryshme.

Ka shije dhe aromë shumë të fuqishme, e cila nëse konsumohet e gjelbër fillon të dominojë mbi të gjitha shijet e tjera dhe aromat në ushqim.

Mirëpo edhe pse e doni, nuk dëshironi që gjithë kohës të silleni përreth me aromën e qepës në duar. Nëse edhe ju e ndieni, imagjinoni se sa e ndiejnë të tjerët, transmeton Telegrafi.

Mos qitni vetëm krem mbi atë aromë, sepse vetëm do t’i përkeqësoni gjërat. Vazhdimisht do të merrni me vete atë aromë, ekzistojnë disa mënyra të cilat mund t’i aplikoni.

Merrni një limon, priteni përgjysmë dhe shtrydheni lëngun direkt në duar. Fërkoni mirë duart, pastaj lani me sapun.

Ndihmë e mirë do t’ju jetë edhe soda e bukës. Fërkimi i duarve me sodën e bukës është këshillë e shkëlqyeshme për eliminimin e kësaj arome.

Gjithmonë kujdesuni që thika të jetë e mprehtë dhe vetë të rrëshqasë nëpër qepë.

Nëse thika është e topitur, qepa për shkak të ndrydhjes, do të lirojë më shumë lëng, andaj edhe duart do të marrin më shumë aromë, kështu që edhe eliminimi i saj do të jetë më i vështirë. /Telegrafi/

Kjo ëmbëlsirë quhet pite njëmilionëdollarëshe për shkak të harmonisë dhe shijes së pabesueshme!

Ëmbëlsira më e bukur kremoze për verë serviret e ftohtë, ndërkaq shija është e magjishme.

Përbërësit:

Për kore:

▪ 300 g biskota,
▪ 70 g gjalpë të shkrirë
▪ 3 lugë sheqer.

Për fill:

▪ 100 g margarinë,
▪ 2 lugë sheqer
▪ 300 g qumësht pluhur,
▪ 250 g ananas nga konserva,
▪ 250 ml krem,
▪ 3 lugë lëng limoni,
▪ një grusht arra.

Përgatitja:

Të gjithë përbërësit për kore përzieni dhe piqni rreth 10 minuta në 150 gradë celsius.

Derisa korja të piqet, në një enë përzieni të gjithë përbërësit për fill, përveç arrave.

Sipër kores qiteni fillin, ndërsa ëmbëlsirën zbukurojeni me arra.

Lëreni të qëndrojë rreth 2 orë dhe pastaj servireni.

Kënaquni dhe ju bëftë mirë!

/Telegrafi

Ndër ushqimet e shumta tradicionale që mbushin tavolinat tona shqiptare janë edhe turshitë, të cilat fillojnë të përgatiten nga muaji shtator.

Ekipi i ATV-së ishte në shtëpinë e zonjës Bahrije Mehani, e cila para kamerës demonstroi se si bëhet përgatitja tradicionale e specave me vaj.

Për më shumë, shikoni videon më poshtë:

Recetën e ajvarit që e mësoi nga nëna e gjyshja, zonja Makfire Sadiku e praktikon sot të njëjtën për familjen e saj.

Pikërisht në këtë sezone kur fillojnë përgatitjet për ushqimet dimërore, nënat shqiptare fillojnë me turshi e përgatitjen e ajvarit tradicional ngjashëm si zonja Makfire.

Me një shporet, tepsi dhe speca të njomë fillon pjesa e parë e përgatitjes, thotë ajo.

“Paraprakisht kavanoza sterilizohen, pasi përgatitet ajvari vendoset në këto kavanoz, pas kësaj e bëjmë një mbyllje hermetike në mënyrë që qëndrueshmëria të jetë më e gjatë”, shtoi tutje ajo./ATVLIVE.TV/

Për më shumë ndiqni videon e mëposhtme:

Shefi i kuzhinës me bazë në Nju Jork, Joseph Yoon filloi të gatuante insekte katër vjet më parë për një projekt arti. Ai tani dëshiron të ndryshojë perceptimet tona për insektet, në mënyrë që të kemi dieta të insekteve “të shijshme”, “me përmbajtje ushqyese” dhe “të qëndrueshme”.

“I dua absolutisht insektet,” thotë Yoon, i cili është drejtor ekzekutiv i Brooklyn Bugs, një organizatë që promovon insektet e ngrënshme. “Fakti që ka kaq shumë lloje të ndryshme, fakti që ka kaq shumë lloje insektesh, fakti që ne mbështetemi kaq shumë tek insektet për ekosistemin dhe biodiversitetin tonë është absolutisht magjepsës”, shkruan cnn, transmeton KosovaPress.

Ka më shumë se 2,100 lloje të insekteve të ngrënshme në botë, dhe ato vijnë me shije të ndryshme, të tilla si arra, agrume, djathë dhe kokos thotë Yoon.

Insektet konsumohen rregullisht nga rreth 2 miliardë njerëz, sipas një raporti të vitit 2013 nga Organizata e Kombeve të Bashkuara për Ushqimin dhe Bujqësinë (FAO). Megjithatë, raporti thotë se ndjenjat e neverisë janë të lidhura me ngrënien e insekteve në shumicën e vendeve perëndimore.

Të ushqyerit e botës është një sfidë gjithnjë e më e vështirë. Toka është e pakët dhe oqeanet mbipeshkohen, megjithatë prodhimi aktual i ushqimit do të duhet pothuajse të dyfishohet për të akomoduar 9 miliardë njerëz që pritet të popullojnë Tokën deri në vitin 2050, sipas raportit të FAO.

Kërcejtë kanë nevojë për gjashtë herë më pak ushqim se bagëtia, katër herë më pak se delet dhe gjysmën e ushqimit të nevojshëm për derrat dhe pulat për të prodhuar të njëjtën sasi proteinash, sipas FAO. Dietat me insekte të pasura me proteina mund të ofrojnë një zgjidhje të qëndrueshme nëse qëndrimet perëndimore ndaj tyre mund të ndryshojnë nga “ew” në “yum”.

Për të ndihmuar në reduktimin e ndikimit mjedisor të zakoneve tona të gatimit, Yoon dëshiron “të normalizojë insektet e ngrënshme në mbarë botën, veçanërisht këtu ku unë jetoj në Amerikë”.

Këtë specialitetet të shijshëm ju duhen vetëm pak minuta për ta përgatitur dhe gjysmë ore për ta pjekur!

Përbërësit e nevojshëm:

▪ 3-4 vezë
▪ Tre lugë salcë kosi
▪ Një lugë çaji kripë
▪ gjysmë pluhur pjekjeje
▪ pesë lugë miell gruri
▪ pesë lugë miell misri
▪ 100 ml vaj
▪ 300-400 gram djathë i ri
▪ një filxhan spinaq të grirë hollë
▪ pak gjalpë

Gatimi:

Ndizeni furrën në 190 gradë Celsius dhe futeni një tepsi të zbrazët që të ngrohet.

Në një enë përzieni 3 – 4 vezë me tri lugë ajkë dhe një lugë të vogël kripë. Shtoni gjysmë qese pluhur për pjekje, pesë lugë miell gruri dhe pesë lugë miell misri. Gradualisht shtoni 100 ml vaj.

Në fund në tretje përzieni 300 – 500 gram djathë të butë, apo ndonjë djathë tjetër – sipas dëshirës edhe spinaq.

Me dorezë nxirrni tepsinë e nxehur nga furra. Vendosni një kube gjalpë që të shkrihet dhe me kujdes lyeni fundin dhe anët e tepsisë. Në të derdhni brumin. Kthejeni në furrë dhe piqeni rreth 30 minuta. /Telegrafi