Category: LIFESTYLE

Një shtëpi luksoze në ‘pyll magjik’ që përmban tre shtëpiza pemësh të vlerësuara me çmime, së bashku me vaska të nxehta, rrëshqitëse, sauna dhe furra picash, është nxjerrë në shitje për 2.3 milionë dollarë.

Zdrukthëtari Guy Mallinson ka kaluar një dekadë duke krijuar dhe shtuar parajsën ekologjike në nëntë hektarë pyll ,dhe katër hektarë livadh në Holditch, Dorset.

Tërheqja aktualisht funksionon si një biznes pushimesh ku njerëzit mund të qëndrojnë në fshatin e qetë për të paktën 650 dollarë natën ose 2,000 dollarë për një fundjavë.

Tani, të tre pronat dhe toka përreth brenda Zonës së Bukurisë Natyrore të Jashtëzakonshme, po dalin në shitje me një çmim udhëzues prej 2.3 milionë dollarësh, transmeton Telegrafi.

Shtëpia e parë në pemë e Woodman e krijuar në vitin 2016 është në një lis të lashtë, që vjen me një saunë në çati dhe vaskë të nxehtë, si dhe një shporet druri dhe dush pemësh.

Kjo shtëpi pemësh kushtoi 200,000 dollarë dhe u deshën pesë muaj për t’u ndërtuar në një projekt të udhëhequr nga Mallinson, së bashku me një ekip prej 20 mjeshtërve më të mirë, si dhe djemtë e tij adoleshentë.

Prona, e cila ndodhet rreth dhjetë milje larg bregut Jurasik në Lyme Regis, ka gjithashtu një rrëshqitëse që zbret në dyshemenë e pyllit dhe një lëkundëse për dy persona.

Dy shtëpi të tjera në pemë iu shtuan resortit në vitin 2020, duke përfshirë Pinwheel Treehouse e cila ka dhoma me sipërfaqe xhami të vendosura në një cep të një pylli.

E treta, Dazzle Wheelhouse, ka një shteg me dërrasa me dysheme kuverte jahtesh dhe është frymëzuar nga një model i përdorur për të fshehur anijet detare në Luftën e Parë Botërore.

Mallinson më parë ishte i vendosur në Fulham, Londrën Perëndimore, dhe punoi në ndërtesa të tilla si selia e Walt Disney në Londër përmes biznesit të tij Mallinson Ltd.

Më pas ai e zhvendosi familjen e tij në Dorset me qëllim që t’i rriste fëmijët e tij në fshat, gjë që e çoi në përfundimin e një ëndrre të gjatë për të ndërtuar një shtëpi në pemë.

Duke folur për Country Life, Mallinson tha: “Ndërtimi në mes të një pylli paraqet sfidat e veta për futjen e materialeve thellë në pyll. Ne gjithmonë kemi pasur një politikë për të shkelur shumë butësisht në dyshemenë e pyllit pa kimikate ose beton”. /Telegrafi/

 

Nëse bashkëpunëtorët apo kolegët ju ngrenë nervat më shumë se çdo gjë tjetër, ju nuk jeni të vetëm në këtë frustrim. Një studim nga Instituti Amerikan i Stesit gjeti se pikërisht dinamikat e ekipit ndikojnë drejtpërdrejt më shumë se 90% të asaj që na streson në punë.

Pakënaqësitë dhe mosmarrëveshjet marrin kaq shumë energji nga mendja dhe trupi ynë. Një në katër persona thanë se do të donin të ulërinin për këtë stres që u shkaktohet në punë. Mbingarkesa në punë, problemet e njerëzve dhe paaftësia jonë për të balancuar jetën tonë profesionale me atë personale janë ndër tre faktorët kryesorë të stresit.

Pse bashkëpunëtorët e kolegët ju stresojnë aq shumë?

Stresi që na shkaktojnë kolegët futet nën lëkurën tonë sepse na kujton që nuk kemi kontroll dhe autonomi në profesionin tonë. Ju nuk mund ta bëni një koleg dembel të punojë më shumë apo të ndalni lëkundjet e humorit të drejtuesit tuaj. Kur nuk mundemi të kemi kontroll në punë, ndihemi të pafuqishëm dhe për rrjedhojë kjo shkakton stres.

“Rritja e nivelit të stresit në punë, të vlerësuara nga perceptimi i të pasurit pak kontroll, por shumë kërkesë, kanë demonstruar se janë të lidhura me një frekuencë më të madhe të infarktit, hipertensionit dhe shqetësime të tjera”, – thuhet me shqetësim në raportin e Institutit Amerikan të Stresit.

Në “Happy Brain: Where Happiness Comes From”, Dean Burnett shkruan se ndjesia e kontrollit dhe aftësisë janë dy faktorët kryesorë që ju bëjnë të ndiheni të lumtur në punë. “Profesionet që ju privojnë nga autonomia me politika/rregulla strikte (kodi i veshjes, mikromenaxhimi etj.) dhe ju bëjnë vazhdimisht të vëmendshëm ndaj të tjerëve janë të pakëndshme dhe burim stresi”, shkruan ai.

Nuk është gjithmonë shefi ai që të shkakton zemërim. Shumë gjëra mund të bëjnë që kolegët e punës ta vënë në provë durimin tënd.

Meqë ne kalojmë një pjesë të madhe të jetës sonë në punë, krijojmë marrëdhënie me kolegët tanë. Edhe pse këto marrëdhënie mund të të bëjnë të presësh me dëshirë të shkosh në punë çdo ditë, konfliktet në vendin e punës janë të pashmangshme. Dhe në një ambient pune të tensionuar, dramat personale mund të kenë ndikim të madh dhe të shtyjnë njerëzit të japin dorëheqje.

Një studim i ri nga platforma e punës Example ka analizuar mbi 36,000 punonjës nga kompani të vogla, të mesme dhe të mëdha, si dhe kompani private, rreth marrëdhënieve të tyre në punë. Rezultatet ishin befasuese: një në tre punonjës të anketuar tha se një koleg i punës i kishte bërë të mendonin për largimin nga puna.

43% e grave dhe 32% e burrave thanë se kanë menduar të largohen nga puna për shkak të një kolegu. Punonjësit e moshës 36–40 vjeç raportuan më shumë stres nga kolegët sesa më të rinjtë dhe më të moshuarit, ku 40% e tyre thanë se punojnë me dikë që i shtyn të mendojnë për largimin nga puna.

Po ashtu, sa më shumë përvojë pune të kesh, aq më e madhe është mundësia të mendosh të largohesh nga puna. Sipas të dhënave, punonjësit që kanë punuar mbi 10 vjet në të njëjtën kompani kanë përqindjen më të lartë të atyre që duan të largohen. 37% e tyre raportuan se punojnë me një person që i bën të duan të largohen.

Fushat e punës me përqindjen më të ulët të njerëzve që duan të largohen për shkak të kolegëve janë:

• Komunikimi (14%),

• Shërbimi ndaj klientit (27%),

• Mbështetja ndaj klientit (27%).

Në anën tjetër, punonjësit në ndërtim dhe prodhimtari kanë përqindjen më të lartë të atyre që duan të largohen për shkak të kolegëve:

• 46% në ndërtim,

• 45% në prodhim.

Kjo tregon se ndryshimet në mënyrën e të menduarit – qoftë kreative apo praktike – mund të shkaktojnë konflikte të mëdha.

Edhe niveli arsimor luan rol të rëndësishëm. Sa më shumë arsimim që ke, aq më shumë stres priret të kesh me kolegët. 47% e punonjësve me arsim universitar thanë se një koleg i ka stresuar aq shumë sa kanë menduar të largohen nga puna. Ndërsa vetëm 26% e atyre me arsim të mesëm thanë se punojnë me dikë që i shtyn drejt këtij vendimi.

2026 nuk është një vit për të mbajtur gjallë marrëdhënie që kanë humbur kuptimin. Ndarjet e këtij viti nuk janë humbje, janë fillime të reja, të ndërtuara mbi të vërtetën. Artikulli “Venus Opposite Saturn” në Astrology King, analizon efektet e tranzitit Venus–Saturn në dashuri e financa, si ndjenja izolimi, vonesa, ose nevoja për të rivlerësuar vlerat.

Akrepi
Për Akrepat e lindur në fund të kohës së shenjës, viti 2026 shënon një kthesë të fortë. Urani në shtëpinë e 7-të do të qëndrojë deri më 26 prill 2026, duke sjellë ngjarje të papritura në marrëdhëniet afatgjata. Lidhjet e mbajtura me vështirësi, ato që janë bërë burim tensioni ose varësie emocionale, do të marrin fund menjëherë dhe pa kthim. Është një periudhë e dhimbshme, por domosdoshme për t’u çliruar nga e kaluara dhe për të rifituar veten.

Shigjetari
Pas 26 prillit 2026, kur Urani kalon në Binjakë, shumë Shigjetarë do të ndihen nën presion për të bërë ndryshime të mëdha. Mund të ketë përplasje në çift, ndarje të papritura ose ndjenjën se rrugët po ndahen në mënyrë natyrale. Liria, që është thelbësore për këtë shenjë, do të kërkojë hapësirë dhe nëse marrëdhënia ka humbur frymëmarrjen, do të vijë një fund i menjëhershëm. Pas ndarjes, do të ndiesh lehtësim dhe rilindje.

Peshorja
Për Peshoret e lindura në ditët e para, Saturni dhe Neptuni në Dash do të krijojnë tension në çift. Kjo përballje planetare do të sjellë momente sqarimi dhe zgjidhje të dhimbshme. Nëse lidhja është ndërtuar mbi iluzione apo mungesë stabiliteti, ajo do të shembet vetë. Edhe pse mund të jetë e vështirë të pranosh ndarjen, ajo do të ndihmojë të kuptosh çfarë do në të vërtetë nga dashuria, jo thjesht një partner, por një ekuilibër të brendshëm.

Luani
Për Luanët, viti 2026 do të jetë një provë e vërtetë zemre. Plutoni në Ujor do të ndriçojë çdo dobësi në marrëdhënie, duke e bërë të pamundur fshehjen pas krenarisë ose nostalgjisë. Çiftet që kanë kaluar kriza më parë mund të përballen me ndarjen përfundimtare. Nuk do të ketë më vend për kompromis: ose lidhja transformohet plotësisht, ose përfundon. Edhe pse fundi mund të duket i ashpër, do të hapë një cikël të ri personal dhe emocional.

Ajo është një nga ato veshje të jashtme të përjetshme që, për arsye të kuptueshme, e lëmë mënjanë gjatë verës. Por tani që dimri ka mbërritur zyrtarisht, më në fund mund ta rikthejmë sërish në garderobën tonë.

A jeni gati të nxirrni xhaketat prej lëkure nga dollapi? Qoftë një model klasik motorçiklisti me xhepa dhe zinxhirë, apo një pallto më e sofistikuar dhe e gjithanshme, ky është momenti i duhur për t’u dhënë atyre rolin kryesor në veshjet e stinës. Një pallto lëkure është një nga pjesët më praktike dhe më të gjithanshme që mund të keni. Ajo sjell ngrohtësinë e duhur për ditët e ftohta, kombinohet lehtësisht nga mëngjesi deri në mbrëmje dhe përshtatet po aq mirë me rroba të lehta, një bluzë të bardhë të thjeshtë dhe xhinse, ose me një fustan.

Në varësi të prerjes dhe detajeve, xhaketa e lëkurës mund të transmetojë elegancë dhe finesë, ose një energji rock n’ roll. Madje, me veshje leshi brenda, mund t’ju mbajë ngrohtë edhe në dimër.

Për më tepër, trendet më të fundit nga Javët e Modës i kanë rikthyer ato fuqishëm, duke na ofruar plot ide frymëzuese për këtë sezon. Më poshtë janë pesë mënyra të veçanta për t’i veshur:

Zgjidhni një xhaketë me prerje të madhe dhe kombinojeni me xhinse të gjera dhe atlete, për një pamje moderne dhe shumë aktuale.

Nëse nuk doni të largoheni nga zona e rehatisë, investoni në një bluzë prej lëkure. Është e bukur, e lehtë për t’u kombinuar dhe mban pamjen në qendër të vëmendjes.

Për një pamje mbrëmjeje, kombinoni një fustan maxi me një xhaketë lëkure të rehatshme dhe balerina të sheshta, të plotësuara me geta transparente.

Provoni kombinimin e një minifundi me çizme deri te kyçi dhe një xhakete lëkure të butë e të rehatshme.

Si alternativë, zgjidhni një xhaketë lëkure të ngushtuar në bel me rrip, të kombinuar me pantallona të gjera dhe balerina ose mokasina — një zgjidhje ideale për ditët e ftohta.

Sipas një studimi gjithëpërfshirës të Kembrixhit që hartëzoi lidhjet nervore të 3.802 personave, truri i njeriut kalon përmes pesë “epokave” strukturore kryesore nga lindja deri në pleqëri, me ri-lidhjen më dramatike jo në adoleshencë, por rreth moshës 32-vjeç.

Studimi, i udhëhequr nga studiues në Njësinë e Shkencave të Njohjes dhe Trurit MRC në Kembrixh, analizoi skanime të rezonancës magnetike (MRI) të difuzionit të 3.802 personave të moshave nga lindja deri në 90-vjeç.

Studimi i botuar në revistën ‘Nature Communications’ ofron pamjen më gjithëpërfshirëse deri më sot të mënyrës se si lidhjet nervore ri-organizohen teksa rritemi, arrijmë pjekurinë dhe plakemi.

“Ky studim është i pari që identifikon fazat kryesore të lidhjeve të trurit gjatë gjithë jetës së njeriut”, tha Dr. Alexa Mousley, studiuese në Kembrixh, e cila udhëhoqi studimin.

Ajo tha se këto njohuri “ofrojnë kontekst të rëndësishëm për atë që truri ynë mund ta bëjë më mirë ose të jetë më i ndjeshëm ndaj disa gjërave, në periudha të ndryshme të jetës sonë”.

Ekipi zbuloi se tupologjia e trurit gjatë fëmijërisë shtrihet nga lindja deri në rreth 9-vjeç, karakterizuar nga rritje e shpejtë e materies gri dhe të bardhë, si dhe shkurtimi i sinapseve të hershme.

Kalimi në adoleshencë sjell rrjete gjithnjë më efikase, me organizimin e materies së bardhë që arrin kulmin në fillim të 30-tave.

“Rreth moshës 32-vjeç, shohim ndryshimet më të mëdha drejtuese në lidhjet e trurit dhe zhvendosjen më të madhe të përgjithshme në trajektore”, tha Mousley.

Ky moment shënon fillimin e periudhës së gjatë të të rriturve, një periudhë stabiliteti që zgjat më shumë se tre dekada.

Studiuesit thonë se kjo fazë korrespondon me një “pllajë të gjerë të inteligjencës dhe personalitetit”.

Një pikë kthimi më e butë vjen rreth moshës 66-vjeç, kur fillon plakja e hershme.

“Të dhënat sugjerojnë se një ri-organizim gradual i rrjeteve të trurit kulmon në mes të të gjashtëdhjetave”, tha Mousley, duke e lidhur me uljen e materies së bardhë dhe rritjen e rreziqeve shëndetësore si hipertensioni.

Epoka e fundit fillon rreth moshës 83-vjeç, ndërsa lidhshmëria globale zvogëlohet dhe truri mbështetet më shumë në rrjete lokale.

“Duke u kthyer pas, shumë nga ne ndjejmë se jetët tona janë karakterizuar nga faza të ndryshme. Rezulton se edhe truri kalon nëpër këto epoka”, tha një autor i studimit, Prof. Duncan Astle.

Vitamina C është një ushqyes i dobishëm dhe i domosdoshëm për organizmin, veçanërisht në këtë periudhë kur nisin virozat.

Vitamina C shkurton kohëzgjatjen e sëmundjes, forcon sistemin imunitar dhe shërben si antioksidant kundër radikaleve të lira.

Prania e saj është e rëndësishme në të mirë të sistemit imunitar, kundër sëmundjeve të zemrës, problemeve me shtatzaninë, sëmundjeve të syve dhe rrudhave të parakohshme.

Ajo mbështet rritjen normale të trupit, zhvillimin e tij dhe përthithjen e hekurit.

Organizmi i njeriut nuk mundet të prodhojë apo ruajë vitaminën C.

Kjo e bën marrjen e kësaj vitamine nga ushqimet, një nevojshmëri të madhe.

Sa ju nevojitet

Meshkujt: 90 miligramë në ditë

Femrat 75 miligramë në ditë, (përveç femrave shtatzënë dhe nënave që ushqejnë me gji)

Femrat shtatzënë: 85 miligramë në ditë

Nënat që ushqejnë me gji: 120 miligramë në ditë

Duhanpirësit: 35 miligramë më shumë se doza e rekomanduar më lart.

Sasia maksimale që njeriu mund të marrë nga kjo vitaminë është 2000 miligramë në ditë.

Ajo që është e rëndësishme që lexuesit të dinë, është se një regjim i shëndetshëm ushqimor ofron sasi të përshtatshme të vitaminës C.

Ushqimet më të pasura me Vitaminë C

Për shumë njerëz, një portokall, një racion me luleshtrydhe, speca të kuq apo brokoli, ofron një dozë të mjaftueshme të vitaminës C.

Specat janë burim shumë i mirë i vitaminës C. Duhet t’i përfshini në regjimin tuaj ushqimor.

1 gotë me lëng portokalli ofron 93 mg vitaminë C.

1 gotë me lëng qitro ofron 70 mg vitaminë C.

1 kivi ofron 64 mg vitaminë C.

Gjysëm racioni me brokoli ofron 51 mg vitaminë C.

Gjysëm racioni me luleshtrydhe ofron 49 mg vitaminë C.

Vitamina C dhe stresi

Stresi është i pashmangshëm gjatë ditës.

Ai nxitet nga një sërë faktorësh, ngjarjesh dhe mendimesh.

Mungesa e vitaminës C i shumëfishon këto faktorë nxitës të stresit, jo vetëm në frekuencë por edhe në përmasë.

Njerëzit që kanë mungesa të vitaminës C shpalosin sjellje të ngjashme me depresionin, ndihen më të lodhur dhe pa energji.

Probleme me dhëmbët

Vitamina C i mban dhëmbët dhe mishrat e tyre të shëndetshëm.

Mungesa e kësaj vitamine shkakton erozion dhe rënie të dhëmbëve.

Sistem të dobët imunitar

Mungesa e vitaminës C krijon një handikap në sistemin imunitar.

Jo vetëm që organizmi sëmuret shpesh, por edhe shërimi dhe rikuperimi është më i vështirë.

Një sistem i dobët imunitar e ka më të vështirë të mposhtë infeksionet dhe bakteret.

Plogështi

Anemia prek shumë njerëz.

Plogështia është një prej simptomave të saj që vjen si pasojë e niveleve të ulëta të hemoglobinës.

Mungesa e vitaminës C shkakton anemi dhe probleme me prodhimin e qelizave.

Shtim në peshë

Mungesa e vitaminës C rrit masën dhjamore në organizëm.

Kjo ndodh sepse trupi resht së përdoruri yndyrnat si burim energjie.

Në dekadat e kaluara, të linit fëmijët të luanin apo të flinin jashtë shtëpisë ishte një gjë normale. Por sot, edhe prindërit më të relaksuar po hezitojnë të lejojnë fëmijët të kalojnë natën jashtë.

Arsyet nuk janë thjesht frika e ekzagjeruar – ekspertët flasin për ndryshime në stilin e jetës dhe sigurinë. Trafiku më i madh, ndikimi i teknologjisë dhe risqet që nuk ishin prezente dikur bëjnë që prindërit të jenë më të kujdesshëm. Për më tepër, fëmijët vetë shpesh preferojnë të qëndrojnë në shtëpi, të lidhen me shoqërinë virtuale dhe të ndihen më komodë në ambientin familjar.

Ndërsa dikur liria e vogël ishte pjesë e zhvillimit të pavarësisë, sot kjo ndodh gradualisht, brenda limiteve të sigurisë që prindërit vendosin. Kjo nuk do të thotë se fëmijët nuk mësojnë autonomi – thjesht mënyra ka ndryshuar.

Në fund, çelësi është balanca: lejoni fëmijët të eksplorojnë dhe mësojnë nga përvojat jashtë shtëpisë, por gjithmonë duke ruajtur sigurinë dhe mbikëqyrjen e duhur.

Kur dimri troket në derë, palltot dhe shalli bëhen protagonisti i çdo look-u. Ky sezon vjen me modele elegante që nuk sakrifikojnë ngrohtësinë, duke ju lejuar të dukeni stilish pa u lodhur.

Palltot oversized ose me bel të theksuar janë një zgjedhje klasike, ndërsa ngjyrat neutrale si e zeza, kafeja dhe gri janë gjithmonë në modë. Për të shtuar një “twist” modern, stilistët sugjerojnë kombinimin me shalla voluminoze në ngjyrë kontrastuese ose me print unik.

Shalli nuk është thjesht aksesor – ai mund të transformojë çdo outfit. Një pallto e thjeshtë bëhet e veçantë kur kombinohet me një shall me ngjyrë të ndezur, print animalik ose teksturë të veçantë. Ky kombinim jo vetëm që duket bukur, por ju mban edhe të ngrohtë gjatë ditëve të ftohta.

Palltot me shall janë gjithmonë një zgjedhje fituese për dimrin: elegante, komode dhe gjithmonë në trend.