Category: Lajme

Shqetësimi u ngrit në Uashington pasi dronë me origjinë të panjohur u panë mbi një bazë ushtarake ku banojnë zyrtarë të lartë qeveritarë.

Prania e këtyre dronëve ka ngritur alarmin dhe ka çuar në rritjen e masave të sigurisë, ndërsa autoritetet përpiqen të sqarojnë origjinën e tyre.

Sipas një raporti të Washington Post , zyrtarët amerikanë kanë vëzhguar vazhdimisht dronë që fluturojnë mbi Fort McNair, një bazë ushtarake në Uashington ku ndodhen Sekretari i Shtetit Marco Rubio dhe Sekretari i Mbrojtjes Pete Hegseth. Origjina e dronëve mbetet e panjohur, gjë që ka alarmuar agjencitë përkatëse dhe ka çuar në rritjen e mbikëqyrjes së zonës.

Fort McNair, ku ndodhen Universiteti i Mbrojtjes Kombëtare dhe zyrtarët e lartë të Pentagonit, është një vendndodhje kritike sigurie. Edhe pse më parë nuk është përdorur për të strehuar udhëheqës politikë, disa zyrtarë të administratës Trump janë zhvendosur atje për shkak të shqetësimeve të shtuara për sigurinë e tyre. Shfaqja e përsëritur e dronëve natën gjatë dhjetë ditëve të fundit ka çuar në rritjen e masave të sigurisë dhe një takim në Shtëpinë e Bardhë për të përcaktuar përgjigjen.

Një zyrtar i lartë qeveritar konfirmoi nivelin e lartë të gatishmërisë, veçanërisht në dritën e sulmeve të fundit të SHBA-së dhe Izraelit ndaj Iranit, të cilat po krijojnë një mjedis të tensionuar sigurie. Ekspertët vërejnë se Fort McNair nuk ka të njëjtin nivel mbrojtjeje si instalimet e tjera ushtarake në rajon, gjë që shton shqetësimet në lidhje me sigurinë e zyrtarëve të lartë që banojnë atje.

Autoritetet amerikane vazhdojnë të hetojnë origjinën e dronëve dhe të forcojnë masat e mbikëqyrjes përreth Fort McNair.

Qytetarët e Kosovës po përballen me një rritje të ndjeshme të çmimeve të produkteve bazë në prag të festës së Bajramit.

Kjo situatë ka shkaktuar shqetësim të madh, pasi shumë familje kanë vështirësi për të përballuar shpenzimet e nevojshme.

Çmimet e ushqimeve, si mishi, mielli dhe produktet e tjera të domosdoshme, janë rritur dukshëm, duke rënduar ekonominë e qytetarëve dhe duke ulur fuqinë blerëse të familjeve.

Në shkurt të 2026-tes, inflacioni vjetor arriti rreth 6%, me një rritje mujore prej rreth 0.6%, duke shënuar nivelin më të lartë të rritjes së çmimeve që nga viti 2023.

Rritja e çmimeve ka ngritur shqetësime tek ekspertët e ekonomisë ku kanë paralajmëruar se disa biznese po shfrytëzojnë këtë periudhë festive për fitim, ndërsa institucionet e tregut duhet të ndërhyjnë për të parandaluar manipulimin e çmimeve.

Kreu i Shoqatës “Konsumatori”, Selatin Kaçaniku në një prononcim për “Front Online” ka folur lidhur me rritjen e çmimeve të produkteve esenciale në prag të festës së Bajramit, duke thënë se situata është shqetësuese dhe e përsëritur çdo vit.

“Në bazë të logjikës së ligjit themelor të ofertës dhe kërkesës të gjithë tregtarët janë të përgatitur për bajram dhe kanë ofertë të mjaftueshme dhe kur ka ofertë dhe kërkesë të mjaftueshme, çmimi duhet të jetë i balancuar jo i rritur. Nëse e kemi këtë dukuri të përsëritur që disa vite duhet të trajtohet këtë situatë”, u shpreh ai.

Ai shton se rritja e çmimeve në këtë periudhë nuk ka të bëjë me mungesën e ofertës, por me shfrytëzimin e momentit për fitim nga ana e disa tregtarëve.

“Për bajram duhet të jemi bashkë dhe të na bashkojë dhe çmimi, këtë momentum për ngritjen e çmimit po e shfrytëzojnë të gjithë. Nuk kemi as mekanizma as institucione që mund ta parandalojnë ngritjen e manipulimet e çmimeve”, deklaroi Kaçaniku.

Ish-ministri i Tregtisë dhe Industrisë, Ismet Mulaj ka kritikuar rritjen e çmimeve të produkteve gjatë festave në Kosovë, duke e cilësuar këtë si një praktikë të keqe që është krijuar gjatë viteve të fundit.

Sipas tij, në shumë vende të botës çmimet ulen në periudha festash, derisa në Kosovë ndodh e kundërta.

Mulaj ka kërkuar ndërhyrje nga institucionet përgjegjëse për mbikëqyrjen e çmimeve.

“Është praktikë e keqe që është krijuar viteve të fundit në Kosovë. Në shumë vende të ndryshme të botës çmimet ulën në rast të festave për shkak se rritët sasia e konsumit dhe tregtarët e bizneseve janë më të interesuar me shitë, në Kosovë ndodh e kundërta në rast të festave rritën çmimet dhe abuzohen me to. Bizneset e shfrytëzojnë këtë situatë. Inspektorati i Tregut është dashur ti kontrollojë këto dhe ti gjobitë”, ka thënë Mulaj për “Front Online”.

Drejtori i Dhomës së Tregtisë dhe Industrisë së Kosovës, Kushtrim Ahmeti ka folur për “Front Online” lidhur me rritjen e çmimeve në prag të festave.

Ai tha se zhvillimet e fundit në Lindjën e Mesme dhe rritja e çmimit të naftës kanë filluar të ndikojnë edhe sektorët e tjerë.

Ahmeti s’ka përjashtuar edhe mundësinë e abuzimeve me çmime në rast të festeve.

“Kemi një inspektorat të tregut që ka një numër të pamjaftueshëm të punëtorëve dhe nuk mund të përcjellin krejt zhvillimet çka ndodhin, kemi një komision të konkurrencës i cili nuk ka bord ende vetëm po shikon sikur spektator sesa që mundet të merr ndonjë veprim, këta duhet të ndikojnë që mos të abuzojmë me çmimet”, ka thënë Ahmeti.

Ai ka përmendur sfidat me të cilat përballen inspektoratet e tregut dhe mos ndikimin për ta parandaluar abuzimin me çmime.

“Kemi një inspektorat të tregut që ka një numër të pamjaftueshëm të punëtorëve dhe nuk mund të përcjellin krejt zhvillimet çka ndodhin, kemi një komision të konkurrencës i cili nuk ka bord ende vetëm po shikon sikur spektator sesa që mundet të merr ndonjë veprim, këta duhet të ndikojnë që mos të abuzojmë me çmimet”, deklaroi Ahmeti.

Sipas të dhënave zyrtare të ASK-së, gjatë disa muajve të vitit 2025 inflacioni vjetor në Kosovë ka qenë rreth 4–5 për qind. Në tetor 2025, çmimet e konsumit ishin mesatarisht 5.1% më të larta se në të njëjtin muaj të vitit 2024, ndërsa në nëntor rritja mesatare arriti rreth 5.3% krahasuar me një vit më parë.

Produktet që shtrenjtoheshin më së shumti gjatë vitit 2025, sipas Agjencisë së Statistikave të Kosovës, ishin:

Energjia elektrike: rreth 15–20% në disa periudha

Frutat: mbi 15–16%

Kafe, çaj dhe kakao: rreth 13–17%

Mishi: rreth 12–13%

Qumështi, djathi dhe vezët: mbi 7–10%.

Irani ka ekzekutuar tre protestues të dënuar për vrasjen e dy efektivëve të policisë gjatë protestave mbarëkombëtare kundër qeverisë në muajin janar, raportoi agjencia Reuters, duke cituar agjencinë gjyqësore iraniane të lajmeve Mizan.

Sipas autoriteteve gjyqësore, të dënuarit u shpallën fajtorë për vrasje si dhe për akuzën e “luftës kundër Zotit”, një term i përdorur në sistemin ligjor iranian për vepra të rënda kundër shtetit. Gjithashtu, ata u akuzuan se kishin vepruar në favor të Izraelit dhe Shteteve të Bashkuara.

Protestat nisën fillimisht si reagim ndaj gjendjes ekonomike në vend, por më pas u shndërruan në një lëvizje të gjerë kundër qeverisë iraniane.

Sipas Agjencisë së Aktivistëve të të Drejtave të Njeriut (HRANA), me bazë në SHBA, rreth 6,488 protestues janë vrarë gjatë këtyre protestave. Kjo shifër nuk përfshin 236 fëmijë, 76 persona që nuk merrnin pjesë në protesta dhe 207 anëtarë të forcave ushtarake dhe qeveritare që gjithashtu humbën jetën.

HRANA bëri të ditur se po vijon shqyrtimin e rreth 11,744 rasteve të tjera, pas ashpërsimit të ndërhyrjes nga forcat e sigurisë iraniane.

Influencuesja e njohur, Stefanie Pieper, dyshohet se u vra nga ish-i saj pas një grindjeje më 23 nëntor të vitit të kaluar, ndërsa trupi i saj u gjet i futur në një valixhe në një pyll pranë kufirit Austri-Slloveni.

Hetuesit thonë se Stefanie mund të ketë qenë gjallë kur u vendos brenda valixhes, megjithëse nuk është e qartë saktësisht koha e vdekjes.

Autopsia zbuloi mbytje dhe lëndime në fytyrë, të mundshme nga goditjet ose lëvizja brenda valixhes gjatë transportit.

I dyshuari, 31 vjeç, u arrestua në Slloveni dhe u ekstradua në Austri. Ai ka pranuar vrasjen dhe ka çuar policinë në vendin ku i hodhi trupin. Avokati i tij tha se klienti është i “thyer dhe penduar thellësisht” dhe pretendon se gjatë ngjarjes ishte nën ndikimin e drogës.

Hetuesit kishin përdorur dronë dhe qen nuhatës për të gjetur influencuesen, pasi ajo nuk u paraqit në punë dhe telefoni i saj u gjend i hedhur në një shkurre.

Ky emetim i veçantë i pullave postare i kushtohet alpinizmit kosovar dhe grave që, me guxim, përkushtim dhe arritje të jashtëzakonshme, kanë lartësuar emrin e Kosovës në arenën ndërkombëtare. Ai realizohet në kuadër të promovimit të pullave postare kushtuar alpinisteve Uta Ibrahimi dhe Mrika Nikqi.

Në këtë ceremoni, të mbajtur në prani të dy alpinisteve, u vlerësua kontributi i tyre i jashtëzakonshëm në përfaqësimin e Kosovës në arenën ndërkombëtare përmes arritjeve në alpinizëm dhe ngjitjeve në majat më të larta të botës.

Ministrja Rizvanolli përgëzoi Uta Ibrahimin dhe Mrika Nikqin për përkushtimin, qëndrueshmërinë dhe sukseset e tyre, duke theksuar rëndësinë e promovimit të figurave që, me punë dhe vendosmëri, e përfaqësojnë denjësisht Kosovën në botë.

Ministri Jagxhiu theksoi rëndësinë e inkurajimit të aktiviteteve në natyrë dhe të promovimit të modeleve frymëzuese për të rinjtë, duke vlerësuar se rrëfimet e suksesit të dy alpinisteve përbëjnë shembull të vyer për brezat e rinj.

Gjatë ceremonisë, Uta Ibrahimi dhe Mrika Nikqi ndanë përvojat e tyre nga ekspeditat malore, sfidat e përballuara dhe motivimin që u japin të rinjve për një jetë aktive, me disiplinë dhe afërsi me natyrën.Pullat postare ju dorëzuan alpinisteve nga Kryeshefja Ekzekutive e Postës së Kosovës, Nora Rraci, e cila theksoi se përfshirja e tyre në filatelinë e Kosovës përfaqëson një vlerësim institucional për arritjet e tyre dhe njëkohësisht shërben në promovimin e vendit, thuhet në njoftimin e Ministrisë së Ekonomisë.

Që nga e mërkure banorët e Kijevës do të kenë një qendër moderne të mjekësisë familjare.

Kjo është bërë e ditur nga ana e kryetarit të Komunës së Malishevës, Ekrem Kastrati.

Kastrati ka bërë të ditur se ky projekt është realizuar falë bashkëpunimit me organizatën “Qatar Charity”.

Postimi i plotë:

Sot një lajm i madh për Kijevën

Qendra e re e Mjekësisë Familjare ka përfunduar dhe ka filluar punën, duke ofruar kushte moderne dhe shërbime më cilësore për qytetarët.

Ky projekt është realizuar falë bashkëpunimit me miqtë tanë të organizatës “Qatar Charity”, ku pjesa më e madhe e investimit është mbuluar prej tyre, ndërsa edhe Komuna e Malishevës ka dhënë kontributin e saj.

Urime të gjithëve dhe vazhdojmë me projekte të tjera!

Komuna e Prishtinës ka shpallur “Shtëpinë-Shkollë” të familjes Hertica shtëpi muze, duke nderuar guximin dhe sakrificën e tyre.

Kështu ka bërë të ditur kryetari i Komunës së Prishtinës, Përparim Rama përmes një postimi në rrjetin social në Facebook.

“ Shtëpinë-Shkollë” të Herticëve, sot nuk e shpallëm vetëm shtëpi muze, por e nderuam një akt të jashtëzakonshëm guximi, sakrifice dhe dashurie për dijen dhe atdheun.

Në vitet më të vështira të historisë sonë, kur arsimi në gjuhën shqipe ishte i ndaluar dhe fëmijët tanë rrezikonin të mbeteshin pa të ardhme, familja e Mehmet Herticës hapi dyert e shtëpisë dhe e shndërroi atë në shkollë.

Ajo shtëpi nuk ishte më vetëm një strehë por ishte një dritë shprese, një vend rezistence dhe një simbol i qëndresës sonë si popull.

Përjetësisht mirënjohës

Policia ka shpallur në kërkim dilerin e drogës, Hajder Mukajt.

Në njoftim thuhet se ai dyshohet për kryerjen e veprave penale “Kultivim i bimës së hashashit, shkurres së kokainës ose bimëve të kanabisit” dhe “Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”.

“Bazuar në autorizimin e prokurorit të shtetit nga Prokuroria Themelore në Pejë, personi i dyshuar fotot e të cilit janë publikuar, shpallet në kërkim nga Policia e Kosovës, pasi që dyshohet për kryerjen e veprave penale ,,Kultivim i bimës së hashashit, shkurres së kokainës ose bimëve të kanabisit” nga neni 272 dhe ,, Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge” nga neni 267 i Kodit Penal të Republikës së Kosovës”, thuhet në njoftim.

Kryetari i Lidhjes Demokratike të Kosovës, Lumir Abdixhiku përmes një postimi në Facebook është shprehur se këtë parti, pranvera po e gjen të bashkuar.

Ai u shpreh se LDK-ja po kthehet e fortë, siç tha, si një shtëpi e madhe, përcjell Klankosova.tv.

“Këtë herë pranvera, po na gjenë bashkë. LDK po kthehet qysh e kemi dashtë – e bashkuar, e fortë, si një shtëpi e madhe”, ka shkruar Abdixhiku.