Category: Lajme

Sekretari amerikan i Luftës, Pete Hegseth, deklaroi se do t’u lejojë pjesëtarëve të shërbimit të mbajnë armë personale në bazat ushtarake, duke iu referuar Amendamentit të Dytë dhe të shtënave të fundit në baza në mbarë vendin.

Në një video të publikuar në platformën X, Hegseth tha se po nënshkruan një memorandum që do t’i urdhërojë komandantët e bazave të miratojnë kërkesat e ushtarëve për mbajtjen e armëve private “duke supozuar se ato janë të nevojshme për vetëmbrojtje”.

Ai theksoi se çdo refuzim i kërkesave të pjesëtarëve të shërbimit duhet të arsyetohet në mënyrë të detajuar dhe me shkrim.

“Në praktikë, bazat tona në të gjithë vendin kanë qenë zona pa armë. Përveç nëse ishit në trajnim ose pjesë e policisë ushtarake, nuk mund të mbanit apo të sillnit armën tuaj personale për vetëmbrojtje në bazë”, tha ministri.

Pyetjet pse pjesëtarët e forcave të armatosura nuk kanë qasje në armë shpesh janë ngritur pas të shtënave në bazat ushtarake në të gjithë SHBA-në. Këto incidente kanë ndryshuar nga përplasje të izoluara mes ushtarëve deri te sulme masive, si ai i vitit 2009 në Fort Hood në Teksas, ku një psikiatër i ushtrisë vrau 13 persona.

Our military installations have been turned into gun-free zones—leaving our service members vulnerable and exposed.

That ends today. pic.twitter.com/IQ204YepZ0

— Secretary of War Pete Hegseth (@SecWar) April 2, 2026

Deputeti i Partisë Demokratike e Kosovës, Bedri Hamza i reagoi sërish ministrit të Financave, Hekuran Murati pasi ky i fundit i tha se rritja ekonomike ishte e ulët gjatë kohës sa Hamza ishte ministër.

Hamza tha se Murati është pjesë e shkeljeve kushtetuese.

“Po i marrim mesatare ku jeni ju edhe ku jemi ne, dalim baras. I thashë disa gjëra që niveli i rritjes ekonomike është si rezultat i mosfunksionimit të Kuvendit, edhe i bllokimit të institucioneve. Po faktori dhe përgjegjësi jeni ju. Ju keni dorë në shkelje kushtetuese, dhjetëra e dhjetëra herë me veprimet e juaja që s’keni lejuar me funksionuar institucionet edhe me ecur me ecur tutje. Unë asnjëherë nuk i mohoj ato çka kanë ndodhur, as rritja e pagave, as shtesat për çdo kategori që i kemi bërë. Mirëpo, shpërndarja e parave duhet me qenë e targetuar në kategori, që ata i nxjerr prej rasteve sociale dhe mos me vazhduar me qenë në raste sociale. Dhe mbështetja duhet të jetë me ligj dhe transparente“, tha Hamza.

Shefi i grupit parlamentar nga Aleanca për Ardhmërinë e Kosovës, Besnik Tahiri në seancën e jashtëzakonshme derisa foli për çmimet e derivateve, tha se qeveria ka pasur përgjegjësi joserioze.

Tahiri tha se qeveria në raste krizash fillon viktimizimin.

“Sot jemi në këtë seancë që është bukur me një temë të rëndësishme, të cilën e kemi ngritur ne si opozitë, ndërsa rezolutën e ka propozuar Lidhja Demokratike e Kosovës. Në fakt nuk po flasim vetëm për çmimin e naftës. Qoftë se e lexojmë me kujdes temën e kësaj seance, këtu flasim për çmimin e naftës, flasim për reagimin e qeverisë ndaj një krize dhe mbi të gjitha për barrën e madhe që qytetarëve të Kosovës i ka ra nga një krizë dhe nga një ngritje bukur serioze, jo vetëm të çmimeve të naftës e të energjisë, mirëpo të të gjitha produkteve bazë që i japin kuptim jetës së secilës familje në Republikën e Kosovës.

Pra sot nuk po flasim vetëm për rritjen e çmimit të naftës. Sot, ndërsa ne po përballemi me një sfidë globale, realisht në këtë kuvend po e rikthejmë një problem serioz të brendshëm, që lidhet drejtpërdrejt me kulturën e një papërgjegjësie serioze të kësaj qeverie. Pse? Për vite me radhë kemi parë se sa herë që ky vend përballet me kriza, kjo qeveri në vend se të ofrojë zgjidhje, të ulet, të diskutojmë brenda mundësitë reale, kërkon mundësi diqysh me kriju njëfarë përfitimi, me u viktimizu brenda kabinetit të vet“, u shpreh Tahiri.

Tahiri tha se kriza me të cilën po përballet Kosova është barrë për qytetarët.

“Duhet me thanë hapur se krizën të cilën sot e kemi në Kosovë, kjo krizë është barra më e madhe për qytetarët e Kosovës dhe se kjo krizë, në njëfarë forme, u kthye në një mundësi prapë të lojës së numrave, gjëja se për zhvillim ekonomik. Pse po e them këtë? Po trajtoj pak reagimin e Aleancës për Ardhmërinë e Kosovës, unë përfaqësoj këtë subjekt politik, dhe tetë ditë më parë, me datën 23 mars, i kam dërguar një letër ministres përgjegjëse, zonjës Kusari-Lila, dhe ministrit të Financave, duke i elaboruar katër masa që janë bukur të rëndësishme mendoj dhe që janë reale dhe që nuk e prekin në esencë atë që po thuhet se dëmtohet shteti i Kosovës, aspekti i të hyrave. Kosova e ka akcizën 35 cent. Sot, çështja më e vogël që kisha pritë, reagimi më i vogël që kisha pritë prej kësaj qeverie, prej këtij kryeministri, është me ardhë me një amandament, qysh po kërkojnë me bë përjashtim për ligje të caktuara, me bë përjashtim dhe me votu një amandament ku akcizën e zvogëlojmë, ose e largojmë tërësisht, këtë kishim mujtë me e diskutu derisa kriza të përballet“, tha Tahiri.

Ai gjithashtu shpjegoi se pse duhet ulur TVSH-në.

“Çështja e dytë lidhet me aspektin e dytë që ne kemi trajtuar në kërkesën tonë, në letrën drejtuar qeverisë, është me TVSH-në. Të nderuar qytetarë të Kosovës, për një litër naftë, qeveria e Kosovës i merr 18%. Në planifikimin buxhetor të këtij viti, për shkak të rritjes së çmimit, edhe në qoftë se ish zvogëlua për 50% TVSH-ja për naftë, prapë të hyrat do të ishin qysh janë planifiku, për shkak se u rrit çmimi. A po e kuptoni se asnjë efekt nuk do të kishte në buxhetin e Kosovës zvogëlimi për 50% për shkak se është rritë çmimi i naftës, dhe ai çmim po e bën që shteti është duke i marrë diku rreth 65 cent për litër“, thotë ai.

Ministri i Financave, Hekuran Murati i ka reaguar Bedri Hamzës, pasi ky i fundit ia përmendi raportin e Fondit Monetar Ndërkombëtar.

Murati gjithashtu pati akuza ndaj Hamzës për udhëheqjen e ministrisë gjatë vitit 2018, raporton Ekonomia Online.

Murati në foltoren e Kuvendit tha se rritja ekonomike ka qenë për shkak të ngërzit politik në vendin 2025.

“Sa i përket raportit të FMN-së. I nderuar zotëri Hamza, po, është e vërtetë që vitin e kaluar rritja ekonomike është përllogaritur të jetë 3.6%.

Por kjo, edhe sipas raportit të konfirmuar, është për shkak të mosfunksionimit të plotë të institucioneve. Siç e dini, pra vitin e kaluar, gjatë gjithë vitit, Kuvendi i Republikës së Kosovës nuk ka qenë në funksion efektiv dhe ka pamundësuar shumë prej reformave, e madje edhe miratimin e shumë prej marrëveshjeve ndërkombëtare që do t’i jepnin impuls shtesë ekonomisë së vendit. Sa për krahasim, në vitin 2018 kur ju keni qenë ministër i Financave pa asnjë krizë, me parlament funksional, me qeveri funksionale rritja ekonomike ka qenë veç 3.4%. Pra, më e ulët sesa ne që e kemi pasur kur ka pasur kuvend jofunksional. Sa i përket pagave, u tha që nuk janë rritur. E pavërtetë gjithashtu. Pra, në sektorin publik pagat janë rritur 45%, duke mos llogaritur këtu edhe pagën e 13-të që sapo është dhënë. Ndërkaq paga minimale, nga niveli 170 euro që e kemi gjetur, aktualisht është 264 euro dhe në korrik të këtij viti bëhet 500 euro. Pra, trefishim gati i pagës minimale në sektorin privat“, tha Murati.

Ministri i Shëndetësisë, Arben Vitia ka deklaruar se mos pagesa e kujdestarive për profesionistët shëndetësorë ka ndodhur për shkak të mos votimit të buxhetit të këtij viti me kohë, megjithatë tha se në muajt në vijim në mënyrë retroaktive do të paguhen të gjitha ato mjete që u kanë mbetur borxh atyre.

Këto komente i pari i Shëndetësisë i bëri në konferencën për medie pas mbledhjes së Qeverisë së Kosovë ku u miratua projektligji për Sigurimin e Detyrueshëm të Kujdesit Shëndetësor.

“Në muajt në vijim në mënyrë retroaktive do të paguhen edhe të gjitha ato që iu kemi mbetur borxh por pa fajin tonë edhe gjatë këtyre muajve të fillimvitit”, tha ai.

Për mos ekzekutimin e pagës së 13-të për specializantët të cilët kontratën e kanë pasur deri në janar të këtij viti, ministri i Shëndetësisë, Arben Vitia tha se nuk ka informacione për momentin.

Ndërsa, kur u pyet se kur mund të ketë sigurime shëndetësore të aplikueshme, Vitia deklaroi se nuk bëjnë premtime boshe, por që deri në korrik të këtij viti të gjitha institucionet shëndetësore do të pajisen me infrastrukturën e Sistemit Informativ Shëndetësor, si parakusht për funksionalizim të Fondit për Sigurime Shëndetësore.

Mos i humb
Një veturë e FSK-së përfshihet në një aksident trafiku në kryeqytet (Foto)
“Ndryshoi jetën time”, ushtari i KFOR-it kujton momentin e hyrjes në Kosovë 25 vjet më parë
“I ke 30 minuta… Koha po kalon, kanë mbetur dhe 28 minuta”/ Kush është komandanti gjerman, që i dëboi nga Prizreni ushtarët serbë?
Shoferi i dehur gjobitet 2 herë, brenda pak minutash, për tejkalim shpejtësie
Hajdari: Roli i Avokatit të Popullit të mos involvohet në procedura gjyqësore
AKB: Rreth 40 për qind të bizneseve s’e përdorin arkën fiskale në mënyrën e duhur
1
2

Të fundit nga Lajme
13:02 / E Premte, 03 PrillBegolli thotë se është arritur një rekord i ri në Kadastrën e Prishtinës13:02 / E Premte, 03 PrillMurati i përgjigjet Hamzës: Rritja ekonomike më 2025 për shkak të ngërçit politik, jo dështimeve të qeverisë12:55 / E Premte, 03 PrillTahiri për rritjen e çmimeve të naftës: Qeveria me përgjegjësi joserioze, qytetarët po mbajnë barrën e krizës12:52 / E Premte, 03 PrillHoti: Qeveria po vonon me masat për çmimet e larta të derivateve12:50 / E Premte, 03 Prill​Rritja e çmimeve, Kusari-Lila: Do të caktohet marzha e fitimit mbi të cilat nuk guxon të tregtohet12:39 / E Premte, 03 PrillLDK prezanton Rezolutën për uljen e çmimeve të karburanteve

Deputeti i Lidhjes Demokratike të Kosovës, Avdullah Hoti, në seancën e Kuvendit të Kosovës, e thirrur sot për të diskutuar mbi çështjen e çmimit të derivateve, ka paralajmëruar se nga analizat deri më tani, del se kjo krizë do të rezultojë me çmime më të larta.

Pasojat do të shihen më tutje, prandaj Hoti bëri thirrje që rezoluta e propozuar nga kjo parti për uljen e çmimit të naftës, të votohet, raporton Klankosova.tv

“Pa asnjë dyshim, presim dhe janë analizat e bazuara, që kjo krizë do të rezultojë me çmime më të larta që do stabilizohen në nivele më të larta dhe normalisht me rritje ekonomike më të ulët. Si rezultat të gjitha ekonomitë po i bëjnë përgatitjet e duhura me masat më emergjente qe duhet të ndërmerren në situata të tilla. Pasojat po i shohim gjerësisht.”

Sipas Hotit, vetëm dje dhe pardje, çmimi është rritur për 14%, raporton Klankosova.tv

“Mes datës 2 dhe 3 prill, çmimi i naftës është rritë me 14%, çmimi i furnizimit në burim, me 14%.”.

Lidhja Demokratike e Kosovës (LDK) përmes një rezolute në Kuvend ka kërkuar uljen e akcizës dhe TVSH-së për naftën, si dhe subvencionim të naftës për sektorët më të ndjeshëm, duke paralajmëruar se rritja e vazhdueshme e çmimit të naftës po rrezikon të thellojë krizën ekonomike dhe sociale në vend.

Deputetja e Lëvizjes Vetëvendosje, Rozeta Hajdari, ka kundërshtuar kërkesën e Lidhjes Demokratike të Kosovës për uljen e akcizës dhe TVSH-së për naftën, duke e cilësuar këtë propozim si ekonomikisht të papërgjegjshëm dhe politikisht populist.

“Po propozohet pra ulja e përkohshme e TVSH-së ose akcizës, subvencionimi i sektorëve më të ndjeshëm përfshirë bujqësinë dhe prodhimin, si dhe mbështetje për transportin publik dhe më shumë, por pa asnjë plan se si do të kompensohen ato. Le ta themi qartë: kjo mund të tingëllojë mirë për ju në aspektin partiak, ju deputetë të opozitës, por është ekonomikisht e papërgjegjshme dhe politikisht populiste. Këto të hyra publike nuk janë abstrakte. Këto të hyra nga buxheti i shtetit janë paga për mësuesit, për mjekët, investime në infrastrukturë, mbështetje për familjet dhe për bizneset.

Seanca e jashtëzakonshme e Kuvendit është duke vazhduar.

Pas reshjeve të fundit të borës, të shoqëruara me erëra të forta, është rritur ndjeshëm rreziku për ortekë në zonat malore të vendit.

Shoqata e Kërkim-Shpëtimit Malor të Kosovës (ShKShMK) u ka bërë thirrje qytetarëve, skitarëve dhe bjeshkatarëve që të tregojnë kujdes të shtuar gjatë planifikimit dhe zhvillimit të aktiviteteve në natyrë.

Sipas njoftimit, rekomandohet që të shmangen aktivitetet e skijimit jashtë pistave të rregulluara, pasi rreziku për rrëshqitje të borës është i lartë në terrene të pa kontrolluara.

Po ashtu, bjeshkatarët këshillohen të mos lëvizin në faqe malore me pjerrësi 30° deri në 45°, zona këto që konsiderohen më të rrezikuara për formimin e ortekëve.

Apeli përfshin edhe shmangien e ecjeve pranë kreshtave ku krijohen strehë bore, si dhe evitimin e lëvizjes nëpër lugina që mund të jenë në trajektoren e ortekëve.

Autoritetet bëjnë thirrje që për çdo situatë emergjente qytetarët të kontaktojnë numrin kujdestar të ShKShMK: +383 49 840 228.

Kryetarja e Grupit Parlamentar të LDK-së, Jehona Lushaku-Sadriu në seancën e jashtëzakonshme për naftën, tha se rritja e vazhdueshme e çmimit të këtij produkti, nuk është vetëm një lëvizje në treg, por baza e një krize ekonomike dhe sociale me ndikim në familjet kosovare.

“Duke pasur parasysh se edhe para rritjes se çmimit të naftës, vendi përballej me një numër të lartë të inflacionit prej 6%, mbi këtë rritja e çmimit të naftës përkthehet automatikisht në rritje e tutje të të gjitha produkteve bazike”, ka thënë Lushaku-Sadriu.

Deputetja e LDK-së tha se institucionet e Republikës së Kosovës deri më tani nuk kanë ndërmarr asnjë masë për të mbrojtur qytetarët.

Ajo prezantoi edhe Rezolutën e propozuar nga LDK-ja, dhe e përkrahur nga partitë e tjera opozitare, e cila përmban këto pika:

Kuvendi kërkon nga Qeveria uljen e përkohshme të akcizës. Qeveria duhet të aplikojë menjëherë ulje të akcizës nga 36 cent në litër në 20 cent në litër, me afat të përkohshëm deri në stabilizimin e çmimeve në bursa ndërkombëtareKuvendi kërkon nga Qeveria ulje të përkohshme të TVSH në karburante, duke qenë se v18% është ad volarem, dmth rritet bashkë me çmimin, qytetarët paguajnë më shumë taksë sesa rritet çmimi. Qeveria duhet të ulë TVSh për naftë nga 18% në 8% deri në stabilizimin e çmimeveKuvendi kërkon nga Qeveria subvencionim të çmimit të naftës për sektorët më të ndjeshëm. Qeveria urgjentisht të gjeje forma për të subvencionuar çmimin e naftës për bujqit, bujqësinë, transportin publik dhe prodhuesit vendorë.

“Kjo Rezolutë hyn në fuqi menjëherë pas miratimit në Kuvend”, tha Sadriu-Lushaku.

Kreu i PDK-së, Bedri Hamza, në seancën e sotme të Kuvendit të Kosovës, ka thënë se inflacioni në Kosovë po vazhdon dhe rritja ekonomike është nën 4%.

Hamza ka thënë se kërkohet më shumë targetim i skemave sociale, jo vetëm për t’iu dhënë para në kërkim të votës, por për t’i targetuar ato kategori për t’i nxjerrë nga gjendja.

“Inflacioni vazhdon, norma e rritjes ekonomike nën 4 %. Ndryshimet në strukturën e shpenzimeve e kanë përkeqësuar strukturën, në dëm të parasë publike. Janë shpërnda para, ku kërkohet më shumë targetim i skemave sociale. Jo vetëm me dhënë para për me kërkuar votë, por me i targetu kategoritë që me i nxjerrë prej asaj gjendje”, ka thënë Hamza.

Hamza ka thënë se Qeveria Kurti nuk është kujdesuar për zhvillim ekonomik e përmirësim të standardit të jetesës, por vetëm për blerje të votës përmes parasë publike.

Kreu i PDK’së ka thënë e kategoritë sociale duhet të përkrahen, por me ligj.

Hamza tha se Qeveria nuk është duke i lexuar as zhvillimet dhe indikatorët makroekonomikë dhe financiarë.

“Kemi raportin e fundit të FMN-së, i cili nuk thotë diçka më tepër se ato që i kemi thënë ne. Rritja ekonomike, për vitin 2025, vlerësohet se është 3.6, që është më e ulëta me vitet e fundit. Për më keq, parashikimet janë edhe më të zbehta, ku për vitin 2026 parashihet rritje ekonomike prej 3.3 për qind”.

“Inflacioni, për me thënë në gjuhën popullore, rritja e çmimeve dhe përkeqësimi i standardit të jetesës së qytetarëve të Kosovës, varfërimi i qytetarëve, në shkurt të këtij viti në krahasim me shkurtin e vitit paraprak, është 6%. Prandaj, ne e përkrahim çdo masë e cila shkon në drejtim të përmirësimit të standardeve të qytetarëve të Kosovës”, u shpreh deputeti i PDK-së.