Category: Lajme

Gjykata e Apelit e Kosovës ka vërtetuar vendimin e Gjykatës Themelore për burgim të përjetshëm ndaj vëllezërve Jeton dhe Nexhat Vllasaliu për vrasjen makabre të biznesmenit Bedri Rexhepi. Në vendimin e së premtes, Apeli i ka refuzuar si të pabazuara pretendimet e të dënuarve për zbutje të dënimit.

Sipas aktakuzës, gjatë periudhës 9 janar 2021 – 8 prill 2021, vëllezërit Vllasaliu kishin planifikuar për ta vrarë Rexhepin me qëllim të përfitimit të pasurisë. Viktima ishte vënë në lajthitje nga vëllezërit, të cilët i kishin ofruar për shitje dy vetura në vlerë prej 30 mijë eurosh.

Më 8 prill 2021, Rexhepi kishte shkuar në shtëpinë e njërit prej të pandehurve. Sipas aktakuzës, Jetoni duke e ngufatur e ka mbytur Rexhepin, duke menduar se do të merrte shumën e të hollave prej 30 mijë eurosh. Mirëpo, te viktima u gjetën vetëm 8 mijë euro. Vëllezërit i ndanë mjetet dhe më pas e dërguan kufomën në katin e tretë të shtëpisë, duke provuar t’i fshijnë provat dhe duke e varrosur.

Në aktakuzë thuhej se Nexhat Vllasaliu kishte dërguar veturën e të ndjerit Rexhepi në arat e fshatit Shushicë të Graçanicës, duke u koordinuar vazhdimisht me Jetonin për këto veprime.

Pas më shumë se një viti nga vrasja, mbetjet mortore të Rexhepit u gjetën më 30 shtator 2022 në vendin e quajtur Mali i Madh në Vllasali të Novobërdës.

“Sa i përket pretendimeve ankimore lidhur me shkeljen e ligjit penal, Gjykata e Apelit vlerëson se shkalla e parë në mënyrë të plotë dhe të drejtë ka vërtetuar ekzistimin e secilës vepër penale, pasi që ka vlerësuar të gjitha provat sikurse ato personale e po ashtu edhe ato materiale, andaj kolegji gjykues vlerëson se gjykata e shkallës së parë në mënyrë të drejtë dhe të plotë ka vërtetuar gjendjen faktike kur të akuzuarit i ka shpallur fajtor , pasi që nuk ekzistojnë rrethana që e përjashtojnë përgjegjësinë penale dhe ndjekjen penale nga të akuzuarit.”, thuhet në njoftim.

“Duke i vlerësuar të gjitha rrethanat e përshkruara si në këtë aktgjykim, kolegji gjykues është i bindur se me dënimin e shqiptuar me burgim të përjetshëm do të arrihet efekti dhe qëllimi i tij, që të parandalojë kryerësit nga kryerja e veprave penale në të ardhmen dhe të bëjë rehabilitimin e tij, të parandalojë personat e tjerë nga kryerja e veprave penale, të bëjë kompensimin e viktimave ose të komunitetit për humbjet ose dëmet e shkaktuara dhe të shprehë gjykimin shoqëror për veprën penale, ngritjen e moralit dhe forcimin e detyrimit për respektimin e ligjit”, thuhet tutje.

Gjykata e Apelit e Kosovës ka lënë në fuqi dënimin me burgim të përjetshëm për dy vëllezërit Jeton dhe Nexhat Vllasaliu, të cilët u shpallën fajtorë për vrasjen makabre të biznesmenit Bedri Rexhepi dhe për dëmtim të varreve. Vendimi i Apelit refuzoi të gjitha ankesat e mbrojtësve të të akuzuarve, duke konfirmuar aktgjykimin e Gjykatës Themelore në Prishtinë, PKR.nr.533/2022, të datës 28 maj 2025.

Kolegji i Apelit ka vlerësuar se gjykata e shkallës së parë ka paraqitur arsye të qarta dhe të plota duke dhënë arsye të duhura se cilat fakte konsiderohen të vërtetuara në këtë çështje penale, përkitazi me veprat penale të cilat i vihen në barrë të akuzuarve, e po ashtu ka paraqitur saktësinë e provave nga shkresat e lëndës, ka dhënë arsye të qarta për vendin, kohën, mënyrën e kryerjes së veprës penale, mënyrën se si ka ardhur deri të kryerja e kësaj vepre penale të cilat janë vërtetuar nga provat personale dhe ato materiale.

Sipas vendimit të Apelit dënimi me burgim të përjetshëm do të parandalojë personat tjerë nga kryerja e veprave penale dhe do të shpreh gjykimin shoqëror për veprën penale.

“Sa i përket pretendimeve ankimore lidhur me shkeljen e ligjit penal, Gjykata e Apelit vlerëson se shkalla e parë në mënyrë të plotë dhe të drejtë ka vërtetuar ekzistimin e secilës vepër penale, pasi që ka vlerësuar të gjitha provat sikurse ato personale e po ashtu edhe ato materiale, andaj kolegji gjykues vlerëson se gjykata e shkallës së parë në mënyrë të drejtë dhe të plotë ka vërtetuar gjendjen faktike kur të akuzuarit i ka shpallur fajtor , pasi që nuk ekzistojnë rrethana që e përjashtojnë përgjegjësinë penale dhe ndjekjen penale nga të akuzuarit.”, thuhet në njoftim.

“Duke i vlerësuar të gjitha rrethanat e përshkruara si në këtë aktgjykim, kolegji gjykues është i bindur se me dënimin e shqiptuar me burgim të përjetshëm do të arrihet efekti dhe qëllimi i tij, që të parandalojë kryerësit nga kryerja e veprave penale në të ardhmen dhe të bëjë rehabilitimin e tij, të parandalojë personat e tjerë nga kryerja e veprave penale, të bëjë kompensimin e viktimave ose të komunitetit për humbjet ose dëmet e shkaktuara dhe të shprehë gjykimin shoqëror për veprën penale, ngritjen e moralit dhe forcimin e detyrimit për respektimin e ligjit”, thuhet tutje.

Jeton e Nexhat Vllasaliu akuzoheshin nga Prokuroria Themelore në Prishtinë për veprën penale Vrasje e rëndë në bashkëkryerje dhe Dëmtimi i varreve apo kufomave.

Sipas Ministrisë izraelite të Shëndetësisë, gjatë 24 orëve të fundit 148 persona janë dërguar në spital si pasojë e luftës me Iranin.

Kjo e çon numrin total të të shtruarve në spital që nga fillimi i konfliktit në 6594, me 124 persona që aktualisht po marrin trajtim, shkruan skynews.

Ministria nuk jep një ndarje të shkaqeve të plagëve, kështu që disa nga të shtruarit mund të jenë trajtuar për lëndime të pësuara gjatë përpjekjes për të arritur një strehë, dhe jo si pasojë direkte e zjarrit të raketave.

Gjatë natës pati disa goditje në Izraelin qendror pasi Irani lëshoi një predhë me klaster.

Shërbimet emergjente u dërguan në 10 vende goditjeje, me dëme të raportuara në shtëpi, rrugë dhe vetura të parkuara, por pa të plagosur.

Ndryshe, SHBA-ja Izraeli kanë nisur javë më pare një fushatë ajrore ndaj Iranit, pasi kjo e fundit dyshohet se është afër krijimit të bombës bërthamore.

Prokuroria Themelore në Prizren, Departamenti i Krimeve të Rënda, ka ngritur aktakuzë kundër E.R., dhe H.K., të cilët gjenden nën masën e paraburgimit dhe F.H., i cili gjendet në arrati, për shkak të dyshimit të bazuar se kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

“Sipas aktakuzës, më datë 11.08.2025, rreth orës 21:21min, Prizren, në një objekt prapa një qendre tregtare, të pandehurit F.H., dhe E.R., duke vepruar në bashkëkryerje dhe pa autorizim, kanë transportuar dhe shpërndarë substancë narkotike të llojit kokainë në sasi prej 3.3 kilogramësh. Të njëjtit, pas komunikimit paraprak me të pandehurin H.K., lidhur me vendin e takimit, kanë arritur në lokacion me automjet dhe kanë realizuar dorëzimin e narkotikëve, duke pranuar në këmbim një automjet të tipit “VW Golf VIII”. Pas dorëzimit të narkotikëve, i pandehuri F.H., largohet me automjetin e tij “VW Arteon” me targa belge, ndërsa e pandehura E.R., e drejton automjetin e marrë në këmbim, duke e parkuar atë para banesës së saj në Prishtinë, ku i njëjti është sekuestruar nga policia”, thuhet në njoftim.

Tutje bëhet e ditur se ndërsa, automjeti i F.H., u ndalua me datë 16.08.2025 nga Policia në pikën kufitare “Hani i Elezit”, ku brenda tij u gjet edhe e pandehura E.R., si pasagjere.

“Ndërkaq, H.K., pa autorizim posedon substanca të llojit kokainë për shpërndarje dhe shitje. Gjatë bastisjes në banesën e tij në Prizren, u sekuestruan substanca narkotike me peshë totale prej 4.436 kg kokainë të destinuara për shitje, si dhe mjete dhe pajisje për paketim, qese, role foli, peshore digjitale, kartela dhe para të dyshuara si të përfituara nga aktiviteti kriminal. Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprën penale”, thuhet në njoftim.

Ministria e Infrastrukturës gjatë natës së mbrëmshme, në aksin rrugor Gjilan – Stanqiq është evidentuar erodim i dheut, ndërsa në aksin Pejë – Rugovë ka pasur bllokim të rrugës nga rrëshqitja e gurëve, duke paraqitur rrezik për qarkullimin.

Sipas një njoftimi për media thuhet se ekipet e mirëmbajtjes kanë reaguar menjëherë dhe kanë dalë në terren për menaxhimin e situatës dhe sigurimin e segmenteve të prekura.

“Në aksin Pejë – Rugovë, për gurin me përmasa të mëdha është konfirmuar evitimi i rrezikut, dhe hapja e njërës korsi, ndërsa segmentet janë të sinjalizuara dhe nën monitorim të vazhdueshëm”, thuhet në njoftim.

Tutje bëhet e ditur se qarkullimi po zhvillohet me kujdes të shtuar, ndërsa ekipet e tyre janë në terren duke punuar intensivisht për sanimin e plotë të situatës.

Ministria e Infrastrukturës dhe Transportit mbetet e angazhuar për reagim të shpejtë dhe garantimin e sigurisë në të gjitha segmentet rrugore.

Një sulm me dron në Iranin jugor goditi një depo që mbante kontejnerë ndihmash dhe automjete emergjence, tha të premten një zëdhënës i Federatës Ndërkombëtare të Shoqatave të Kryqit të Kuq dhe Gjysmëhënës së Kuqe.

Sulmi në provincën jugore të Bushehrit herët të premten shkatërroi dy kontejnerë, dy autobusë dhe një numër të papërcaktuar automjetesh emergjente, tha zëdhënësja. Ajo nuk ia atribuoi fajin askujt dhe Reuters nuk mundi të përcaktonte menjëherë përgjegjësinë.

FNKK është i vetmi grup humanitar që punon në të gjithë vendin dhe ka 100,000 ndihmës. Tre prej tyre janë vrarë që kur filluan sulmet amerikane-izraelite në vend më 28 shkurt.

Kreu i delegacionit të saj në Iran i tha Reuters të enjten se nevojat mjekësore po rriteshin në mënyrë eksponenciale dhe furnizimet mund të pakësoheshin.

Seanca e Kuvendit të Kosovës u ndërpre për një orë, ndërsa ishte në diskutim Propozim-Rezoluta mbi rritjen e çmimeve të naftës, mungesën e ndërhyrjes së Qeverisë dhe ndikimin në koston e jetesës dhe stabilitetin ekonomik.

Në këtë seancë, ishte vetëm një pikë e rendit të ditës:

Shqyrtimi i Propozim-Rezolutës për rritjen e çmimeve të naftës, mungesën e ndërhyrjes së Qeverisë dhe ndikimin e drejtpërdrejtë në koston e jetesës, si dhe stabilitetin ekonomik të vendit.

Ministri i Shëndetësisë, Arben Vitia i ka reaguar deputetes së LDK-së, Hykmete Bajrami duke i thënë se shumica e milionerëve janë bërë në kohën e LDK-së.

Ai, iu drejtua Bajramit duke i thënë se vetëm po propagandoni dhe se nuk jeni aspak korrekte.

“Pastaj po ato që i tha deputetja Bajrami janë komplet të pavërteta. E para, shumica e barnave me këtë çmim, me këtë ligj, kanë pësuar ulje në çmim. E dyta, ky është një ligj që asnjë nga qeveritë e tjera nuk ka pasur guximin për ta bërë, dhe vetëm kjo qeveri ka pasur guximin për ta bërë. Këtu i falënderoj edhe deputetët e opozitës që së paku na kanë qëndruar mbrapa, që kanë votuar për këtë çështje. Kurse sa i përket milionerëve, deputetja Bajrami i ka përmendur disa herë pa asnjë arsye apo ndoshta ka edhe ndonjë arsye, sepse shumica e këtyre milionerëve, e këtyre kompanive janë bërë në kohën e LDK-së dhe janë përkrahës të LDK-së, zonja Bajrami”

“Kështu që është shumë e rëndësishme si po i lidhni këta milionerë direkt apo indirekt. Besoj që kishte dashur me dhënë edhe një sqarim kur flet për këta milionerë sepse asnjë nga këta milionerë, siç thuash ti, kompani farmaceutike, shihet se kur janë krijuar këto kompani. Shihet! Prandaj ju kisha lutur për korrektësi, së paku në atë që ju propagandon se sa korrektë jeni, sepse me këtë tregoni që absolutisht nuk ka tro korrektësie në deklarimet tuaja, zonja Bajrami“, tha Vitia.