Një rast i zhdukjes së dy të miturve është raportuar të enjten rreth orës 11:00 në rrugën “Arsim Bega”, në Ferizaj.
Sipas Policisë, ankuesi mashkull kosovar ka njoftuar se motra dhe vëllai i tij, të mitur, janë larguar nga shtëpia dhe nuk dihet për vendndodhjen e tyre.
Rasti është iniciuar dhe po hetohet nga organet kompetente.
Kontratat njëburimore përbëjnë një nga mekanizmat më të diskutueshëm në fushën e prokurimit publik.
Këto kontrata lejojnë që institucionet shtetërore të lidhin marrëveshje direkte me një operator të vetëm ekonomik, pa zhvilluar procedura të hapura konkurruese.
Për kontratat njëburimore ka ngritur shqetësime deputeti i Partisë Demokratike të Kosovës, Arben Mustafa.
Mustafa për Ekonomia Online thotë se këto kontrata po jepen jashtë procedurave të rregullta të prokurimit publik.
Ai tha se kjo çështje është diskutuar edhe në mbledhjen e fundit të Komisionit për Mbikëqyrjen e Financave Publike, ku është kërkuar sqarim nga Auditorja e Përgjithshme, pasi problematika nuk është trajtuar në mënyrë të mjaftueshme në raportin vjetor të auditimit.
“Çështja e kontratave njëburimore ka qenë një shqetësim i vazhdueshëm për shkak se ato janë kontrata të cilat i janë dhënë operatorëve ekonomikë pa respektuar procedurat e prokurimit publik, pra janë dhënë kontrata me negocim direkt dhe këtë çështje e kemi shtruar edhe në mbledhjen e fundit të Komisioni për Mbikëqyrjen e Financave Publike ku kemi kërkuar sqarime nga auditorja e përgjithshme, sepse kjo problematikë nuk është e shtjelluar më gjerësisht në raportin vjetor të auditimit. Problemi me këto kontrata qëndron në atë se ato do të duhej të jepeshin kur ka situata emergjente apo kur nuk ka mundësi që operatorë të ndryshëm ekonomik t’i ofrojnë ato mallra dhe shërbime por nuk mund të arsyetohen në rastet kur ka operatorë të ndryshëm që mund të ofertojnë dhe mund të konkurrojnë për t’i ofruar ato mallra dhe shërbime. Një problem të ngjashëm edhe me lojërat mesdhetare ku shihet që me këtë projektligj janë anashkaluar procedurat e prokurimit publik ashtu siç e sheh ligji për prokurim publik dhe synohet që të jipet një mandat Qeverisë që të përcaktojë rregulla të veçanta të prokurimit dhe këtu ekziston rreziku që edhe kontratat që jipen për organizimin e lojërave mesdhetare të përfundojnë duke u dhënë me negocim direkt”, ka thënë ai.
Sipas tij Prokuroria duhët t’i hetojë të gjitha rastet në momentin që identifikohen se ka shkelje të ligjit.
“Zgjidhja është që duhet të ketë disiplinë, duhet të ketë respektim të ligjeve dhe në rastet kur ligjet nuk respektohen është përgjegjësi e Prokurorisë që t’i hetojë këto raste dhe në rastet kur identifikohen se ka pasur shkelje të ligjeve drejtësia duhet t’i trajtojë këto raste”, tha Mustafa.
Të martën në Komisionin për Mbikqyrjen e Financave Publike, për kontratat njëburimore ka folur edhe Auditorja e Përgjithshme e Zyrës Kombëtare të Auditimit, Vlora Spanca, për çka ka pasur diskutime mes deputetëve të Partisë Demokratike të Kosovës dhe Lëvizjes Vetëvendosje.
Deputeti i PDK-së, Eman Rrahmani, ka thënë se Albin Kurti po i kërkon më shumë se 2/3 e pushtetit dhe sipas tij kjo s’është synim për qeverisje por për pushtet absolut.
Sipas deputetit Rrahmani këto janë shenja të autoritarizmit.
Albin Kurti paska kërkuar mbi 80 deputetë, pra mbi 67% të votave.
Le të shohim se ku në botë arrihen përqindje të tilla:
Rwanda – Paul Kagame: 98%
Rusia – Vladimir Putin: 76–87%
Bjellorusia – Alexander Lukashenko: 83%
Siria – Bashar al-Assad: mbi 90%
Turkmenistani 97%
Uzbekistani 80%
Kina – sistem njëpartiak 100%
Koreja e Veriut 99%+
Në demokracitë pluraliste evropiane, një parti apo lider rrallëherë i afrohet 50%, e lëre më 67%. Kur kërkon dy të tretat e pushtetit, nuk kërkon qeverisje, kërkon kontroll absolut.
Sot po jetojmë me shenja të autoritarizmit.
A po kërkon Albin Kurti edhe më shumë se kaq?
Policia e Kosovës ka publikuar statistikat nga raporti 24-orësh, ku bëhet e ditur se gjatë kësaj periudhe janë regjistruar dhjetëra aksidente trafiku dhe janë shqiptuar mijëra gjoba për shkelje në komunikacion.
Sipas raportit, nuk është shënuar asnjë aksident me fatalitet, ndërsa janë evidentuar 26 aksidente me persona të lënduar dhe 31 aksidente që kanë shkaktuar vetëm dëme materiale.
Në kuadër të aktiviteteve të kontrollit në trafik, policia ka shqiptuar gjithsej 2,526 tiketa trafiku ndaj shkelësve të rregullave rrugore.
Sa i përket masave ndaj personave të dyshuar për vepra të ndryshme, janë arrestuar 24 persona, ndërsa 17 të tjerë janë dërguar në mbajtje. Nuk është raportuar për persona në ndalim policor, ndërsa dy persona janë duke vuajtur dënimin.
Deputetja e LDK-së, Hykmete Bajrami, ka reaguar pasi Lëvizja Vetëvendosje kërkoi tre emra për President nga partia e saj dhe PDK’ja. Ajo tha se rreth 60 seanca të Kuvendit, Vetëvendosje këmbënguli për ta bërë Albulena Haxhiun kryeparlamentare, ndërsa tha është e gatshme ta japë këtë post, por se presidentin e duan me çdo kusht.
Bajrami paralajmëroi për pasoja të mëdha për shkak të jostabilitetit politik derisa tha se kryeministri Albin Kurti dëshiron të sundojë dhe jo të qeverisë.
“Albini i ka 51%. Me minoritetet – 66 deputetë. E ka qeverinë krejt vetë, me 19 ministri e 4 miliardë euro buxhet në dispozicion. Por të gjitha këto nuk po i mjaftojnë. Kërkon pushtet më shumë se përgjegjësi. Ai po kërkon me sundu jo me qeverisë. Dhe meqë është derivat i krizave nuk i rrihet pa krizë, por ta dini se kostot e sjelljeve të tij janë dëme të pariparushme jo vetëm për qytetarët, por edhe për shtetin e Kosovës”.
Postimi i plotë:
Në vitin 2025 janë mbajtë rreth 60 seanca për ta bërë Albulenën kryetare të Kuvendit dhe asnjë seancë për të bërë ndonjë zgjidhje për qytetarët e vendit.
Kur ata nuk arritën ta bëjnë kryetaren e Kuvendit, e çuan vendin në zgjedhje.
Sot, thonë: “kryetarin e Kuvendit e japim” por presidentin e dojmë me çdo kusht.
Dhe për këtë, Kurti prapë po e çon vendin në zgjedhje, madje po paralajmëron edhe zgjedhje të tjera pas atyre që do të mbahen në qershor.
Në ndërkohë:
Çmimet rriten çdo ditë.
Rinia po ikë.
Albini i ka 51%.
Me minoritetet – 66 deputetë.
E ka qeverinë krejt vetë, me 19 ministri e
4 miliardë euro buxhet në dispozicion.
Por të gjitha këto nuk po i mjaftojnë.
Kërkon pushtet më shumë se përgjegjësi. Ai po kërkon me sundu jo me qeverisë. Dhe meqë është derivat i krizave nuk i rrihet pa krizë, por ta dini se kostot e sjelljeve të tij janë dëme të pariparushme jo vetëm për qytetarët, por edhe për shtetin e Kosovës.
Kosova e ka armikun e jashtëm, e dimë të gjithë cili është, por jostabiliteti politik është armiku më i madh brenda vendit.
Lëvizja Vetëvendosje ka ftuar dy partitë opozitare, Partinë Demokratike të Kosovës dhe Lidhjen Demokratike të Kosovës, që të propozojnë tre emra për president, duke ofruar të gjitha nënshkrimet e deputetëve të kësaj partie dhe tërheqjen e kandidaturave të Glauk Konjufcës dhe Fatmire Mulhaxha-Kollçakut.
Në një njoftim të së shtunës, LVV-ja ka bërë të ditur se në mbledhjen e Kryesisë të premten në mbrëmje ka vendosur të ndërmarrë “edhe një hap tjetër me një propozim të ri, konkret dhe përbashkues”.
Në ftesën drejtuar dy partive opozitare, VV-ja ka theksuar se kandidatët duhet të jenë figura unifikuese, me integritet të lartë dhe jashtë skenës aktuale politike.
“Ftojmë PDK-në dhe LDK-në që së bashku të propozojnë tre emra, nga të cilët do të mund të zgjidhet Presidenti i ri nga legjislatura e 10-të. Këta tre kandidatë duhet të jenë figura unifikuese, me integritet të lartë qytetar e kombëtar, me kontribut të dëshmuar në jetën profesionale dhe shoqërore, dhe jashtë skenës aktuale politike. Për këta të tre do të siguroheshin së paku 90 nënshkrime të deputetëve të Kuvendit të Republikës së Kosovës. Me atë rast, paraprakisht do të tërhiqeshin nga kandidatura Zëvendëskryeministri dhe Ministri i Punëve të Jashtme dhe Diasporës Glauk Konjufca e deputetja Dr. Fatmire Mulhaxha-Kollçaku”, thuhet në njoftimin e VV-së.
Kuvendi ka afat deri më 28 prill për të zgjedhur presidentin, përndryshe Kosova shkon në zgjedhje të reja parlamentare. VV-ja ka thënë se pret përgjigje nga PDK-ja dhe LDK-ja deri të dielën në mbrëmje (26 prill).
“Një zgjidhje duhet të gjendet, sepse ajo është e mundshme. Duhet të përpiqemi dhe angazhohemi së bashku, sepse është detyrë e jona që buron nga përgjegjësia që na e kanë bartur qytetarët e Republikës së Kosovës”, thuhet në njoftim.
Një person në Lipjan është rrahur nga tre të mitur.
Policia e Kosovës raporton se njëri nga të dyshuarit e mitur viktimën e ka therur me thikë.
Të dyshuarit janë arrestuar dhe me vendim të prokurorit janë dërguar në mbajtje.
“Lipjan 24.04.2026 – 14:30. Është raportuar se viktima mashkull kosovar, ishte rrahur nga tre persona meshkuj kosovarë të mitur, njëri nga të dyshuarit e ka therë me thikë duke i shkaktuar lëndime trupor. Viktima ka marrë tretman mjekësor. Të dyshuarit janë arrestuar dhe me vendim të prokurorit janë dërguar në mbajtje për 24 orë”, njofton PK.
Ministria e Industrisë, Ndërmarrësisë, Tregtisë dhe Inovacionit ka publikuar çmimet tavan të lejuara për sot për derivatet e naftës.
Nafta sot mund të shitet deri në 1.65, benzina 1.42, ndërsa gazi 0.87.
Krahasuar me dje, tavani për naftën u rrit për dy centë dhe po kaq u rrit edhe për benzinën.
Një aksident trafiku me lëndimet të rënda ka ndodhur të premten në Lipjan.
Policia e Kosovës në raportin 24 orësh bën të ditur se aksidenti ndodhi mes dy veturave dhe si pasojë, dy meshkuj dhe dy femra kanë pësuar lëndime trupore, njëra prej tyre lëndime të rënda.
“Fsh. Konjuh, Lipjan 24.04.2026 – 15:39. Ka ndodhë një aksident trafiku në mes të dy veturave. Si pasojë e aksidentit, dy meshkuj dhe dy femra kanë pësuar lëndime trupore, njëra prej tyre lëndime të rënda. Lidhur me rastin është njoftuar prokurori”, njofton PK.
Policia ka intervenuar mbrëmë në një rast në Kaçanik pas raportimeve për të shtëna me armë zjarri.
Me këtë rast, bëhet e ditur, forcat e rendin kanë dalë në vendin e ngjarjes dhe gjatë patrullimit, në rrugën “Ismail Raka”, kanë ndaluar një veturë me targa vendore, e cila drejtohej nga një 26-vjeçar me inicialet L.M.
“Gjatë verifikimit dhe kontrollit të personit dhe automjetit, në brezin e të dyshuarit është gjetur një armë zjarri (pistoletë) me 5 fishekë, si dhe 2 gëzhoja në xhepin e pantallonave.
Po ashtu, në veturë është gjetur edhe një mjet i mprehtë (thikë).
Arma, fishekët, gëzhojat dhe thika janë konfiskuar nga ana e policisë. I dyshuari është shoqëruar në stacionin policor në Kaçanik, ku është intervistuar nga njësiti i hetimeve”, thotë policia në një njoftim, transmeton Klankosova.tv.
Me vendim të prokurorit të shtetit është iniciuar rasti “Përdorimi i armës apo mjetit të rrezikshëm”, ndërsa i dyshuari është liruar në procedurë të rregullt.