Category: LAJME

Si shkak i një incidenti të ndodhur të hënën në mbrëmje në veri të vendit, reagime të shumta pati në drejtim të Policisë së Kosovës.

Një qytetar serb është raportuar të jetë plagosur, ndërsa më vonë është thënë se dyshohet që personi që ka plagosur atë është një zyrtar policorë i Kosovës.

Kurse sot një politikan serb, lideri i iniciativës qytetare “Mbijetesa Serbe”, Aleksandër Arsenijeviq, zgjodhi që t’i provokojë zyrtarët policorë të Njësive të Specializuara të Policisë së Kosovës të cilët gjenden në pikat kufitare në veri.

I njëjti u afrua aty duke xhiruar, ndërsa të njëjtit i është kërkuar të largohet telefoni.

Ndër të tjerash ai flet vazhdimisht në gjuhën serbe, derisa mohon ta kuptojë gjuhën shqipe.

“Nuk po kuptoj”, thotë ai teksa vazhdon të flasë në gjuhën serbe.

Ndërsa njëra prej zyrtareve policore theksoi se ai thotë se ka ardhur që të “incizojë në pikën e kontrollit”.

Zyrtarët policorë i kanë kërkuar që ai të largohet nga aty.

“Je i lirë me shku kah të duash, ndesh përpjet ndesh te poshtë por jo qetu. Këtu mos më pengo në punë”,dëgjohet teksa thotë zyrtari policorë në drejtim të tij.

Arsenijeviq ka vazhduar të provokojë zyrtarët policorë duke tentuar gjithsesi të futet brenda pikës kufitare.

Disa qindra serbë janë duke protestuar në veri të vendit. Kjo thirrje për protestë u bë me thirrje nga Marina Jovanoviq, bashkëshortja e Milan Jovanoviqit i cili është plagosur dje.

Protestuesit kanë lëvizur në rrugën kryesore të Zveçan derisa mbanin në duar pankarta ku shkruhej “Largohuni nga këtu, Evropa po gjuan kundër nesh”. “Ti nuk takon këtu” e të tjera, transmeton lajmi.net.

Të njëjtit po shkojnë në drejtim të urës së Bitricës, ku edhe thuhet se ndodhi plagosja.

Nga Ministria e Brendshme dje është thënë se i dyshuari nuk kishte ndaluar dhe me këtë rast është shtënë me armë zjarri ndaj tij, ndërsa janë duke u kryer të gjitha hetimet në lidhje me këtë situatë.

Presidentja e Republikës së Kosovës, Vjosa Osmani, në ditën e dytë të vizitës në Kalabri, u takua me kryetarin e Rajonit të Kalabrisë, Roberto Occhiuto, me të cilin bisedoi mbi shtrirjen e mëtejme të bashkëpunimit mes Republikës së Kosovës dhe Rajonit të Kalabrisë.

Presidentja theksoi se lidhjet mes vendit tonë dhe Rajonit të Kalabrisë janë të hershme dhe janë të mbështetura në trashëgiminë historike e kulturore. Komuniteti i arbëreshëve, i cili prej shekujsh jeton në disa rajone të Italisë, përfshirë Kalabrinë, përbën pjesë të rëndësishme të diversitetit etnik, gjuhësor e kulturor të Italisë dhe pjesë të rëndësishme të saj.

Presidentja theksoi se kujdesi ndaj të drejtave të bashkësive etnike kontribuon në mënyrë aktive edhe në zhvillimin ekonomik të Italisë. Ajo e falënderoi kryetarin Occhiuto për kujdesin ndaj ruajtjes së identitetit kombëtar të arbëreshëve dhe theksoi se integrimi i plotë dhe kontributi i tyre në jetën socio-ekonomike, u japin marrëdhënieve një dimension tjetër dhe të veçantë. Ajo shpalosi shembullin e Kosovës për mbrojtjen e pakicave dhe theksoi se sa më shumë që përkrahet komuniteti arbëresh në ruajtjen e identitetit kulturor e gjuhësor, aq më shumë do të kontribuojë ky komunitet edhe në zhvillimet e raporteve ndërmjet Italisë dhe hapësirave shqiptare.

“Jemi të bindur se mund të ndiqen politika aktive për respektimin e gjuhëve të pakicave, për të mbrojtur dhe përmirësuar gjuhën dhe trashëgimin kulturore të pakicave gjuhësore dhe historike të Kalabrisë, përfshirë bashkësinë arbëreshe. Përmirësimi i mëtejmë i politikave për ruajtjen dhe promovimin e gjuhës e të traditave është e ndërlidhur me politikat e shkollimit në gjuhën e pakicave”, tha Presidentja Osmani.

Presidentja theksoi se në Rajonin e Kalabrisë është kultivuar tradicionalisht një pjesë e rëndësishme e trashëgimisë sonë kulturore, përfshirë atë letrare, që gjendet në dokumente e revista shumë të rëndësishme për popullin shqiptar, të cilat duhen ruajtur dhe digjitalizuar, në mënyrë që të shpërndahen më lehtë tek të rinjtë dhe brezat e ardhshëm.

Presidentja dhe kryetari Occhiuto diskutuan edhe për mundësitë e zgjerimit të bashkëpunimit ekonomik mes Kosovës dhe Italisë, përfshirë rajonin e Kalabrisë. Presidentja i ftoi ndërmarrjet, bizneset dhe investitorët italianë që të investojnë në sektorët strategjikë të ekonomisë së vendit.

“Ne duhet t’i afrojmë edhe më tej operatorët tanë ekonomikë e turistikë, në mënyrë që të krijohen itinerare të përbashkëta turistike nga Kalabria për në Kosovë dhe anasjelltas”, tha Presidentja Osmani. Hapja e linjave të drejtpërdrejta të fluturimit mes aeroporteve tona e ndihmon turizmin e ndërsjellë dhe thellimit të lidhjeve me Kalabrinë dhe qytetarët e rajonit.

Po ashtu, në takim u diskutua edhe për mundësinë e bashkëpunimit në bujqësi, duke qenë se të dyja vendet kanë potencial të madh zhvillimi në këtë fushë.

Presidentja Osmani dhe kryetari Okiuto diskutuan edhe për përafrimin e mëtejmë i të të rinjve me kulturën e njëri-tjetrit dhe rritjen e komunikimit ndërmjet dy vendeve tona, sidomos të të rinjve tanë.

“Intensifikimi i bashkëpunimit të të rinjve tanë mund të arrihet më së miri nëpërmjet rritjes së shkëmbimeve akademike, bursave të studimit dhe bashkëpunimit ndëruniversitar”, tha Presidentja Osmani.

Kryetari Shaqir Totaj, së bashku me familjarët e dëshmorëve e të martirëve dhe me zyrtarë të ekzekutivit, bënë homazhe sot në Kompleksin Memorial në Lubizhdë të Hasit dhe kujtuan ngjarjen e 12 prillit 1999 që është ndër më të dhimbshmet të historisë sonë.

“Falë sakrificës së popullit e të Ushtrisë Çlirimtare të Kosovës e gëzojmë sot lirinë dhe shtetin sovran. Lavdi dëshmorëve, martirëve dhe heronjve të gjallë!” – u shpreh Totaj.

Disa qytetarë nga Zveçani dhe Mitrovica e Veriut e nisën një marsh të thirrur nga Marina Jovanoviq, bashkëshortja e Millanit që u qëllua me armë zjarri nga një pjesëtar i Policisë së Kosovës.

Ata ecën përgjatë rrugës kryesore Zveçan-Rashkë dhe mbajtën pankarta ku shkruhej “Largohu nga këtu”, “Evropa po gjuan kundër nesh”, e të tjera.

Protestuesit po lëvizin drejt urës së Bristricës ku mbeti i plagosur qytetari Millan Jovanoviq, raporton Kosovo-Online.

Brendi i njohur botëror që u krijua në Shtetet e Bashkuara të Amerikës, GANT, po hap dyqanin e parë në Albi Mall.

I njohur për stilet moderne dhe shumë trendi, Gant është i pranishëm në 70 tregje botërore, në më shumë se 4000 lokale duke u bërë kështu një nga brendet me ndikimin më masiv në tregun e veshjeve.

Me më shumë se 70 vjet histori në industrinë e modës, Gant është lider për veshje kualitative për grupmosha të ndryshme, që tashmë ka arritur ambicien e shndërrimit në brend të vërtetë të stilit të jetesës.

Të premten, më 14 Prill, nga ora 20:30, Gant hap dyqanin mbresëlënës dhe ekskluziv në Albi Mall për të gjithë adhuruesit e modës.

Ju presim në hapjen e madhe!

Partia Socialdemokrate ka mbajtur një aksion simbolik para Agjencionit për Informim dhe Privatësi. Arsye e këtij aksioni, ishte gjoba prej 20 mijë eurosh dhënë nga ky institucion ndaj PSD-së, raporton Ekonomia Online.

Dënimi prej 20 mijë euro ka qenë për shkak të publikimit të peticionit me emra kundër Asociacionit të Komunave me shumicë serbe.

Kryetari i PSD-së, Dardan Molliqaj, ka thënë për gazetarëve se gjoba ka marrë edhe nga Policia e Kosovës.

Molliqaj ka thënë se Komisionerja Krenare Sogojeva-Dermaku është militante e VV-së.

“Arsyeja e këtij aktiviteti është një gjobë prej 20 mijë eurove që Agjencioni për Privatësi ka shqiptuar ndaj Partisë Socialdemokrate. Më lejoni t’i them disa gjëra; kapja e institucioneve  të pavarura tashmë është shndërruar në instrumente vepruese. Ky institucion siç mund ta dini drejtoresha e këtij institucioni është një militante politike e Vetëvendosjes, e cila është emëruar nga kjo Qeveri”, u shpreh Molliqaj.

Fajtor për këtë gjobë, Molliqaj e ka bërë ministrin e Financave, Hekuran Murati.

“Tani këta nën presionin e Qeverisë të Republikës së Kosovës, informata të sigurta të brendshme 100 për qind, një prej emrave që ka bërë presion është ministri Murati, Hekuran Murati e ka nxitur këtë Agjencion që të marrë vendim të jashtëligjshëm, për ta penguar veprimtarinë e Partisë Socialdemokrate. Duke parë që arrestimet, dënimet individuale nuk mund të ndalin, kanë filluar që të japin gjoba marramendëse nën pretendimin për shkelje të privatësisë”.

Molliqaj ka ankesa edhe sa i përket procedurave që janë marrë me këtë rast. Ai u shpreh se ky institucion nuk i ka lënë hapësirë as për ankesë, duke e dërguar menjëherë lëndën tek përmbaruesi.

“Nuk na kanë lënë të drejtë për ankesë, e kanë çuar që pas 30 ditësh përmbaruesi me marrë fondet nga Partia Socialdemokrate. Duke qenë të vetëdijshëm që partia jonë nuk ka të hyra nga institucionet e shtetit dhe mbijeton me shuma shumë modeste, ata kanë tentuar të na bëjnë dëm. Sigurisht që ne do ta çojmë në Gjykatë Civile këtë çështje dhe do të kërkojmë masë për parandalimin e saj, por ajo që dihet qartë është që ka vendim selektiv, për të njëjtin material, nga e njëjta parti, nga i njëjti institucion, nga i njëjti drejtim, kanë marrë vendime të ndryshme. Tashmë kemi informatë që edhe për protestën e fundit që patëm kundër ‘Zajednicës’, Policia e Kosovës ka shqiptuar një dënim për partinë politike. Neve Policia e Kosovës na dënon individualisht për përfshirje në aktivitete politike, ku sipas tyre pretendohet që kemi shkelur ligjin qoftë për kundërvajtje ose diçka tjetër”, u shpreh tutje Molliqaj.

Ish-presidenti i Shqipërisë, Ilir Meta është takuar me të dërguarin e SHBA-së për Ballkanin Perëndimor, Gabriel Escobar.

Me të tha se pati komunikim të hapur.

Mdër tjerash, Meta dhe Escobar kanë folur edhe për procesin e dialogut ndërmjet Kosovës dhe Serbisë.

“Vlerësova se angazhimi i SHBA-së në procesin e negociatave ndërmjet Kosovës dhe Serbisë është thelbësor dhe garanton përfundimin e suksesshëm të dialogut mes dy vendeve”, shkroi Meta në Twitter.

Për Shqipërinë, kryetari i Partisë së Lirisë tha se “aleanca me SHBA-në është thelbësore për demokracinë, zhvillimin ekonomik, sigurinë e vendit dhe të rajonit”.

“Falënderova zotin Escobar për mbështetjen e projektit të bazës së NATO-s në Kuçovë, si dhe ndihmën e jashtëzakonshme për forcimin e kapaciteteve mbrojtëse lidhur me sigurinë kibernetike”, shkroi ndër tjerash Meta.

5/7 I emphasized that the May 14 elections are a big day of change for all Albanians, which will put an end to monism in local government and restore democracy, transparency and accountability in all municipalities of the country.

— Ilir Meta (@ilirmetazyrtar) April 12, 2023