ATV

Category: Lajme

  • Sekuestrohen 100 kilogramë kokainë në Norvegji, arrestohen gjashtë shqiptarë

    Sekuestrohen 100 kilogramë kokainë në Norvegji, arrestohen gjashtë shqiptarë

    100 kilogramë kokainë janë sekuestruar në Norvegji dhe gjashtë shqiptarë kanë rënë në pranga.

    Grupi kriminal, mes tyre pesë burra dhe një grua, tentoi të kalonte në port mbi 100 kilogramë kokainë të ardhur nga Brazili.

    Kjo cilësohet si sasia më e madhe e kokainës e sekuestruar ndonjëherë në Norvegjinë Perëndimore.

    Sipas mediave të huaja, anija e mallrave “Nordloire” lundroi nga Vila do Conde në Brazil për në Husnes në Kvinnherad të Norvegjisë.

    Sipas hetimeve, sasia e drogës ishte e ngjitur poshtë vijës ujore të anijes.

    Agjencia doganore e quajti një metodë të njohur të fshehjes së drogës nga grupet kriminale.

    Shqiptarët u arrestuan të enjten nga policia e Husnes. Ndërsa të premten u është caktuar masa e paraburgimit prej katër javësh.

    Të gjithë akuzohen për vepra të rënda të trafikimit të drogës.

    Ata nuk kanë asnjë lidhje me vetë anijen, sipas Autoritetit Doganor Norvegjez, ndërsa disa nga të burgosurit janë deklaruar të pafajshëm

  • “Agjencitë u myten t’u iu marrë pare rinisë”, çka po presin qytetarët nga liberalizimi i vizave?

    “Agjencitë u myten t’u iu marrë pare rinisë”, çka po presin qytetarët nga liberalizimi i vizave?

    Parlamenti Evropian ka marr vendim që qytetarët e Kosovës të lëvizin të lirë në Evropë, jo më larg se 1 janari i vitit 2024.

    Ky vendim ua mundëson qytetarëve me pasaporta të Kosovës të udhëtojnë pa viza në zonën Schengen e cila përbehet prej 27 vendeve evropiane.

    Qytetarët e Kosovës do të mund të udhëtojnë pa viza vetëm për 90 ditë, brenda një periudhe gjashtëmuajshe.

    Ekipi i ATV-së, gjatë ditës së sotme ishte në sheh për të marrë mendimet e qytetarëve lidhur me këtë vendim të BE-së.

    Disa qytetar thanë se e mirëpresin vendimin për liberalizimin e vizave, mirëpo ka edhe nga ata që kanë frikë se Kosova mund të boshatiset nga rinia.

    “Mua nuk më konvenon liberalizimi i vizave për arsye se rinia kanë me dalë jashtë dhe Kosova do të boshatiset. Apeloj të rinia që të rrinë në Kosovë, ta duan Kosovë, ka vende të lira dhe e kanë fitimin më të madh se në perëndim”, thotë një qytetar.

    E këna pritë që një kohë të gjatë dhe kjo bëhet e mirë për të rinjtë pikërisht, sepse këto agjencitë private u mbyten t’u marrë pare prej të rinjve”, thotë një tjetër qytetar.

    Përgjigjet e qytetarëve se çka po presin nga liberalizimi i vizave mund t’i gjeni në videon më poshtë. /atvlive.tv

  • Vazhdojnë luftimet në Sudan

    Vazhdojnë luftimet në Sudan

    Shpërthimet kanë goditur kryeqytetin sudanez, Kartum, më 18 prill, teksa luftimet kanë hyrë në ditën e katërt, pavarësisht thirrjeve të vazhdueshme ndërkombëtare që t’iu jepet fund armiqësive.

    Deri më tani, pothuajse 200 persona janë vrarë në katër ditët e konfliktit.

    Luftimet po zhvillohen midis forcave të dy gjeneralëve rivalë që morën pushtetin përmes një grusht shteti më 2021: shefit të ushtrisë, Abdel Fattah al-Burhan dhe zëvendësit të tij, Mohamed Hamdan Daglo, që komandon grupin paramilitar, Forcat e Mbështetjes së Shpejtë.

    Luftimet po zhvillohen në mbarë Sudanin dhe është rritur frika se ky konflikt mund të përhapet në mbarë rajonin, teksa në Sudan po kryhen sulme ajrore dhe ka luftime me artileri të rëndë.

    Përmes një deklarate, ministrat e Jashtëm të Grupit të Shtatë shteteve më të industrializuara (G7) paralajmëruam se luftimet “kërcënojnë sigurinë e civilëve sudanezë dhe minojnë përpjekjet për të rivendosur tranzicionin demokratik në Sudan”.

    Por, pavarësisht thirrjeve të tyre që palët t’u japin fund armiqësive, mëngjesin e së martës janë dëgjuar shpërthime të fuqishme në Kartum, ku milicitë dhe ushtarët po luftojnë.

    “Bombardimet zakonisht nisin rreth orës 04:00 dhe vazhdojnë për disa orë. Por, sot ato nuk kanë ndaluar”, tha banorja e Kartumit, Dallia Mohamed Abdelmoniem.

    Ajo tregoi se familja e saj, sikurse edhe banorët e tjerë të kryeqytetit, po strehohen në shtëpitë e tyre.

    Teksa luftimet po vazhdojnë, sekretari amerikan i Shtetit, Antony Blinken, ka biseduar me të dy gjeneralët dhe gjatë bisedave ka theksuar “për nevojën urgjente për një armëpushim”.

    Daglo tha në Twitter pas bisedës me Blinken se forcat e tij kanë miratuar një armëpushim 24-orësh, që do t’u lejonte civilëve të evakuonin të plagosurit.

    Megjithatë, ushtria mohoi këtë pretendim.

    “Ne nuk jemi në dijeni për ndonjë koordinim me ndërmjetësit dhe me komunitetin ndërkombëtar për ndonjë armëpushim. Po ashtu, deklarata e rebelëve për një armëpushim 24-orësh synon që të fshehë goditjen që do të marrin nga ne brenda orësh”, tha ushtria.

    Në Sudan, teksa luftimet po vazhdojnë, SHBA-ja ka deklaruar se një autokolonë diplomatike amerikan ka qenë cak i sulmit, por nuk ka pasur të lënduar. Po ashtu, ambasadori i Bashkimit Evropian në Sudan është sulmuar në shtëpinë e tij në Kartum të hënën.

    Luftimet nisën të shtunën pas mosmarrëveshjeje mes gjeneralëve Burhan dhe Dalgo lidhur me integrimin e planifikuar të Forcave të Mbështetjes së Shpejtë në ushtrinë e rregullt. Ky është një prej kushteve kyçe të një marrëveshjeje finale që synon t’i japë fund krizës së shkaktuar që nga puçi ushtarak i vitit 2021.

    Të dyja palët e përfshira në konflikt pretendojnë se kanë nën kontroll vende kyçe, përfshirë edhe aeroportin në Kartum dhe pallatin presidencial, por këto pretendime nuk kanë mundur të verifikohen në mënyrë të pavarur./REL/

  • ​Rohde: Zbatimi i marrëveshjes dhe shmangia e çdo tensioni është nevojë e kohës

    ​Rohde: Zbatimi i marrëveshjes dhe shmangia e çdo tensioni është nevojë e kohës

    Ambasadori i Gjermanisë në Kosovë, Jorn Rohde ka deklaruar se Kosova dhe Serbia duhet të arrijnë përparim dhe të shmanget çdo tension. Derisa është pyetur në lidhje me deklarimet e liderëve të Serbisë, ai ka thënë se presin zbatim të plotë të marrëveshjes së arritur në Bruksel dhe aneksit të dakorduar në Ohër.

    Lidhur me zgjedhjet që do të mbahen të dielën në veri të vendit, diplomati gjerman ka deklaruar se të dy palët duhet të arrijnë përparim për qytetarët e të dyja vendeve.

    “Ne kemi bërë një deklaratë për këtë dhe nevoja e kohës përveç zbatimit është edhe shmangia e çdo tensioni për ndonjë temë tjetër. Ajo që na nevojitet është që të dy palët tani duhet së bashku në mënyrë konstruktive të arrijnë përparim që është i rëndësishëm për qytetarët e të dy vendeve”, ka deklaruar ai, transmeton KP.

    Ai nuk ka dashur të komentojë deklarimet e liderëve në Beograd, veçse ka theksuar se presin zbatim të marrëveshjeve të arritura në Bruksel dhe Ohër.

    “Dua të them se ne e mbështesim plotësisht përfaqësuesin Special të BE-së Lajçak në përpjekjet e tij për të zbatuar marrëveshjet e arritura në Bruksel dhe Ohër, dhe siç e kemi thënë Kosova, dhe ju e dini, zbatimi i plotë është nevojë e kohës, dhe kjo është ajo që ne presim”, ka shtuar ai.

    Më tej, ambasadori i Gjermanisë në Kosovë ka thënë se pret së shpejti takim mes Kosovës dhe Serbisë.

    “Duhet të pyesni palët për këtë, unë nuk mund të përgjigjem për ta, shpresoj se së shpejti do të ketë një takim, sepse zbatimi do të thotë që ju duhet të filloni punën. Dhe përsëri, mund vetëm të nënvizoj se për të arritur progres, duhet të zbatojmë gjërat e dakorduara në Bruksel dhe Ohër”, ka përfunduar ai.

    Kosova dhe Serbia u pajtuan me 18 mars në Ohër për aneksin e zbatimit të marrëveshjes që u arrit në Bruksel, ani pse nuk pati nënshkrim të saj.

  • Kurti nderon 17 dëshmorët dhe 11 martirët e Betejës së Marecit

    Kurti nderon 17 dëshmorët dhe 11 martirët e Betejës së Marecit

    Kryeministri i Republikës së Kosovës, Albin Kurti, ka bërë homazhe në Kompleksin e varrezave të dëshmorëve dhe martirëve në Marec, raporton Ekonomia Online.

    Me 17 prill janë bërë 23 vjet nga rënie e 17 dëshmorët dhe 11 martirët në Betejën e Marecit.

    Më pas ai do të bëjë homazhe edhe në Kompleksin e varrezave në Makovc.

  • Polonia dhe Ukraina rinisin bisedimet për transitin e drithërave

    Polonia dhe Ukraina rinisin bisedimet për transitin e drithërave

    Ukraina do të tentojë të zhbllokojë eksportet e ushqimeve dhe drithërave përmes Polonisë, gjatë ditës së dytë të bisedimeve në Varshavë, pasi një ditë më parë disa shtete evropiane vendosën ndalesa ndaj produkteve të Kievit.

    Polonia, Hungaria dhe Sllovakia së fundi kanë vendosur ndalesa në importet e drithërave dhe produkteve ukrainase, me qëllim që të mbrojnë tregjet e tyre nga fluksi i furnizimeve më të lira.

    Eksportet ukrainase përmes këtyre shteteve janë rritur për shkak të pushtimit rus, pasi Moska ka bllokuar disa nga portet e Ukrainës në Detin e Zi.

    Vonesat e shkaktuara për shkak të dërgesave të ngadalta apo për shkak të mungesës së transportuesve, kanë rritur problemet, duke bërë që në Evropën Qendrore të ketë sasi të mëdha të drithërave ukrainase, që kanë çmime më të lira. Kjo gjë ka dëmtuar shitjet e fermerëve lokalë, gjë që ka shtuar presionin te qeveritë.

    Partia në pushtet në Poloni, Ligj dhe Drejtësi përballet me zgjedhje gjatë këtij viti dhe llogaritë në mbështetjen e banorëve që jetojnë në zonat rurale.

    Ukraina dhe Polonia nisën bisedimet të hënën pas ndalesës së Varshavës, që shkojë përtej ndalesave nga shtetet e tjera, duke ndaluar transitin e drithërave dhe ushqimeve ukrainase.

    Ministri polak i Bujqësisë, Robert Telus, i tha radios publike PR1 të martën se bisedimet janë paraparë që të vazhdojnë.

    “Ne po bisedojmë edhe me BE-në, por edhe me Ukrainën, për të gjetur një zgjidhje. Ne dëshirojmë që këto produkte të shkojnë në Evropë, por të shkojnë më thellë në Evropë”, tha Telus.

    “Sot do të zhvillojmë bisedime. Këto zakonisht janë bisedime teknike që synojnë gjetjen e një zgjidhjeje që këto produkte të kalojnë transit në Evropë”, shtoi ai.

    Në Hungari, zyrtarët po kontrollojnë në kufi dërgesat me drithërat ukrainase, duke lejuar hyrjen vetëm të dërgesave që kalojnë transit, raportoi agjencia e lajmeve MTI, që citoi Ministrinë e Bujqësisë.

    Hungaria dhe shtetet e tjera në Evropën Qendrore janë bashkuar për të gjetur një zgjidhje brenda BE-së për këtë çështje.

    BE-ja ka kritikuar Poloninë, Hungarinë dhe Sllovakinë që kanë vendosur ndalesa individuale. Për këtë çështje, të dërguarit e BE-së pritet të bisedojnë më 19 prill.

    Ndalesat ndaj drithërave ukrainase vijnë në kohën kur marrëveshja eksportet e miliona tonë drithërave ukrainase, që transportohen përmes Detit të Zi, pritet të skadojë më 18 maj./REL/

  • Nesër nënshkruhet Akti ligjor për vizat, pas ceremonisë dalin në konferencë eurodeputeti Reuten dhe Besnik Bislimi

    Nesër nënshkruhet Akti ligjor për vizat, pas ceremonisë dalin në konferencë eurodeputeti Reuten dhe Besnik Bislimi

    Nesër në Strasburg do të nënshkruhet Akti ligjor për vizat, pas miratimit që ndodhi sot në Parlamentin Europian.

    Lajmin e ka konfirmuar Komitetit për Drejtësi dhe Liri Civile të Parlamentit Evropian (LIBE).

    Një një postim në Twitter, Komiteti thotë se pas nënshkrimit në një konferencë për media do të dalin deputeti holandez Thijs Reuten dhe zëvendëskryeministri Besnik Bsilimi.

  • Krasniqi uron heqjen e vizave: Vendim shumë i vonuar por i mirëseardhur

    Krasniqi uron heqjen e vizave: Vendim shumë i vonuar por i mirëseardhur

    Kryetari i Partisë Demokratike të Kosovës, Memli Krasniqi ka reaguar për vendimin e Parlamentit Evropian për liberalizimin e vizave.

    Krasniqi shkroi vendim shumë i vonuar por i mirëseardhur, “Shpresoj që ky vendim të hyjë në fuqi sa më parë”, ka shkruar ai, pëcjell IndeksOnline.

    Postimi i plotë:

    Vendimi i Parlamentit Evropian për liberalizimin e vizave për qytetarët e Kosovës, edhe pse shumë i vonuar, është mëse i merituar e i mirëseardhur. Prandaj, para se gjithash, sot urimet i meritojnë qytetarët tanë. Shpresoj që ky vendim të hyjë në fuqi sa më parë.

  • Abdixhiku për liberalizimin e vizave: Ditë e paharrueshme, festojmë këtë moment historik

    Abdixhiku për liberalizimin e vizave: Ditë e paharrueshme, festojmë këtë moment historik

    Lideri i LDK-së Lumir Abdixhiku ka thënë se votimi pro liberalizimit të vizave, mbetet një ditë e paharrueshme për Kosovën dhe qytetarët e saj.

    “Një ditë e paharrueshme për Republikën e Kosovës dhe qytetarët e saj, pasi liberalizimi i shumëpritur i vizave miratohet përfundimisht nga Parlamenti Evropian”, ka shkruar Abdixhiku në Twitter.

    Ndërsa ka thënë se një trajtimi të padrejtë i erdhi fundi.

    “Një trajtim i padrejtë dhe i padrejtë më në fund e sheh fundin. Ne e festojmë këtë moment historik dhe presim me padurim një të ardhme brenda familjes evropiane”, ka shkruar Abdixhiku.

  • Osmani uron për vizat, meritat ia lë qytetarëve

    Osmani uron për vizat, meritat ia lë qytetarëve

    Presidentja Vjosa Osmani ka uruar sot pas miratimit të vendimit për liberalizimin e vizave nga Parlamenti Europian.

    Ajo tha se ky vendim final është fitore edhe për demokracinë në Europë dhe jo vetëm për Kosovën. Osmani tha se meritë për këtë ka populli i Kosovës.

    “Vendimi i sotëm final për liberalizimin e vizave për qytetarët e Kosovës është fitore, jo vetëm për vendin tonë, por për vetë demokracinë dhe unitetin në Evropë. Ky vendim është meritë e popullit të Kosovës, vendosmërisë së pashembullt të treguar përgjatë viteve, pavarësisht vonesave dhe padrejtësive të ndryshme”.

    Osmani tha se nga data kur qytetarët e Kosovës do të mund të lëvizin lirshëm do të ndihen të barabartë me popujt tjerë europianë.

    “Më 1 janar 2024, qytetarët tanë më në fund do të ndihen të barabartë me popujt tjerë evropian, për të lëvizur lirshëm në kontinentin që ata i përkasin, e për të cilin kanë kontribuar ndër shekuj. Tanimë, lëvizja në shtetet evropiane është më e lehtë, familjet tona janë më afër dhe mundësitë për avancim e bashkëpunim më të mëdha”.