Category: Lajme

Kolegji AAB prezanton Tech & AI Summit 2026, një ngjarje me karakter të spikatur ndërkombëtar, e cila do të bashkojë zëra të njohur globalë nga akademia, biznesi, teknologjia dhe politikat publike, me qëllim nxitjen e dialogut, frymëzimin e inovacionit dhe avancimin e së ardhmes së Inteligjencës Artificiale dhe teknologjive në zhvillim në një botë gjithnjë e më të ndërlidhur.

Në një kohë kur AI po transformon çdo aspekt të shoqërisë, Samiti do të shërbejë si një platformë globale për dialog vizionar, ide novatore dhe partneritete strategjike. Përmes fjalimeve frymëzuese, diskutimeve të nivelit të lartë dhe mundësive për rrjetëzim ndërkombëtar, pjesëmarrësit do të shqyrtojnë mënyrën se si Inteligjenca Artificiale po transformon arsimin, biznesin, shkencën, industrinë dhe jetën e përditshme.

Samiti do t’i kushtojë vëmendje të veçantë inovacionit të përgjegjshëm dhe të orientuar drejt njeriut, duke trajtuar çështje kyçe si AI-ja etike, transformimi digjital, siguria kibernetike, qëndrueshmëria dhe e ardhmja e zhvillimit teknologjik global.

Duke ndërlidhur akademinë, industrinë dhe politikëbërësit, Tech & AI Summit 2026 synon të nxisë bashkëpunimin ndërkombëtar, të promovojë kërkimin dhe inovacionin, si dhe ta pozicionojë Kosovën si një qendër në zhvillim për dialogun teknologjik dhe transformimin digjital.

Bashkohuni me ne në Prishtinë dhe bëhuni pjesë e një diskutimi global që po formëson teknologjitë e së nesërmes.

Tech & AI Summit 2026

Ku Inteligjenca Artificiale takohet me Inovacionin.
Ku idetë shndërrohen në partneritete.
Ku fillon e ardhmja.

Duke ndërlidhur dijen. Duke frymëzuar inovacionin. Duke formësuar të ardhmen.

Kolegji AAB ka hapur afatin e dytë për regjistrimin e studentëve të rinj për vitin akademik 2026/27, duke u ofruar maturantëve mundësinë të zgjedhin mes programeve bashkëkohore të studimit dhe të ndërtojnë të ardhmen e tyre profesionale në njërin prej institucioneve më të mëdha të arsimit të lartë në vend.

Krahas regjistrimeve, Kolegji AAB ka shpallur të hapur edhe konkursin për bursa, përmes të cilit mbështeten studentët me rezultate të larta dhe potencial të dëshmuar.

Bursat ofrohen në fakultete dhe programe të ndryshme studimore, të cilat janë paraqitur më poshtë. Të interesuarit ftohen të aplikojnë brenda afateve të përcaktuara dhe të sigurojnë vendin e tyre në programin e preferuar.

SUKSESI YT MERITON MBËSHTETJE!
Për më shumë informacione rreth regjistrimit: 048-999-006
Apliko për bursë deri më 30 gusht: https://scholarship.aab-edu.net/

Ish-kryeministri i Estonisë dhe komisioneri evropian, Siim Kallas, ka vdekur në moshën 77-vjeçare.

“Me trishtim duhet të njoftoj se babai im i dashur Siim Kallas ndërroi jetë mbrëmë”, shkroi në Instagram Kaja Kallas, kreu i diplomacisë evropiane.

Ekonomist me profesion

Politikani estonez ishte estonezi i parë që u bë anëtar i Komisionit Evropian, duke marrë detyrën në vitin 2004. Ai ishte Komisioner për Çështjet Ekonomike dhe Monetare nën Presidentin e atëhershëm të Komisionit Evropian, José Manuel Barroso, dhe nga viti 2010 deri në vitin 2014 ai ishte Zëvendëspresident i Komisionit dhe Komisioner për Transportin.

Me profesion ekonomist, Kallas u bë guvernator i Bankës së Estonisë në vitin 1991, ku ishte një nga autorët kryesorë të reformës monetare të vendit. Në vitin 1994, ai themeloi Partinë Reformuese liberal-demokratike dhe vitin pasardhës u zgjodh në Parlamentin e Estonisë, pas së cilës u bë Ministër i Punëve të Jashtme.

Kallas ishte gjithashtu një figurë e rëndësishme në rrugën evropiane të vendit baltik. Pasi u emërua ministër i jashtëm, ai udhëhoqi përpjekjet e Estonisë për t’u bashkuar me Bashkimin Evropian. Ai u bë kryeministër në vitin 2002, kur Estonia përfundoi negociatat e anëtarësimit në BE dhe mori një ftesë për t’u bashkuar me NATO-n.

Dhe vajza e tij ishte kryeministre.

“Mendoj për guximin që u desh për të rindërtuar vendin dhe për të futur monedhën e vet në fillim të viteve 1990, si dhe për vendosmërinë e qetë që ai solli me vete në Bruksel. Estonia dhe Evropa janë më të mira për shkak të veprës së jetës së tij”, shkroi Presidentja e Parlamentit Evropian, Roberta Metsola, në rrjetet sociale pas lajmit të vdekjes së tij.

“Gjatë karrierës së tij publike, Siim Kallas ndihmoi në formësimin e rrugës evropiane të Estonisë dhe të politikave kryesore evropiane”, tha Komisioni Evropian.

Vajza e tij, Kaja Kallas, ishte kryeministrja më e re e Estonisë në histori, duke shërbyer nga viti 2021 deri në vitin 2024. Aktualisht ajo është Përfaqësuesja e Lartë e BE-së për Punët e Jashtme dhe Politikën e Sigurisë në mandatin e dytë të Presidentes së Komisionit Evropian, Ursula von der Leyen.

Kryeministri në detyrë i Kosovës, Albin Kurti, ka lavdëruar punën e Policisë së Kosovës dhe Agjencisë së Kosovës për Inteligjencë (AKI), pas aksioneve të fundit që çuan në konfiskimin e një sasie të madhe armësh dhe municioni në veri të vendit.

Kurti, gjatë një konference për media, ka thënë se në Republikën e Kosovës ka pasur procese të çarmatimit dhe grumbullimit të armëve ilegale, por jo në veriun e Kosovës.

“Policia e Kosovës, siç e dini, ka prezantuar arsenalin e madh të armëve dhe të municionit që i ka konfiskuar në veri të Kosovës, ju e dini se në Republikën tonë kemi pasur çarmatosje, grumbullim të armëve ilegale anembanë Kosovës, por jo në veriun e Kosovës. Në këto tri vitet e fundit kemi aksione të shumta policore, të cilat praktikisht po marrin armë në duart e atyre që janë ose kriminelë, ose në rastin më të mirë janë potencialisht kriminelë”, tha Kurti.

Ai ka theksuar se aksionet e institucioneve të sigurisë kanë rezultuar jo vetëm me konfiskimin e armëve nga persona që kanë kryer krime, por edhe me parandalimin e krimeve të mundshme, raporton kp.

“Armatimi ilegal me tyta të gjata nuk është për hajr, por veç për sherr, pra jo vetëm që kemi konfiskuar armatim të atyre që kanë bërë krime, por në të njëjtën kohë kemi konfiskuar edhe armatim duke parandaluar krime në vijim. Prandaj është punë e jashtëzakonshme e Policisë dhe AKI-së”, shtoi Kurti.

Sipas Policisë së Kosovës, gjatë operacioneve të zhvilluara nga 6 deri më 17 gusht në zonën e Zubin Potokut janë kontrolluar gjithsej 45 lokacione. Gjatë këtyre aksioneve janë konfiskuar 72 armë, mijëra copë municion, granata, pjesë të armëve, si dhe pajisje dhe uniforma ushtarake.

Shërbimi Meteorologjik i Greqisë ka paralajmëruar për temperatura deri në 42 gradë Celsius gjatë fundjavës dhe ditëve në vijim.

Sipas Observatorit Kombëtar të Athinës, në shumë rajone temperaturat do të arrijnë nga 38 deri në 40 gradë, ndërsa lokalisht mund të afrohen në 42 gradë Celsius, shkruan Index.

Meteorologët thonë se masat ajrore mbi Greqi do të jenë 6 deri në 8 gradë më të ngrohta se vlerat normale për këtë periudhë të vitit.

Vala e të nxehtit pritet të zgjasë në shumë zona deri në mesin e javës së ardhshme.

Pesë persona janë arrestuar dhe ndaluar në Deçan, nën dyshimin se kanë organizuar skema piramidale dhe bixhoz të paligjshëm.

Aksioni është ndërmarrë mbrëmë nga Prokuroria Themelore në Pejë, në koordinim me Policinë e Kosovës dhe Stacionin Policor në Deçan.

“Gjatë kontrollit të lokalit ku dyshohet se zhvillohej kjo veprimtari, janë gjetur dhe sekuestruar përkohësisht prova materiale që dyshohet se kanë shërbyer për zhvillimin e kësaj veprimtarie, përfshirë letra/karta të lojës, pesë (5) telefona mobilë, si dhe para të gatshme në shumën prej 1,615 (një mijë e gjashtëqind e pesëmbëdhjetë) euro”, thotë Prokuroria.

Me urdhër të prokurorit të shtetit, pesë të dyshuarit janë ndaluar për 48 orë.

Prokuroria ka bërë të ditur se brenda afatit ligjor do të ndërmarrë veprimet e nevojshme procedurale, përfshirë kërkesën për caktimin e masës së sigurimit ndaj të dyshuarve.

“Me urdhër të prokurorit të shtetit, pesë personat e dyshuar janë ndaluar për 48 orë, ndërsa brenda afatit ligjor, prokurori i rastit do të ndërmarrë veprimet e nevojshme procedurale, përfshirë parashtrimin e kërkesës për caktimin e masës së sigurimit ndaj të dyshuarve, sipas dispozitave ligjore në fuqi. Prokuroria Themelore në Pejë, në koordinim të vazhdueshëm me Policinë e Kosovës, mbetet e përkushtuar në luftimin e kriminalitetit dhe dukurive të kundërligjshme, si dhe në ndërmarrjen e veprimeve ligjore ndaj të gjithë personave që dyshohet se përfshihen në veprimtari të tilla”, thotë Prokuroria.

Kryeministri në detyrë, Albin Kurti mori pjesë në konferencë për media të paralajmëruar nga ministrja në detyrë e Mjedisit dhe Planifikimit Hapësinor, Fitore Pacolli, dhe ministri në detyrë për Punë, Familje dhe Vlera të Luftës Çlirimtare, Andin Hoti.

Kurti në konferencën që pati në fokus çështjet që lidhen me banimin social dhe politikat për mbështetjen e familjeve në nevojë, këtë projekt e ka cilësuar si një investim të rëndësishëm për dinjitetin e familjeve, barazinë dhe sigurinë sociale.

“Sot po prezantojmë projektin e banimit social adekuat në Republikën e Kosovës, një investim ky i rëndësishëm për dinjitetin e familjeve, si dhe për barazinë e sigurinë sociale. Kësisoj po bëjmë një hap të rëndësishëm në një prej fushave të cilën e kemi vendosur në qendër të punës tonë si Qeveri e Republikës së Kosovës, e kjo është përmirësimi i mirëqenies së familjeve e krijimi i kushteve më të mira për jetë”, tha Kurti.

Ndërsa, ministrja në detyrë e Mjedisit dhe Planifikimit Hapësinor, Fitore Pacolli, ka njoftuar se nga e hëna do të nisë nënshkrimi i marrëveshjeve me 21 komuna përfituese, në kuadër të projektit për banim social.

“Duke filluar nga dita e hënë, ne nisim nënshkrimin e marrëveshjeve me 21 komuna përfituese, duke shënuar kështu investimin më të madh publik në fushën e banimit social në Kosovë. Ky projekt nuk është thjesht një projekt infrastrukturor, por një platformë e vërtetë për drejtësi sociale, ku askush nuk mbetet pas”, tha Pacolli.

Sipas saj, projekti ka një vlerë totale prej 37 milionë eurosh, prej të cilave 25 milionë euro financohen drejtpërdrejt nga Banka Zhvillimore e Këshillit të Evropës, ndërsa 12 milionë euro nga Qeveria e Republikës së Kosovës, raporton kp.

“Ai ka një vlerë prej 37 milionë eurove, ku 25 milionë euro financohen direkt prej Bankës Zhvillimore të Këshillit të Evropës, ndërsa 12 milionë euro nga Qeveria e Republikës së Kosovës”, deklaroi Pacolli.