Category: Lajme

Ministria e Industrisë, Ndërmarrësisë dhe Tregtisë ka mbajtur konferencën “Zhvillimi i ekosistemit  të bizneseve fillestare (start-up) dhe inovacionit”, raporton Ekonomia Online.

Me këtë rast ministrja Rozeta Hajdari tha se promovimi i bizneseve të reja dhe inovacionit mbeten qëllim i Qeverisë e objektiv i Ministrisë që udhëheq.

Sipas saj, këtë çështje ekzekutivi e ka marrë me seriozitet në mënyrë që të rinjëve t’u krijohen kushte në vend e mos të kërkojnë në vendet tjera kushte më të mira për të jetuar e punuar.

Ajo madje ka thënë se mbështetja për të rinjtë që merren me teknologji do të vazhdojë, duke e quajtur këtë sektor bazë për zhvillim.

Madje shtoi se edhe buxheti është i koncentruar në këtë sektor me potencial.

“Start-up janë baza e zhvillimit, duke marrë për bazë numrin e madh e të rinjve. Qëllimi i Qeverisë e objektivi i Ministrisë mbetet promovimi i bizneseve dhe inovacionit. Po punohet në këtë drejtim dhe Kosova e ka marrë me seriozitet këtë, me qëllim të përfitimit të të rinjve. Në mënyrë që të rinjtë të qëndrojnë në Kosovë e mos të kërkojmë vende më të mira jashtë për të jetuar e punuar”.

“Kosova në Ballkan është e para sa i përket sundimit të ligjit. Inovacioni është potencë për zhvillim edhe për studentët. Jam e lumtur që të rinjtë po studiojnë teknologji dhe kjo është bazë për zhvillim ekonomik të vendit. Qeveria e Kosovës dhe Ministria do të vazhdojë të përkrah të rinjtë që merren me teknologji dhe inovacion. Në Prizren ekziston Qendra e TIK-ut që u mundëson të rinjve shumë përparësi”.

“Buxheti i Kosovës është i koncentruar që të mbështes teknologjinë dhe inovacionin. Na duhet edhe ekspertizë që të dimë se cila projekte kërkojmë më shumë mbështetje. Edhe Komisioni Evropian ka shumë projekt që mbështet në këtë aspekt, prandaj duhet që të shihet edhe kjo mundësi. Do të kemi edhe ligji që e rregullon këtë aspekt”.

Ambasadori i Finlandës në Kosovë, Matti Nissinen, u shpreh i lumtur që në Kosovë ka shumë ekspertë të teknologjisë madje edhe kompani të specializuar në këtë sektor.

Ai siguroi mbështetjen e shtetit të tij, duke shtuar se ata kanë bërë zhvillim të shpejt viteve të fundit, raporton EO.

“Në këtë sektorë ka shumë ekspertë dhe kjo na bënë të lumtur. Gjithashtu ka edhe kompani të specializuara. Dua të falënderojë ministren për mbështetjen në këtë drejtim. Një nga prioritet këtu për të investuar është se rinia këtu është e ardhmja dhe kjo është potencial dhe ne do të bashkëpunojmë më ju shumë ngushtë”.

“Jam fascinuar me dixhtalizimin këtu. Ne mund të jemi partner shumë i mirë që mund të ndihmojnë në këtë sektorë. Kosova qëndron shumë mirë në Ballkan sa i përket studentëve të teknologjisë”.

Vjollca Çavolli drejtoreshë ekzekutive e “Kosovo ICT Association”, tha se para 15 vjetësh kishin filluar që të merren me këtë fushë, por asnjëherë nuk e ka menduar se do të kenë këtë sukses.

Ajo madje u shpreh e gëzuar që vajzat po prijnë sa i përket studimet në teknologji.

“Kemi filluar para 15 vitesh me një ëndërr të vogël që të bëjmë diçka, nuk e kemi menduar se do të mbërrijmë që shumë kompani të ekspertojnë produkte e tyre jashtë vendit dhe numri po rritet çdo ditë. Madje po rrite edhe numri i vajzave që po studiojnë teknologjinë, kjo edhe e kalon numrin e djemve”.

Një vjedhje e rëndë ka ndodhur në Qendrën e Regjistrimit Civil në Podujevë, ku persona të panjohur kanë marrë nga posta afro 6 mijë euro.

Po ashtu, gjatë vjedhjes kanë marrë edhe mbushje telefonit në vlerë rreth 200 euro.

“Rr. Sali Çitaku, Podujevë 12/15.05.2023-NN. Është raportuar se në Qendrën e Regjistrimit Civil, persona të panjohur kanë depërtuar me forcë ku kanë hapur kasafortën e filialit të postës dhe prej aty kanë vjedhur 5853.60€ para të gatshme, mbushje të telefonit në vlerë rreth 200€ dhe pulla postare në vlerë rreth 100€, si dhe dy DVR”, thuhet në raportin e Policisë.

Deri tani nuk raportohet për të arrestuar, rasti është duke u hetuar.

Derisa në Bruksel po mbahej takimi midis kryenegociatorëve, ambasadori i BE-së në Kosovë, Tomas Szunyog, kërkoi nga Kosova dhe Serbia t’i mbahen zotimeve për zbatimin e marrëveshjes së Ohrit ku bënë pjesë edhe themelimi i Asociacionit.

“Kosova është zotuar që të filloj procesin e themelimit të Asoaciacionit. Serbia gjithashtu duhet të filloj me implemtimin e detyrimeve të veta. Ne presim se nuk do ta kundërshtoj Kosovë në anëtarësim në organizata ndërkombëtare dhe t’i njeh dokumentet. Pas marrëveshjes së Ohrit fokusi është në zbatimin e saj. Palët duhet të zbatojnë dispozitat nëse kanë qëllim që të anëtaresohen në BE. Mos zbatimi i marrëveshjes do të ketë pasoja”.

Për Ambasadorin e Francës, Oliver Guerot, implementimi i marrëveshjes së Ohrti është në interes për Kosovën dhe Serbinë. Ai tha se themelimi i Asociacionit është në interes për serbët e Kosovë.

“Zbatimi i marrëveshjes së Ohrit është një mundësi e mirë mos e humbisni. Është në interes të Kosovës dhe të Serbisë. Themelimi i Asociacionit është në interes jo vetëm për serbët, por për të gjithë Kosovën. Kemi elemente pozitive për të gjithë në marrëveshjen e Ohrti. Mos të fokusohemi se kush po e shkelë marrëveshjen sepse BE-ja nga afër po e përcjellë zbatimin e saj. Koosva duhet të angazhohet në formë konkrete në themelimin e Asociacionit”.

Ambasadorët e vendeve të BE-së e shohin terrenin e vështirë për normalizim të raporteve midis Kosovës dhe Serbisë, derisa u tha se ka retorikë nga palët që çon në ngritjen e tensioneve. Ambasarori i Suedisë, Jonas Westerlund, kërkoi nga palët që të mos e akuzojnë njëra tjetrën dhe të krijojnë dialog në mirëbesim.

“Të dyja palët duhet të kalojnë më pak kohë duke akuzuar njëra tjetrën që ta lëjnë Brukselin të merret me pjesën e mos implementimin e marrëveshjes. T’i japim kompromis arritjes së rezultateve”.

Për përfaqësuesit e pushtetit Serbia është fajtore për nxitjen e tensioneve në proces të dialogut si shkelëse e marrëveshjes së Ohrit.

Sekretari i përgjithshëm i VV-së Alim Rama, duke iu përgjigjur edhe përfaqësuesve ndërkombëtarë për themelimin e Asociacionit, tha se draft statuti i prezantuar nga ekipi menaxhues është i papranishëm.

“ Pika e shtatë e marrëveshjes flet për vetmanaxhim të komunitetit serb…statuti që u prezantua në mbledhjen e fundit në Bruksel nuk ka pasur në asnjë nen që përmendet republika serbe….aty po flitet për një entitet që nuk ka të bëjë me rendin kushtetues në Kosovë…”

Nënkryetari i LDK-së, Lutfi Haziri, tha se duhet të themelohet Asociacioni. Kritikoi Qeverinë për mos qartësi të themelimit të Asociacionit.

“Me ni nuse dy dhëndur nuk mund ti zëdhë. Përderisa Qeveria nuk del me një qëndrim deputetet e shumicës dalim me qëndrim kundërshtues dhe kjo shkakton amulli tek qytetarët…”

Përfaqësuesi i Iniciativës qytetare serbe, Aleksandar Arsenijevic, kërkoi sa më shpejtë të themelohet Asociacioni. Pati pretendime edhe sa i përket qasjes agresive të Policisë së Kosovës në veri të vendit

“Qytetarët e keqtrajtuar nga ana e Policisë shkojnë të raportojnë në Inspektorat Policor të Kosovës, por nuk kanë besim sepse nuk shohin rezultate në terren se nuk ka sanksione ndaj Policëve..”

Ambasadorët e vendeve të BE-së pjesëmarrës në tryezë i bënë thirrje Qeverisë që të mos marrë vendime të njëanshme për hapjen e urës së Ibrit. Sipas tyre, kjo cështje duhet të diskutohet në proces të dialogut.

Një 21-vjeçare ka humbur jetën ditën e hënë në Shtime, si pasojë e ngufatjes me ushqim.

Zëdhënësi i Policisë së Kosovës për Rajonin e Ferizajt, Kanun Veseli, konfirmoi për Telegrafin se rasti ka ndodhur në “Shtëpia e fëmijëve”, rreth orës 19:30.

“Më datën 15.05.2023 rreth orës 19:30 , policia e stacionit në Shtime ka pranuar një informacion se një person D.S ( F/K) e moshës 21 vjeçare nga ‘Shtëpia e fëmijëve’ në Shtime, për ndihmë mjekësore fillimisht është dërguar në Qendrën e Mjekësisë Familjare në Shtime dhe më pas me autoambulancë është dërguar në Qendrën Emergjente në Ferizaj, ku nga mjekët është konfirmuar vdekja e saj, dyshohet ngufatje nga ushqimi”, tha ai.

Tutje, Veseli shtoi se, hetuesit dhe krimteknikët rajonal kanë dalë në vendin e ngjarjes dhe nën autorizim të prokurorit kujdestar i kanë nisur hetimet.

“Me vendim të prokurorit kujdestar trupi i pajetë është dërguar në Institutin e Mjekësisë Ligjore në Prishtinë për obduksion”, theksoi ai.

Veseli bëri të ditur se rasti është cilësuar “Hetim mbi vdekjen”.

Më 16 maj të vitit 1999 në rrethana ende të pandriçuara është zhdukur Ukshin Hoti.

Veprimtari i mirënjohur i Lëvizjes Kombëtare, profesori Ukshin Hoti u lind më 17 qershor të vitit 1943 në fshatin Krushë të Madhe të Rahovecit. Ishte profesor, shkrimtar, filozof, intelektual, atdhetar dhe veprimtar i shquar i çështjes kombëtare gjatë viteve 1981-1999.

Ukshin Hoti ka qenë edhe ligjërues ne disa universitete të Amerikës ku dhe kishte studiuar dhe diplomuar.

Për aktivitetin e tij atdhetar ishte arrestuar disa herë nga regjimi serb i Titos dhe i Milosheviqit.

Për herë të fundit ishte arrestuar në vitin 1994 nga policia serbe me akuzën e ushtrimit të veprimtarisë armiqësore kundër Jugosllavisë dhe për pjesëmarrjen e tij në lëvizjen për Republikën e Kosovës, me ç’ rast ishte dënuar 5 vjet burg.

Më 16 maj të vitit 1999 pas lirimit dhe pas daljes nga qelia e burgut të Dubravës, zhduket nga polica serbe pa lënë gjurmë.

Shokët e burgut, ata që kanë shpëtuar nga masakra e Dubravës, disa ditë më vonë, kanë treguar se Ukshini ishte liruar nga burgu më 16 maj, ditën e diel, ditë që nuk praktikohej lirimi i të burgosurve.

Prej asaj kohe e deri tani, veprimtari i madh i çështjes kombëtare shqiptare, magjistri, filozofi, shkrimtari, publicisti, atdhetari i përkushtuar, Ukshin Hoti edhe sot e kësaj dite konsiderohet ende i zhdukur.

Plani evropian është mundësi që nuk duhet humbur dhe se duhet zbatuar sa më parë, është thënë në tryezën e organizuar të hënën në Mitrovicë të Jugut, e ku morën pjesë ambasadorë, politikanë, gazetarë e përfaqësues të shoqërisë civile.

Shefi i Zyrës së BE-së në Kosovë, Tomas Szunyog, gjersa foli për ecurinë e dialogut, ka thënë se draftstatuti i Asociacionit të komunave me shumicë serbe është hap i rëndësishëm në dialog. Ai ka folur edhe për zgjedhjet në veri.

“Rezultati i zgjedhjeve lokale shfaqi se sa komplekse është situata dhe se ekziston potenciali për t’u rritur tensionet në terren. Pra mënyra më e mirë për të përshkruar situatën është ‘e qetë, por e tensionuar’”, ka thënë shefi i Zyrës së BE-së në Kosovë, Tomas Szunyog.

Ambasadori i Francës në Kosovë, Olivier Guerot, ka thënë se nga marrëveshja e Brukselit dhe ajo për planin e zbatimit të saj, e arritur në Ohër, palët përfitojnë shumë. E për hapjen e urës mbi lumin Ibër edhe për qarkullim të veturave ai ka thënë se nuk është koha.

“Ka elemente pozitive për të gjithë në marrëveshje, BE po e shikon nga afër zbatimin e marrëveshjes dhe do të ketë pasoja për palët jokonstruktive. Zbatimi i marrëveshjes Kosovë-Serbi do të bëhet pjesë e marrëdhënieve të BE-së me Serbinë”, ka thënë ambasadori Guerot.

Nënkryetari i LDK-së, Lutfi Haziri, ka kritikuar qasjen e Qeverisë në dialog.

“Moszbatimi i Marrëveshjes së vitit 2013 e ka sjellë këtë situatë. Ne edhe shumicës së re, që i bëri dy vjet mandat, ia kemi rekomanduar që pa hezitim ta zbatojnë Marrëveshjen e vitit 2013”, është shprehur Haziri.

E ministri për Komunitete dhe Kthim, Nenad Rashiq, ka thënë se serbët e Kosovës duhet të jenë më të përfshirë në vendimmarrje.

“Çdo marrëveshje që çon në paqe, tolerancë dhe bashkëjetesë, ne serbët e Kosovës e mbështesim. Serbët e Kosovës nuk kanë qenë të përfshirë në dialog, as nga Beogradi dhe as nga Prishtina”, ka bërë të ditur Nenad Rashiq.

Në takim morën pjesë edhe përfaqësues të tjerë të serbëve në Kosovë, si Rada Trajkoviq, që gjendjen e serbëve të Kosovës e krahasoi me atë të shqiptarëve në vitet ’90, dhe Aleksandar Jabllanoviq, kryetar i partisë Serbët e Kosovës, i cili akuzoi Listën Serbe se mban monopolin e jetës politike të serbëve.