Category: Lajme

Raportuesi për Ballkanin Perëndimor në Komisionin e Jashtëm të Bundestagut, Boris Mijatoviç, duke diskutuar për situatën në veri të vendit, ka ngritur pyetje se kush solli armë në protestat e ditëve të fundit ndërsa tha se dëshiron të dijë se kush i dërgoi këta njerëz të armatosur në protestë.

Duke folur për Deutche Welle, Mijatoviç u shpreh se Kurti dhe Vuçiq duhet të ulen në tryezën e bisedimeve për shtensionimin e situatës.

“Pak ditë më parë gjatë prezantimit të kryetarëve të komunave u plagosën njerëz. Jo vetëm 41 ushtarë të KFOR-it nga Hungaria dhe Italia, por edhe mbi 50 demonstrues. I uroj të gjithëve një shërim të shpejtë. Por do të doja të dija pse kishte plagë me armë zjarri. Do të doja të dija se nga vijnë bombat ndezëse. Unë do të doja të di se kush i dërgoi këta njerëz atje ose pse këta njerëz në mënyrë të pavarur sjellin armë në një demonstratë që lëndojnë njerëzit? Sulmet ndaj forcave të sigurisë janë të papranueshme dhe të patolerueshme”, tha Mijatoviç që shtoi se përgjigjet i pret nga presidenti serb Vuçiq, KFOR dhe kryeministri Kurti.

I pyetur nëse sanksionet ndaj Kosovës janë rruga e duhur për shtensionim të situatës, Mijatoviç thotë se ndërkombëtarët nuk duhet të jenë lojtarë në këtë situatë por t’i lihet Kosovës dhe Serbisë që të zgjidhin këtë çështje.

“Mendoj se duhet të jemi të kujdesshëm që të mos veprojmë shumë si lojtar në këtë situatë. Ne nuk jemi aktor politik në parlamente apo në qeveri. Ne kemi një rol të politikës së jashtme. Ne mund ta mbështesim situatën me shkëmbime diplomatike. Por gabojmë kur ndërhyjmë në politikë dhe bëhemi aktorë politikë në terren. Ky është një problem që haset edhe në Bosnje dhe Hercegovinë, siç mund ta shohim nga z. Schmidt. Është më mirë t’i qasemi situatës dhe detyrës me përulësi dhe të përqendrohemi në atë që duam: që z. Vuçiq dhe z. Kurti të ulen në një tryezë dhe të mendojnë se si duhet ta trajtojnë situatën në kufi, në mënyrë që të sigurojnë një të ardhme paqësore të dy vendeve fqinje në Evropë”, tha ai.

Mijatoviç u shpreh se nuk ka zgjidhje të lehtë, por kërkohet shumë punë ndërsa vuri theksin te Asociacioni i komunave me shumicë serbe ndërsa kundërshtoi thirrjet e Vuçiq për më shumë autonomi për serbët.

“Asociacioni i komunave me shumicë serbe duhet realizuar dhe ai është një sfidë për të dyja palët. Ka shumë modele të tjera se si të zbatohet një shoqatë komunash. Z. Vuçiq tani po flet sërish për autonomi. Nuk mendoj se është toni i duhur. Ne si bashkësi ndërkombëtare duhet të jemi të kujdesshëm që të dyja palët të qëndrojnë në tavolinë dhe të mos gjuajnë njeri-tjetrin me këmbë nën tryezë”, vijoi ai.

Njësia për Kërkim-Shpëtim në kuadër të Forcës së Sigurisë së Kosovës është duke vijuar operacionin për kërkim të një gruaje që u hodh nga Ura e Fshajt në lumin Drin i Bardhë.

Zëdhënësi i Drejtorisë Rajonale të Policisë në Gjakovë, Sheremet Elezaj, tha për KosovaPress se deri mëngjesin e së hënës nuk ka ndonjë të re në lidhje me rastin.

“Kërkimet janë duke vazhduar nga Njësia për Kërkim-Shpëtim e FSK-së. Deri në këto momente nuk ka ndonjë epilog lidhur me rastin. Për informimin tuaj, FSK është duke kryer kërkime që nga dita e parë”, deklaroi Elezaj për KosovaPress.

Mëngjesin e së premtes, një grua 59-vjeç, me inicialet A.M. nga Prizreni, ishte hedhur nga Ura e Fshajt ndërsa sendet e saj personale kishin mbetur tek ura.

Reshjet e fundit të shiut kanë bërë që niveli i Drinit të Bardhë të rritet e gjithashtu të jetë edhe më i rrëmbyeshëm se zakonisht.

Një pjesë e rrugës Ferizaj-Shtime ka mbetur në gjendje të mjerueshme, pasi banorët thonë që ajo ka mbetur pa u rregulluar që katër muaj.

“Qe 4 muaj jemi në hall me kompaninë e pandërgjegjshme”, tha njëri banor për Express.

Ai ka dërguar fotografi të rrugës.

Instituti Albanologjik ka mbajtur Akademi solemne me rastin e 70-vjetorit të themelimit, raporton Ekonomia Online. Në këtë ceremoni ka marrë pjesë edhe kryeministri Albin Kurti. Ai me këtë rast tha se Instituti e kishte fatin e njëjtë sikurse të popullit të Kosovës, duke kaluar nëpër shumë sfida e vështirësi.

Sipas tij, në shumë situata shqiptarët në ish-Jugosllavi mund të fitonin disa të drejta, por më pas mund të arrestoheshin.

“Ndihem i nderur që marrë pjesë në shënimin e përvjetorit të 70-të. Këto vjen mund të mos duken shumë, por dëshmon se ky institucion ka kaluar në peripeci sikurse populli i Kosovës”.

“E kaluar jonë nuk ishin dokumentuar, para themelit të Instituti bëri që të bëhej punë e madhe që më herët e kishin bërë të huajt. Instituti nuk e ndali punë edhe përkundër vështirësive. Misioni ishte shumë largpamës. Shumë presona kontribuuan gjatë zhvillimit”.

“Duke filluar nga themeluesit, Esat Mekulli, Rexhep Qosja, Ibrahim Rugova, jo vetëm që paraqesin emrat e studiuesve tonë të famshëm, që kanë kontribuar pa ndalur. Instituti duhet të synojë të jenë të hap me kohë, ne do ta përkrahim në vazhdimësi. Duhet edhe bashkëpunim me studiues të huaj”.

Konferenca shkencore, “Albanologjia dje, sot dhe nesër” do të mbahet më 19, 20 dhe 21 qershor në objektin e Institutit Albanologjik në Prishtinë (IAP).

IAP është themeluar më 1 qershor 1953. Në fillim i kishte katër punonjës dhe një numër bashkëpunëtorësh të jashtëm. Pas një periudhe relativisht të shkurtër, me vendim të organeve shtetërore u mbyll (25 dhjetor 1955), për t’u rihapur më 28 shkurt 1967. Puna në këtë institucion nuk u ndërpre as pas marrjes me dhunë të objektit më 8 mars 1994 nga organet e atëhershme pushtuese serbe.

Kryeministri i Kosovës, Albin Kurti, ka thënë se vendimin për të shkuar në Bruksel për takim me presidentin serb Aleksandër Vuçiq do ta marrë pas vizitës të shefit të zyrës ndërlidhëse në Beograd, Jetish Jashari tek tre policët e rrëmbyer që po mbahen në paraburgim në Kralevë.

Kurti tha Jashari pritet të shkojë nesër në qendrën e paraburgimit dhe më pas do të vlerësojë për takimin me Vuçiqin.

Në anën tjetër, Kurti tha se është e domosdoshme vendosja e ligjshmërisë në veri.

Këto komente Kurti i bëri pasi mori pjesë në shënimin e 70-vjetorit të themelimit të Institutit Albanologjik.

Njoftime të ndryshme për shitjen e banesave, lokaleve por edhe ato mortore hasën në çdo rrugë të kryeqytetit. Ato vendosen në drunj e shtylla elektrike, por edhe në hapësira tjera publike. Qytetarët thonë se mungojnë tabelat ku mund të vendosën njoftimet. Ndërkohë, në Komunën e Prishtinës thonë në sheshet e Prishtinës, kanë vendosur tabela në të cilat mund të vendosen njoftimet dhe se do të vazhdojnë t’i vendosin edhe në vende tjera publike.

Nga drejtoria për shërbime publike në Prishtinë, thonë se ata që nuk i respektojnë hapësirat publike mund të gjobiten.

Zyrtarja nga Drejtoria për shërbime publike në Komunën e Prishtinës, Mevlude Zejnullahu tha se shpalljet nuk duhet të vendosen në hapësira publike, pasi janë pllakatat të vendosura në kryeqytet, por nuk janë të shfrytëzueshme nga qytetarët.

“Në sheshet e kryeqytetit të Kosovës janë të vendosura disa pllakata të mermerit të cilat janë të destinuara që qytetarët të vendosin njoftime të ndryshme të tyre, p.sh për shitje të banesave, lokaleve afariste, shpallje për vende pune dhe shpallje mortore dhe shumë njoftime të tjera, por fatkeqësisht qytetarët nuk po i shfrytëzojnë ato pllakata por po i vendosin në hapësira të ndryshme publike, aty po mendojnë se mundë t’i shohin më lehtë”, tha Zejnullahu për KosovaPress.

Qytetari Xheladin Tapallari thotë se duhet të ketë pllakata të mjaftueshme dhe të mos praktikohet që njoftimet të vendosen nëpër drunjtë dhe shtylla të qytetit.

“Duhet në vende të caktuara që njerëzit të dinë të orientohen dhe të informohen sikur që është në Prizren, të jenë tabelat në të cilat bëhen shpalljet,,,,Kryesisht në vende ku po frekuentohen më shumë e mos të praktikohet nëpër shtylla nëpër drunjtë”, tha Tapallari

Ismet Ferati tha se në kryeqytet nuk ka parë ndonjë pllakatë për shpallje mortore dhe duhet të shtohen në çdo qytet të Kosovës, në një kohë sa më të shpejt.

“Mendoj që do të ishte ide më e mirë një vend i posaçëm ku vendosen, sepse e di që është më mirë afër shtëpisë ku e shohin krejt, mirëpo një vend i posaçëm do të ishte më mirë për këto shpallje mortore” tha Ferati për Kosovapress.

Edhe Rexhep Krasniqi ka të njëjtin mendim se në kryeqytet nuk ka mjaftueshëm pllakata për njoftime. Ai propozon që të gjitha njoftimet ta kanë vetëm një vend për t’u vendosur.

“Duhet një vend i caktuar për këto shpallje, jo në çdo vend deri tek pemët e rrugës vendosen. Unë propozoj të ketë një vend të caktuar qyteti, nuk e di që ka ndonjë vend në Prishtinë, nuk e kam parë. Njoftimi është më i mirë në një vend“, tha Krasniqi.

Sipas Zejnullahut, drejtoria për shërbime publike do të sigurojë hapësira për të gjitha shpalljet edhe për shitje të banesave, konkurse pune ato mortore dhe çdo informatë tjetër e nevojshme për qytetarët.

“Për ne është e rëndësishme si drejtori e shërbimeve publike të ofrojmë vende të posaçme që të vendosin thirrje të ndryshme të cilat për një pjesë tjetër janë të rëndësishme. Në të ardhmen planifikojmë që tabela tjera t’i vendosim në hapësira tjera publike, ku qytetarët mund t’i marrin informata ,mirëpo mos të harrojmë që edhe rrjetet sociale e kanë bërë të veten ….02:18 Në kuadër të kryeqytetit e kemi edhe institucioni i cili i trajton këto raste dhe mundet me i gjobitë qytetarët të cilët nuk i respektojnë hapësirat publike”, Shtoi Zejnullahu.

Sipas qytetarëve në kryeqytet nuk ka mjaftueshëm pllakata për shpallje të ndryshme të qytetarëve dhe është e nevojshme të vendosen në çdo hapësirë publike. /kp

E ashtuquajtura zyrë për Kosovën në qeverinë e Serbisë e ka quajtur “torturë të Albin Kurtit” arrestimin e serbit U.V. në Leposaviq.

Policia e Kosovës konfirmoi paraprakisht se e ka arrestuar një person të nacionalitetit serb i cili dyshohet se ishte i përfshirë në sulmin ndaj gazetarëve më 16 qershor dhe se deri te kjo kishte ardhur përmes një hetimi intensiv dhe provave të siguruara.

“UV është arrestuar kur ka shkuar në punë sot herët në mëngjes dhe është arrestuar nga pjesëtarët e Policisë së Kosovës të Kurtit me rroba civile, madje njëri prej të cilëve ishte duke drejtuar veturën me targa KM”, thuhet në reagimin e kësaj zyre.

Zyra e udhëhequr nga kryenegociatori serb, Petar Petkoviq thotë se serbi i arrestuar s’është kriminel, por “një djalosh që nuk kishte asnjë faj”.

“Kurti pa asnjë provë, përkundër fakteve që e mohojnë, arreston serbët çdo ditë, ndërsa ndërkombëtarët e kthejnë kokën në anën tjetër dhe bëjnë sikur nuk i shohin shkeljet e të gjitha të drejtave elementare të serbëve, keqtrajtimet e përditshme të Kurtit, fizik, juridik. dhe dhunë institucionale ndaj popullit tonë”, thuhet në reagim.

Presidenti serb, Aleksandar Vuçiq, ka deklaruar në një fjalim të jashtëzakonshëm drejtuar kombit se Serbia do të reagojë “nëse nuk mund t’i mbrojmë njerëzit nga masakrat”.

Ai ka shtuar se pret që “kryetarët e rremë” të japin dorëheqje dhe njësitë speciale të Kosovës të tërhiqen nga veriu i Kosovës. Sipas tij, deri atëherë nuk dëshiron të takohet dhe të bisedojë me Kurtin.

“Vendimet do t’i marrim vetë, nuk do të konsultohemi me askënd. Nuk kemi asnjë detyrim ndaj askujt tjetër. Sa i përket dialogut, ai është krejtësisht i pakuptimtë”, ka pretenduar Vuçiq.

Ai ka thënë se për shumë vjet “është përpjekur të ruajë paqen dhe stabilitetin” në çdo mënyrë.

“Vendi ynë ka dhënë gjithçka që të bëhet ashtu. Pavarësisht nëse dikujt i pëlqen apo jo, këto janë fakte dhe të dhëna. Sado të mundohemi të jemi një partner serioz dhe i përgjegjshëm, jemi në rrugën evropiane, por asnjëherë nuk na kanë parë kështu. Nëse nuk vepronim në kërkesën e tyre pa kushte dhe pa diskutim, ne ishim fajtorë. E shihni edhe vet se nuk ka rrugëdalje, nuk e kemi më. Që nga fillimi i vitit asnjë shqiptar nuk është qëlluar apo plagosur. Ka pasur “incidente të vogla” të të rinjve serbë dhe shqiptarë kur shqiptarët po kalonin urën në Mitrovicë”, ka pretenduar Vuçiq, transmeton Paparaci

Vuçiq ka zbuluar se Zyra e Petkoviqit “ka grabitur” një dokument të EULEX-it.

“E dini se çfarë thotë atje? Epo asgjë. Ata vetëm e kanë ndjekur formën burokratike. Atyre vërtet nuk i interesojnë serbët. Kurti po krijon një situatë kriminale, mendova se po e bënte i vetëm, por tani e di që po e bën me mbështetjen e disa partnerëve perëndimorë. Ai keqtrajton të gjithë qytetarët e kombësisë serbe”, ka thënë Vuçiq.

“Dhe pastaj na thonë të mos ndërhyjmë, EULEX-i po monitoron. Çfarë po monitoroni, ju gënjeshtarë?”

Ai ka pretenduar se në pesë ditët e fundit ka qenë nën presion të madh për shkak të kidnapimit të policëve të Kosovës, siç thotë ai “në territorin e Serbisë”.

“Njerëzit duan të ruajnë paqen, por ata nuk e dinë se si”, vazhdon Vuçiq.

“Jam i sigurt se do të ndërmarrin hapa aktivë për Vidovdanin i cili është një ditë e rëndësishme në historinë serbe. Në Vidovdan, serbët në mënyrë paqësore do të ndërmarrin hapa në rrugën e lirisë së tyre. Ne nuk do të informojmë më askënd për asgjë, përveç asaj që është në përputhje me Rezolutën 1244. Ne do të përpiqemi ta ruajmë paqen, por i paralajmërojmë të gjithë ata që do të dëbojnë serbët nga veriu i Kosovës se kjo nuk do të ndodhë” ka thënë presidenti serb dhe ka shtuar se “le të mendojnë ose le të pretendojnë se është bllof, nuk më intereson fare”.

Sa i përket sjelljes sonë politike, siç theksoi ai, “është krejtësisht e pakuptimtë të flasësh me një njeri që nuk ka dashur të flasë kurrë”.

“Dhe ne nuk kemi çfarë të themi, derisa serbët e arrestuar të lirohen, derisa të tërheqin këto norma të pakuptimta. Do t’i lini të lirë serbët e arrestuar, do t’i tërhiqni masat me të cilat nuk po i lejoni të hyjnë kamionët me mallra, që dikë ta mundoni me uri, kjo nuk do t’ju funksionojë. Dhe kjo është shkelje si e CEFTA-s, ashtu edhe e të gjitha marrëveshjeve të mundshme. Është e kotë derisa “kryetarët e rrejshëm” të japin dorëheqjen dhe të tërhiqen nga veriu i Kosovës. Nëse teknikisht do të paraqitemi në ndonjë bisedë, do t’ju njoftoj 24 orë herët. Por nga kjo punë nuk përfitohet asgjë dhe teknikisht është çështje e taktikave tona”, ka thënë Vuçiq.

Sipas tij, situata është shumë e ndërlikuar dhe komplekse.

“Populli ynë është nën sulm të ashpër nga vrasësit, hajnat dhe mashtruesit. E di mjaft mirë se sa të vegjël jemi në krahasim me vendet e NATO-s, e di që politika jonë duhet të jetë zhvillimi dhe progresi ekonomik, por jam i vetëdijshëm se sa e kërcënuar është mbijetesa e popullit tonë”, përfundoi Vuçiq.

I pyetur për vazhdimin e dialogut, presidenti serb ka thënë se “Kurti dëshiron luftë me çdo kusht”.

“Çdo bisedë është e pakuptimtë, dialogu i krizës nuk ka kuptim sepse të gjithë janë të njëjtë dhe bazohen në “Vuçiq jep diçka”, nuk kam çfarë të jap më shumë. A do të vendos teknikisht të paraqitem apo jo, do të vendos për këtë, do të jetë vendimi ynë taktik”, ka thënë ai.

Sipas tij, Serbia është në rrugën evropiane dhe nuk do të veprojë vullnetarisht dhe të krijojë incidente.

“Nëse nuk mund t’i mbrojmë njerëzit nga masakrat, atëherë do të reagojmë”, ka thënë Vuçiq.