Category: Lajme

Deputetja e Partisë Demokratike të Kosovës, Blerta Deliu-Kodra tha se për shkak të sjelljes, sipas saj aventureske, të kryeministrit Albin Kurti, sot në pjesën veriore të vendit ka më pak siguri, shtet rend e ligj.

Nga foltorja e Kuvendit të Kosovës ajo bëri thirrje për lirim të menjëhershëm të tre policëve të rrëmbyer nga Serbia.

“Sot 8 ditë pas policitë tanë po mbahen në paraburgim me akuza të pabaza e me trajtim të pa dinjitetshëm njerëzor. Ndërkohë thirrja jonë mbetet e njëjtë lirimi i menjëhershëm i tyre pa asnjë kusht. Fatmirësisht thirrje të tilla prej ditëve të para kanë bërë edhe miqtë ndërkombëtar të Kosovës SHBA, Mbretëria e Bashkuara, BE. Shpresojmë dhe besojmë se angazhimi i të gjithëve do të ë mundësoj kthimin e zyrtarëve policor në punën dhe tek familjet e tyre, mirëpo nëse në këtë pikë jemi gjithë njëzëri ne fatkeqësisht jemi më shumë se kurrë të shqetësuar për nivelit e bashkëpunimit të qeverisë së Kosovës me partnerët e saj strategjik. Sot qeveria e udhëhequr nga Albin Kurti I ka mbyllur dyert me diplomacitë e vendeve mike”, tha ajo.

Sipas deputetes së PDK-së, qasja e Kurtit ka sjell më pak sovranitet në veriun e Kosovës e ka më pas siguri e rend e ligj.

“Sot si rezultat i qasje aventureske të Albin Kurtit kemi më pak sovranitet në pjesën veriore. Kemi më pak siguri, më pak rend dhe ligj, pra kemi edhe me pak shtet. Çfarë kemi sot janë sulmet e vazhdueshme të papranueshme të partisë në pushtet për NATO-n si organizatë paqeruajtëse që garanton integritetin territorial të Kosovës, për Shtetet e Bashkuara të Amerikës si garanci e shtetësisë sonë. Nxitja e një gjuhe të tillë shpërfillëse dhe mosmirënjohëse nga eksponentë të pushtetit është prej qëllimeve të qarta të Serbisë në luftën e saj hibride ndaj shtetit tonë “, tha ajo.

Seanca plenare e Kuvendit të Kosovës ka nisur me fjalimin e deputetit të Lëvizjes Vetëvendosje, Valon Ramadani i cili ka falënderuar gazetarët dhe kameramanët të cilët ndonëse të sulmuar nga bandat kriminale kanë kryer punën e tyre.

Ramadani tha se puna heroike e gazetarëve dhe policëve garanton triumfin e demokracisë së Kosovës.

Në këtë seancë plenare është paraparë të zhvillohet edhe interpelanca e ministrit të Financave, Punës dhe Transfereve, Hekuran Murati lidhur me rishikimin e buxhetit të Kosovës dhe rritjen e pagave në sektorin publik.

Një shpërthim i fuqishëm ka ndodhur në një ndërtesë në Paris, duke lënduar 24 persona dhe duke shkaktuar zjarr.

Për shkak të shpërthimit, policia ka evakuuar qytetarët nga ndërtesat përreth.

Ende nuk dihet se çfarë e shkaktoi këtë shpërthim.

Prokurorët thanë se dy persona ende janë të zhdukur pas kolapsimit të dy ndërtesave në Paris.

Ekipet e kërkim-shpëtimit janë duke kryer operacione përmes rrënojave të ndërtesave në qarkun e pestë të kryeqytetit francez, ku gjenden edhe disa nga vendet më të frekuentuara nga turistët.

Autoritetet bënë të ditur se shpërthimi ka ndodhur në shkollë private.

Zjarri është vënë nën kontroll, por ende nuk është shuar plotësisht. Rreth 270 zjarrfikës janë përfshirë në shuarjen e zjarrit dhe 70 makina të emergjencave kanë dalë në vendin e ngjarjes.

Sipas autoriteteve, katër nga të lënduarit janë në gjendje kritike dhe 20 kanë plagë më pak të rrezikshme.

Zyrtarët në qarkun e pestë të Parisit fajësuan rrjedhjen e gazit për shpërthimin, që më pas shkaktoi edhe zjarr.

Kryetarja e qarkut, Florence Berthout, tha se “shpërthimi ishte shumë i dhunshëm”, duke shtuar se copëza xhami ende po bien nga ndërtesat.

Prokurorët në Paris po hetojnë nëse shpërthimi është shkaktuar nga ndonjë shkelje eventuale e rregullave të sigurisë.

Prokurorja e Parisit, Laure Beccuau, tha se hetuesit do të synojnë të përcaktojnë “nëse ka pasur shkelje të rregullave apo ndonjë pakujdesi individuale ka çuar deri te shpërthimi”.

Në Paris edhe në të kaluarën ka pasur incidente me rrjedhje të gazit që kanë shkaktuar shpërthime. Në janar të vitit 2019 u vranë katër persona dhe u plagosën dhjetëra të tjerë pas një shpërthimi./REL/

Kryetari i NISMA-s Socialdemokrate, Fatmir Limaj, në emisionin CONTEXT në ATV, tha se pos informimit nga mediat, nuk e ka të qartë se çfarë është duke ndodhur në veri të vendit.

Ai tha se është i shqetësuar për këtë situatë, sa që nuk po ë bënë gjumin rehat.

“Kam ndejt këto ditë me do miq që na kanë ndihmu me ardh deri këtu edhe më thanë ‘qysh po fleni rehat”. Unë nuk po flej rehat, por kaq kam kaçik”, u shpreh Limaj.

Ai tha se opozita duhet të dalë nga kompleksi i të qenit opozitë dhe duhet ta ndihmojë kryeministrin që të mos gabojë. /atvlive.tv

Emisionin e plotë e gjeni në videon më poshtë:

Një ekip shumëkombësh për kërkim-shpëtim po vazhdon kërkimet nga deti dhe ajri për nëndetësen e zhdukur, Titan.

Nëndetësja me pesë turistë në bord u nis të dielën drejt rrënojave të Titankut, por humbi kontaktin një orë e 45 minuta pas nisjes. Ekipet e shpëtimit janë në garë me kohën pasi nëndetëses besohet se i kanë mbetur vetëm disa orë furnizime me oksigjen.

Nëndetësja Titan, që operohet nga kompania me seli në Shtetet e Bashkuara, OceanGate, ishte nisur drejt anijes së fundosur Titanik të dielën në orën 08:00 sipas kohës lokale. Nëndetësja humbi kontaktin me anijen mbështetëse më pak se dy orë pas nisjes drejt Titanikut në Oqeanin Atlantik.

Titan nisi ekspeditën me 96 orë furnizime me oksigjen, tha kompania OceanGate, që nënkupton se furnizimet mund të harxhohen mëngjesin e së enjtes. Por, ekspertët thanë se sa gjatë mund të zgjasin furnizimet me oksigjen varet nga disa faktorë, sikurse nëse nëndetësja ende ka energji elektrike dhe sa të qetë qëndrojnë pasagjerët në bordin e saj.

Të mërkurën Rojet Bregdetare amerikane thanë se avionët kanadezë kanë dëgjuar zhurma nën ujë.

Ekipet e kërkim-shpëtimit kanë lëshuar nën ujë disa pajisje kërkuese në zonën ku janë detektuar zhurmat, por zyrtarët kanë paralajmëruar se zhurmat e detektuara mund të mos kenë ardhur nga nëndetësja Titan.

“Kur jeni në mes të ekipeve të kërkim-shpëtimit, ju gjithmonë keni shpresë”, tha kapiteni i Rojeve Bregdetare, Jamie Frederick, gjatë një konferencë për media të mërkurën.

“Sa i përket zhurmave, ne nuk e dimë se çfarë saktësisht janë ato”.

Frederick shtoi se analizat e të dhënave të marra nga bovat sonare “janë të paqarta”.

Pjesët e anijes së fundosur të Titanikut gjenden 3.810 metra në thellësi të detit, mbi 640 kilometra në jug të Njufondland të Kanadasë.

Pasagjerët në Titan kishin paguar nga 250.000 dollarë secili për këtë ekspeditë.

Kryeministri i Kosovës, Albin Kurti ka udhëtuar gjatë ditës së djeshme në shtetin e Italisë.

Gjatë vizitës Kurti sot do ta vizitojë Selinë e Shenjtë në Vatikan, ku do të ketë takim me Papa Françeskun.

Po ashtu është bërë e ditur se Kurti do të takohet edhe me Sekretarin e Shtetit të Selisë së Shenjtë, Kradinali Pietro Parol.

“Synimi i Albin Kurtit për t’i mashtruar serbët e Kosovës me gënjeshtra dhe veprime të këqija është i dënuar paraprakisht të dështojë, sepse serbët e ndjejnë shumë mirë se si e imagjinon Kurti jetën për të gjithë ata në këto hapësira”, kanë pretenduar nga Lista Serbe.

Albin Kurti i premtoi popullit serb se “gjysma do të jetë në burg dhe gjysma e dëbuar, si pjesë e “skenarit kroat” që ai publikisht e ofroi dhe po e zbaton në Kosovë”, thuhet më tutje në komunikatë të Listës Serbe.

“Heqja e të drejtave elementare njerëzore, politike dhe ekonomike, rrahja, qëllimi me armë dhe rrëmbimi i serbëve janë fjalë që përshkruajnë jetën e popullit serb nën regjimin e udhëhequr nga Albin Kurti, i cili është qartazi i paaftë për të bërë asgjë të mirë për shqiptarët, kështu që në vend të një jetë më të mirë, u ofroi dëbimin e serbëve dhe zhdukjen e çdo gjëje serbe. Albin Kurti padyshim mendon se populli serb ka harruar që regjimi i tij ia ka mohuar të drejtën e votës në zgjedhje dhe referendum, se ka ndaluar vaksinimin në mes të pandemisë dhe ka kërcënuar se do të arrestojë mjekët tanë, se po grabitë tokat serbe duke mos respektuar as ligjet e veta, se ka ndërtuar baza ilegale parapolicore në tokën serbe dhe ka injoruar të drejtat e serbëve dhe lajmërimet e dorëzuara nga kryetarët tanë, që ka sjellë forcat speciale të armatosura deri te pragu i shtëpive serbe, të cilët që nga fillimi i vitit plagosën rëndë gjashtë persona në jug dhe veri të serbëve, në mesin e të cilëve kishte fëmijë, se ai organizoi zgjedhjet të paligjshme dhe më pas pushtoi dhunshëm ndërtesat komunale, se ai ka shndërruar ndërtesat komunale në baza”, pretendohen në deklaratë.

Ata thonë gjithashtu se fakti që Kurti po “shtiret i shurdhër dhe i verbër” nuk do të thotë se populli serb do të pushojë së kërkuari respektimin e të drejtave të tij, lirimin e vëllezërve të tyre dhe ndalimin e persekutimit, si dhe tërheqjen e forcave speciale “ilegale dhe të armatosura deri në dhëmbë” nga komunat serbe.

Lista Serbe, siç thonë ata, “vendimet e veta i ka marrë gjithmonë sipas kërkesave të popullit serb, e jo sipas dëshirës së Albin Kurtit dhe çdo sulm ndaj nesh është vërtetim i korrektësisë së qëndrimeve tona”.

“Është i mjerë ai serb të cilin e lavdëron Kurti, dhe ai që e cakton të punojë kundër popullit të vet është edhe më i mjerë”, pretendohet në deklaratën e Listë Serbe.