ATV

Category: Lajme

  • Kryeministri Kurti të enjten do të jetë në Bruksel per takim me Vuçiq, thonë burimet per ATV

    Kryeministri Kurti të enjten do të jetë në Bruksel per takim me Vuçiq, thonë burimet per ATV

    Kryeministri Albin Kurti dhe Presidenti i Serbisë Aleksandër Vuçiq pritet të takohen të enjten në Bruksel në kuadër të dialogut Kosovë – Serbi, që ndërmjetësohet nga Bashkimi Evropian.

    Kështu kanë bërë të ditur burime të televizionit, ndërkohë që nuk është konfirmuar akoma agjenda zyrtare.

    Duke theksuar se kanë mbetur edhe dy ditë kohë për takim dhe zgjidhje, në konferencë për media të mërkurën, zëdhënësi i BE-së, Peter Stano, përmendi përsëri për pasojat.

    “Mjaftueshëm është thënë. Ne kemi folur shumë për pritjet tona, për pasojat e mundshme dhe atë që pason. Gjëja kryesore tani është ta kemi takimin në Bruksel dhe këtu nuk kam lajm për të dhënë, nuk jam në gjendje të jap asnjë datë ende”, tha Stano.

    Të hënën në Luksemburg, takohen ministrat e Jashtëm të Bashkimit Evropian dhe në njërën nga pikat diskutojnë për dialogun Kosovë – Serbi.

    Nga ky takim, njohës të marrëdhënieve ndërkombëtare presin konfirmim të masave ndaj Kosovës, të përmendura kohëve të fundit.

    “Janë përmendur masat: kufizim i qasjes në fonde të BE-së, po ashtu liderëve të Kosovës do t’iu kufizohet qasja në lidhje me takimet e liderëve të 27 vendeve të Bashkimit Evropian, dhe ne takimin e së hënës, pra pres konfirmim të këtyre masave”, tha njohësi i marrëdhënieve ndërkombëtare, Emir Abrashi.

    Megjithatë, çdo vendim negativ ndaj Kosovës, vlerësohet i padrejtë.

    “Lidhur me mbledhjen e javës së ardhshme të Këshillit të BE-së, ideja e sanksioneve ndaj Kosovës është gjë skandaloze dhe me të vërtetë qesharake që të konsiderohet, sepse çdo vendim i Kosovës ishte i duhuri, dhe ishte Serbia, Aleksander Vuçiqi, ata të cilët u larguan nga marrëveshja e paqes e Ohrit. Të kënaqet Vuçiqi dhe të ndëshkohet Kosova do të ishte tërësisht qesharake. BE-ja nuk duhet ta dënojë Kosovën, sepse çdo veprim i Kosovës në veri të vendit ishte i duhur”, tha eksperti për zgjerimin e Bashkimit Evropian, Gunther Fehlinger.

    Një ditë më parë, ministrja e Jashtme tha se nuk ka asgjë zyrtare sa i përket masave ndaj Kosovës, tashmë është në dijeni që shtetet anëtare të BE-së janë duke diskutuar me njëra-tjetrën në këtë kontekst. /atvlive.tv

    Edicionin Qendror të lajmeve në ATV e gjeni në videon më poshtë:

  • Paralajmërimet serioze të SHBA-së dhe BE-së për viktima dhe konflikt

    Paralajmërimet serioze të SHBA-së dhe BE-së për viktima dhe konflikt

    “Serbia qartazi don ta militarizojë dhe eskalojë situatën. Po sjell deri afër kufirit të Republikës së Kosovës edhe fluturaket e saj, helikopterë e avionë të prodhimit rus. Nëpërmjet këtyre sulmeve e provokimeve, ku përdoren qytetarë të Kosovës, Serbia provokon konflikt serioz ndërkombëtar”.

    Këtë paralajmërim e kishte bërë kryeministri Albin Kurti, në shtator 2021.
    Që atëherë, në intervista e fjalime, kryesisht media e forume ndërkombëtare, kryeministri ka përsëritur rrezikun për konflikt.

    Së fundmi emisarët e SHBA-së dhe BE-së, Gabirel Escobar dhe Miroslav Lajcak, u shprehën të shqetësuar për mundësinë e përshkallëzimit të tensioneve në veri në një konflikt rajonal.

    Shtëpia e Bardhë, ndërkohë, njoftoi vazhdimin e emergjencës kombëtare lidhur Ballkanin Perëndimor, deri në fund të Qershorit 2024 – me arsyetimin se situata aktuale “paraqet një kërcënim të pazakontë dhe të jashtëzakonshëm për sigurinë kombëtare dhe politikën e jashtme të SHBA-së”.

    Referuar këtij vendimi, teksa përmend zhvillimet politike dhe të sigurisë në rajon, eksperti i sigurisë, Drizan Shala, thotë se paralajmërimet janë serioze.

    “Ka potencial faktik-real që çështja e veriut ta kaplojë komplet Ballkanin Perëndimor. Sepse, nëse do të kemi vetëm një viktimë, nga njëra apo pala tjetër, de facto zjarri do të ndizej dhe askush nuk e di se si do të përfundonte. Sepse, kanë mbetur shumë çështje pezull në rajonin e Ballkanit Perëndimor: sa i përket Republikës Serbe në Bosnjë, sa i përket mos-formimit të Qeverisë në Malin e Zi – ndikimit të subjekteve pro-serbe, pro-ruse në formimin e saj”, tha Shala.

    Duke thënë se Serbia po përpiqet të përshkallëzojë situatën deri në konflikt, përmes strukturave të saj ilegale në Kosovë, Shala thekson se java e ardhshme mund të jetë sfiduese për shkak të Vidovdanit.

    “Qeveria duhet t’i thërrasë mendjes dhe veprimet e saj të jenë në koordinim me Shtëpinë e Bardhë, SHBA-në, dhe assesi të mos lejohet që çështjet të kalohen në një grup më të ngushtë, ku situata mund të përshkallëzohet më 28 Qershor”, tha Shala.

    Teksa flet për pasojat ekonomike nga përmendja e konfliktit në deklarata të nivelit të lartë, opinionisti Zekirja Shabani thekson se tensionet në veri tashmë nuk janë problem vetëm i Kosovës.

    “Është problem i Evropës dhe i SHBA-së, në përgjithësi, që tash duhet të zgjidhet në një nivel shumë më të lartë sesa mes Kosovës dhe Serbisë. Por, duke i pasur parasysh reagimet e ndërkombëtarëve në raport me Kosovën dhe paralajmërimet për masa shtrënguese, Kosova do ta pësojë në afatshkurtër, duke nisur prej investimeve, prej fondeve të BE-së që veç janë ngrirë deri diku dhe pjesëmarrjes në forume me potencial zhvillimi për Kosovën”, tha Shabani.

    Situata në katër komunat me shumicë serbe në veri të Kosovës, vazhdon të jetë e tensionuar që nga 26 maji, kur fillimisht përmes protestave të dhunshme, serbët kundërshtuan kryetarët e dalë nga zgjedhjet e 23 Prillit, që ata i bojkotuan. /atvlive.tv

    Edicionin Qendror të lajmeve në ATV e gjeni në videon më poshtë:

  • Reforma në administratën publike, kosova me rezultate jo të mira

    Reforma në administratën publike, kosova me rezultate jo të mira

    Kosova qëndron më keq sesa vendet e rajonit sa i përket Zhvillimit dhe Koordinimit të Politikave dhe Kornizës Strategjike për Reformën në Administratën Publike. Hiç më mirë nuk qëndron as sa i përket transparencës, qartësisë, si dhe disponueshmërisë mbi sistemin e pagave të shërbimit civil, sipas Grupit për studime politike dhe juridike.

    Sipas të dhënave të GLPS-së, krahasuar me vendet e rajonit Kosova qëndron më së miri në Transparencën e vendimmarrjes së qeverisë, si dhe në publikimin e informacionit sa i përket performancës së Qeverisë.
    Megjithëse, i pranishëm, zëvendësministri i Punëve të Brendshme, Bardhyl Dobra, theksoi se nuk ka gjetur kohë ta lexojë raportin të pranuar ditë më parë. Por tha se Qeveria është duke punuar drejt përmirësimit të kushteve, veçanërisht në sektorin e pagave.

    “Ne kemi qenë të hapur për diskutime, qëllimi i vetëm është që administratën publike ta riformojmë. Po besoj që gjatë dy viteve të fundit është bërë një progres në fushën e administratës publike, është e natyrshme që s’mund të shihen nganjëherë, por janë marrë hapa të rëndësishëm, kemi ende probleme me rekrutime, në mënyrë që të arrijmë në tërësi objektivin e administratës publike”, tha Dobra.

    Ndërsa, për udhëheqësen e ekipit për qeverisje të mirë nga zyra e bashkimit evropian, Mikaela Gronqvist, duhet bërë më shumë përmirësim në këtë fushë.

    “Për kontrollin financiar të brendshëm duhet transparencë më e madhe, sepse Bashkimi Evropian e përcjell nga afër, sepse ne shënojmë progresin e Kosovës. Sa i përket llogaridhënies, progresi është i përzier, ka pasur disa ligje që janë kaluar. Ligji për funksionimin shtetëror dhe implementimi i këtij ligji është mjaft mbrapa. Kemi probleme me kapacitete administrative, na duhet më shumë progres, po ka shumë pozita që janë të larta e që kanë mbetur me ushtrues detyre”, tha Gronqvist.

    Në këtë tryezë diskutimi për “reformë në administratën publike”, u kritikua mospërfshirja e shoqërisë civile në hartimin e dokumenteve strategjike dhe as në publikimin e informacionit për performancën e Qeverisë. /atvlive.tv

    Edicionin Qendror të lajmeve në ATV e gjeni në videon më poshtë:

  • Rreth 46 3 milionë euro, komunat e Kosovës u detyrohen vendimeve gjyqësore dhe përmbaruesve

    Rreth 46 3 milionë euro, komunat e Kosovës u detyrohen vendimeve gjyqësore dhe përmbaruesve

    46.3 milionë euro është shuma të cilën komunat e Kosovës kanë borxh për vendimet gjyqësore dhe përmbarimore.

    Prej tyre, Komuna e Prishtinës vetëm gjatë vitit 2022, ka grumbulluar rreth 6 milionë euro borxh për përmbaruesit. Sipas të parit të kësaj komune, fajin për borxhet e kanë udhëheqjet e shkuara.

    “Të gjitha borxhet e qeverive të kaluara kanë ndikim jo të mirë, por edhe të gjitha ato borxhe i kemi marrë parasysh në planifikim e buxhetit tonë si kontingjenti , si pikë kontingjente që duhet të paguhen në të ardhmen e afërt por në planifikim tonë nuk i kemi lënë të kenë impakt negativ në planifikimin e buxhetit tonë për projektet e radhës”, tha kryetari i Prishtinës, Përparim Rama.

    Hiç më mirë nuk qëndron as Komuna e Ferizajt. Kjo komunë ka rreth 5 milionë euro borxh.

    Arsyeje për grumbullimin e këtyre borxheve, sipas Qëndrim Arifit, njohës të qeverisjes lokale, është fakti që komunat marrin më shumë projekte se që kanë buxhet.

    “Në të gjitha rastet kemi të bëjë me keq menaxhim, sot komunat iniciojnë projekte pa pasur mbulueshmëri financiare të duhur dhe hasin vështirësi për pagesa ndaj operatorëve ekonomik dhe kështu që ka pak operator të mirë që presin një komunë ti kryej obligimet financiare, por zgjedhin rrugën më të shpejt që prej përmbarimit privat të vijë te financat që thjesht janë detyrim ndaj tyre”, tha Arifi.

    Rrjedhimisht sipas tij kur detyrimet financiare janë më të larta se të hyrat e komunës ndodh bllokimi.

    “Hiç shumë kohë, komuna e Gjilanit është bllokuar për shkak të borxhit të madh te përmbaruesit”, tha Arifi.

    Edhe komuna e Mitrovicës, Prizrenit e Suharekës kanë borxhe milionëshe tek përmbaruesit. Ndërkaq komuna me më së paku borxh është ajo e Istogut, vetëm 1 milion euro. /atvlive.tv

    Edicionin Qendror të lajmeve në ATV e gjeni në videon më poshtë:

  • Sulmet në veri, gazetarët u ftuan për diskutim nga Komisioni Parlamentar për Administratë Publike

    Sulmet në veri, gazetarët u ftuan për diskutim nga Komisioni Parlamentar për Administratë Publike

    Gazetarët që ditë më parë u sulmuan gjatë raportimit në Leposaviq, u ftuan për diskutim nga Komisioni Parlamentar për Administratë Publike, Pushtet Lokal dhe Media.

    Disa prej tyre ende me plagë në trup, treguan për përjetimet e së premtes.

    “Ishim përballë rrezikut pa asnjë mbrojtje. Kur e sheh KFOR-in mendon se ke zgjidhje, por nuk ishte ashtu”, tha gazetarja Venera Xhoxhaj.

    “Shpresuam që protestuesit e sulmojnë vetëm ministrin, por nuk ndodhi ashtu. Ata u kthyen drejt neve”, tha Bardh Bekteshi, kameraman.

    “I kam thënë njësisë speciale nëse mund të na ndihmojë…”, tha gazetari Pleurat Salihu.

    Anëtarët e Komisionit deklaruan se ky diskutim u shërben për t’i kuptuar vështirësitë e punëtorëve të mediave.

    Ndryshe nga e premtja, tani situata në Veri është e qetë, ndonëse protesta vazhdon.

    Ndërsa, Policia që gjithashtu ishte cak i sulmeve, me veturën të cilës iu thyen xhamat në Zveçan, vazhdoi të mërkurën patrullimin në Mitrovicën e Veriut. /atvlive.tv

    Edicionin Qendror të lajmeve në ATV e gjeni në videon më poshtë:

  • Zyrtarisht është mbyllur konkursi i hapur për herë të dytë për guvernator të Bankës Qendrore

    Zyrtarisht është mbyllur konkursi i hapur për herë të dytë për guvernator të Bankës Qendrore

    Konkursi i rihapur më 7 qershor për guvernator të Bankës Qendrore është mbyllur.

    Për konkursin i cili u përsërit për shkak të parregullsive, ky institucion nuk ka dhënë detaje, por, siç kupton televizioni, në proces nuk është përfshirë Ambasada e Britanisë së Madhe.

    Kjo ambasadë e kishte kritikuar konkursin e parë për parregullsi të shumta.

    Në anën tjetër, kryetari i Komisionit parlamentar për Buxhet shpreson që procesi për zgjedhjen e guvernatorit të përfundojë para se Kuvendi t’i përfundojë punimet e sesionit pranveror.

    “Zakonisht kjo procedurë i drejtohet Qeverisë për të dhënë mendimin e vet, e cila ka dy javë kohë për të dhënë një mendim, më pas nëse pajtohet me propozime apo jo, të vazhdohet në Kuvend. Ne jemi të interesuar që kjo të përmbyllet para përfundimit të këtij sesioni”, tha kryetar i Komisionit për Buxhet, Armend Muja.

    Ndërkaq, transparencë më të madhe në procesin e përzgjedhjes së guvernatorit të ri kërkuan edhe anëtarët e Komisionit për Buxhet, para të cilëve në javën e ardhme, pritet të raportojë ushtruesi i detyrës së guvernatorit, Bashkim Nurboja.

    “Është një proces i tejzgjatur, sepse kjo pozitë është më tepër politike, për t’i avancuar njerëzit politikë”, tha anëtari i Komisionit për Buxhet, Pal Lekaj.

    Në prill të këtij viti me rekomandim të Komisionit për Buxhet, procesi për përzgjedhjen e guvernatorit u kthye në pikën zero për shkak të parregullsive. /atvlive.tv

    Edicionin Qendror të lajmeve në ATV e gjeni në videon më poshtë:

  • “A keni Zot bre”, me krahun e thyer kishte kërkuar ndihmë nga Njesia Speciale

    “A keni Zot bre”, me krahun e thyer kishte kërkuar ndihmë nga Njesia Speciale

    Gazetari Pleurat Salihu, në emisionin DIREKT në ATV, ka treguar se si u kishte dhënë urdhër njëri nga drejtuesit e Listes Serbe, Sllavko Simiç, për t’i sulmuar gazetarët.

    Ai ka treguar detaje se si ndodhi sulmi ndaj tij dhe kolegëve në Leposaviç.

    Në videon më poshtë mund ta dëgjoni rrëfimin e plotë të gazetarit Pleurat Salihu.

  • Prokuroria në Speciale pranon se nuk ka kurrfarë rasti të frikësimit të dëshmitarëve

    Prokuroria në Speciale pranon se nuk ka kurrfarë rasti të frikësimit të dëshmitarëve

    Prokuroria e Specializuar e ka përsëritur disa herë “frikësimin e dëshmitarëve” si një prej argumenteve për ta arsyetuar rëndësinë e procesit të saj dhe mbajtjes në paraburgim të krerëve të UÇK-së.

    Por, dje, në një debat të gjatë mes gjyqtarëve, prokurorisë dhe avokatëve, Prokuroria e Specializuar është përballur me një pyetje direkte: Nëse kanë ndonjë rast kur ndonjë dëshmitarë që është paraqitur deri tash në seancën kundër krerëve të UÇK-së, është frikësuar.

    Ata kanë thënë shkurt, JO!

    Ky ishte diskutimi mes gjyqtarit Charles Smith dhe një prokurori:

    Gjyqtari: A keni ndonjë rast të ndonjë dëshmitari që ka dhënë dëshminë, e di që kemi vetëm tre muaj që dëshmojmë çështjen në këtë sallë të gjyqit, por a keni dëgjuar ndonjë rast të ndonjë

    dëshmitari të ketë pasuar kanosje pas dhënies se dëshmisë? Çfarëdo lloj kanosje.

    Prokurori: Që është frikësuar?

    Gjyqtari: Çdo rast…

    Prokurori: Jo, nuk mund të tregoj këto çështje individuale

    Gjyqtari: Po pyes a keni ndonjë rast?

    Prokurori: Jo i nderuar gjykatës, nuk kemi.

    Gjyqi ndaj Hashim Thaçit, Kadri Veselit, Rexhep Selimit dhe Jakup Krasniqi ka nisur me 3 prill dhe deri me tash janë dëgjuar vetëm 10 dëshmitarë dhe ata pothuajse në tërësi në seanca private. Kjo ka ngritur kritika të mëdha në publik. Specialja është kritikuar edhe më herët për mbylljen karshi publikut e mbrojtjes, pasi shumë nga provat e saja janë lënë të redaktuara.

  • KFOR-i rinovon bashkëpunimin me FSK-në

    KFOR-i rinovon bashkëpunimin me FSK-në

    Misioni i KFOR-it në Kosovë ka rinovuar bashkëpunimin me Forcën e Sigurisë së Kosovës (FSK), për operacionet e mbrojtjes civile, si shuarja e zjarrit, asgjësimi i mjeteve shpërthyese, kërkimshpëtimi e reagimi ndaj materialeve të rrezikshme.

    Komandanti i KFOR-it, gjeneral-majori Angelo Ristuccia, u takua të mërkurën ne ministrin e Mbrojtjes, Armend Mehaj, me të cilën biseduan edhe mbi gjendjen aktuale të sigurisë dhe nevojën për shtensionim të situatës.

    “Ata rinovuan bashkëpunimin e tyre dhe ndihmën e KFOR-it për FSK-në për operacionet e mbrojtjes civile si shuarja e zjarrit, asgjësimi i mjeteve shpërthyese (EOD), kërkim-shpëtimi (SAR) dhe reagimi ndaj materialeve të rrezikshme (HAZMAT)”, thuhet në njoftimin e publikuar në Twitter.

    KFOR-i e asiston FSK-në dhe Policinë e Kosovës në çminim, rindërtim, siguri dhe rend publik, sigurim të kufirit, e të tjera.

  • Procedohen penalisht gjashtë muxhahedinë për rastin e kontrollit në kamp

    Procedohen penalisht gjashtë muxhahedinë për rastin e kontrollit në kamp

    Gjashtë muxhahedinë të kampit të Manzës në Durrës kanë procedurë penale kjo për kundërshtim të policisë gjatë kontrollit të ushtruar paraditen e së martës në kampin e manzes.

    Të gjithe te proceduarit janë iranianë të moshës nga 61 deri në 72 vjeç. Ndaj tyre janë ngritur 4 vepra penale “Mosbindja ndaj urdhrit të punonjësit të policisë së rendit publik” , “Kundërshtim të policisë, “Shkatërrimi i pronës”, si dhe “Pengime për ekzekutimin e vendimeve të gjykatës”.

    Mbi 1 mijë forca policie të RENEA, FNSH, Operacionales dhe ato të rendit, kryen të martën kontroll në territorin e kampit ku prej vitesh qendronin nga muxhahedinët iraniane.

    Urdhri për të ushtruar kontroll në 127 godinat e këtij kampi u lëshua nga Gjykata e Posaçme me kërkesë të SPAK. Por në momentin kur uniformat blu nisën të sekuestronin pajisjet kompjuterike për llogari të hetimeve të SPAK, anëtarë të MEK nisën tensionet dhe përplasjen me policinë. Madje, siç duket edhe në video, një prej muxhahedinëve shfaqet teksa djeg disa dokumente.

    Nga përplasja me policinë, 15 efektivë mbetën të lënduar, si dhe u demtuan disa automjete të Policisë së Shtetit.

    Anëtarë të MEK pretenduan se nuk kanë bërë rezistencë ndaj policisë dhe se këta të fundit kanë ushtruar dhunë ndaj tyre duke u hedhur gaz lotësjellës. Sipas tyre, një nga muxhahedinët u vra nga forcat e rendit. Për këto pretendime, me urdhër të Prokurorisë së Durrësit pritet të merren në pyetje disa prej iranianëve.