Category: Lajme

Duke shënuar 28 vjetorin e masakrës së Srebrenicës të vitit 1995, Bosnja dhe Hercegovina të martën i dha lamtumirën 30 viktimave të tjera të gjenocidit të identifikuara rishtazi.

Çdo vit më 11 korrik, viktimat e identifikuara të gjenocidit varrosen në varrezën përkujtimore në Potocari, Bosnja lindore.

Mijëra vizitorë nga vende të ndryshme marrin pjesë në ceremoni.

Qendra përkujtimore është pika qendrore e kujtimit për miqtë dhe të afërmit e viktimave, kryesisht burra dhe djemë, të vrarë nga forcat serbe të Bosnjës.

Pas funeralit të këtij viti, numri i varreve në varreza u rrit në 6751.

Kryeministri malazez, Dritan Abazoviq, ministrja turke për shërbimet familjare dhe sociale, Mahira Ozdemor Goktas dhe shumë politikanë vendas morën pjesë në ceremoni.

Abazoviq tha se gjenocidi i Srebrenicës nuk duhet të mohohet.

“Gjenocidi nuk duhet mohuar kurrë. E vërteta ju bën të lirë dhe besoj se kur të gjithë ta pranojmë të vërtetën, rajoni do të marrë një rrugë tjetër, rrugën e pajtimit dhe përparimit”, tha Abazoviq.

Presidenti malazez, Jakov Milatoviq në një video-mesazh tha se gjenocidi në Srebrenicë është tragjedia më e madhe njerëzore në Evropë pas Luftës së Dytë Botërore.

Ministrja e Jashtme bullgare, Mariya Gabriel tha se “Nuk duhet të harrojmë kurrë atë që ndodhi në Srebrenicë”.

Kryeministri i Kosovës Albin Kurti në rrjetet sociale tha se Dita e Përkujtimit të Gjenocidit të Srebrenicës mban në vetvete shumë tragjedi të patregueshme.

“Një ditë kur kujtojmë vrasjen e 8372 njerëzve të pafajshëm dhe krimet e panumërta të përdhunimeve dhe torturave. Është gjithashtu përkujtim se e vërteta nuk nderohet por mohohet nga Serbia, vetë krim çnjerëzor”, tha Kurti.

– Përkujtime

Aktivitete të ndryshme u mbajtën për të përkujtuar gjenocidin në kryeqytet, Sarajevë, dhe në qytete të tjera të rajonit.

Në urën historike në Mostar – një qytet ikonik me shumë besime – njerëzit u mblodhën për të kërcyer pa duartrokitje nga ura rreth 20 metra e lartë.

Pjesëmarrësit hodhën gjithashtu zambakë të bardhë në lumin Neretva, duke simbolizuar pafajësinë e viktimave të gjenocidit.

Kryeqyteti i Kroacisë, Zagrebi, mbajti një projeksion të lehtë të lules ikonike të Srebrenicës.

Këshilli Kombëtar i Boshnjakëve shpërndau gjithashtu lule të Srebrenicës në qytetin e Novi Pazarit për të kujtuar viktimat.

Lulja ka një mesazh – e bardha nënkupton pafajësinë, e gjelbërta nënkupton shpresën dhe 11 petale qëndrojnë për datën 11 korrik të viti 1995.

Ndërkohë, mijëra njerëz morën pjesë në Mars Mira, një marshim i përvitshëm i paqes.

Mijëra njerëz nga e gjithë bota vijnë në qytetin boshnjak çdo vit dhe ndjekin të njëjtën rrugë pyjore të përdorur nga boshnjakët kur po iknin nga gjenocidi.

Fushata zgjat tre ditë, duke kulmuar me mbërritjen e pjesëmarrësve në Potoçari.

– Gjenocidi i Srebrenicës

Më shumë se 8,000 burra dhe djemë myslimanë boshnjakë u vranë kur forcat serbe të Bosnjës sulmuan qytetin lindor të Srebrenicës në korrik të vitit 1995, pavarësisht nga prania e trupave paqeruajtëse holandeze.

Forcat serbe po përpiqeshin të merrnin territorin nga myslimanët boshnjakë dhe kroatët për të formuar një shtet.

Këshilli i Sigurimit i OKB-së e kishte shpallur Srebrenicën një “zonë të sigurt” në pranverën e vitit 1993. Megjithatë, trupat e udhëhequr nga gjenerali Ratko Mlladiq, i cili më vonë u shpall fajtor për krime lufte, krime kundër njerëzimit dhe gjenocid, pushtuan zonën e OKB-së.

Trupat holandeze nuk arritën të vepronin ndërsa forcat serbe pushtuan zonën, duke vrarë rreth 2,000 burra dhe djem vetëm më 11 korrik.

Rreth 15,000 banorë të Srebrenicës u larguan në malet përreth, por trupat serbe gjuajtën dhe vranë 6,000 njerëz të tjerë.

Trupat e viktimave janë gjetur në 570 vende në të gjithë vendin.

Në vitin 2007, Gjykata Ndërkombëtare e Drejtësisë në Hagë vendosi se në Srebrenicë ishte kryer gjenocid.

Më 8 qershor 2021, gjyqtarët e gjykatës së OKB-së lanë në fuqi në një gjykim të shkallës së dytë një vendim që dënonte Mlladiqin me burgim të përjetshëm për gjenocid, persekutim, krime kundër njerëzimit, shfarosje dhe krime të tjera lufte në Bosnje e Hercegovinë. (AA)

Deputeti i Partisë Demokratike të Kosovës, Rashit Qalaj është përplasur me deputeten e LVV-së, Mirlinda Tishukaj Sadiku. Kësaj të fundit, Qalaj i tha “mshele”, gjatë kohës kur debatohej për rezervat shtetërore.

Qalaj e ka pyetur ministren e Industrisë, Ndërmarrësisë dhe Tregtisë për rezervat shtetërore, por për këtë ajo i tha se është sekret shtetëror dhe nuk i lejohet të flasë. Rozeta Hajdari po ashtu tha se Qalaj po shpif, për çka ka ndërhyrë edhe deputetja Mirlinda Tishukaj Sadiku.

Kësaj të fundit iu drejtua me fjalën “mshele”, deputeti Rashit Qalaj.

Në Komisionin për Mbikëqyrjen e Financave Publike, po shqyrtohet Raporti i auditimit për pasqyrat vjetore financiare të MINT për vitin 2022.

Policia Rajonale e Ferizajt me datën 05.07.2023 rreth orës 19:25 kishte pranuar një informacion se në fshatin Jezerc të Ferizajt një mjet të punës ( bager) e kishte kapluar flaka.

Policët e rendit e më pas hetuesit dhe krimteknikët rajonal kanë dalë menjëherë në vendin e ngjarjes dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet.

Hetuesit rajonal pas një pune intenzive, grumbullimit të informacioneve në terren, shikimit të kamerave të sigurisë, kanë arritur që të sigurojnë prova të mjaftueshme dhe të identifikojnë të dyshuarin K.B (M/K) i moshës 54 vjeçar dhe sot, datë 11.07.2023 rreth orës 09:00, të njëjtin e kanë arrestuar në shtëpinë e tij, i cili dyshohet se ka kryer veprën penale zjarrëvënie.

I dyshuari K.B është shoqëruar në Sektorin Rajonal të Hetimeve në Ferizaj dhe pas intervistimit të tij nga policët hetues, në prani edhe të avokatit mbrojtës sipas detyrës zyrtare, me vendim të prokurorit të rastit është ndaluar në mbajtje për 48 orë për procedura të mëtejme hetimore, ndërsa rasti rasti është cilësuar ‘’Zjarrëvënie’’.

Rrustem Mustafa, ish-komandant i UÇK-së në Zonën Operative të Llapit, në cilësinë e dëshmitarit të 13-të me radhë, ka dhënë betimin e tij në Dhomat e Specializuara të Kosovës (DhSK), në Hagë, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Mustafa i njohur si Remi gjatë luftës, po dëshmon pa masa mbrojtëse dhe leximi i deklaratës së betimit në gjykatore u bë në seancë publike.

Për dëshmitarin Mustafa, është paraparë të merret në pyetje 12 orë nga prokuroria, ndërsa nga ekipet mbrojtëse 23 orë, kurse 1 orë nga mbrojtësi i viktimave.

Pyetjet nga ana e prokurorisë ndaj dëshmitarit Mustafa është duke i bërë prokurorja Clare Lawson.

Pas vizitës së përbashkët në spitalin “Sheikh Zayed” të Vushtrrisë, kryetari i kësaj komune, Ferit Idrizi, dhe ministri i Shëndetësisë, Arben Vitia, kanë bërë të ditur se kapacitetet e këtij spitali do të zgjerohen, raporton Ekonomia Online.

Siç tha Idrizi, me kërkesën e Spitalit dhe ShSKUK-së, ish-objektit i Qendrës Kryesore të Mjekësisë Familjare në këtë komunë do t’i jepet në shfrytëzim Spitalit për ta zgjeruar infrastrukturën dhe shërbimet e ofruara për qytetarët.

Ai shtoi se këtë çështje do ta procedojnë në Komunitete për Politikë dhe Financa dhe në Kuvendin e Komunës, ku sipas tij, do ta ketë një mbështetje të fuqishme.

Tutje, Idrizi tha se qëllimi kryesor i vizitës ishte që ministri t’i shihte nga afër shërbimet shëndetësore, primare dhe sekondare në Vushtrri.

“Dua ta falënderoj ministrin Vitia që vizitoi komunën e Vushtrrisë. Patëm një takim jashtëzakonisht të frytshëm dhe tani bashkë më të jemi këtu në spitalin ‘Sheikh Zayed’ për një vizitë. Qëllimi i vizitës është për ta parë gjendjen nga afër ministri për komunën e Vushtrrisë , shërbimet shëndetësore, primare dhe sekondare”.

“Biseduam rreth ish-objektit të Qendrës kryesore të Mjekësisë Familjare, kërkesë që e ka bërë spitali dhe SHSKUK-ja për ta dhënë në shfrytëzim për ta zgjeruar infrastrukturën në spitalin e Vushtrrisë. Ne shprehëm gatishmërinë që këtë ta procedojmë në Komunitete për Politikë dhe Financa dhe në Kuvendin e Komunës së Vushtrrisë në këtë seancë. Do t’i japim një mbështetje të fuqishme në mënyrë që spitali t’i zgjerojë kapacitet dhe të ofrojë shërbime edhe më të mira”, tha ai.

Edhe ministri Vitia u shpreh se patëm një takim shumë të frytshëm dhe miqësor me kryetarin Idrizi.

Ai u nda i kënaqur nga gatishmërinë e kryetarit që t’i përgjigjet pozitivisht kërkesës së spitalit “Sheikh Zayed”, për zgjerimin e kapaciteteve të këtij spitali në një pronë e cila është pronë komunale.

Ai tha se rezultate e këtyre takimeve do të përkthehen në shërbime sa më cilësore për qytetarët e komunës së Vushtrrisë.

“Ishte një takim sa miqësor, ishte një takim punë më shumë, sepse kryetari ishte shumë ekspeditiv dhe menjëherë e mori përsipër që kërkesën e bërë nga spitali “Sheikh Zayed” dhe nga drejtoresha e spitalit për zgjerimin e kapaciteteve të këtij spitali në një pronë e cila tani është pronë komunale. E mori përsipër që menjëherë ta procedojë këtë gjë në Kuvendin Komunal. Ishte një takim pune jashtëzakonisht i frytshëm, shumë miqësor. E falënderoj për mikpritjen, por mbi të gjitha edhe për punën edhe atë që po e bënë edhe për qytetarët e Vushtrrisë edhe për zgjerimin e kapaciteteve të nivelit sekondar në spitalin në Vushtrri”.

“Jemi shumë të sigurtë që më zgjerimin e këtyre hapësirave do të shtohen shërbimet në këtë spital për qytetarët e Vushtrrisë, por natyrisht do të rritet edhe cilësia e këtyre shërbimeve. Nga këto takime ne kuptuam se nuk ka as një arsye që kjo të mos bëhet dhe jam i lumtur që po dal nga ky takim më një energji shumë të mirë, pozitive, por mbi të gjitha me rezultate e këtyre takimeve që do të përkthehen në shërbime sa më cilësore për qytetarët e komunës së Vushtrrisë,” tha Vitia.

Drejtoresha e këtij spitali, Dr. Shefkije Shatri, falënderoi ministrin dhe kryetarin për mbështetjen e dhënë për këtë spital.

“E falënderoj ministrin për kontributin e vazhdueshme që e ka dhënë. Falënderoj edhe kryetarin e komunës që na ka dalur krahë në bashkëpunime dhe presim bashkëpunime edhe në të ardhmen”, tha ajo.

Kryeministri i Kosovës, Albin Kurti, i ka përkujtuar viktimat e gjenocidit në Srebrenicë ku forcat serbe kishin vrarë mbi tetë mijë njerëz të pafajshëm.

Kurti ka thënë se e vërteta e tyre përveç që nuk nderohet, vazhdon të mohohet nga Serbia.

“Dita e Përkujtimit të Gjenocidit të Srebrenicës mban në vetvete shumë tragjedi të patregueshme – një ditë kur kujtojmë vrasjen e 8 mijë e 372 njerëzve të pafajshëm dhe krimet e panumërta të përdhunimeve dhe torturave. Është gjithashtu një kujtesë se e vërteta e tyre nuk nderohet por mohohet nga Serbia, një krim çnjerëzor në vetvete”, ka thënë Kurti.

Në korrik të vitit 1995 ushtria e serbëve në Bosnje, në krye me Ratko Mlladiq, kanë vrarë mbi 8 mijë burra e djem.

Udhëheqësit shtetëror në Serbi, si dhe ata të Republikës Srpska në Bosnje e Hercegovinë vazhdojnë të mos e pranojnë se ka ndodhur gjenocid, edhe pse gjykata për krime të luftës në ish-Jugosllavi këto vrasje i ka cilësuar si gjenocid./

Ambasadori i Shteteve të Bashkuara të Amerikës, Jeffrey Hovenier, tha se se situata në veri është e komplikuar dhe se mënyra se si Qeveria e Kosovës po e menaxhon është e ndjeshme.

Ai ka kërkuar koordinim më të madh të Kosovës me aleatët ndërkombëtarë, në mënyrë që sipas tij, të shmanget kriza.

“Do të thosha që SHBA-ja mbetet e përkushtuar siç ka qenë gjithmonë që ta shohë Kosovën duke arritur qëllimet e veta. Ajo që dua të them është se ne jemi prapa një Kosove sovrane, të pavarur, multietnike demokratike që zë vend në strukturat evropiane e euroatlantike”.

“Po bëjmë punë të madhe për këtë. Kjo po ashtu nënkupton që Kosova ta ushtrojë sovranitetin e saj. Veriu është i komplikuar dhe i vështirë dhe mënyra se si Qeveria e Kosovës menaxhon situatën është shumë e ndjeshme dhe duam të jetë shumë e koordinuar me aleatët ndërkombëtarë që të shmangin momentet e krizës që pengojnë rrugën tonë të gjatë për të arritur këtë qëllim të përbashkët”, ka thënë ai.

Një risi e rëndësishme vjen direkt nga rregullorja e UEFA-s e cila së shpejti do të ketë të bëjë me Ligën e Kampionëve, Ligën e Evropës dhe Ligën e Konferencave.

Organi që menaxhon garat ndërkombëtare evropiane ka bërë një ndryshim që do të hyjë në fuqi nga sezoni futbollistik 2024/25. Nga ai edicion e tutje, klubet pjesëmarrëse në këto tri kompeticione nuk do të mund të kalojnë nga një kompeticion në tjetrin. Pra, nuk do të aplikohet rregulli i rënies nga njjë garë në tjetrën nga faza e grupeve.

Për të kuptuar plotësisht se në çfarë konsiston ndryshimi, së pari duhet kuptuar mekanizmin aktual. Për momentin, në përfundim të fazës së grupeve të Ligës së Kampionëve, skuadra e vendit të tretë në secilin grup bie nga kompeticioni që merr pjesë në fazën e 3/32-të të Ligës së Evropës. Në të njëjtën mënyrë, skuadra e tretë në çdo grup të Ligës së Evropës vazhdon rrugëtimin e saj evropian nga raundi i 1/32-të në Ligën e Konferencës, përcjellë KosovaPress.

Por, nga sezoni 2024/25 ky mekanizëm do të zhduket, duke lënë hapësirë për një rregull të ri. Në fakt, nuk do të jetë më e mundur që një klub të kalojë nga një kompeticion i UEFA-s në tjetrin.

Të hënën në mbrëmje, presidenti amerikan Joe Biden ka mbërritur në Lituani përpara Samitit të NATO-s në Vilnius që nisë të martën.

Biden dhe sekretari amerikan i shtetit, Antony Blinken, u pritën nga presidenti lituanez, Gitanas Nauseda, dhe ambasadori i ShBA-së në Lituani, Robert Gilchrist.

Pas uljes, Biden u ndal për të biseduar me punonjësit e Ambasadës Amerikane dhe familjet e tyre të mbledhur në aeroportin e Vilnius.

Më vonë, autokolona e presidentit u zhvendos drejt qendrës së Vilniusit ku delegacioni amerikan do të qëndrojë në hotelin Kempinski.

Të martën, liderët lituanez dhe amerikanë do të mbajnë një takim dypalësh për të diskutuar mbështetjen për Ukrainën, masat për forcimin e krahut lindor të NATO-s dhe përgjigjen ndaj agresionit ushtarak rus kundër Ukrainës.

Biden është zotuar se do ta mbështesë Ukrainës, porse do të ndalojë në ratifikimin e hyrjes së tërësishme të saj brenda aleancës në këtë moment me frikën që NATO mund të lëshohet në luftë me Rusinë.