Category: Lajme

Tetë milionë euro shuma e grantit për performancën komunale Ministria e Administrimit të Pushtetit Lokal ka lansuar thirrjen për hapjen e procedurave për raportim nga komunat për Grantin e Performancës Komunale. Ky grant do të ketë vlerën rreth tetë milionë euro, ku do të mbulohet nga qeveria e donatorët. Në konferencën e MAPL-së u tha se këtë vit vlerësimi do të bëhet sipas ligjit dhe udhëzimit administrativ.

Zëvendëssekretari i Ministrisë së Administrimit të Pushtetit Lokal, Jeton Qela tha se këtë vit do të jetë edhe më publik procesi i nisjes së procedurave për raportimit nga komunat.

“Tash do ta fillojmë lansimin e thirrjes për grantin e performancës. Një ndër arsyet pse e kemi thirr këtë konferencë edhe në mënyrë pak më solemne është se sivjet vlerësimi i performancës dhe grantit të performancës do të bëhet sipas ligjit dhe udhëzimit administrativ. Për atë arsye kemi menduar që ja vlen kësaj radhe ta bëjmë më publik këtë nisje të procesit”, tha ai.

Udhëheqës i Divizionit për Performancë Komunale, Haxhi Krasniqi tha se sot lansohet thirrja për vlerësimin e performancës së komunave, ku shënohet edhe vlerësimi përfundimtar të shërbimeve komunale.

“Kemi tri cikle që kjo pjesë do të vlerësohet. Është pjesa organizative që sot pas kësaj konference do ta kemi në sistemin e menaxhimit të performancës. Thirrjen për raportim që thirrja për raportim të këtyre shërbimeve do të jetë 45 ditë të plota që brenda këtyre 45 ditëve do të kemi vlerësim paraprak, një verifikim sipërfaqësor të këtyre të dhënave që komunat do t’i raportojnë. Pas përfundimit të 45 ditëve do të kemi edhe pjesën e verifikimit kryesor që do t’i nënshtrohet treguesve të caktuar dhe ajo do të bëhet përmes monstrimit të treguesve”, u shpreh ai.

Sipas tij, MAPL ka qenë në fazën e ndryshimeve të kuadrit ligjor këtë vit dhe të dokumenteve tjera përcjellëse.

Krasniqi shtoi se është përshtatur dokumenti kryesor dhe rregullat e grantit me Ligjin për Performancë Komunale dhe Udhëzimin Administrativ.

“Do të kap vlerën tetë milionë euro. Sipas informacioneve preliminare që kam, granti i performancës nga qeveria do të jetë diku rreth katër milionë euro nga Ministria e Administrimit të Pushtetit Lokal dhe donatorët pjesën e tyre, që përfshin pjesën e 3,5 milionë euro. Kjo do të bëhet përmes rregullave të grantit të performancës, që janë lansuar çdo vit. Por, këtë vit kemi rregulla më specifike sepse janë të parapara me udhëzimin administrativ dhe për herë të parë bëhet rregull ligjor granti i performancës së komunave. Dhe do të përpiqemi çdo herë që komunat të trajtohen me standarde të njëjta, përmes sistemit të menaxhimin të performancës”, theksoi ai.

Përfaqësues të MAPL-së janë pyetur edhe për udhëzimin administrativ për nisjen e peticionit të qytetarëve për largimin e kryetarëve nga komunat, por të njëjtit nuk janë përgjigjur.

Fondi i Kosovës për Efiçiencë të Energjisë ka bërë lansimin e thirrjes publike për projektin “Zbatimi i masave të efiçiencës së energjisë për shtëpitë individuale të banimit”, raporton Ekonomia Online.

Për këtë projekt janë paraparë 10 milionë euro investime, e gjitha ndihmë nga BE-ja, si pjesë e fondeve IPA.

Ministrja e Ekonomisë, Artane Rizvanolli, tha se nga ky projekt të gjithë qytetarët do të kenë mundësi të përfitojnë subvencionim të 45% të vlerës së investimit për t’i rinovuar shtëpitë e tyre.

Ajo më tej ka sqaruar se janë e ardhshme do të shpallin thirrjet për subvencionim për pasjet efiçiente shtëpiake dhe sistemet solare termike për ngrohej të ujit.

“Këto investime janë mundësuar me përkrahjen e Komisionit Evropian nga fondet e IPA. Është kënaqësi të shohësh kur puna përkthehet në rezultate. Ne jemi në një fazë ku po kurorëzojmë me lansim të masave një punë më se 8 mujore. Të gjithë qytetar do të kenë mundësin të përfitojnë subvencion të 45% të vlerës së investimit për t’i rinovuar shtëpitë e tyre. Izolimin e shtëpisë, ndërrimi i dyerve dhe dritareve si dhe izolimin e kulmit. Ky investim do të ndihmoj direkt edhe më faktuarën e familjeve”, tha ajo.

“Javën e ardhshme ne si Ministri nga i njëjti program do të shpallim thirrjet për subvencionim të masave të efiçencës të energjisë që përfshinë për herë të parë pasjet efiçente shtëpiake dhe sistemet solare termike për ngrohej të ujit”, tha ajo.

Nora Arifi, anëtare e Bordit të Fondit të Kosovës për Efiçiencë të Energjisë, tha se për zbatimi i masave të efiçiencës së energjisë për shtëpitë individuale të banimit janë paraparë 10 milionë euro dhe do të përfitojnë mbi 2 mijë familje.

“Fondit të Kosovës për Efiçencë të Energjisë nga këtë pako i janë besuar  20 milionë euro nga 75 milionë euro për dy masa. Për banesa sociale si dhe shtëpitë individuale të banimit në të gjithë Kosovës. Kjo që po e promovojmë sot për shtëpitë individuale ka një buxhet prej 10 milionë euro, ku pritet që të përfarojnë mbi 2 000 familje”, tha ajo.

Alessandro Bianciardi, nga Zyra e BE-së në Kosovë, tha se nga kjo ndihmë do të përfitojnë mbi 2 000 mijë familje, duke shtuar se me këtë mund të kursehet deri në 30% e energjisë.

“Do të ndihmojnë 2 000 mijë familje që të jetojnë në mënyrë më të rehatshme në shtëpitë e tyre. Me izolim të mirë dhe  dyer e dritare të reja ju mund të kurseni 30 % të energjisë. BE mbete e përkushtuar për të mbështetur Kosovës për energji të mirë e te pastër”, tha ai, raporton EO.

Kreshnik Muhaxheri, inxhinier në Fondin e Kosovës për Efiçiencë të Energjisë, para të pranishmëve shpjegoj në detaje realizimin e këtij projekti.

Kryetari i Aleancës për Ardhmërinë e Kosovës (AAK), Ramush Haradinaj, ka kujtuar të rënët e familjes emblematike Markalleshi në 25-vjetorin e rënies.

Haradinaj ka thënë se çdo herë Markalleshët ishin në ballë të përpjekjeve për liri.

“Të brumosur në frymën e atdhedashurisë ndër breza, familja emblematike Markalleshi nga Vraniqi i Gjakovës, në luftën e UÇK-së i dha Kosovës katër dëshmorë; Mark, Kolë, Prend dhe Memë Lleshi. Çdo herë në ballë të përpjekjeve për liri, Markalleshët nuk u zmbrapsen përpara armiqve. Kontributi i tyre dhënë përpjekjeve të vazhdueshme shqiptare për liri dhe pavarësi, përgjatë gjithë shekullit të kaluar është i jashtëzakonshëm”, ka thënë Haradinaj.

Haradinaj ka shtuar se Beteja e Markalleshëve dëshmon shtrirjen e luftës për çlirim.

Më 7 gusht të vitit 1998, armiku hasi në rezistencë të paparë. Luftuan të gjithë, i madh e i vogël, gra, burra e pleq. Heroikisht ranë Mark dhe Kolë Lleshi, rrugën e të cilëve e ndjekën bijtë e kësaj familjeje të madhe, Prendi e Mema. Beteja e Markalleshëve dëshmon shtrirjen e luftës për çlirim, mobilizimin pa dallim moshe e gjinie, vendosmërinë e popullit shqiptar që të jetojnë të lirë në trojet e tyre. Lavdi heroizmit dhe sakrificës së luftëtarëve dëshmorë, Mark, Kolë, Prend dhe Memë Lleshi”, është shprehur Haradinaj.

Të dielën ish-presidenti amerikan, Donald Trump vuri në shënjestër gjykatësen federale të caktuar në çështjen ku ai akuzohet për përpjekje për të ndryshuar rezultatin e zgjedhjeve presidenciale të vitit 2020. Avokati i zotit Trump ka argumentuar se veprimet që ndërmori klienti i tij pas humbjes ishin thjesht “kërkesa”.

Përmes një postimi në median sociale, zoti Trump shkruante me shkronja të mëdha se, “NUK MUND TË KEM NJË GJYKIM TË DREJTË NGA GJYKATËSJA E CAKTUAR”, duke shtuar se ai kishte në plan të kërkonte që gjykatësja Tanya Chutkan ta përjashtonte veten nga gjykimi i çështjes dhe që gjyqi të mos zhvillohej në Uashington.

Deri në momentin e publikimit të këtij lajmi nuk është paraqitur asnjë kërkesë zyrtare në gjykatë. Gjykata nuk iu përgjigj menjëherë kërkesave për koment.

Ka vdekur vëllai i deputetit të Partisë Demokratike të Kosovës, Hajdar Beqa.

Lajmin për humbjen e vëllait e ka bërë deputeti Beqa përmes “Facebook”, ku ka njoftuar se pas një sëmundje të shkurtër, vëllai i tij Hasan Beqa ndërroi jetë në moshën 49-vjeçare.

Ai tutje njoftoi se varrimi i të ndjerit pritet të bëhet nesër në fshatin Molliq, nga ora 15:00.

Një burrë në Ferizaj ka raportuar në Polici se bashkëshortja e tij është zhdukur.

Në raportin 24-orësh të Policisë thuhet se ajo ka dalë nga shtëpia dhe që nga ajo kohë nuk dihet vendndodhja e saj.

“Ferizaj , 05.08.2023-12:15 Ankuesi mashkull kosovar ka raportuar se gruaja e tij kosovare ka dalur nga shtëpia dhe nga ajo kohë nuk dihet vendndodhja e saj”, thuhet në raport.

Policia e Kosovës ka njoftuar për katër raste me të shtëna me armë në ahengje familjare, vetëm brenda ditës së djeshme. Tre persona janë shoqëruar në polici dhe të njëjti janë liruar pastaj me vendim të prokurorit.

Sipas raportit 24 orësh të Policisë së Kosovës, të dielën në fshatin Obiliq është arrestuar një person i dyshuar dhe të njëjtit i janë konfiskuar një armë zjarri, një pistoletë me gaz dhe 91 copë fishekë.

Personi i cili dyshohet të ketë shtënë gjatë një ahengu familjar është liruar derisa rasti sipas Policisë vazhdon në procedurë të rregullt.

Policia ka njoftuar për një tjetër rast në fshatin Shtedim të Podujevës.

“Në një aheng familjar, nga i dyshuari mashkull kosovar pronari i shtëpisë, është konfiskuar një armë me gas me një karikator pasi që dyshohet se kishte shtënë në ajër. Në vendin e ngjarjes janë gjetur dhe konfiskuar tri gëzhoja .Me urdhër të prokurorit kujdestar, rasti procedohet në procedurë të rregullt”, është bërë e ditur në raportin e Policisë.

Ndërsa në Viti, në rrugën “Rexhep Bislimi”, Policia ka arrestuar një person dhe të njëjtit i është konfiskuar një pistoletë me gaz e cila dyshohet të jetë përdorur në një aheng familjar. Personi i dyshuar është liruar dhe rasti ka vazhduar në procedurë të rregullt.

Për armëmbajtje pa leje, Policia e Kosovës ka shoqëruar në stacion edhe një person në Ferizaj.

Rasti ka ndodhur të dielën në rrugën “Tirana”.

“Është shoqëruar në stacionin policor i dyshuari mashkull kosovar, pasi që në një aheng familjar kishte shtënë me armë zjarri. Nga i dyshuari është konfiskuar një pistoletë. Në vendin e ngjarjes në cilësi të provave materiale janë gjetur dhe konfiskuar 2 gëzhoja. Me vendim të prokurorit i dyshuari është liruar dhe rasti vazhdon në procedurë të rregullt”, ka njoftuar Policia e Kosovës./KP

Policia e Kosovës, ka njoftuar për një rast të vjedhjes së rëndë, ku në Prizren disa persona kanë vjedhur 12 krerë viça.

Kështu është bërë e ditur përmes raportit të Policisë së Kosovës, ku është shtuar se rasti është duke u hetuar.

“VJEDHJE E RËNDË – Fsh. Shpenadi, Prizren, 06.08.2023 – 08:10. Ankuesi mashkull kosovar ka informuar se person-a të dyshuar të pa njohur, nga stalla e bagëtive i kanë vjedhur 12 krerë viça. Rasti është duke u hetuar”, ka njoftuar PK’ja.

Një person është dërguar në mbajtje pasi kishte goditur një zyrtar policor të cilit i ka shkaktuar lëndime. Ngjarja ka ndodhur të dielën në rrugën “Rasim Kiçina” në Prishtinë, derisa i dyshuari ishte duke e drejtuar automjetin dhe nuk i kishte zbatuar urdhrat për ndalim.

Policia ka bërë të ditur se fillimisht i dyshuari ishte larguar nga vendi i ngjarjes dhe e kishte braktisur automjetin e tij.

Ndërsa më vonë, pasi vetura ishte sekuestruar, ai është paraqitur në polici dhe me vendim të prokurorit kujdestar është dërguar në mbajtje.

Fondi i Kosovës për Efiçiencë të Energjisë ka lansuar thirrjen publike për projektin “Zbatimi i masave të efiçiencës së energjisë për shtëpitë individuale të banimit”.

Ministrja e Ekonomisë, Artane Rizvanolli, tha se ky projekt ka vlerë rreth 10 milionë euro dhe se përmes tij qytetarët do të subvencionohen rreth 45 për qind për investimet efiçiente në shtëpitë e tyre.

Ajo nënvizoi prioritetin që e kanë për efiçiecën e energjisë, derisa tha se dy vitet e fundit kanë ulur kërkesën për energji për 4 për qind.

Anëtarja e Bordit të Fondit të Kosovës për Efiçiencë të Energjisë, Nora Arifi, tha nga ky projekt do të përfitojnë 2000 familje kosovare.

Ky projekt është mbështetur nga Bashkimi Evropian, me këtë rast u përshëndet nisja e tij nga përfaqësuesi i Zyrës së BE-së në Kosovë.