ATV

Category: Lajme

  • Kurti jep detaje se si do të subvencionohen familjet që investojnë në energji efiçiente

    Kurti jep detaje se si do të subvencionohen familjet që investojnë në energji efiçiente

    Kryeministri Albin Kurti ka dhënë detaje lidhur me hapjen e aplikimit për masat e radhës për rritjen e efiçiencës së energjisë. Kurti tha se masat do të vlejnë vetëm për shtëpitë private.

    Përmes masave të reja, sipas kryeministrit qytetarët do të përfitojnë nga subvenciomi për termoizolim të mureve të jashtme dhe kulmeve dhe ndërrim të dritareve dhe dyerve të jashtme.

    “Përmes këtyre masave të reja, do të mund të përfitoni nga subvencionimi për termoizolim të mureve të jashtme dhe kulmeve dhe ndërrim të dritareve dhe dyerve të jashtme. Subvencioni do të mbulojë 45% të vlerës së investimit, deri në 5,500 euro. E për familjet ku shtëpia është bashkëpronësi e të dy bashkëshortëve apo në pronësi të gruas, subvencionimi arrin 50%”, ka thënë ai.

    Aplikimi për këtë masë do të bëhet online përmes e-Kosova.

    “Gjatë vitit të kaluar kemi subvencionuar 10,000 familje me 5 milionë euro për të blerë pajisje efiçiente për ngrohje. Këtë vit kemi trefishuar buxhetin për pajisje dhe me 20 milionë do të investojmë në efiçiencë të shtëpive të banimit e ndërtesave shumë-banesore të destinuara për banim social. Aplikimi bëhet online përmes vjegëzës në vijim: ekosova.rks-gov.net/466 Detajet në lidhje me thirrjen mund t’i gjeni këtu: www.fkee-rks.net”, ka shkruar Kurti në një postim në “Facebook”.

  • PDK thërret konferencë për medie

    PDK thërret konferencë për medie

    Partia Demokratike e Kosovës sot do të mbajë konferencë për medie.

    Kështu është bërë e ditur nga vetë kjo parti përmes një komunikate për media ku është shtuar se konferenca do të zhvillohet në selinë qendrore të kësaj partie.

    Në komunikatë shtohet edhe se konferenca do të fillojë në orën 11:00, ndërsa arsyet s’janë dhënë.

  • Haradinaj falënderon nënshkruesit e letrës dërguar drejt ShBA-së dhe BE-së: Ky akt është vule se Kosova është euro-atlantike

    Haradinaj falënderon nënshkruesit e letrës dërguar drejt ShBA-së dhe BE-së: Ky akt është vule se Kosova është euro-atlantike

    Kryetari i Aleancës për Ardhmërinë e Kosovës, ka shprehur mirënjohjen ndaj politikanëve të shteteve mike të Kosovës të cilët i janë drejtuar me letër mbështetëse ndaj Kosovës, liderëve në BE, Washington dhe Britani të Madhe. Ai shtoi se ky akt është vulë se Kosova është euro-atlantike.

    Shkrimi i plotë:

    Falënderim i veçantë për ligjvënësit e Komiteteve të Punëve të Jashtme nga shtetet mike të Kosovës për letrën e dërguar zyrtarëve të lartë të Bashkimit Evropian, Brit dhe Washingtonit në mbështetje të Kosovës.

    Arritjet e deritanishme si shtet i kemi falë ndihmës dhe bashkërendimit me aleatët tanë, me ShBA-të në veçanti. Ky akt është vulë e asaj se Kosova është euro-atlantike dhe se ky përkushtim do të jetë i përhershëm.

  • Mbi një orë pritjet në dalje të Merdares

    Mbi një orë pritjet në dalje të Merdares

    Mbi një orë po presin mërgimtarët për të dalë nga pika kufitare në Merdarë, teksa kolona është 600 metra.

    Në të njëjtën pikë kufitare, për të hyrë ka pritje deri në 5 minuta. Ndërkaq, te Dheu I Bardhë pritjet në hyrje e dalje janë nga 5 minuta.

    Ndërkohë, në pikat tjera kufitare tokësore situata është e qetë, me pritje-daljet që shkojnë nga 5  minuta.

    Kujtojmë, se në ditët e fundit ka pasë fluks të madh të mërgimtarëve që kanë ardhur nga pjesë të ndryshme të Evropës e më gjerë, për të kaluar pushimet në Kosovë.

  • Vrasja në Klinë, Policia kërkon bashkëpunim për gjetjen e Tush Frrokut

    Vrasja në Klinë, Policia kërkon bashkëpunim për gjetjen e Tush Frrokut

    Policia e Kosovës ka publikuar fotografinë dhe të dhënat e tjera të të dyshuarit për vrasjen që ndodhi sot pasdite në një kafeteri në Klinë.

    Ai është Tush (Nue) Frroku, i lindur me 25.06.1975 në fshati Kosh të Istogut. Policia ka kërkuar bashkëpunim nga qytetarët për lokalizimin dhe kapjen e tij.

    PK ka bërë të ditur, nëpërmes një komunikate shtypi, se i dyshuari është arratisur nga vendi i ngjarjes dhe nën kërcënim të armës ka grabitur me pas një veturë duke u larguar në drejtim të Gurrakocit.

    Policia është vënë në ndjekje dhe në fshatin Kosh të Istogut ka gjetur veturën e braktisur.

    “Më datë 07 gusht 2023, rreth orës 16:50, Policia është informuar se në rrugën “Leonard Palucaj”- Klinë, ka ndodhur një gjuajtje me armë zjarri. Policia menjëherë ka dalë në vendngjarje, aty është kuptuar se një person është plagosur nga arma e zjarrit, i njëjti është dërguar ne QKMF-Klinë, dhe më pas në Spitalin Rajonal në Pejë, aty nga mjeku kujdestar është konstatuar vdekja e viktimës”, thuhet në njoftimin e Policisë.

    “I dyshuari është arratisur në drejtim të panjohur dhe gjatë arratisjes i dyshuari nën kërcënimin e armës nga një qytetar ka grabitur veturën dhe është larguar në drejtim të Gurrakocit. Njësitet relevante janë vënë në ndjekje të pësonit të dyshuar dhe me të arritur në fshatin Kosh-Istog, është gjetur vetura e braktisur ndërsa personi i dyshuar është ende në kërkim policor”.

    “Me vendim të prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë për obduksion”, konfirmon PK.

  • Prishtinë: Një shtëpi merr flakë në lagjen e spitalit

    Prishtinë: Një shtëpi merr flakë në lagjen e spitalit

    Një shtëpi në afërsi të Qendrës Klinike Universitare të Kosovës (QKUK), ka marrë flakë.

    Ekipet e zjarrfikësve janë shkuar në vendin e ngjarjes për ta lokalizuar zjarrin.

    Po ashtu në vendin e ngjarjes kanë dalë edhe ekipet e Policisë së Kosovës.

    Sipas burimeve të ATV-së, nuk ka njerëz brenda kësaj shtëpie, derisa nuk dihet çfarë e ka shkaktuar zjarrin./atvlive.tv/

  • Deçan: Një grua është gjetur pa shenja jete në shtëpinë e saj

    Deçan: Një grua është gjetur pa shenja jete në shtëpinë e saj

    Një ngjarje e rëndë ka ndodhur sot në fshatin Isniq të Deçanit, ku një grua është gjetur pa shenja jete.

    Burimet e Sinjalit nga Prokuroria kanë konfirmuar se një grua është gjetur e varur në oborrin e shtëpisë së saj. Sipas raportimit, ajo është dërguar pa shenja jete në Qendrën Familjare të Mjekësisë Ligjore, ku është konstatuar vdekja e saj.

    Policia e Kosovës është njoftuar menjëherë për rastin dhe është reaguar duke shkuar në vendin e ngjarjes për të kryer ekzaminimet e nevojshme që do të ndihmojnë në zbardhjen e rrethanave të kësaj tragjedie.

  • Njohja e Kosovës, Osmani i bashkohet thirrjes ndaj Google

    Njohja e Kosovës, Osmani i bashkohet thirrjes ndaj Google

    Presidentja e Republikës së Kosovës, Vjosa Osmani, i është bashkangjitur iniciativës që i bën thirrje Google ta njohë Kosovën si shtet.

    Ajo ka kërkuar nga Google që të njohë prefiksin +383, në të gjitha shërbimet e saj.

    “Është vendim që është zgjatur shumë. Do të ishte një kthesë e vogël në rrugën e gjatë drejt barazisë, çasjes dhe përfshirjes.” ka thënë mes të tjerash Osmani.

    Ajo ka shpërndarë edhe linkun e peticionit.

  • Policia kërkon ndihmë për kapjen e të dyshuarit për vrasjen në Klinë

    Policia kërkon ndihmë për kapjen e të dyshuarit për vrasjen në Klinë

    Policia e Kosovës ka publikuar fotografinë dhe të dhënat e tjera të të dyshuarit për vrasjen që ndodhi sot pasdite në një kafeteri në Klinë.

    Ai është Tush (Nue) Frroku, i lindur me 25.06.1975 në fshati Kosh të Istogut. Policia ka kërkuar bashkëpunim nga qytetarët për lokalizimin dhe kapjen e tij.

    PK ka bërë të ditur, nëpërmes një komunikate shtypi, se i dyshuari është arratisur nga vendi i ngjarjes dhe nën kërcënim të armës ka grabitur me pas një veturë duke u larguar në drejtim të Gurrakocit.

    Policia është vënë në ndjekje dhe në fshatin Kosh të Istogut ka gjetur veturën e braktisur.

    “Më datë 07 gusht 2023, rreth orës 16:50, Policia është informuar se në rrugën “Leonard Palucaj”- Klinë, ka ndodhur një gjuajtje me armë zjarri. Policia menjëherë ka dalë në vendngjarje, aty është kuptuar se një person është plagosur nga arma e zjarrit, i njëjti është dërguar ne QKMF-Klinë, dhe më pas në Spitalin Rajonal në Pejë, aty nga mjeku kujdestar është konstatuar vdekja e viktimës”, thuhet në njoftimin e Policisë.

    “I dyshuari është arratisur në drejtim të panjohur dhe gjatë arratisjes i dyshuari nën kërcënimin e armës nga një qytetar ka grabitur veturën dhe është larguar në drejtim të Gurrakocit. Njësitet relevante janë vënë në ndjekje të pësonit të dyshuar dhe me të arritur në fshatin Kosh-Istog, është gjetur vetura e braktisur ndërsa personi i dyshuar është ende në kërkim policor”.

    “Me vendim të prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë për obduksion”, konfirmon PK.

  • Letra pozitive, por “për qasje të balancuar, BE-ja duhet ta njohë Kosovën”

    Letra pozitive, por “për qasje të balancuar, BE-ja duhet ta njohë Kosovën”

    Thirrja e dhjetëra ligjvënësve evropianë dhe amerikanë ndaj BE-së, SHBA-së dhe Britanisë së Madhe, për të ndryshuar qasjen në raport me Kosovën dhe Serbinë, vlerësohet si hap i rëndësishëm pozitiv nga profesorë të shkencave politike.

    Megjithëkëtë, profesori Dritëro Arifi konsideron se letra, në të cilën përmendet mungesa e presionit ndaj Serbisë, mund të mos mjaftojë nëse Bashkimi Evropian nuk ndërmerr hapa të rëndësishëm në raport me Kosovën.

    Profesori në Winchteser të Anglisë, Seb Bytyçi, letrën e vlerësoi si zhvillim të rëndësishëm në kuadër të përpjekjeve për të krijuar një vrull diplomatik për të ndryshuar qasjen “akomoduese” të perëndimit ndaj Serbisë.

    Ai theksoi rëndësinë e përfshirjes së Ukrainës në këtë letër.

    Teksa tha se nuk pret efekte të menjëhershme, por ndryshim të ngadaltë të qasjes nga BE-ja, profesori Arifi vlerësoi se politikat e Qeverisë lidhur me situatën në veri u dëshmuan të dështuara, sepse prodhuan masa ndëshkuese.

    Deputetja Britanike, Alicia Kearns, njoftoi se 10 kryetarë të komiteteve për politikë të jashtme, përfshirë atë të Ukrainës, dhe 56 ligjvënës evropianë dhe amerikanë u kanë kërkuar BE-së, SHBA-së dhe Britanisë së Madhe ta ndryshojë qasjen ndaj Kosovës dhe Serbisë – për të mos lejuar një politikë të përqendruar në Beograd. /atvlive.tv

    Edicionin Qendror të lajmeve në ATV e gjeni në videon më poshtë: