Category: Lajme

Zjarret në Hawai kanë marrë jetën e 53 personave deri më tani, ndërsa përpjekjet e ekipeve të kërkim-shpëtimit vazhdojnë për të pagjeturit.

Gjithsej janë gjashtë zjarre në Big Island dhe Maui, ku ka ndodhur pjesa më e madhe e shkatërrimit që nga shpërthimi i zjarreve të martën.

Gati 1700 shtëpi dhe ndërtesa janë shkatërruar dhe mijëra banorë dhe turistë janë evakuuar nga zonat e rrezikshme, shkruan AA, transmeton KosovaPress.

“Jill dhe unë shprehim ngushëllimet tona më të thella për familjet e atyre që humbën më të dashurit në zjarret në Maui dhe lutjet tona janë me ata që kanë parë shtëpitë, bizneset dhe komunitetet e tyre të shkatërruara,” tha Presidenti Joe Biden në një deklaratë të lëshuar nga Shtëpia e Bardhë.

Biden ka miratuar një deklaratë fatkeqësie për të ndihmuar në përgjigjen emergjente dhe përpjekjet për rimëkëmbje.

Rojet Bregdetare të SHBA-së kanë shpëtuar më shumë se dhjetëra njerëz që u hodhën në oqean për t’i shpëtuar zjarreve, dhe Garda Kombëtare e Hawait u thirr në veprim për të ndihmuar zjarrfikësit dhe personelin tjetër të urgjencës.

“Ne u jemi mirënjohës zjarrfikësve të guximshëm dhe reaguesve të parë që vazhdojnë të vrapojnë drejt rrezikut, duke e vënë veten në rrezik për të shpëtuar jetë”, tha Biden. “Kam urdhëruar të gjitha asetet federale të jenë në dispozicion në ishuj për të ndihmuar gjatë reagimit”.

Erërat e fuqishme 60 milje në orë (96 kilometra në orë) nga Uragani Dora në Oqeanin Paqësor kanë ndezur flakët e zjarreve shkatërruese.

Guvernatori i Hawait, Josh Green, tha më herët të enjten se ai priste që numri i të vdekurve të rritet “dukshëm” nga numri 36 sa ishte më parë, ndërsa reaguesit e parë shkojnë nëpër shtëpitë dhe ndërtesat që u dogjën deri në themel.

“Ne nuk kemi pasur një rast të humbjes së jetëve si kjo për shumë vite,” tha Green në një intervistë për CNN.

“Ndërsa hyjmë në qindra shtëpi që u pushtuan nga zjarri…ne kemi shqetësim të madh se do të gjejmë mbetjet e njerëzve që nuk mundën të shpëtonin”.

Dy mijë udhëtarë u bllokuan në Aeroportin Ndërkombëtar Maui për shkak të anulimeve të fluturimeve. Zyrtarët thanë se 4,000 vizitorë dhe banorë të tjerë po strehoheshin në Qendrën e Konventës në Hawai në Honolulu. Autoritetet u kërkojnë turistëve dhe banorëve që të qëndrojnë larg zonave të rrezikshme

“Ne u bëjmë thirrje banorëve që të marrin parasysh paralajmërimet e sigurisë nga zyrtarët dhe t’u përmbahen urdhrave të evakuimit dhe udhëzimeve të sigurisë të lëshuara nga autoritetet lokale,” tha Roja Bregdetare në një deklaratë.

Një person është gjetur të enjten pa shenja jete në një shtëpi të pabanuar, në Pejë.

Në raportin e Policisë së Kosovës bëhet e ditur se në vendin e ngjarjes është gjetur dhe konfiskuar një revole me 15 fishekë dhe një gëzhojë e armës së zjarrit.

“Pejë, 10.08.2023-13:50. Është gjetur pa shenja jete, në një shtëpi të pa banuar viktima mashkull kosovar. Vdekjen e viktimës e ka konstatuar ekipi mjekësorë në vendin e ngjarjes. Në vendin e ngjarjes është gjetur dhe konfiskuar një revole me 15-fishekë dhe një gëzhojë e armës së zjarrit”, thuhet në njoftim.

Trupi i pajetë i viktimës është dërguar në Institutin e Mjekësisë Ligjore, për obduksion.

Gjykata Penale e Lozanës kërkon burg dhe depërtim ndaj dy serbëve për grabitje, njofton gazeta zvicerane Le Canton27.ch.

Dy serbë të dyshuar për mbajtjen në një dyqan bizhuterish në Lozanë janë përshkruar si “jashtëzakonisht të rrezikshëm” nga prokurori.

Aktakuza dhe deklaratat dhanë qëndrime të kundërta, të enjten, të dy serbëve të sjellë përpara Gjykatës Penale të qarkut të Lozanës. Të akuzuar se kanë marrë pjesë në grabitjen e bizhuterisë ‘Bucherer’, më 23 korrik 2019 në rrugën ‘de Bourg’, ata edhe dyshohen se i përkasin rrjetit kriminal ballkanik të ‘Pink Panthers’.

Dy burra janë ende në arrati, mes tyre edhe “koka e planifikimit”, i cili dyshohet se i drejtoi pistoletën një shitëseje. Në dy minuta, një plaçkë prej 400.000 frangash në ora dhe bizhuteri ishte zhdukur.

Sipas gazetës zvicerane Le Canton27.ch gjatë këtij viti janë shtuar krimet nga serbët në Zvicër, çka nuk kalojnë javë e të mos arrestohet apo involvohet në krime një apo dy serbë.

Në Kosovë sot do të mbajë mot me diell dhe vranësira të herëpashershme, derisa priten edhe reshje shiu në zonat malore.

Temperaturën minimale për ditën e sotme e ka shënuar Prishtina me 12 gradë Celsius, ndërsa atë maksimale Prizreni me 25 gradë Celsius.

Edhe dita e nesërme pritet të jetë me kushte të njëjta atmosferike.

Temperaturën minimale, për ditën e nesërme do ta mbajë qyteti i Prishtinës me 11 gradë Celsius, ndërsa atë maksimale Prizreni me 24 gradë Celsius.

Ndërkohë, në Shqipëri do të ketë mot me kthjellime. Temperaturën minimale do e ketë Korça me 10 gradë Celsius, ndërsa ajo maksimale do të jetë në Berat me 32 gradë Celsius. /atvlive.tv/

Parashikimin e plotë të motit, për rajon dhe Evropë, mund ta gjeni në videon e mëposhtme:

Deri në tri orë është koha e pritjes për të dalë nga territori i Republikës së Kosovës nga pika kufitare e Merdares. Jo në nivel më ndryshe janë edhe kolonat.

Sipas Qendrës Kombëtare për Menaxhim Kufitar, kolonat për të dalur nga pika kufitare e Merdares arrijnë në 600 metra. Njësoj edhe tek pika kufitare e Dheut të Bardhë ndërsa me kolona më të shkurtra është pika kufitare e Muçibabës, me kolonë deri në 200 metra gjatësi.

Me pritje në dalje dallohet edhe pika kufitare e Dheut të Bardhë. Pritja arrin deri në 1 orë e gjysmë, gjersa hyrja deri në 10 minuta.

Presidentja e Kosovës, Vjosa Osmani ka pritur sot në takim të rregullt ambasadorin e Shteteve të Bashkuara, Jeffrey Hovenier me të cilin bisedoi për zhvillimet në vend dhe vijueshmërinë e hapave konkret që po ndërmerren në përputhje me atë se çfarë është dakorduar në Bratislavë.

“Në takim u diskutua edhe për projektet zhvillimore të cilat po realizohen nga ShBA-të në Kosovë, përkrahjen e SHBA-ve për sektorin e sigurisë si dhe rëndësinë e shtimit të bashkëpunimeve të tilla në fusha të interesit të përbashkët”, thuhet në njoftimin e Zyrës së Presidentes.

Më 11 gusht 1997 përfundoi një nga misionet më të mëdha të zhvilluara nga forcat e ndryshme ushtarake në Shqipëri i cili njihet nën emrin “Operacioni Alba”.

Të gjendur pas klimës së pasigurisë me ngjarjet e ndodhura gjatë atij viti, qeveria shqiptare e pa të udhës të kërkonte ndihmesën e një force shumëkombëshe për të kryer operacione humanitare në vend.

Kërkesa ju drejtua OKB-së më 27.03.1997 nga pala shqiptare dhe Këshilli i Sigurimit e miratoi atë duke i hapur udhë një kontingjenti prej 3000 ushtarësh nga shtete si Franca, Turqia, Greqia, Spanja, Rumania, Austria dhe Danimarka.

Shteti koordinues i kësaj trupe do të ishte Italia e cila u përzgjodh të drejtonte këtë mision. Bazat operacionale të trupave do të ishin në qytete si Tirana, Durrësi, Vlora dhe Fieri.

Gjatë këtij operacioni janë zhvilluar rreth 1700 operacione ku mendohet se në dobi të popullatës është shpërndarë rreth 5700 tonë ndihma në ushqim, ilaçe, veshje etj.

Trupa ushtarake gjatë gjithë kohës monitorohej nga programi i OSCE.