ATV

Category: Lajme

  • Nagavci paralajmëron prindërit: Do të përballeni me ligjin nëse shpenzoni mjetet për blerjen e librave për diçka tjetër

    Nagavci paralajmëron prindërit: Do të përballeni me ligjin nëse shpenzoni mjetet për blerjen e librave për diçka tjetër

    Ministrja e Arsimit, Shkencës dhe Teknologjisë, Arbërie Nagavci, ka paralajmëruar prindërit se nëse keqpërdorin mjetet që MASHT ua ka ndarë për blerjen e teksteve shkollore për fëmijët, do të përballen me ligjin.

    Nagavci ka thënë se për të shmangur keqpërdorimet, në formular secili prind apo kujdestar që aplikon konfirmon se mjetet do t’i shpenzoj për blerjen e teksteve sipas ligjit.

    “Ne edhe për të siguruar që shmanget cdo keqpërdorim i mundshëm, në aplikim secili prind apo kujdestar që ka aplikuar ka konfirmuar se është prindi apo kujdestari i fëmijës për të cilin aplikon dhe se mjetet të cilat i ka marrë do t’i shpenzoj për të përmbushur obligimin sipas ligjit për blerjen e teksteve shkollore. Nëse këto mjete i shpenzon për diçka tjetër, do të përgjigjet sipas legjislacionit në fuqi. Pra secilli që i keqpërdor këto mjete, mbahet përgjegjës sipas legjislacionit në fuqi”, ka thënë Nagavci në ATV.

    Ajo ka përmendur shumën e parave që është shpenzuar ndër vite për tenderët për furnizim me tekste shkollore. Sipas Nagavcit, librat sivjet po shiten më lirë sesa që i janë shitur vitin e kaluar MASHT.

    “Në vitin 2008, shuma e shpenzuar për tekste ka qenë mbi 2 milionë euro, vetëm një vit më pas ka qenë mbi 9 milionë, ndërkaq vitin e kaluar kanë qenë mbi 16 milionë. Ka pas rritje të cmimeve sidomos në vitin e fundit pas luftës në Ukrainë e pandemisë”, ka deklaruar Nagavci.

  • 23 vjet nga hyrja e Shqipërisë në Organizatën Botërore të Tregtisë

    23 vjet nga hyrja e Shqipërisë në Organizatën Botërore të Tregtisë

    Më 8 shtator të vitit 2000, zyrtarisht Shqipëria i bashkohet Organizatës Botërore të Tregtisë (OBT). Shqipëria aplikon një regjim liberal tregu. Kurse, Kosova ende nuk është anëtarësuar në këtë organizatë.

    Tregtia e jashtme është liberalizuar që në vitin 1990 dhe ndjek standardet e vendosura nga Bashkimi Evropian dhe Organizata Botërore e Tregtisë.

    Prej 23 vjetësh ajo është anëtare e OBT-së dhe aplikon regjimin e OBT-së mbi procedurën e licencimit të importit. Si rezultat i liberalizimit të tregut dhe procesit të vazhdueshëm të përafrimit të kuadrit rregullator doganor me standardet e sistemit të BE-së, importi dhe eksporti i mallrave, si rregull i përgjithshëm, nuk varen nga ndonjë autorizim i veçantë.

    Marrëveshjet bilaterale ose multiraterale në të cilat Shqipëria është palë, mund të vendosin kuota, ose kërkesa kontrollesh. Gjithashtu, nevoja për pajisje me licencë ekziston në rastin e disa mallrave specifikë me qarkullim të kufizuar brenda vendit siç janë mallrat ushtarake dhe strategjike, materialet radioaktive dhe substancat psikotrope, ilaçet etj.

    Shqipëria është angazhuar të liberalizojë regjimin e saj tarifor duke zbatuar një proces të uljes së tarifave,- zbatojë të gjitha angazhimet që rrjedhin nga marrëveshjet mbi Barrierat Teknike në Tregti (TBT) dhe Standardet Sanitare dhe Fitosanitare (SPS);-Kodi Doganor Shqiptar thekson se vlerësimi doganor do të bëhet në përputhje me kërkesat e OBT-së;- Shqipëria është një anëtar i OBPI (Organizata Botërore e Pronësisë Intelektuale) që nga viti 1992 dhe ajo ka njohur disa marrëveshjeve ndërkombëtare në këtë fushë.

    Shqipëria është angazhuar për zbatimin e Marrëveshjes TRIPS dhe gjithë legjislacionin për të drejtat e autorit. Shqipëria ka nënshkruar edhe memorandumin përkatës në lidhje me Regjimin e Pronësisë Intelektuale.

    Eksporti i mallrave nuk i nënshtrohet ndonjë takse të veçantë eksporti, tarife apo barriere tjetër. Gjithashtu, importi i mallrave nuk i nënshtrohet ndonjë detyrimi taksor importi përveç se detyrimit doganor. Importi i mallrave është subjekt i TVSH dhe disa produkte si duhani, pijet alkoolike dhe lëndët djegëse janë subjekt akcize.

  • Maqedonia Veriore kremton 32-vjetorin e pavarësisë

    Maqedonia Veriore kremton 32-vjetorin e pavarësisë

    Republika e Maqedonisë së Veriut sot shënon 32-vjetorin e pavarësisë së saj nga ish-Federata jugosllave, përmes një referendumi popullor, i cili e shpalli atë shtet të pavarur dhe sovran.

    Ky referendum atëkohë u bojkotua nga shqiptarët në Maqedoni, të cilët kërkuan statusin e autonomisë dhe nuk ishin të kënaqur me pozitën e arritur në Kushtetutën e re të këtij vendi. Sipas vlerësimeve shtetërore të asaj kohe, mbi 95 për qind të qytetarëve që dolën në referendumin e 8 shtatorit të vitit 1991, iu përgjigjën pozitivisht pyetjes së referendumit “A jeni për Maqedoni të pavarur me të drejtë të hyjë në fuqi në aleancën e ardhshme të shteteve sovrane të Jugosllavisë”.

    Referendumit i parapriu Deklarata për Pavarësi, të cilën Parlamenti i parë i Maqedonisë shumëpartiake e miratoi më 25 janar të vitit 1991. Formalisht, vullneti i popullit për shtet të pavarur ishte konstatuar me Deklaratën për pranimin e rezultateve të referendumit më 18 shtator të vitit 1991 në Kuvendin e Republikës së Maqedonisë.

    Hap i ardhshëm me rëndësi në përforcimin e shtetit ishte miratimi i Kushtetutës së re më 17 nëntor 1991. Hije në ngjarjet me të cilat u vendosën themelet e Maqedonisë së pavarur, hodhi bojkotimi i referendumit nga ana e një pjese të bashkësisë etnike shqiptare dhe mospërkrahja e Kushtetutës së re nga deputetët shqiptarë. Dhjetë vite më vonë Kushtetuta u plotësua pas konfliktit të vitit 2001 dhe nënshkrimit të Marrëveshjes së Ohrit.

    Shtetësinë e Maqedonisë e para e njohu Republika e Bullgarisë, pas çfarë pasuan njohjet nga Turqia, Sllovenia, Kroacia, Rusia, Bosnjë e Hercegovina…

    Shteti u pavarësua monetarisht me vendosjen e denarit më 26 prill 1992, e më pas fitoi edhe Armatën e vet, e cila ditëlindjen e feston më 18 gusht.

    Subjektiviteti ndërkombëtar-juridik i shtetit definitivisht u konfirmua më 8 prill të vitit 1993, kur me aklamacion në Asamblenë e Përgjithshme të Kombeve të Bashkuara, Maqedonia u pranua si anëtare e 181-të në Organizatën botërore. Megjithatë për shkak të kundërshtimeve dhe presioneve të Greqisë, prë shkak të emrit, anëtarësimi në KB u bë nën referencën e përkohshme Ish-Republika Jugosllave e Maqedonisë.

    Marrëveshja për zgjidhjen e kontestit me Greqinë ishte arritur më 17 qershor 2018, sipas së cilës vendi emërtohej si Maqedonia Veriore.

    Maqedonia Veriore deri tani ka vendosur marrëdhënie diplomatike me 170 shtete në botë, ndërsa me emrin kushtetues është pranuar nga 135 shtete në mesin e të cilave edhe nga tre anëtaret në Këshillin e Sigurisë – Kina, Federata Ruse dhe SHBA-ja.

    Gjatë viteve të kaluara të pavarësisë Maqedonia Veriore kaloi në një sërë problemesh dhe vështirësish, më 2020 u bë anëtarja e tridhjetë e Aleancës Veri-Atlantike.

  • ​“Diskriminimi ka prekur kufijtë e racizmit”, shqiptarët në Serbi kërkojnë të drejtat e tyre

    ​“Diskriminimi ka prekur kufijtë e racizmit”, shqiptarët në Serbi kërkojnë të drejtat e tyre

    Banorët e Komunës së Bujanocit i kanë bërë thirrje Ministrisë së Brendshme të Serbisë që të respektojnë Kushtetutën për punësimin në organet shtetërore, pasi konsiderojnë se diskriminimi në këtë fushë ka prekur kufijtë e racizmit.

    Ata përmes një aksioni simbolik pata stacionit të policisë, kanë kërkuar që të merret parasysh neni 77 i Kushtetutës të Serbisë për punësimin në organet shtetërore, sipas së cilit “duhet të merret parasysh përfaqësimi proporcional i pakicave nacionale”, raporton KosovaPress.

    Për këtë ka shkruar në Facebook kryetari i Këshillit kombëtar shqiptar në Serbi, Nevzad Lutfiu.

    “’Respektojeni kushtetutën’ ishte thirrja që i bëmë sot Ministrisë së Brendshme të Serbisë.

    Neni 77 i Kushtetutës së Republikës së Serbisë thotë: “Lidhur me punësimin në organet shtetërore, në ndërmarrjet publike, organet e krahinës, vetëqeverisjes lokale duhet të kihet parasysh përbërja nacionale dhe përfaqësimi proporcional i pakicave nacionale”.

    Numri i policëve shqiptarë është tejet i vogël, madje shumë prej tyre janë afër pensionit.

    As edhe një polic i pranuar në vitet e fundit nga komuniteti shqiptar.

    I bëjmë thirrje Bashkësisë Ndërkombëtare që ta kenë vëmendjen tek gjendja e shqiptarëve në Serbi, sepse diskriminimini ka prekur kufijtë e racizmit”, ka shkruar ai.

  • ​Sot afati i fundit për largimin e strukturave ilegale nga objekti në Mitrovicë të Veriut

    ​Sot afati i fundit për largimin e strukturave ilegale nga objekti në Mitrovicë të Veriut

    Sot përfundon afati që Komuna e Mitrovicës së veriut u ka dhënë strukturave paralele për lirimin e objektit në Lagjen e Boshnjakëve.

    Ky objekt është parë si mundësi për t’i rikthyer tensionet në veri të vendit.

    Objekti që nga paslufta po përdoret nga strukturat paralele të financuara nga Serbia.

    Objekti në fjalë është pronë e Republikës së Kosovës dhe vendimi për rikthimin e tij tek institucionet vendore, është mbështetur edhe nga Qeveria.

    Frika nga ndonjë intervenim policor për lirimin e kësaj hapësire, ka shtyrë të ketë edhe reagim ndërkombëtar.

    Kjo bëri që aksioni i paralajmëruar të ndodhë më 25 gusht, të shtyhet për të premten e 8 shtatorit.

    Lista serbe të mërkurën nëpërmjet një komunikate ka thënë se nuk do të largohen objekti.

  • Gazetari spanjoll: Ka ardhur koha që të gjithë anëtarët e BE-së ta njohin Kosovën, Rusia është sponsor kryesor i Serbisë

    Gazetari spanjoll: Ka ardhur koha që të gjithë anëtarët e BE-së ta njohin Kosovën, Rusia është sponsor kryesor i Serbisë

    Juan García-Nieto gazetari dhe kolumnisti spanjoll ka kërkuar me ngulm nga pesë shtete e Evropës që ta njohin Kosovën.

    Ai madje, ka paraqitur fakte e arsye të besueshme që sipas tij këto shtete duhet parë dhe të marrin vendim për njohjen e Kosovës si shtet.

    Kjo pasi sipas gazetarit spanjoll, statusi i Kosovës mbetet i diskutueshëm në disa qarqe, përfshirë në Bashkimin Evropian, pasi pesë shtete anëtare ende refuzojnë të njohin pavarësinë e tij: Qiproja, Greqia, Rumania, Sllovakia dhe Spanja. Përkundër kësaj dhe ndoshta në mënyrë paradoksale, Kosovës iu dha statusi i kandidatit për në BE në dhjetor 2022.

    “Këto pesë qeveri e arsyetojnë qëndrimin e tyre duke argumentuar se shpallja e pavarësisë së Kosovës në vitin 2008 nuk ishte në përputhje me të drejtën ndërkombëtare”, tha ai.

    Sipas Nieto, qëndrimi kokëfortë kundër Kosovës i këtyre pesë vendeve zbulon dëshirën e tyre delirante për të mohuar realitetin gjeopolitik të rajonit të Ballkanit në vitin 2023.

    “Kurse Rusia, tradicionalisht sponsori më i rëndësishëm i Serbisë në rajon”

    Por sipas gazetarit, me gjithë retorikën nacionaliste dhe goditjen e gjoksit që vjen nga Beogradi, veprimet serbe sinjalizojnë se qeveria e saj e pranon se sovraniteti i Kosovës është një fakt i kryer.

    Kjo është analiza e plotë e gazetarit Juan García-Nieto:

    Më shumë se 15 vjet pas shpalljes së pavarësisë, pesë vende të BE-së refuzojnë me kokëfortësi të njohin Kosovën. Kjo dëmton si politikën e jashtme të BE-së në Ballkan, ashtu edhe perspektivën e Kosovës për shtetësi.

    Kosova ishte vendi i fundit që doli nga prushi i ish-Jugosllavisë. Një shumicë dërrmuese e Kuvendit të vendit (109 nga 120 anëtarë) shpalli sovranitetin e Kosovës nga Serbia në shkurt 2008.

    Pavarësia e Kosovës ishte kulmi i një procesi të vështirë, nganjëherë të tmerrshëm, i cili goditi pikën e tij më tragjike në Luftën e Kosovës 1998-1999, kur Jugosllavia në flakë shtypi brutalisht kryengritjen kosovare të udhëhequr nga Ushtria Çlirimtare e Kosovës (e cila u mbështet në mënyrë thelbësore nga forcat e NATO-s. gjatë muajve të parë të vitit 1999).

    Lufta përfundoi me Marrëveshjen e Kumanovës të nënshkruar në Francë në vitin 1999. Kombet e Bashkuara ranë dakord të formojnë një mision paqeruajtës (UNMIK) për të mbikëqyrur dhe lehtësuar rrugën drejt një Kosove të vetë-mjaftueshme dhe autonome, e cila vazhdon edhe sot e kësaj dite.

    Kosova ka një shumicë dërrmuese të shqiptarëve etnikë që kryesisht kundërshtojnë integrimin me Serbinë. Përveç kësaj, si vend me shumicë myslimane, kujtimi i dhunës së përhapur dhe shënjestrimi i myslimanëve dhe vendeve të shenjta islame nga nacionalistët serbë gjatë viteve 1990 vazhdon në kujtesën kolektive të kosovarëve. E gjithë kjo kontribuon në një mbështetje të fortë për shtetësinë e plotë të Kosovës.

    Megjithatë, 15 vjet pas shpalljes së pavarësisë, Kosova është larg të qenit plotësisht sovrane. Statusi i saj mbetet i diskutueshëm në disa qarqe, përfshirë në Bashkimin Evropian, pasi pesë shtete anëtare ende refuzojnë të njohin pavarësinë e tij: Qiproja, Greqia, Rumania, Sllovakia dhe Spanja. Përkundër kësaj dhe ndoshta në mënyrë paradoksale, Kosovës iu dha statusi i kandidatit për në BE në dhjetor 2022.

    Megjithatë, fakti që pesë anëtarë të BE-së kanë një politikë eksplicite të mosnjohjes së pavarësisë së Kosovës është një pengesë drejt një qëndrimi të përbashkët të plotë të BE-së. Këto pesë qeveri e arsyetojnë qëndrimin e tyre duke argumentuar se shpallja e pavarësisë së Kosovës në vitin 2008 nuk ishte në përputhje me të drejtën ndërkombëtare.

    Megjithatë, një vendim i vitit 2010 nga Gjykata Ndërkombëtare e Drejtësisë nuk e konsideroi pavarësinë e Kosovës si të paligjshme, duke vënë në pikëpyetje qëndrimet e pesë vendeve.

    Një shtet për të gjitha qëllimet

    Por ligji nuk është e vetmja gjë që luhet këtu. Realitetet politike, jo ato ligjore, janë zakonisht motori i politikës ndërkombëtare. Dhe fakti është se Kosova është një shtet për të gjitha qëllimet, për hidhërimin e madh të qeverisë serbe. Kosova ka kuvendin dhe institucionet e saj shtetërore, dhe euron e ka adoptuar si monedhë që në vitin 2002.

    Shteti ballkanik njihet gjithashtu nga shumica e qeverive botërore (117 nga 193 shtete në OKB) dhe gëzon anëtarësim të plotë në disa organizata ndërkombëtare, si Banka Botërore, Fondi Monetar Ndërkombëtar dhe Organizata Botërore e Doganave. Po, Kosova tashmë është një shtet de facto.

    E gjithë kjo do të thotë se njohja e Kosovës si shtet sovran është një politikë e shëndoshë jo vetëm nga këndvështrimi i së drejtës ndërkombëtare, por edhe si çështje realpolitike.

    Duket evidente se duke pasur një qëndrim të miratuar në mënyrë të përbashkët nga të 27 anëtarët, BE-ja do të ishte më në gjendje të mbronte interesat e saj në mënyrë të besueshme dhe të miratonte një politikë koherente, konstruktive në rajonin e ndjeshëm të Ballkanit. Pesë anëtarët e BE-së që refuzojnë të njohin Kosovën nuk po i bëjnë asnjë nder vetes duke shkuar kundër një valë globale që tregon për një integrim gradual të Kosovës në politikën globale si një aktor sovran.

    Edhe Serbia me ngurrim e trajton Kosovën si një shtet de fakto (duke hyrë në negociata, duke nënshkruar traktate dhe duke u zotuar të mos ndërhyjë në procesin e anëtarësimit të Kosovës në BE) – dhe ra dakord të normalizojë marrëdhëniet me fqinjin e saj jugor në mars 2023.

    Rusia, tradicionalisht sponsori më i rëndësishëm i Serbisë në rajon, e njeh në heshtje edhe shtetësinë e Kosovës. Ashtu si realitetet politike i tejkalojnë konsideratat ligjore, veprimet zakonisht kanë më shumë rëndësi se fjalët në politikën ndërkombëtare. Dhe, me gjithë retorikën nacionaliste dhe goditjen e gjoksit që vjen nga Beogradi, veprimet serbe sinjalizojnë se qeveria e saj e pranon se sovraniteti i Kosovës është një fakt i kryer.

    Shtyrja e të pashmangshmes

    Me pak fjalë, është në interesin e BE-së që të shkojë drejt një konsensusi të plotë për çështjen e pavarësisë së Kosovës. Qiproja, Greqia, Rumania, Sllovakia dhe Spanja po shtyjnë atë që duket e pashmangshme dhe, në fakt, tashmë po ndodh: normalizimin e pavarësisë së Kosovës (edhe pse vetëm de facto) nga shumica e aktorëve rajonalë dhe globalë, madje edhe nga rivalët e saj.

    Ndërsa ata citojnë publikisht arsye ligjore për të mbështetur politikën e tyre, dihet se pesë vendet kanë arsye të brendshme për të mos njohur pavarësinë e Kosovës. Megjithatë, e vërteta është se pranimi i Kosovës si shtet sovran ka shumë pak gjasa të ndryshojë shumë nga peizazhi i brendshëm në asnjërin nga pesë vendet. Në fund të fundit, rrethanat e pavarësisë së Kosovës dhe shkaqet që çojnë në të janë në mënyrë dramatike të ndryshme nga, për shembull, pikëpamjet pro-pavarësisë të një pjese të popullsisë katalane në Spanjë.

    Qëndrimi kokëfortë kundër Kosovës i këtyre pesë vendeve zbulon dëshirën e tyre delirante për të mohuar realitetin gjeopolitik të rajonit të Ballkanit në vitin 2023. Me gjithë qëndrimet pro-evropiane që vijnë nga qeveritë dhe shoqëritë në Athinë, Madrid, Nikosia e të tjera, këmbëngulja e tyre për t’u kapur një politikë anti-realiste vetëshkatërruese po dëmton Bashkimin Evropian dhe po pengon zhvillimin e një politike të jashtme koherente evropiane në një kohë kur ajo është më e rëndësishme se kurrë.

  • Tema kryesore ishte Veriu i Kosovës, krejt çka thanë Osmani e Stoltenberg pas takimit në selinë e NATO-s

    Tema kryesore ishte Veriu i Kosovës, krejt çka thanë Osmani e Stoltenberg pas takimit në selinë e NATO-s

    Presidentja e Kosovës, Vjosa Osmani nga selia e NATO-s iu drejtua dje qytetarëve të vendit.

    Ajo tha se përsëri Kosova ka marr përkushtimin e plotë të aleatëve që të vazhdojnë të punojnë me Kosovën, që të vazhdojnë prezencën e tyre në Kosovë në kuadër të punës të përbashkët dhe angazhimit të përbashkët për paqe, siguri dhe stabilitet në të gjithë rajonin.

    Osmani nga kjo seli foli edhe për, siç tha ajo, grupet kriminale serbe që janë një sfidë për vendin.

    “Natyrisht që shumë nga sfidat me të cilat ballafaqohemi, në veçanti ato në veri të vendit për shkak të grupeve të organizuara kriminale serbe i diskutuam sot, duhet të punojmë me partnerët tanë në mënyrë që t’i zgjidhim të gjitha këto sfida të sigurisë”, tha ajo.

    Tutje e para e vendit shtoi se çështja e sigurisë asnjëherë nuk është individuale, sipas saj është gjithnjë kolektive.

    “Kosova siç e dini është shteti më pro NATO jo vetëm në rajon, por në të gjithë botën sepse vizioni i qartë i qytetarëve të Kosovës dhe institucioneve të Republikës është që të anëtarësohemi në këtë aleancë”, tha Osmani teksa kujtoi se kjo aleancë në vitin 1999 shpëtoi jetën e qytetarëve të Kosovës.

    “Edhe sot e kësaj dite vazhdon me kontributin që të gjithë qytetarët e Kosovës të jetojnë në paqe” – vazhdoi tutje presidentja.

    Ajo tha se në këto 25 vite Kosova e ka dëshmuar që është partner i NATO-s dhe do të vazhdojë ta dëshmojë këtë edhe sot e tutje dhe natyrisht do të vazhdojë të koordinohet me partnerët në të mirë të të gjithë qytetarëve.

    “Këtu mbrapa meje janë flamurët e shteteve anëtare të NATO-s, do të punojmë të gjithë së bashku që edhe flamuri i Republikës së Kosovës shumë shpejtë të valoj së bashku me flamurët e aleatëve” – tha Osmani.

    Ishte Sekretari i Përgjithshëm i NATO-s, Jens Stoltenbeg ai i cili priti dhe takoi Osmanin.

    Pas takimit, Stoltenberg deklaroi se mirëpret hapat e fundit e ndërmarrë nga Prishtina për të ulur tensionet duke përfshirë, zvogëlimin e numrit të forcave speciale të Policisë së Kosovës në veri, teksa shoti se është esenciale që të shmangen çfarëdo eskalimi i mëtejmë.

    “I mirëpres hapat e fundit që janë ndërmarrë nga Prishtina për të ulur tensionet duke përfshirë, zvogëlimin e numrit të forcave speciale të Policisë së Kosovës në veri dhe planet për të mundësuar zgjedhjet e reja komunale”- tha Sekretari i Përgjithshëm i NATO-s.

    “Është esenciale që të shmangen çfarëdo eskalimi i mëtejmë dhe i inkurajojmë të dyja palët që të veprojnë në përputhje me zotimet e tyre”- shtoi ai.

    Stoltenberg u shpreh se NATO mbështet dialogun e ndërmjetësuar nga Bashkimi Evropian dhe se mirëpret takimin e javës së ardhme në nivel të lartë.

    “NATO mbështetë fuqimisht dialogun e ndërmjetësuar nga BE-ja mes Beogradit dhe Prishtinës dhe mirëpresim takimin e javës së ardhshëm që është e vetmja mënyre e zgjidhjes së çështjeve të mbetura. Kjo kërkon durim insistim dhe kompromis. Kjo është mundësi për Kosovën që të demostrojë që është palë e përgjegjshme që vepron në mënyrë konstruktive në dobi të sigurisë euroatlantike”- theksoi ai.

    Sekretari i NATO-s, gjithashtu tha se me presidenten Osmani, kanë diskutuar për tensionet në veri të Kosovës dhe rëndësinë e prezencës së misionit paqeruajtës të NATO-s.

    “Diskutuam për tensionet e fundit në veri të Kosovës dhe rëndësinë e prezencës së misionit paqeruajtës të NATO-s në mandatin e rezolutës 12/44 të Këshillit të Sigurimit të OKB-së. Trupat tanë të KFOR-it janë sulmuar më herët këtë vit duke lënë 93 prej tyre të lënduar, prej tyre disa në masë serioze dhe kjo është plotësisht e papranueshme. Stabiliteti i rajonit dhe siguria e trupave të KFOR-it bëhet nga të gjitha palët që respektojnë zotimet ekzistuese. NATO-ja konsideron këtë të ketë rëndësinë më të lartë dhe kërkon që këto të repsketohen”- tha Stoltenberg

    Situata në veri të Kosovës është tensionuar në fund të majit, kur kryetarët e rinj shqiptarë të Zveçanit, Leposaviqit e Zubin Potokut po hynin në ndërtesat komunale, me gjithë rezistencën e banorëve lokalë serbë.

    Për shkak të tensioneve në veri, NATO-ja ka rritur numrin e ushtarëve në kuadër të KFOR-it.

    Takimi i 14 shtatorit, është i pari që mund të realizohet mes Kurtit dhe Vuçiqit prej rritjes së tensioneve në veri, qysh në fund të majit.

  • Malisheva, komuna me më së shumti investime kapitale

    Malisheva, komuna me më së shumti investime kapitale

    Përgatiti: Krenare Mulliqi

    Rregullimi i këtij bulevardi u bë ashtu siç ishte paraparë, për më pak se 1 vit.

    Kurse, shpejtësia e përfundimit të këtij projekti, por edhe shumë projekteve të tjera në kohë, bëri që komuna e Malishevës të rangohet e para për realizimin e investimeve kapitale për gjysmën e parë të këtij viti.

    Sipas raportit të institutit GAP, Malisheva shpenzoi 79 për qind të buxhetit për investime kapitale.

    “Në këto projekte përfshihet asfaltim i rrugëve, rregullimi i kanalizimeve, por sigurisht ajo që na ka ngritur është rregullimi i bulevardit, i cili…”, tha kryetari i Malishevës, Ekrem Kastrati.

    I pari i Malishevës thotë se do të vazhdojë me realizimin e projekteve në mënyrë që këtë renditje ta mbajë edhe në vitet e ardhshme.

    “Kemi edhe disa projekte të cilat duhet të përfundojnë, është rregullimi i sheshit te dëshmorët për të cilat kontrata për fillimin e punimeve ka përfunduar…”, tha Kastrati.

    Sipas këtij raporti, pas Malishevës renditet Obiliqi me 62 për qind të realizimit për investime kapitale.

    Por ka edhe komuna që edhe pse i patën paratë nuk e nisën as edhe një projekt. Njëra nga to është komuna e Kllokotit, ndërkaq komuna e Vushtrrisë, ajo e Hanit të Elezit e ajo e Shtërpcës realizuan vetëm 1 për qind të investimeve kapitale.

    Komunat hiç më mirë nuk janë as në përmbushje të premtimeve, pasi, sipas hulumtimeve të GAP-it, vetëm 26 për qind e premtimeve janë përmbushur.

    “Komuna e Prishtinës, nga 206 premtime të dhëna, i ka përfunduar 29 prej tyre, derisa 85 prej tyre nuk kanë nisur ende. Po ashtu, edhe Komuna e Gjakovës, nga 35 premtime të dhëna deri në qershor të këtij viti, i ka realizuar vetëm 6 prej tyre…”, tha Bekim Salihu, drejtor i hulumtimeve në Institutin GAP.

    Sipas tyre, 16 për qind e premtimeve janë gjysmë të përmbushura, derisa 23 për qind prej tyre kanë filluar të realizohen.

  • “Lufta” mes Prokurorisë Speciale dhe ministres Albulena Haxhiu

    “Lufta” mes Prokurorisë Speciale dhe ministres Albulena Haxhiu

    Përgatiti: Nora Luta

    Ministrja që udhëheq dikasterin e drejtësisë ka vazhduar luftën me akuza ndaj Prokurorisë Speciale.

    Albulena Haxhiu, të mërkurën, në CONTEXT tha se kjo prokurori po i hakmerret Qeverisë që drejtohet nga Albin Kurti.

    Sipas Haxhiut, PSRK-ja nuk ka marrë asnjë veprim rreth rasteve që i ka deponuar ajo dhe ministrat tjerë të kabinetit.

    Mirëpo, çdo deklaratë politike, sipas Strategjisë për Sundimin e Ligjit, e miratuar në vitin 2021 nga Qeveria Kurti, konsiderohet ndërhyrje në drejtësi.

    Sipas Institutit të Kosovës për Drejtësi, lufta e nisur nga Qeveria nuk është rruga e duhur për të bërë reformën e nevojshme në sistemin prokurorial.

    Miftaraj, po ashtu, thotë se kërkesat e ekzekutivit për trajtimin e këtyre lëndëve paraqesin ushtrim të ndikimit.

    Drejtori ekzekutiv i IKD-së thotë se Haxhiu nuk mund të ankohet për mosveprimet e Prokurorisë, pasi, sipas tij, me miratimin e Ministrisë së Drejtësisë në Kodin e Ri të Procedurës Penale është zgjatur afati i hetimeve.

    Ndërkohë, Prokuroria Speciale deklaratat e Haxhiut i ka quajtur tendencë për të ndikuar në punën e saj dhe i ka bërë thirrje asaj dhe Qeverisë që të distancohen.

    Në një reagim publik, PSRK-ja tha se përpjekjet e ministres janë tentativë e dështuar për të penguar punën e këtij institucioni.

    “Prononcimet e paskrupullta publike të Ministres së Drejtësisë, për, kinse, mosveprim dhe neglizhencë të PSRK-së ndaj rasteve të ndryshme, demantohen plotësisht nga aktivitetet dhe raportet zyrtare të PSRK-së, që pasqyrojnë dhe tregojnë qartazi të kundërtën e asaj që predikon pandalshëm dhe përditë kjo ministre. PSRK-ja, si institucion i pavarur dhe i paanshëm në ushtrimin e mandatit të vet, do t’i shkojë deri në fund çdo rasti që është në dëm të institucioneve dhe qytetarëve të Republikës, pavarësisht se kush është, në çka beson dhe çfarë ka bërë dhe çfarë bën. Puna dhe misioni ynë do të jenë jashtë agjendave të politikës ditore. Deklaratat përbëjnë tendencë të hapur, për të ndërhyrë në kompetencat dhe në veprimtarinë legjitime të kësaj prokurorie dhe prokurorëve të shtetit dhe nuk ka se si të quhet ndryshe, përveç se tentativë e dështuar”, thuhet në reagimin e PSRK-së.

    Vetëvendosja, e as Haxhiu nuk kanë gjetur gjuhë të përbashkët me Këshillin Prokurorial, në veçanti me Prokurorinë Speciale, që drejtohet nga Blerim Isufaj, dhe nuk janë pajtuar që nga ardhja në pushtet për reformën e nisur nga Ministria e Drejtësisë.

  • Ndalohen disa qese të plastikës, disa bëhen me pagesë

    Ndalohen disa qese të plastikës, disa bëhen me pagesë

    Përgatiti: Benita Zeneli

    Përdorimi i qeseve të plastikës, që deri të enjten, janë marrë falas në çdo market, janë ndaluar plotësisht.

    Ndërsa, ato me trashësi nga 25 deri në 50 mikronë do të lejohen të përdoren, por qytetarët për to do të paguajnë 5 centë.

    “Nga 0 deri 25 mikronë do të lejohen vetëm qeset të cilat përdoren për fruta e nuk do të kenë ato mbajtëset. Ndërsa, qeset nga 25 deri në 50 mikronë do të lejohet përdorimi i tyre dhe do të kushtojnë 5 centë, por nuk do të lejohet që të kenë logo të prodhuesve”, tha ministri i Infrastrukturës, Liburn Aliu.
    Ndërkaq, shitësit do të obligohen që pagesën për qese ta përfshijnë edhe në kupon fiskal.

    Krejt kjo tashmë do të mundësohet pasi është bërë edhe finalizimi i udhëzimit administrativ për ambalazhin dhe mbeturinat e ambalazhit, i cili së fundi është miratuar edhe në Qeveri.

    “Edhe shishet e plastikës do të kthehen e më pas do të marrim dipozitën..”, tha Aliu.

    Duke shpresuar se rregullat e reja do të zbatohen plotësisht, do të ketë ulje deri në 33 për qind të numrit të përdorimit të qeseve njëpërdorimëshe.

    “Duam të ndajmë, gjithashtu, me ju përvojat tona, të asistojmë Kosovën që të gjejë zgjidhje afatgjate, për punën e mbeturinave plastike, përmes riciklimit dhe përdorimit. Zbatimi i duhur i akteve të reja ligjore është para nesh dhe shpresoj që do të kemi ndikim të mirë për Kosovën”, tha shefi për bashkëpunim në zyrën e BE-së në Kosovë, Alessandro Bianciardi.

    Mbështetjen për këtë e shprehu edhe Shefja për Bashkëpunim në Ambasadën Gjermane në Kosovë, Vera Baumann.

    “Ky është një fillim për një Kosovë më të pastër. E përgëzojmë Kosovën për këtë akt ligjor… Gjermania do të vazhdojë të mbështesë Kosovën e njerëzit e saj, në përpjekjen për një mjedis të pastër e të shëndetshëm”, tha Baumann.

    Deri më 31 dhjetor 2024, niveli i përdorimit vjetor pritet të mos kalojë 180 qese plastike mbajtëse me peshë të lehtë për person.