Category: Lajme

Deputeti i Aleancës për Ardhmërinë e Kosovës (AAK), Shemsedin Dreshaj në një konferencë për medie tha se ndonëse është dyfishuar buxheti për shëndetësinë, problemet kanë mbetur të njëjta madje po shtohen dita ditës, raporton Ekonomia Online.

Ai ka përmendur problemet që sipas tij, po e përcjellin sistemin shëndetësor siç janë ikja e mjekëve, mungesa e barnave  e lista e gjatë e pritjes.

“Premtimet e dhëna lidhur me shërbime cilësore në shëndetësi ende vazhdojnë, ndërsa ende vazhdojnë problemet e vjetra. Ikja e personelit profesional shëndetësore; Lista e barnave esenciale me probleme të njëjta, 365 ditë të vitit; Lista e pritjes në rritje e sipër, si në aspektin diagnostik dhe terapeutik. Si p.sh në Ortopedi ka pacient që për protezë të gjurit presin deri në 4 vite dhe shërbimet e emergjente si Stroke Center nga 24 h funksionale vetëm 4 h. Nga ora 13  çdo ditë të rregullte punë rrezikon që periudha e intervenimit efikas prej 4 h të humbet”.

Ai ka shtuar se shëndetësia duhet të jetë prioritete duke thënë se jemi shteti i vetëm në rajon dhe Evropë pa ëme shëndetësore.

“Shëndetësia prioritet (buxhet dhe mbështetje); Kompetentët në vendimmarrje; Kompetencë dhe përgjegjësi për menxheret në secilin nivel; Politika të jetë mbështesë e jo të pengoj me vendime politike dhe nominime të të dëgjueshmëve dhe të padëshmuarve; Të bëhet ndarje strikte mes shërbimit shtetëror shëndetësor dhe atij privat; shëndetësore dhe të largohen eksperimentet dhe improvizimet”.

“Qëllimi i kësaj konference është ftese për mediat, shoqërinë civile, partitë politike në pozitë dhe opozitë, intelektualet dhe strukturat tjera vendore me influence qe te mos heshtin, të mos rrinë duar kryq, por te mobilizohen dhe të kërkohet veprim”.

Fjalimi i plotë:

Shëndetësia sot me buxhet të dyfishuar vazhdon me probleme të njëjta dhe të cilat po shtohen dita ditës. Thuajse nuk ka ditë që nuk jemi ne medie për probleme, dështime e skandale, nga më të ndryshmet.

Premtimet e dhëna lidhur me shërbime cilësore në shëndetësi ende vazhdojnë, ndërsa ende vazhdojnë problemet e vjetra.

1. Ikja e personelit profesional shëndetësore;
2. Lista e barnave esenciale me probleme të njëjta, 365 ditë të vitit;
3. Lista e pritjes në rritje e sipër, si në aspektin diagnostik dhe terapeutik. Si p,sh në Ortopedi ka pacient që për protezë të gjurit presin deri në 4 vite;
4. Shërbimet e emergjente si Stroke Center nga 24 h funksionale vetëm 4 h. Nga ora 13  çdo ditë të rregullte punë rrezikon që periudha e intervenimit efikas prej 4 h të humbet.

Tre ligje madhore, që janë shtylla e shëndetësisë,  të premtuara ne agjendën legjislative nga viti 2021 ende askund:

• Ligji për shëndetësi (qe dy vite zhagitet në agjendën legjislative te Kuvendit),
• Ligji për Ëmet shëndetësore askund madje as forma si të bëhen nuk është ne vizion,
• Ligji për Ëmet sociale njëjtë (ëmet shëndetësore, ëmet jetësore, pensionale, invalidore, pensionet e parakohshme) ende nuk kemi një formë të prezantuar; a do të jetë gjenerata për gjenerate apo ndonjë forme tjetër.
• Jemi shteti i vetëm në rajon dhe Evropë pa ëme shëndetësore.

Shëndetësia është keq. Intervenimet duhet të jenë urgjente dhe të drejta.

Qëllimi i kësaj konference është ftese për mediat, shoqërinë civile, partitë politike në pozitë dhe opozitë, intelektualet dhe strukturat tjera vendore me influence qe te mos heshtin, të mos rrinë duar kryq, por te mobilizohen dhe të kërkohet veprim.

Ky shtet është i joni.

Nga kjo situate ka dalje. Urgjent duhet:

• Shëndetësia prioritet (buxhet dhe mbështetje);
• Kompetentet ne vendimmarrje;
• Kompetencë dhe përgjegjësi për menxheret në secilin nivel;
• Politika të jetë mbështesë e jo të pengoj me vendime politike dhe nominime të të dëgjueshmëve dhe të padëshmuarve;
• Të bëhet ndarje strikte mes shërbimit shtetëror shëndetësor dhe atij privat;
• Ëmet shëndetësore.
• Te largohen eksperimentet dhe improvizimet.

Ju përkujtoj se shëndetësia është shkence, nuk është politike, ka hierarki te definuar profesionale, arsimore dhe përgjegjësi bazuar ne thirrje.

Mjaft me eksperimente të padëshmuara në shëndetësi. Eksperimentet e pa dëshmuara janë avanture, që çdo herë rezulton me dështim.

Zëvendësministri i Punëve  të Brendshme, Blerim Gashani tha se këto mjete do të shërbejnë për shërbime më të mira nga ekspertët balistik e konfiskimin e armëve ilegale, duke shtuar se do të ketë ndihim në parandalimin e krimit.

Ai madje garantoni se këto pajisje do të përdore me përgjegjësi dhe do të ndiqen praktikat më të mira.

“Kjo ndikon në konfiskimin e armëve ilegale. Deri më sot Agjencitë dhe institucionet kanë treguar dhe dëshmuar që jemi shumë serioz. Analiza barisike është pjesë e rëndësishme për ta parandaluar krimin. Ne nga Ministria shprehim gatishmërinë për ta bërë vendin tonë më të sigurt, rajonin, Bashkimin Evropian dhe më gjerë”.

“… këto pajisje do të fuqizojnë ekspertët balistik, dua të theksoj përdorimin e përgjegjshëm të këtyre pajisjeve, për të ndjekur praktikat më të mira”.

Inspektorati Farmaceutik gjatë periudhës janar-gusht të këtij viti, ka realizuar 635 inspektime, ndërsa ka gjobitur 114 subjekte.

Sipas njoftimit, në vazhdën e aksioneve kontrolluese janë gjobitur 54 subjekte që posedonin produkte të jashtëligjshme, ndërsa 43 raste kur gjatë kontrollit ka rezultuar se në farmacitë e ndryshme mungon farmacisti, siç është e përcaktuar me ligj.

“Gjithashtu, gjatë kësaj periudhe, Inspektorati Farmaceutik ka ndërmarrë masa edhe ndaj 4 institucioneve shëndetësore private të cilat nuk ishin të licencuara. Ndaj të gjitha rasteve të cilat e kanë cenuar shëndetin publik janë ndërmarrë masat sipas autorizimeve ligjore. Ditë më parë, Ministri i Shëndetësisë Dr. Arben Vitia gjatë vizitës në Inspektoratin Shëndetësor bëri të ditur se nga muaji shtator, inspektorëve do t’u paguhen shtesat në vlerë të 250 eurove. Së shpejti do të shtohen edhe kapacitetet inspektuese dhe pas përfundimit të procedurave rekrutuese, numri i inspektorëve shëndetësorë do të shkojë në 37 nga 12 sa janë tani. Me qëllim të mbrojtjes së shëndetit publik, ofrimit të shërbimeve shëndetësore cilësore dhe zbatimit të ligjit, ftojmë qytetarët që të bashkëpunojnë dhe të sinjalizojnë kur hasin në veprimtari të dyshimta të institucioneve shëndetësore. Në dispozicion janë numrat kontaktues: Inspektorati Shëndetësor: 03820024154, Linja e ankesave: 080017777”, thuhet në njoftim.

Është arratisur një i burgosur nga Qendrës Korrektuese e Dubravës.

Në momentin e arratisjes ai ishte caktuar me vendpunim në ruajtjen e bagëtive të fermës së qendrës.

Për largimin e tij është lëshuar letër rreshtimi dhe është njoftuar edhe policia.

“Shërbimi Korrektues i Kosovës njofton opinionin publik se i dënuari K.B është larguar nga Pavijoni i Gjysmëhapur i Qendrës Korrektuese të Dubravës. I njëjti ishte caktuar me vendpunim në ruajtjen e bagëtive të fermës së qendrës. I njëjti ishte i dënuar me tri vite burgim dhe do të lirohej më, 16.12.2024. Për largimin e tij është lëshuar letër rreshtimi dhe është njoftuar edhe policia”, kanë njoftuar nga Shërbimi Korrektues i Kosovës.

Në seancën e së martës në Gjykatën Themelore në Ferizaj, në gjykimin ndaj të akuzuarit Qëndrim Januzi, është dëgjuar babai i viktimës G.H., Vehbi Hyseni, i cili tha se i akuzuari ia ka vrarë të vetmin djalë.

“Ma ka vra të vetmin djalë, ma ka humb krejt familjen. Ka qenë djali i vetëm, i kam 5 vajza, tha ai.

Januzi po akuzohet se privoi nga jeta G.H, më 28 maj 2022, me pretendimin se i njëjti ia kishte djegur një veturë vëllait të tij, raporton “Betimi për Drejtësi”.

Hyseni rrëfeu se si e kishin kuptuar për vrasjen e të birit, ndërsa tha se nuk ishte në dijeni se djali i tij kishte probleme me tani të akuzuarin.

“Kam tentu me hy brenda, Policia nuk me kanë lejuar, aty kam vërejtë nipin tim Ramadan Sahiti që ishte i gjakosur. Djali i vëllaut m’ka marrë m’ka thanë eja shkojmë në shtëpi sepse G., e shohmi ma vonë në Spitalin e Prishtinës se janë tu e dërgu atje dhe ne jemi largu nga aty kemi hy në shpi. Pastaj, pas 10 minutave kanë ardhë mjekët te shtëpia, na kanë dhënë injeksione dhe aty kam kuptuar se është diçka tragjike, dhe brenda pak minutave kuptova se G., ka ndërruar jetë. Nga ai moment ne kemi qenë pothuajse pa vetëdije, sepse nuk kemi qenë në dijeni paraprakisht lidhur me problemet që kanë pasur djali im me Qëndrimin. Kjo për neve ka qenë pa paralajmërim i zënë në befasi, ne jemi njerëz kemi mund të kuptohemi, mirëpo ndodhi në mënyrë tinzare, ma ka humb krejt familjen, ma ka vra të vetmin djalë”, tha Hyseni.

“Sipas aktakuzës së Prokurorisë, me datë 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri me dashje dhe përgatitje paraprake ka privuar nga jeta tani të ndjerin G.H, në atë mënyrë që pas një mosmarrëveshje të mëhershme lidhur me një veturë të vëllait të tij për të cilën i pandehuri ka pretenduar se i është djegur nga ana e tani të ndjerit, me ç’rast me të takuar të ndjerin, ka shtënë gjashtë (6) herë në drejtim të tij me armë zjarri, të tipit “SAUER model 38 H” e kalibrit 7.65mm dhe si pasojë e të shtënave nga plagët e marra i ndjeri ndërron jetë ashtu siç është konstatuar në raportin e autopsisë, me të cilin konstatohet shkaku i vdekjes, e cila ka ardhur si pasojë e plagëve të marra nga predhat e armës së zjarrit”, thuhet në njoftimin e Prokurorisë lidhur me ngritje të aktakuzës.

Me këtë, akuzohet se ka kryer veprën penale “Vrasje e rëndë” nga neni 173, paragrafi 1, nënparagrafi 1.5 të Kodit Penal të Republikës së Kosovës (KPRK).

“Po ashtu, sipas aktakuzës, i pandehuri Q.J., nga koha e pa përcaktuar e deri me datën 28.05.2022, në Ferizaj, pa autorizim dhe në kundërshtim me ligjin e zbatueshëm lidhur me armët në Kosovë, ka poseduar armën e markës “SAUER model 38H” e kalibrit 7,65 x 17mm, me një karikator me kapacitet prej (8) tetë fishekëve të kalibrit 7.65x17mm, me të cilën armë kishte kryer veprën penale të përshkruar si në dispozitivin e I të kësaj aktakuze, ku e njëjta sekuestrohet”, thuhet tutje.

Me këtë, akuzohet se ka kryer veprën penale “Mbajtja në pronësi, kontroll ose posedim të paautorizuar të armëve” nga neni 366, paragrafi 1 të KPRK-së,

Prokuroria Themelore në Ferizaj, me rastin e ngritjes së aktakuzës, i ka propozuar Gjykatës kompetente në Ferizaj, që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartcekur të shpallet fajtor dhe të dënohet sipas ligjit për veprën penale për të cilën akuzohet.

Pjesëtarët e EULEX-it dhe Zyra e Prokurorit të Specializuar të Kosovës, janë duke kryer bastisje në Prishtinë.

Bastisja ka nisur në orët e mëngjesit dhe po vazhdon në banesën e tyre në Breg të Diellit.

Lajmin e bëri të Fahri Fazliu, i cili është familjari i dëshmorëve. Aty po qëndron edhe avokati i familjes Artan Çerkini.

Agjencia e Kosovës për Forenzikë ka pranuar një donacion të pajisjeve të specializuara nga Programi i Kombeve të Bashkuara për Zhvillim (UNDP) në Kosovë, që do të shërbejnë në avancimin e ekzaminimeve forenzike dhe balistike.

Kryeshefi i AFK-së, Blerim Olluri tha se këto pajisje do ta ndihmojnë institucionin që drejton në përmirësimin e shërbimeve të tyre.

I kënaqur me këto pajisje u shpreh edhe zëvendësministri i Punëve të Brendshme, Blerim Gashani.

Ndërkaq, përfaqësuesi i UNDP-së në Kosovë, Nuno Queiros, tha se shpreson që këto pajisje të ndihmojnë AFK në avancimin e ekzaminimeve forenzike dhe balistike.

Kryetari i Hanit të Elezit, Mehmet Ballazhi, në një intervistë për KosovaPress, është shprehur se qasjen me qytetarët e komunës së tij e ka shumë të lehtë.

Thotë se qytetarët e kësaj komune janë të gatshëm të diskutojnë me të për të gjitha problemet e tyre.

Ballazhi thekson se është i përkushtuar në punën dhe objektivat e tij, të cilat do të i arrij gjatë mandatit të tij.

“Unë pushimet i kaloj gjate natës, kur me merr gjumi përndryshe pushimet e tjera nuk kam planifikuar për shkak te angazhimeve që i kemi dhe vërtet muaji gusht muaji i pushimeve institucionale por unë nuk do të kem mundësi me shkuar, jo se nuk kryhen projektet se nuk jam unë këtu po unë jam i përkushtuar që ato projekte ti shoh duke u kryer” tha Ballazhi

Kreu i komunës së Hanit të Elezit, shtoi se nuk ka pasur asnjëherë fyerje nga qytetarët, ani pse qytetarët shpesh herë nuk pajtohen me ndonjë projekt komunal.

“Është normale me pas qytetarët e ndryshëm me pas përkrahje për qytetarin me pas kritike për kryetarin me pas rekomandime, mos të them të fyerje që mund të jenë të rralla ose te unë nuk ka pas fatmirësisht. … Qytetari varësisht se si e shijon një realizim të një projekti, nëse personalisht i ka hyrë në punë diçka, ndoshta e vlerëson më shumë një projekt se sa një projekt që nuk është i ballafaquar por shumicë e projekteve janë me ndikim tek qytetarët. … Po mundohemi të i rrimë afër qytetarëve , të i gjendemi për çdo komunikim që ata kanë nevojë e shpesh here nuk pajtohen dhe me ne kur nuk mund të ia zgjidhim ndonjë problem por kjo është normale sepse nuk jemi faktori i vetëm për zgjidhjen e çdo problemi për qytetarë” tha Ballazhi

Ballazhi thotë se pozitë e kryetarit nuk ia ka ndryshuar qasjen e komunikimit me qytetarë duke thënë se është përkrahë tyre sa herë ata kanë nevojë.

“Qasja ndaj meje dhe e imja ndaj tyre jo se është e njëjta unë kam pasur qasjen e njëjtë si atëherë si tash unë nuk kam ndryshuar edhe kur nuk isha kryetarë jam edhe tani i thjeshtë si zakonisht por ajo që ka qenë shumë e rëndësishme për më implementu në institucione komunës mendje hapur edhe afërsia me qytetarin për të i’a dhënë mundësinë time për të kërkuar diskutuar dhe komunikuar për çdo problem, kjo është një ndryshim i madh në Hanë të Elezit. … Jam me qytetarë kudo qe gjinden ata, po edhe qasja në telefona është 24 orë veç kur flenë nuk e hapi telefonin” tha Ballazhi për Kosovapress

Kërkesat për punësim i cilëson si më interesante nga qytetarët por thotë t’i ketë bindur se në këtë pjesë ka rregulla dhe barazi.

“Kërkesat më të çuditshme, ka kërkesa të ndryshme, zakonisht janë punësimet që kërkohen po edhe aty ka rregulla, po të punësimet inkuadrimet rekrutimet jam mundu që të ketë një barazi, të krijojë një praktike të barazisë së njerëzve që para aty ku kërkojnë njerëzit të rekrutohen të ketë një rregull, të vlerësohen sipas afërsive sipas përgatitës” u shpreh Ballazhi

Ballazhi, e cilësoi veten si kryeshërbëtorë, dhe të gjithë zyrtarët e tjerë, sipas tij, janë shërbëtorë.

Vlerëson se qeverisja e tij në Han të Elezit, është me ndryshe se qeverisja e kaluar komunale.

“Mos të themi që një kryetarë komune është i paprekshëm nuk është i qasshëm pse nuk duhet të jete i qasshëm, pse duhet të jetë i paprekshëm , kryetari komunës sipas meje është kryeshërbëtori, krejt zyrtarë tjerë janë shërbëtorë e kryetar është kryeshërbëtorë sepse qytetarët na kanë zgjedh na kanë besuar për t’i dalë në mbështetje, ne mund demi me ju ofruar hapësirë që ata të takohen dhe të diskutojnë që çështje për të cilat mundohen me zgjidh si probleme përndryshe qasja ime është ndrysh nga ish qeverisja që ka qenë” tha Ballazhi. /kp

Në Dhomat e Specializuara të Kosovës (DhSK) në Hagë, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, në seancën e të martës, ka filluar dëshmia e dëshmitarit të 24-të në këtë çështje (me kodin 4255).

Dëshmia e këtij dëshmitari parashihet të zgjasë 3 ditë dhe atë 2 orë pyetje nga ana e Zyrës së Prokurorit të Specializuar dhe 12 orë kundër-pyetje nga ekipet mbrojtëse, raporton “Betimi për Drejtësi”.

Paraprakisht, mbrojtësi i Thaçit, avokati Luka Misheqit, ka kërkuar të diskutohen dy çështje pas pyetjes së gjykatësit Charles Smith nëse kanë pasur mundësi t’i shikojnë dokumentet dhe se për këtë është kaluar në seancë private.

Seanca po vazhdon në sesion publik.

Gjatë muajit prill ka filluar gjykimi derisa në seancën e 3 prillit, Zyra e Prokurorit të Specializuar (ZPS) dhe mbrojtësi i viktimave kanë paraqitur deklarimet hyrëse dhe pas leximit të aktakuzës së ndryshuar nga ana e ZPS-së, ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, si dhe ish-deputeti Rexhep Selimi, u deklaruan të pafajshëm për veprat penale që iu vihen barrë.

Më 4 prill mbrojtja e Thaçit, Veselit dhe Selimit kanë dhënë fjalën hyrëse derisa më 5 prill mbrojtja e Krasniqit ka dhënë fjalën hyrëse.

Më 11 prill ka filluar paraqitja e provave të Prokurorisë ku dëshmitarja e parë e mbrojtur e Prokurorisë, ka dhënë dëshminë e saj më 11 prill,  12 prill,  13 prill dhe më 17 prill.

Më 17 prill ka filluar dëgjimi i dëshmitarit të dytë, po ashtu i mbrojtur, i cili ka vazhduar dhënien e dëshmisë edhe më 18 prill, 19 prill dhe 20 prill, ku ka përfunduar dhënien e dëshmisë edhe dëshmitari i tretë, kurse më 10 maj ka filluar dhënien e dëshmisë dëshmitari i katërt, dëshmia e të cilit përfundoi më 17 maj.

Tutje, dëshmitari i pestë ka filluar dëshminë më 17 maj dhe e përfundoi më 22 maj, ku filloi dëshminë dëshmitari i gjashtë i cili përfundoi dëshminë më 23 maj, në të njëjtën ditë me dëshmitarin e shtatë.

Kurse, më 12 qershor ka filluar dëshminë e tij dëshmitari i tetë, i cili përfundoi dëshminë e tij më 14 qershor, ndërkaq me 15 qershor ka përfunduar dëshmia e  dëshmitarit i nëntë.

Më 19 qershor ka përfunduar dëshminë dëshmitari i dhjetë, në ditën ku ka filluar dëshminë dëshmitari i 11-të i cili e ka përfunduar dëshminë e tij më 20 qershor. E më 10 korrik ka filluar dëshminë dëshmitari i 12-të, i cili ka përfunduar dëshminë më 11 korrik, në seancën ku ka filluar dëshminë Rrustem Mustafa, ish-komandat i zonës operative të Llapit.

Mustafa ka vazhduar dhënien e dëshminë së tij në seancën e 12, 13, 14, 17 dhe 18 korrikut.

Ndërsa dëshmitari i 14-të me radhë, Francis Ladwidge, oficeri britanez që shërbeu në Kosovë filloi dëshminë po më 18 korrik dhe e mbaroi më 19 korrik, ku nisi dëshminë dëshmitari i 15-të, i cili e përfundoi më 20 korrik.

Kurse, më 14 gusht filloi dhënien e dëshmisë dëshmitari i 16-të, e që e përfundoi më 16 gusht dhe më 17 gusht përfundoi dëshminë dëshmitarja e 17, Dragica Bozhaniq.

E dëshmia e dëshmitarit të 18-të ka filluar më 28 gusht dhe ka mbaruar më 29 gusht, në ditën kur filloi dëshminë dëshmitari i 19-të, i cili përfundoi dëshminë më 30 gusht.

Më 4 shtator përfundoi në të njëjtën ditë dëshminë dëshmitari i 20-të, kurse pa masa mbrojtëse, dëshmitari i 21-të, Agim Idrizi filloi të dëshmojë, i cili përfundoi dëshminë më 5 shtator, ku edhe filloi dëshmia e zyrtarit nga organizata ndërkombëtare “Human Rights Watch”, të Frederick Abrahams, i cili përfundoi më 11 shtator.

Më 11 shtator ka përfunduar edhe dëshmia e dëshmitarit të 23-të.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit  të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Policia e Kosovës ka dhënë detaje për rastin tragjik që ndodhi mesditën e të hënës në Podujevë, ku një 30-vjeçar mbeti i vdekur ndërsa u plagos gruaja e tij.

Në raport bëhet e ditur se në lidhje me rastin është arrestuar një person, ndërsa i dyshuari tjetër mbetet në arrati.

“Në lidhje me rastin është arrestuar një i dyshuar mashkull kosovar, nën dyshimin e bazuar se i njëjti është i përfshirë në kryerjen e veprës së lartcekur bashkë me të dyshuarin i cili dyshohet se kishte kryer vrasjen dhe ishte larguar nga vendi i ngjarjes”, thuhet në raportin 24-orësh.

Po ashtu bëhet e ditur se lidhur me rastin njësitë policore të shoqëruara nga prokurori kujdestar gjatë bastisjes në shtëpinë dhe objektet përcjellëse të personit të arrestuar kanë gjetur dhe konfiskuar: një pistoletë me katër karikatorë dhe gjashtëdhjetë e dy (62) fishekë, një pushkë gjuetie me dylbi, njëzet fishekë (20), dy antiplumba dhe një veturë me targa të huaja.

Me aktvendim të prokurorit kujdestar, i arrestuari është dërguar në mbajtje, ndërsa i dyshuari tjetër ndodhet në arrati.

Rasti nën procedurë hetimore.

Rreth 100,000 fëmijë janë prekur nga tërmeti i fuqishëm që goditi Marokun të premten e kaluar, tha të hënën Agjencia e OKB-së për Fëmijët (UNICEF).

“Ndërsa UNICEF-i nuk e di ende numrin e saktë të fëmijëve të vrarë dhe të plagosur, vlerësimet e fundit nga viti 2022 tregojnë se fëmijët përfaqësojnë pothuajse një të tretën e popullsisë në Marok”, thuhet në deklaratën e agjencisë, shkruan AA, transmeton KosovaPress.

Më shumë se 300,000 njerëz janë prekur në Marrakech dhe në Malet e Atlasit të Lartë pas tërmetit 6.8 ballë, sipas vlerësimeve të OKB-së.

Mbi 2,800 njerëz janë vrarë, përfshirë fëmijë, me mijëra të tjerë të plagosur, tha Ministria e Brendshme e këtij vendi.

Autoritetet kanë frikë se këto shifra ka të ngjarë të rriten.

Shërbimi Gjeologjik i Shteteve të Bashkuara (USGS) tha se epiqendra e tërmetit, i cili goditi pak pas orës 23:00, sipas kohës lokale (2200 GMT), ishte 75 kilometra (46.6 milje) në jugperëndim të Marrakech në një thellësi prej 18.5 kilometrash (11.5 milje).

Dëme masive u raportuan në Marrakech, një vend i Trashëgimisë Botërore të UNESCO-s, nga tërmeti vdekjeprurës.

Ekipet e shpëtimit vazhduan të hënën kërkimin për personat e zhdukur të bllokuar nën rrënoja për të tretën ditë pas tërmetit shkatërrues.

Disa ekipe të huaja të shpëtimit kanë mbërritur tashmë në vend për t’u bashkuar në përpjekjet për kërkime për të mbijetuarit.

Maroku deri më tani ka pranuar oferta ndihme nga Spanja, MB, Katari dhe Emiratet e Bashkuara Arabe.

Të dielën, qeveria marokene hapi një llogari të veçantë me thesarin dhe Bankën Qendrore të Marokut për të marrë donacione për viktimat e tërmetit.

Tërmeti ishte më i forti që goditi vendin e Afrikës së Veriut në shekullin e fundit, sipas Institutit Kombëtar Gjeofizik të Marokut.