ATV

Category: Lajme

  • Krasniqi: Largimi i kryetarëve në veri me peticion është e vetmja rrugë për mbajtjen e zgjedhjeve të reja

    Krasniqi: Largimi i kryetarëve në veri me peticion është e vetmja rrugë për mbajtjen e zgjedhjeve të reja

    Ministri i Administrimit të Pushtetit Lokal, Elbert Krasniqi, tha se Udhëzimi Administrativ që rregullon iniciativën e qytetarëve për largimin e kryetarëve të komunave në veri të vendit, është e vetmja rrugë për mbajtjen e zgjedhjeve të reja, raporton Ekonomia Online.

    Krasniqi pohoi se largimi i kryetarëve do të bëhet në mënyrë demokratike përmes kërkesës së qytetarëve duke mbledhur 20 mijë nënshkrime.

    Ai në një konferencë për medie pas mbledhjes së Qeverisë shtoi se Udhëzimi është në përputhje me Ligjin për vetëqeverisje lokale, madje tha se Udhëzimi Administrativ është kërkesa demokratike dhe vullnet i qytetarëve.

    “Udhëzimi administrativ e ka bazën në vetëqeverisjen lokale dhe synim ka mbledhjen e 20 mijë nënshkrimeve të qytetarëve ku ata jetojnë, e më pastaj procedimin në Kuvend Komunal. Ky Udhëzim nuk është vetëm për katër komuna, por përgjithësi komunat në Republikën e Kosovës”.

    “Pengimi i qytetarëve për të marrë pjesë në këto zgjedhje e ka bërë Beogradi dhe aty janë kryetarët e komunave. Largimi i tyre mund të bëhet në mënyrë demokratike përmes kërkesës së qytetarëve duke mbledhur 20 mijë nënshkrime. Udhëzimi Administrativ është kërkesë demokratike dhe vullnet i qytetarëve”.

  • Vendos Qeveria – Të papunët do të punësohen në procesin e regjistrimit të popullsisë

    Vendos Qeveria – Të papunët do të punësohen në procesin e regjistrimit të popullsisë

    Qeveria e Kosovës ka miratuar propozim-vendimin e Ministrisë së Financave për shtimin e një mase të re në kuadër të masave për Mbështetjen e Punësimit.

    Bazuar në propozimin e ministrit Hekuran Murati, personat e papunë do të kenë mundësi të angazhohen si punonjës në procesin e regjistrimit të popullsisë që pritet të nisë këtë vit.

    Murati tha se personat e papunë do të kenë përparësi në këtë proces punësimi të përkohshëm.

    “Pika e radhës [e rendit të ditës] ka të bëjë me shtimin e një mase të re në kuadër të masave për mbështetjen e punësimit në ofrimin e shërbimeve publike dhe synimi është që përgjatë procesit të regjistrimit, të mundësojmë punësimin e personave të papunë dhe t’i angazhojmë në procesin e regjistrimit”.

    “Pra, sado pak, personat që janë të papunë në Republikën e Kosovës të angazhohen qoftë edhe përkohësisht, në mënyrë që të ndihmojnë në ofrimin e shërbimeve publike dhe të angazhohen përkohësisht”.

  • Vetura me targa të Serbisë kapet duke hyrë ilegalisht në Kosovë

    Vetura me targa të Serbisë kapet duke hyrë ilegalisht në Kosovë

    Një veturë me targa të Serbisë ka tentuar të hyjë ilegalisht në Kosovë.

    Në raportin e Policisë bëhet e ditur se vetura me targa të Serbisë është ndalur pasi gjatë legjitimimit ka rezultuar se e njëjta ka hyrë ilegalisht në Republikën e Kosovës.

    “Në konsultim me prokurorin pas inicimit të rastit, i dyshuari është liruar në procedurë të rregullt”, thuhet në raport.

    Rasti ka ndodhur të martën në Leposaviq.

  • AAK-ja inicion seancë të jashtëzakonshme për koeficientin e pagave – Tahiri: Dialogu ka degraduar totalisht

    AAK-ja inicion seancë të jashtëzakonshme për koeficientin e pagave – Tahiri: Dialogu ka degraduar totalisht

    Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, tha se kjo parti do të iniciojë seancë të jashtëzakonshme për Ligjin për pagat, konkretisht koeficientin e pagave, raporton Ekonomia Online.

    Tahiri ka kërkuar që koeficienti i pagës të jetë 129 euro e jo 105 sa ka vendosur Qeveria.

    Për këtë ai ka kërkuar mbështetjen e deputetëve, në mënyrë që të votohet një rezolutë që e obligon Qeverinë që ta fusë këtë ndryshim në Ligjin për Buxhetin.Kur foli për takimin e 14 shtatorit në Bruksel, ai tha se kreu i Qeverisë, Albin Kurti e ka degraduar tërësisht këtë proces dhe se po pranon që të diskutohet për çështje të brendshme.

    “Kemi neglizhim total të kësaj Qeveri ndaj administratës shtetërore, për Ligjin e pagave po kërkojmë seancë të jashtëzakonshme. Koeficienti duhet të ngitet nga 105 në 129 së paku dhe për këtë presim që të kemi mbështetjen e deputetëve. Kjo duhet të ndodh tani që të bëjmë një rezolutë që Qeveria në buxhet ta fusë vlerën në 129 euro , nëse kjo nuk ndodh ne do të iniciojmë një nismë ligjore për ndryshimin e Ligjit për buxhet”.

    “Në Bruksel dialogu ka degraduar totalisht, në një situatë kur do të duhet të ketë qartësi, ajo që ka bë Kurti ka pranuar që të diskutohet për çështje të brendshme, në vend se të diskutohet për këto çështje në Kosovë”.

  • Kurti premton ndërtimin e stadiumit nacional

    Kurti premton ndërtimin e stadiumit nacional

    Kryeministri i Kosovës, Albin Kurti ka thënë se në vazhdën e ndërtimit të infrastrukturës sportive për organizimin e Lojërave Mesdhetare në vitin 2030, është paraparë edhe ndërtimi i stadiumit nacional.

    Kështu bëri të ditur Kurti në mbledhjen e radhës të Qeverisë së Kosovës, duke e cilësuar organizimin e Lojërave Mesdhetare si ngjarjen më të madhe ndërkombëtare në historinë e vendit tonë.

    “Me mobilizimin e të gjithë kabinetit qeveritar dhe në bashkëpunim me Komitetin Olimpik të Kosovës, i kemi sjellë Republikës së Kosovës mundësinë për organizimin e ngjarjes më të madhe ndërkombëtare në historinë e vendit tonë. Koncepti me të cilin e kemi shënuar këtë fitore është shumë i veçantë dhe në linjë me vizionin e qeverisë sonë për zhvillimin e sportit në vend. Në partneritet me Shqipërinë, po shënojmë edhe herën e parë që kjo ngjarje të organizohet në një shtet që nuk ka dalje në det”, tha Kurti.

    Kurti shtoi se në programin për ndërtimin e infrastrukturës, janë të parapara të ndërtohen e rinovohen 24 objekte sportive, si stadiumi nacional, pishina olimpik, poligoni i shenjtërisë e të tjera.

    “Përmirësimi dhe ngritja e infrastrukturës sportive fizike është në qendër të aplikimit dhe fitores së Republikës së Kosovës për organizimin e Lojërave Mesdhetare 2030. Numri total i objekteve sportive të cilat përfshihen në konceptin fillestar të këtij projekti është 24… Katër objekte sportive do të rinovohen, duke përfshirë edhe Pallatin e Rinisë dhe të Sporteve, katër ndërtime të reja që përfshijnë stadiumin nacional, kompleksin e pishinave olimpike, kompleksin e tenisit dhe poligonin e shenjtërisë… Pesë investime infrastrukturore të përkohshme dhe pesë projekte të tjera të cilat janë në ndërtim apo përfundim e sipër, në mesin e të cilave edhe stadiumi ‘Adem Jashari’ në Mitrovicë dhe stadiumi i qytetit të Gjilanit”, tha ai.

    Të drejtën për organizimin e Lojërave Mesdhetare Kosova e fitoi më 8 shtator në mbledhjen e zakonshme të Asamblesë së Komitetit Ndërkombëtar të Lojërave Mesdhetare.

  • Qeveria e Kosovës ndan 500 mijë euro për familjet e prekura nga tërmeti në Turqi

    Qeveria e Kosovës ndan 500 mijë euro për familjet e prekura nga tërmeti në Turqi

    Qeveria e Kosovës të mërkurën ka ndarë 500 mijë euro për familjet e prekura nga tërmeti në Turqi i ndodhur më 6 shkurt nga i cili kishin humbur jetën mijëra njerëz, raporton EO.

    Kryeministri i Kosovës, Albin Kurti është shprehur se kjo bëhet për të treguar solidaritetin e vazhdueshëm me tërmetin vdekjeprurës në Turqi.

    Ministri i Financave, Punës dhe Trasnfereve, Hekuran Murati, ka thënë se këto mjete vijnë si mbështetje për qytetarët në Turqi që kanë pësuar nga tërmeti.

  • Kurti e quan arritje të jashtëzakonshme organizimin e Lojërave Mesdhetare 2030

    Kurti e quan arritje të jashtëzakonshme organizimin e Lojërave Mesdhetare 2030

    Kryeministri i vendit, Albin Kurti, e ka quajtur arritje të jashtëzakonshme faktin që Kosova do të jetë nikoqire e Lojërave Mesdhetare Prishtina 2030, raporton EO.

    Para fillimit të mbledhjes së Qeverisë, Kurti tha se Kosova është përfituese e madhe për organizimin e këtyre lojërave.

    “Republika e Shqipërisë do të na mundësojë shfrytëzimin e bregdetin e Durrësit për sportin e lundrimit i cili kërkon qasje në det. Do të mirëpresim mbi 5 mijë sportistë nga 25 shtete anëtare, duke përfshirë 18 shtete nga Evropa, 2 nga Azia dhe 5 nga Afrika”, tha Kurti.

    “Përmirësimi dhe ngritja e infrastrukturës sportive është në qendër të aplikimit dhe fitores së Kosovës për organizimin e këtyre lojërave. Numri total i objekteve që përfshihen në këtë projekt është 24”, tha Kurti.

  • Ish-këshilltari i Hashim Thaçit: Gjykata Speciale po operon me mendësi të Millosheviqit

    Ish-këshilltari i Hashim Thaçit: Gjykata Speciale po operon me mendësi të Millosheviqit

    Ish-këshilltari i presidentit, Hashim Thaçi, Artan Behrami ka kritikuar trupin Prokurorinë e Gjykatën Speciale. Kjo për shkak operacioneve të realizuara të martën në Prishtinë.

    Sipas tij si prokuroria ashtu edhe gjykata po veprojnë me mendësi të Misholleviqit.

    Behrami ka thënë se operacionet e realizuara dje, kanë vetëm një qëlllim: frikësimin e dëshmitarëve.

    “Prokuroria e Gjykatës Speciale tani po operon me mendësinë e Millosheviçit. Kur filloi të humbë të gjitha betejat në sallën e gjykatës, ka filluar bastisje dhe arrestime politike. Operacionet e djeshme kanë për qëllim frikësimin e dëshmitarëve“, ka shkruar ai.

    “Por, Prokuroria e Gjykatës Speciale nuk kanë dhoma të mjaftueshme të burgut për të zënë të gjithë shqiptarët që janë të gatshëm të sakrifikojnë për të treguar të vërteten për luftën çlirimtare të popullit të Kosovës!”, ka ironizuar ai.

  • “Sa herë mund të operohet hunda”, përgjigjet doktoresha Sanie Abazi

    “Sa herë mund të operohet hunda”, përgjigjet doktoresha Sanie Abazi

    Doktoresha Sanie Abazi e cila me profesion është kirurge plastike, e ftuar në emisionin e mëngjesit “Alarm”, në ATV, foli për trajtimin e djegieve, deformimet e veshëve, të hundës e shumëçka tjetër.

    Derisa Abazi foli për operimin e hundës dhe komplikimet e mundshme gjatë këtij intervenimi, ajo iu përgjigj edhe pyetjes se deri në sa herë mund të operohet hunda.

    “Mundet të operohet derisa të mbet pa hundë pacienti, pra mund të operohet disa herë, varësisht, pasi që dallon struktura e hundës. Duhet ta dish që në momentin të futesh në anestezion, d.m.th. anestezioni mund t’i ketë komplikimet e veta, pastaj kur hapet hunda ne mundemi me hasë në komplikime të reja të paparashikueshme ndonjëherë, sepse ka pacientë që kanë problem të tjera gjenerale, të tilla si diabeti, me tension të lartë të gjakut, problem me gjakderdhje të gjakut të cilat të dërgojnë në komplikime të intervenimit”, tha ajo.

    Tutje ajo tha se ndër intervenimet më të vështira në këtë fushë janë ato nga djegiet./atvlive.tv/

    Për më shumë ndiqni videon e mëposhtme:

  • Mitrovicë, burri sulmon fizikisht gruan

    Mitrovicë, burri sulmon fizikisht gruan

    Mbrëmjen e së martës është raportuar për një rast në dhune në familje në Mitrovicë.

    Sipas Raportit të Policisë së Kosovës, viktima femër ka raportuar se i dyshuari mashkull kosovar ka ushtruar dhunë fizike ndaj saj.

    Viktima ka pranuar tretman mjekësor, dhe me vendim të prokurorit rasti është proceduar në mënyrë të rregullt.