Category: Lajme

Qytetarët e Kosovës duhet t’i vetëdijesohen për rëndësinë e shëndetit mendor, sepse kohëve të fundit janë rritur shumë rastet e dhunës në familje, sjelljet agresive, si dhe janë përhapur fenomene të ndryshme të cilat po dërgojnë në pasoja fatale vet individin por edhe shoqërinë.

Kështu u tha në Kongresit Ndërkombëtar “Shëndeti mendor, sfidat dhe e ardhmja”, i cili u organizua nga Shoqata e Psikologëve të Kosovës dhe Shoqata e Psikologëve të Shqipërisë, me rastin e Ditës Botërore të Shëndetit Mendor.

Psikologu klinik, specializanti i psikologjisë klinike dhe kryetari i Shoqatës së Psikologëve të Kosovës dhe Shqipërisë, Ilir Havolli tha se për gjashtë vite të themelimit të këtyre shoqatave, janë munduar të ndihmojnë çdoherë ata që kanë nevojë.

Havolli gjithashtu shtoi se kohëve të fundit janë rritur shumë rastet e dhunës në familje, janë rritur shumë sjellje agresive, janë përhapur fenomene të ndryshme të cilat po dërgojnë edhe në pasoja fatale për vet individin por edhe për vet shoqërinë.

“Nuk kemi ndaluar asnjë moment duke ofruar atë çka iu nevojitet shtresave të ndryshme duke filluar që nga shtresat sociale e deri tek profesionistët … çdo ditë e më tepër po vërtetohet se shëndeti mendor është fundamenti i shëndetit fizik. Duhet që popullatën ta vetëdijesojmë çdo ditë e më tepër për rëndësinë e shëndetit mendor, sepse kohëve të fundit jemi dëshmitarë se janë rritur shumë rastet e dhunës në familje, janë rritur shumë sjellje agresive, janë përhapur fenomene të ndryshme të cilat po dërgojnë edhe në pasoja fatale për vet individin por edhe për vet shoqërinë. Hapi kryesor do të ishte reformat dhe rritja e numrit të psikologëve dhe profesionistëve të shëndetit mendor “, vijoi ai.

Ferid Agani, neuropsikiater në Kosovë, është shprehur i lumtur me numrin e madh të psikologëve për të ofruar ndihmë rreth shëndetit mendor.

Nexhmije Gori- kryetare e Odës së infermierëve të Kosovës, konsideron se duhet më shumë bashkëpunim në këtë drejtim.

Në këtë kongres po marrin pjesë mbi 250 pjesëmarrës të pranishëm dhe mbi 200 online, duke bërë thirrje të vazhdueshme institucioneve përkatëse që të punohet më shumë mbi shëndetin mendor./kp

Gjenerali italian, Angelo Michele Ristucca, ia ka dorëzuar komandën e KFOR-it gjeneralit turk, Ozkan Ulutas.

Këtë mandat, Ulutas do ta ushtrojë për një vit siç ndodh zakonisht me komandën e KFOR-it.

Me rastin e inaugurimit të komandantit të 28-të KFOR-it në Kosovë ka ardhur edhe admirali Stuart B. Munsch, që është komandant i Komandës së Forcave të Përbashkëta Aleate të NATO-s në Napoli.

Ambasadorja e Izraelit në Kosovë ka shprehur falënderimin ndaj institucioneve të Kosovës për mbështetjen pas sulmit mbi këtë shtet nga grupi i Hamasit.

“I nderuar kryeministër, edhe një herë, faleminderit për mbështetjen e paepur personal dhe të Kosovës për Izraelin në këtë ditë të errëta dhe të vështira”, ka shkruar, Ziv në X.

“Kohët e vështira i tregojnë miqtë e vërtetë”.

Dear Prime Minister, once again, thank you very for your unwavering personal support and #Kosova’s support for #Israel in these extremely dark and difficult days! Hard times reveal our true friends. 🇮🇱🇽🇰 https://t.co/DPPN4LQQUc

— Tammy Ziv 🇮🇱 (@AmbTammyZiv) October 10, 2023

Deputeti i LDK-së, Avdullah Hoti është takuar me njohësin e zhvillimeve në Ballkan, Edward Joseph, ku kanë biseduar për zhvillimet aktuale politike në vend.

Hoti. theksoi se marrëveshja gjithëpërfshirëse për njohje reciproke dhe normalizim të marrëdhënieve është zgjidhja e vetme që siguron paqe të përhershme në këtë pjesë të Evropës

“Zhvilluam një bisedë shumë përmbajtësore për zhvillimet aktuale politike në vend, si dhe rëndësinë për stabilitet në rajon”, shkroi Avdullahu.

“Z.Joseph është njohës shumë i mirë i zhvillimeve politike në Ballkan. I dëgjova me shumë interes pikëpamjet e tij lidhur me situatën aktuale”.

“Theksova se, Kosova duhet të jetë promovuese dhe kontribuese e stabilitetit rajonal. Tregova pikëpamjet e LDK-së për dialogun dhe zhvillimet aktuale politike. Për LDK-në, zgjidhja e vetme është dialogu dhe koordinimi me aleatët tanë”.

“Marrëveshja gjithëpërfshirëse për njohje reciproke dhe normalizim të marrëdhënieve është zgjidhja e vetme që siguron paqe të përhershme në këtë pjesë të Evropës”.

Ai ka treguar se ka falënderuar për kontributin e tij ndër vite që ka bërë për Republikën e Kosovës.

Ish-reporteri i Tanjugut, dëshmitari Nebojsha Radosheviq, gjatë dëshmisë së tij në Dhomat e Specializuara të Kosovës në Hagë, tha se nuk kanë ditur se Adem Demaçi lëshonte autorizime për mediat, kur dëshironin të vizitonin zonat e kontrolluara nga Ushtria Çlirimtare e Kosovës (UÇK).

Këtë deklarim, ai e bëri duke u përgjigjur në pyetjen e avokatit të Thaçit, Gregory Kehoe se pse nuk kanë kërkuar autorizim nga Adem Demaçi për të vizituar atë zonë ku janë ndaluar, e që kontrollohej nga UÇK-ja, raporton “Betimi për Drejtësi”.

Po ashtu, dëshmitari u ballafaqua me deklaratat e tij kundërthënëse të dhëna në hetuesi dhe dje gjatë dëshmisë, lidhur me atë se sa metra kanë lëvizur dhe nuk janë ndalur pas urdhrit të parë të UÇK-së për t’u ndalur.

Me rastin e Ditës Botërore të Shëndetit Mendor, Shoqata e Psikologëve të Kosovës dhe Shoqata e Psikologëve të Shqipërisë kanë organizuar kongresin ndërkombëtar me temën “Shëndeti mendor, sfidat dhe e ardhmja”

Në edicionin e pestë në këtë Kongres, ku po marrin pjesë mbi 250 pjesëmarrës të pranishëm e mbi 200 të tjerë online është bërë thirrje institucioneve përkatëse që të punohet më shumë mbi shëndetin mendor.

Qëllimi i këtij kongresi ishte që të bëhet më shumë sa i përket kësaj teme.

Kryetari i Shoqatës së Psikologëve të Kosovës & Shoqata e Psikologëve të Shqipërisë, Ilir Havolli tha se për gjashtë vjet të themelimit të këtyre shoqatave janë munduar t’i ndihmojnë çdoherë ata që kanë nevojë.

“Çdo ditë e më tepër po vërtetohet se shëndeti mendor është fundamental i shëndetit fizik. Duhet që popullatën ta vetëdijesojm çdo ditë e më tepër për rëndësinë e shëndetit mendor. Hapi kryesor do të ishte reformat dhe rritja e numrit të psikologëve dhe profesionistëve shëndetësorë”, tha Havolli.

Ndërsa, profesori dhe neuropsikiatri në vend, Ferid Agani është shprehur i lumtur me numrin e madh të psikologëve për të ofruar ndihmë rreth shëndetit mendor.

Edhe Nexhmije Gori, Kryetare e Odës së Infermierëve të Kosovës konsideron se duhet më shumë bashkëpunim në këtë drejtim.

Komisioni Evropian ka dënuar sulmet terroriste të kryera nga Hamasi kundër Izraelit gjatë fundjavës. Pas këtyre ngjarjeve, Komisioni sot njoftoi se po nis një rishikim urgjent të ndihmës së BE-së për Palestinën, duke bërë të ditur se nuk do të ketë pezullim të ndihmave, shkruan KosovaPress.

Përveç masave mbrojtëse ekzistuese, objektivi i këtij rishikimi është të sigurojë që asnjë financim i BE-së nuk i mundëson në mënyrë indirekte ndonjë organizate terroriste të kryejë sulme kundër Izraelit.

Komisioni do të shqyrtojë në mënyrë të barabartë nëse, në rrethanat e ndryshuara në terren, programet e tij mbështetëse për popullsinë palestineze dhe për Autoritetin Palestinez duhet të përshtaten.

Komisioni do ta kryejë këtë rishikim sa më shpejt të jetë e mundur dhe do të koordinohet me Shtetet Anëtare dhe partnerët për çdo veprim të nevojshëm vijues.

Ndërkohë, pasi nuk ka pasur ndihma të parapara, nuk do të ketë pezullim të tyre.

Ky rishikim nuk ka të bëjë me ndihmën humanitare të ofruar në kuadër të Operacioneve të Mbrojtjes Civile Evropiane dhe Ndihmës Humanitare (ECHO).

Një avion i kompanisë ajrore Air Montenegro me dhjetëra udhëtarë në bord, përfshirë nga Kosova, është ulur në Podgoricë pas fluturimit nga Izraeli të martën në mëngjes.

Ministria e Punëve të Jashtme e Malit të Zi njoftoi në rrjetin social X se “101 pasagjerë mbërritën në Podgoricë nga Izraeli, nga vende si Mali i Zi, Shqipëria, Kroacia, Maqedonia e Veriut, Kosova, Shtetet e Bashkuara të Amerikës, Sllovenia, Serbia dhe Suedia”.

Më 9 tetor, avioni embraer 195 i kishte dërguar në Izrael 116 turistë izraelitë që po qëndronin në Mal të Zi.

Fluturimi i evakuimit për në Podgoricë u krye në orën 03:17 të mëngjesit të sotëm.

Pas përcaktimit të listës së shtetasve malazezë që aplikuan për kthim, lista e pasagjerëve u zgjerua duke përfshirë pasagjerët që prisnin evakuimin nga disa vende të tjera dhe në komunikim me autoritetet e atyre vendeve.

Siç njofton Ministria e Punëve të Jashtme, për gjashtë shtetas malazezë që ndodhen në qytetin Eilat, në jug të Izraelit, dhe të cilët për arsye sigurie nuk kanë mundur të udhëtojnë në Tel Aviv dhe të hipin në këtë fluturim, Ministria i ka lejuar kalimin e kufirit me Jordaninë dhe transferimi në aeroportin më të afërt atje.

Izraeli shpalli gjendje lufte pasi u sulmua nga militantët palestinezë të Hamasit më 7 tetor. Si kundërpërgjigje, ushtria izraelite filloi të bombardonte Rripin e Gazës.

Më shumë se 1.600 njerëz u vranë nga të dyja anët. /rel