Grupi i specializantëve sot do ta vazhdojë protestën para Ministrisë së Shëndetësisë.
Sipas specializantëve, kjo protestë po mbahet në lidhje me mospagesën e kujdestarive prej muajit shkurt dhe kundër detyrimit për të paguar vitin e shkollimit specialistik 500 euro për një vit.
Protesta nis në orën 10:00.
Ndryshe edhe dje specializantët e 37 klinikave të QKUK-së u mblodhën para Ministrisë së Shëndetësisë, duke shprehur pakënaqësinë e tyre lidhur me mospërmbushjen e kërkesave.
“Po protestojmë sot, pasi specializantët detyrohen të paguajnë 500 euro për vit për shkollim specialistik, që për një shkollim specialistik 5-vjeçar, kjo i bie që një specializant paguan 2500 euro për një vit e që nuk ka qenë përpara. Specializantët nga muaji shkurt nuk e kanë marrë asnjë cent për kujdestaritë që i kanë mbajtë”, tha Arianit Zajmi, kryetar i specializantëve.
Protesta të këtilla të stafit shëndetësor janë të vazhdueshme, derisa kërkohet ekzekutimi i pagesës për kujdestari. ATV-ja ndërkaq nuk ka marrë përgjigje nga Ministria e Shëndetësisë nëse do t’i ekzekutojë këto pagesa.
Dita Botërore e Mbipeshës shënohet çdo 11 tetor, me qëllim që të promovohen zgjidhje praktike për ta luftuar krizën botërore të mbipeshës.
Dita e parë e mbipeshës u shënua në vitin 2015, dhe që nga atëherë në mbarë botën kjo datë synon të rritë vetëdijen për pasojat e mbipeshës, si një nga shkaktarët kryesor të përkeqësimit të cilësisë së jetës të njeriut.
Obeziteti është në rritje globalisht dhe përpjekjet për ta trajtuar atë janë sfiduese për shkak të keqkuptimeve rreth obezitetit dhe rolit që ajo luan në shëndetin e një personi.
Parandalimi i mbipeshës, fushatat vetëdijësuese, si dhe ndihma ndaj personave që vuajnë nga mbipesha, janë disa nga synimet kryesore që kjo ditë synon të arrijë.
Deputeti kroat njëherit përfaqësues në Parlamentin Evropian, Tonino Picula ka folur mbi zhvillimet e fundit në rajonin e Ballkanit Perëndimor, por edhe mbi situatën në Lindjen e Mesme.
Picula në N1 të Zagrebit iu referua konflikteve mes Serbisë dhe Kosovës të 24 shtatorit në Banjska, ku u vra një polic kosovar.
“Serbia i eksporton problemet e saj të pazgjidhura në fqinjësi në formën e konflikteve. BE nuk mund ta kthejë kokën nga përgjegjësia e presidentit (Aleksandar) Vuçiq dhe regjimit të tij për gjithçka që po ndodh jo vetëm në Kosovë, por edhe në Mal të Zi dhe Bosnjë e Hercegovinë”, shtoi Picula.
Ndryshe, Picul ka përmendur edhe zhvillimet pas sulmeve në Izrael.
“Unë shpreha solidaritetin me ata që u sulmuan dhe dënova plotësisht sulmin terrorist nga Hamasi,” tha ai.
Sekretari amerikan i Shtetit, Antony Blinken do të udhëtojë në Izrael këtë javë për të takuar udhëheqës të lartë izraelitë, sipas Departamentit të Shtetit të martën.
“Do të jetë një mesazh solidariteti dhe mbështetjeje”, u tha gazetarëve zëdhënësi Matthew Miller në një konferencë të përditshme për shtyp.
Miller tha se Blinken do të angazhojë drejtpërdrejt partnerët izraelitë për situatën në terren dhe do të diskutojë “si ne mund të vazhdojmë t’i mbështesim më së miri ata në luftën e tyre”.
Udhëtimi është i pari i diplomatit të lartë amerikan pas sulmit të së shtunës nga Hamasi në Rripin e Gazës në qytetet jugore të Izraelit.
Situata u përshkallëzua që atëherë pasi Izraeli u hakmor me sulme masive ajrore në Gaza dhe e vendosi enklavën nën bllokadë totale.
Më shumë se 1.900 njerëz janë vrarë deri më tani në dhunë, duke përfshirë të paktën 900 palestinezë dhe 1.000 izraelitë, sipas autoriteteve.
Izraeli gjithashtu ka ndërprerë furnizimin me ujë dhe energji elektrike në Gaza, duke përkeqësuar situatën tashmë të rëndë humanitare të enklavës së bllokuar.
Shtëpia e afro 2.2 milionë njerëzve, Rripi i Gazës tashmë është duke u zhytur nën një rrethim izraelit që nga viti 2007./AA
Ambasadori i Gjermanisë në Kosovë, Jörn Rohde, ka folur sërish për sulmin terrorist të grupit të armatosur serb kundër Policisë së Kosovës më 24 shtator në Banjskë të Zveçanit, ku si pasojë e përleshjeve me armë, mbeti i vrarë rreshteri policor, Afrim Bunjaku.
Rohde është shprehur se ky ka qenë sulm vrastar dhe qyqar kundër policëve në detyrë, teksa ka bërë të ditur se Gjermania ka kërkuar nga Serbia që t’i përkrah hetimet transparente dhe t’i sjellë në llogaridhënie përgjegjësit.
“Bashkimi Evropian e ka klasifikuar si sulm terrorist, i dërguari ynë për Ballkanin Perëndimor e ka quajtur ashtu, edhe unë vetë e kam përdorur atë term. Ka qenë sulm vrastar, qyqar kundër policëve në detyrë si dhe kemi kërkuar dënimin e kryesve të tillë. Shpresojmë që edhe kjo të ndodh. Ne kemi kërkuar qartë nga Serbia që t’i përkrah hetimet transparente si dhe t’i sjellë përgjegjësit në llogaridhënie. Unë jam tërësisht kundër shpërqëndrimit të procesit të dialogut me anë të sulmit terrorist”, ka thënë ai.
Diplomati gjerman ka theksuar se sërish duhet një zgjidhje politike, ndërkohë që ka bërë thirrje që Kosova dhe Serbia të kthehen në tryezën e dialogut.
“Prapë na duhet zgjidhja politike si dhe jam I bindur se shumica e njerëzve, qofshin ata shqiptarë apo serbë të Kosovës, boshnjakë a të tjerë, duan të jetojnë në paqe, apo siç e ka deklaruar Qeveria e Kosovës kur e ka marrë pushtetin “Punë dhe drejtësi”. Kur ke klimë konstante të krizave, atëherë nuk ndihmohet askush, as shumicat as pakicat. Nuk e di çfarë do të ndodhë, por vetëm mund ta përsëris që nuk mund të bëhen kërkesa absolute. E kuptoj plotësisht qëndrimin që ky sulm vërtetë nuk lejon më atë vazhdimin e zakonshëm si dhe kemi parë shumë komente. E kam parë të dërguarin e posaçëm Lajcak, që ka thënë se masat duhet të hiqen. Pra ka një ndryshim, por për ne ekuacioni themelor dhe këtë e ka thënë edhe ministrja ime të premten, mund të mos keni dëshirë ta dëgjoni, por Prishtina dhe Beogradi duhet të vazhdojnë të flasin mes vete dhe të fillojnë implementimin e marrëveshjeve”, ka thënë ambasadori gjerman për RTK.
Më tej Rohde ka thënë qartë që i Dërguari i Posaçëm i Bashkimit Evropian për dialogun Kosovë – Serbi, Miroslav Lajçak dhe Përfaqësuesi i Lartë i BE-së për Politikë të Jashtme dhe Siguri, Josep Borrell, e kanë përkrahjen e plotë të tyre.
“Për ne lehtësuesi Lajcak dhe përfaqësuesi I lartë Borrell e kanë mbështetjen tonë. Kanë bërë përpjekje të mëdha këto vite si dhe nuk mendoj që është e mençur të goditet ndërmjetësuesi. Për momentin kemi një situatë të vështirë, por të jeni të sigurt që Lajçaku e ka përkrahjen e plotë të BE-së”, përfundoi Rohde.
Specializantët e 37 klinikave të QKUK-së u mblodhën para Ministrisë së Shëndetësisë, duke shprehur pakënaqësinë e tyre lidhur me mospërmbushjen e kërkesave.
“Po protestojmë sot, pasi specializantët detyrohen të paguajnë 500 euro për vit për shkollim specialistik, që për një shkollim specialistik 5-vjeçar, kjo i bie që një specializant paguan 2500 euro për një vit e që nuk ka qenë përpara. Specializantët nga muaji shkurt nuk e kanë marrë asnjë cent për kujdestaritë që i kanë mbajtë”, tha Arianit Zajmi, kryetar i specializantëve.
“Zgjidhja e problemit financiar duhet të jetë fokus shumë i madh për shkak se presioni është i hatashëm te anëtarët e familjes, të cilët nuk kanë të ardhura tjera përpos të asaj që e kanë pasë deri tash përmes kategorisë së subvencioneve ose përmes grupit të kujdestarive”, tha Nysret Agani, specializant në Klinikën e Psikiatrisë.
Specializantët thanë se do të vazhdojnë të protestojnë nëse kërkesat e tyre nuk merren parasysh.
“Kjo protestë do të vazhdojë deri ditën e premte në orarin e njëjtë, prej orës 10 deri në orën 11, shpresojmë që Ministria do të reflektojë diçka dhe normal do ta ndërpresim protestën, përndryshe do të vendosim për hapa të mëtutjeshëm”, tha Veton Kurti, specializant në Klinikën e Radiologjisë.
Protesta të këtilla të stafit shëndetësor janë të vazhdueshme, derisa kërkohet ekzekutimi i pagesës për kujdestari. ATV-ja ndërkaq nuk ka marrë përgjigje nga Ministria e Shëndetësisë nëse do t’i ekzekutojë këto pagesa.
Dritan Goxhaj, ish-luftëtar i Ushtrisë Çlirimtare të Kosovës, këtë të martë është liruar nga burgu me vendim të Gjykatës së Apelit të Shqipërisë. Kjo gjykatë e hodhi poshtë kërkesën për ekstradimin e tij në Dhomat e Specializuara në Hagë.
“Në përfundim të gjykimit në Apel, sot më datë 10.10.2023, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtar z. Genti Shala, vendosi: Ndryshimin e vendimit Nr. 1204 Akti, datë 19.09.2023, të Gjykatës së Shkallës së Parë të Juridiksionit të Përgjithshëm Tiranë.
Rrëzimin e kërkesës për ekstradimin e shtetasit D.G nga Republika e Shqipërisë në Republikën e Kosovës. Heqjen e masës së sigurimit “arrest në burg” për shtetasin D.G, caktuar me vendimin Nr. 1123 Akti, datë 20.07.2023 të Gjykatës së Shkallës së Parë të Juridiksionit të Përgjithshëm Tiranë”, thuhet në vendimin Gjykatës së Apelit të Shqipërisë.
Goxhaj ishte arrestuar më 31 korrik me urdhërarrest të lëshuar nga Gjykata Speciale e Kosovës, derisa akuzohej për nxjerrjen e emrave të dëshmitarëve në disa çështje të hapura më parë nga Prokuroria.
Gjithashtu, Goxhaj u akuzua edhe për pengim të punës së zyrtarëve të gjykatës dhe frikësim të dëshmitarëve. Arrestimi i tij ishte kryer në bashkëpunim me autoritetet shqiptare dhe kjo ishte hera e parë që Gjykata Speciale kryente arrestim në territor jashtë Kosovës.
Gjatë luftës në Kosovë, Goxhaj ishte shoqërues i trupave amerikane. Ai i ishte bashkuar UÇK-së si oficer i ushtrisë shqiptare dhe ka pasur autorizimin e Shtabit të Përgjithshëm, të mbante kontakte me komandën e forcave amerikane në Shqipëri.
Krahas falënderimeve për mbështetjen e vazhdueshme, në vizitën e saj zyrtare në Zagreb, presidentja Vjosa Osmani informoi në detaje krerët shtetërorë të Kroacisë për sulmin terrorist të 24 Shtatorit.
Pas takimit me homologun kroat, Zoran Milanoviç, presidentja tha se është e rëndësishme që partnerët ndërkombëtarë të ndëshkojnë Serbinë për aktin e agresionit ndaj Kosovës.
Edhe pse tha se nuk e di nëse Rusia ishte e përfshirë direkt në sulmin në Banjskë, presidenti Milanoviç shtoi se ajo që ndodhi i përshtatet asaj. Për përfshirjen e strukturave shtetërore serbe në sulm, ai tha se duhet kërkuar llogari nga presidenti Aleksandar Vucic.
“Dikush qëndron prapa kësaj dhe ne duhet ta dimë këtë, në mënyrë që të vazhdojmë të jetojmë normalisht… Uniformat mund të blihen online; sidoqoftë armët nuk mund të blihen në atë mënyrë. Nuk është IKEA, e as park zbavitjeje. Për të përgatitur diçka të tillë, duhet të kesh aprovimin e liderit suprem ose së paku njerëzve të afërt me të. Ka një numër pyetjesh logjike, të cilave Serbia duhet t’u japë përgjigje”, tha Milanoviç.
Pasi theksoi nevojën për rritjen e sigurisë kufitare, për shkak të pretendimeve territoriale të Serbisë, presidentja Osmani tha se Kosova mbetet e palëkundur në synimet e saj për anëtarësim në NATO dhe BE.
Krahas përsëritjes së thirrjes së përbashkët për njohjen e Kosovës nga shtetet që nuk e kanë bërë ende, presidentët Osmani dhe Milanoviç folën edhe për bashkëpunimin ndërmjet dy shteteve dhe rolin e ushtarëve kroatë në KFOR.
Përmes publikimit të fotografisë dhe emrit, Policia ka kërkuar ndihmën e qytetarëve për të mësuar vendndodhjen e 17-vjeçarit, Lordi Sulja, i dyshuar për vrasjen që ndodhi më 11 shtator në Podujevë.
Edhe pas një muaji nga ngjarja ku mbeti i vrarë Valmir Breznica, i njohur me nofkën “Dhija” dhe e plagosur gruaja e tij, Sulja ende ndodhet në arrati.
“Meqenëse është i paarritshëm deri më tani, prokurori ka autorizuar të publikohet fotografia e tij, madje të kërkohet edhe ndihma e qytetarëve. Personi që po bëhen përpjekjet t’i sillet drejtësisë dyshohet për tri vepra penale, vrasje e rëndë, vrasje në tentativë dhe armëmbajtje pa leje”, tha Laureta Ulaj, zëdhënëse e Prokurorisë Themelore në Prishtinë.
Ndërkaq, të dyshuarit tjetër për këtë vrasje, Arsim Syla, që ngarkohet me veprën penale vrasje e rëndë në bashkëkryerje, të hënën i është vazhduar masa e paraburgimit edhe për dy muaj.
“I pandehuri Arsim e ka orientuar personin N.N ne drejtim te te ndjerit, i cili ishte vene ne ndjekje te tij, ndërsa i pandehuri Arsim ka vazhduar per te dale nga objekti dhe ne momentin kur tani i ndjeri sẽ bashku me bashkeshorten dhe femijen e tij kane arritur tek sektori i produkteve te qumështit, personi
N.N iështe afruar nga prapa tani te ndjerit Valmir, e pastaj nga afersia fillimisht ka shtene dy here ne drejtim te tij, duke e gelluar ne shpine dhe gafe, njera nga predhat ka tejshkuar trupin e tani te ndjerit dhe ka qëlluar edhe të dëmtuarën, e cila kishte filluar te ike ne momentin kur kishte dëgjuar krismën, pastaj personi N.N, nga canta ka nxjerre revolen tjetër, me te cilen ka shtene edhe kater here ne koken e tani te ndjerit Valmir”, thuhet në aktvendimin e Gjykatës Themelore në Prishtinë.
Në aktvendimin e Gjykatës Themelore të Prishtinës të cilin e ka siguruar televizioni, zbulohen edhe motivet e vrasjes së 11 shtatorit në Podujevë.
“I pandehuri me qëllim të hakmarrjes për shkak të një konflikti që kishte pasur më herët gjatë vitit 2022 me tani të ndjerin Valmir Breznica dhe Shaban Rushitin, tani i pandehuri Arsim ka porositur N.N që ta privoi nga jeta Valmir Breznicën dhe duke rrezikuar jetën e tjerëve të pranishëm”, thuhet më tej ”, në aktvendimin e Gjykatës Themelore në Prishtinë.
Ndërkaq, Lordi Sulja për të cilin policia po kërkon bashkëpunim nga ana e qytetarëve për ofrim të informatave për të, është nga fshati Gllamnik i Podujevës, por posedon edhe nënshtetësi holandeze.
Ulëset e deputetëve të Lëvizjes Vetëvendosje mbetën bosh. Në mungesë të tyre edhe tentativa e tretë për konstituimin e Komisionit Hetimor për rezerva shtetërore dështoi.
Bojkotimi i anëtarëve që vijnë nga partia në pushtet, u konsiderua nga opozita si ikje nga përgjegjësia.
Madje, LDK-ja propozoi që të bëhet edhe ndërrimi i deputetëve, të cilët nuk janë duke ardhur në mbledhje të komisionit.
Por, meqë në këtë komision nuk erdhën, deputetët opozitarë shfrytëzuan komisionin për ekonomi për të kërkuar llogari.
Por nga partia në pushtet thanë se këto diskutime duhet të lihen për seancë plenare.
Kështu deputetët e opozitës lëshuan mbledhjen e komisionit për ekonomi.
Mbledhja e radhës e komisionit hetimor u vendos të mbahet të premten.
